Vendimi vjen vetëm pak ditë pas kërkesës së Prokurorisë së Posaçme për zgjatjen e afateve hetimore me 3 muaj për dosjen “Bankers”, me argumentin e kryerjes së veprimeve shtesë hetimore për shkak të kompleksitetit të çështjes.

Aktualisht, CEO Xiao, është i vetmi që ndodhej në masën e arrestit në burg, ndërsa të gjithë të pandehurit e tjerë janë në masa më të buta, si arresti në shtëpi.

Hetimet lidhen me deklarime të dyshimta tatimore dhe shmangie të detyrimeve financiare gjatë periudhës 2004–2024, duke shkaktuar dëme të konsiderueshme në buxhetin e shtetit.

Sipas Prokurorisë, Bankers Petroleum, ka realizuar shitje dhe eksporte nafte në vlerën totale prej 532 miliardë lekësh, por ka deklaruar humbje çdo vit, me një total prej 11.7 miliardë lekësh, duke shmangur tatimin mbi fitimin dhe duke përfituar rimbursime të dyshimta të TVSH-së.

Së fundmi, Drejtoria e Përgjithshme e Doganave ka bllokuar aktivitetin e kompanisë për shkak të një gjobe prej 120 milionë eurosh, e vendosur në vitin 2019, pasi kompania nuk kishte paguar 30 milionë euro akcizë për holluesin.

The post GJKKO liron nga qelia CEO-n e Bankers Petroleum appeared first on Albeu.com.

Maduro, i cili do paraqitet në një gjykatë të Nju Jorkut, doli nga një automjet i blinduar që ishte pjesë e autokolonës, i veshur me uniformë kafe paraburgimi, dhe më pas u drejtua drejt një helikopteri.

Pranë tij, gjithashtu në paraburgim dhe i shoqëruar nga forcat e rendit, është një person që duket të jetë gruaja e tij.

Maduro dhe gruaja e tij, Cilia Flores, do dalin sot para një gjykate në Nju Jork, ku do të përballen me procedurat fillestare gjyqësore.

Burgu ku u transferua Maduro

Burgu MDC Brooklyn, është themeluar në vitin 1994 dhe aktualisht strehon rreth 1,300 të burgosur, burra dhe gra.

Ai është burgu kryesor federal në qytet për të mbajtur të paraburgosur që presin të dalin para gjykatave federale.

Në të kaluarën, ky burg ka strehuar figura të njohura si Ghislaine Maxwell, e dënuar për përfshirje në abuzime seksuale, këngëtarin e hip-hop Sean Combs, si dhe ish-presidentin e Hondurasit Juan Orlando Hernández, i cili ishte dënuar për trafik droge.

Po ashtu, aty mbahet dhe Luigi Mangione, i akuzuar për vrasjen e një drejtuesi të kompanisë UnitedHealth Group, në pritje të gjykimit.

Të burgosurit dhe avokatët e tyre kanë denoncuar kushtet e pahijshme dhe të ashpra të jetesës në këtë institucion.

Në vitin 2019, disa të burgosur mbetën në qeli të ngrira gjatë dimrit pas një zjarri që shkaktoi ndërprerje të energjisë dhe ngrohjes.

Në vitin 2024, dy të burgosur u vranë nga armë të improvizuar, sipas Ministrisë së Drejtësisë së SHBA-së, duke shtyrë autoritetet të ndërmarrin një operacion kundër dhunës dhe trafikut të paligjshëm brenda burgut.

Maxwell, që mbahej në MDC para dënimit të saj në 2021, kishte bërë të ditur praninë e mbeturinave dhe jashtëqitjes së brejtësve në qelinë e saj.

Megjithatë, Shërbimi Federal i Burgjeve raportoi në shtator 2025 se kushtet në burg janë përmirësuar, falë rritjes së personelit dhe reformave të tjera.

Mitchell Epner, ish-prokuror federal dhe tani avokat, vlerësoi se të gjithë të burgosurit në MDC Brooklyn janë në rrezik për dhunë nga njeri-tjetri, një rrezik që mund të jetë më i madh për dikë si Maduro, i cili mund të bëhet objektiv i bandave ose të burgosurve që kërkojnë famë.

The post Me pranga në duar dhe nën masa të rrepta sigurie, Maduro transferohet nga qelia me helikopter drejt New York-ut appeared first on Albeu.com.

“Kjo është hera e parë që kam parë një repart të tërë të marrë pjesë në një klasë ku nuk kishte ngjyrë apo përkatësi bandash, vetëm qëllimin e përbashkët të fitimit të njohurive dhe mençurisë”, vuri në dukje ai në letër.
Shoku i tij i burgosur e përshkroi Diddy-n si një “person të sjellshëm, të ndjeshëm dhe karizmatik”, duke pretenduar se e ka vëzhguar nga afër përgatitjen e muzikantit për mësimet, organizimin e tij dhe gatishmërinë e tij për të frymëzuar të tjerët. Në fakt, siç shkroi ai, ata kanë diskutuar gjithashtu krijimin e programeve që do t’i ndihmojnë të rinjtë të qëndrojnë larg rrugëve, përmes muzikës dhe sporteve.

Diddy u dënua në korrik për dy akuza të lidhura me prostitucionin pas një gjyqi dy-mujor, por u lirua nga tre akuza të tjera për trafikim qeniesh njerëzore dhe zhvatje. Prokurorët federalë po kërkojnë një dënim prej më shumë se 11 vjetësh, ndërsa avokatët e tij kanë propozuar një dënim prej 14 muajsh burgim të ndjekur nga lirim i mbikëqyrur me trajtim të detyrueshëm rehabilitimi dhe mbështetje psikologjike. Vendimi i tij për dënimin do të shpallet nga gjykatësi Arun Subramanian të premten, më 3 tetor.

The post “Mesazhi nga qelia”/ Si po i ndryshon Diddy jetët e të burgosurve? appeared first on Albeu.com.

Dokumentacioni për rekursin është regjistruar në Gjykatën e Lartë në datën 10 shtator dhe do të shqyrtohet brenda afateve ligjore.

Ndërkohë, këtë të enjte, Gjykata e Posaçme kundër Korrupsionit dhe Krimit të Organizuar, ka hedhur shortin për çështjen penale ndaj Veliajt dhe 29 të pandehurve të tjerë.

Si gjyqtare për seancën paraprake, është caktuar Etleva Deda.

Prokuroria e Posaçme (SPAK), ka ngritur një numër të konsiderueshëm akuzash ndaj kryebashkiakut të Tiranës, 13 akuza, mes të cilave korrupsion pasiv, pastrim parash dhe shpërdorim detyre.

Gjithashtu, edhe bashkëshortja e tij, Ajola Xoxa, përballet me 11 akuza penale në të njëjtën dosje.

Dosja e Veliajt per gjykim

Prokuroria thotë se hetimet provuan marrjen e rryshfeteve nga Veliaj dhe Xoxa në 9 raste. “Në përfundim të hetimeve paraprake, ka rezultuar e provuar se të pandehurit Erion Veliaj dhe Ajola Xoxa, në bashkëpunim mes tyre, në 9 raste të veçanta, kanë marrë përfitime të parregullta në formën e shumave monetare dhe pasurive të paluajtshme nga subjekte tregtare dhe organizata jofitimprurëse (përmendur më sipër), të cilët nga ana e tyre kanë marrë leje ndërtimi dhe përfituar fonde publike nga Bashkia Tiranë”, thuhet në njoftimin për shtyp. Veliaj dhe Xoxa i mohojnë akuzat.

Sipas SPAK, nga hetimi penal janë grumbulluar të dhëna konkrete “të cilat provojnë përtej çdo dyshimi të arsyeshëm se i pandehuri Erion Veliaj, në cilësinë e kryetarit të Bashkisë Tiranë, me nënshkrimin e tij ka miratuar në çdo rast shpërndarjen e këtyre fondeve”.

Prokuroria rendit në kërkesën për gjykim 13 akuza ndaj kryetarit të Bashkisë së Tiranës: 9 raste të korrupsionit pasiv, si dhe akuzat për “Pastrimi i produkteve të veprës penale ose veprimtarisë kriminale” në bashkëpunim, “fshehje pasurie” dhe “shpërdorim të detyrës”. Veliaj akuzohet gjithashtu se gjatë qëndrimit në qeli ka shkelur disa herë ligjin dhe se ka konsumuar elementët e veprës penale “Futja ose mbajtja e sendeve të ndaluara në institucionin e ekzekutimit të vendimeve me burgim”, më shumë se një herë.

Edhe bashkëshortja e kryebashkiakut, Ajola Xoxa, akuzohet për korrupsion në të njëjtat raste ku përfshihet Veliaj, si dhe për pastrim parash, fshehje të të ardhurave dhe mosdeklarim të aseteve. Prokuroria ka evidentuar blerje online të kryera prej saj në një vlerë prej 86.7 milionë lekësh, si dhe përdorim të shumave të mëdha cash jashtë sistemit bankar për pagesa qirash, pagash dhe aktivitete private.

“Provat e grumbulluara dëshmojnë qartë për disponimin dhe qarkullimin e të hollave në cash, jashtë sistemit bankar, në shuma të konsiderueshme dhe në prerje të mëdha, nga e pandehura Ajola Xoxa, bashkëshortja e të zgjedhurit vendor, Erion Veliaj. Këto shuma, të cilat vijnë si rezultat i përfitimeve të parregullta të siguruara për shkak të funksionit të kryetarit të Bashkisë Tiranë, janë përdorur për të ushqyer ndër të tjera edhe aktivitetet private tregtare të subjekteve që kontrollohen nga bashkëshortja e këtij të fundit”, thuhet në deklaratën e SPAK.

Nën akuzë janë edhe biznesmenët apo bashkëpunëtorët e çiftit: Elman Abule, Gentian Sula, Fatmir Bektashi, Meriman Palushi, Shkëlqim Fusha, Sokol Kryeziu, Mirton Lika, Linda Kazani, Erald Simixhiu, Ina Goxhaj, Frosina Bollo, Valmir Xoxa, Adela Kondakçiu, Flutur Xhani dhe Fatjon Baci. Përveç tyre, ish-deputetja e Partisë Socialiste, Klotilda Bushka akuzohet për “Veprime që pengojnë zbulimin e së vërtetës”.

The post Erion Veliaj kërkon lirimin nga qelia, caktohet data kur do të shqyrtohet rekursi i tij në Gjykatën e Lartë appeared first on Albeu.com.

Vendimi u dha nga gjyqytari i Posaçëm Erjon Çela, i cili pranoi kërkesën e SPAK për ndryshimin e masës së sigurisë ndaj tij.

Vuksani u arrestua nëntorin e vitit të kaluar me urdhër të prokurores Elida Kackini, si person i përfshirë në masakrën e Dobracit, ku u ekzekutuan Arlind Bushati dhe Hamza Lici, si dhe humbën jetën cifti i bashkëshortëve Bashkim dhe Flutura Basha.

Ngjarja e rëndë u shënua në 30 tetor të vitit 2024 në zonën e Dobraçit, ku persona të paidentifikuar qëlluan nga një automjet drejt makinës ku udhëtonin dy të rinjtë, Hamza Lici dhe Arlind Bushati.

Nga breshëria e plumbave, automjeti ku udhëtonin dy viktimat humbi kontrollin, për pasojë u përplas me një motor ku udhëtonin Flutura dhe Bashkim Basha, të cilët nuk kishin lidhje me ngjarjen.

Në automjetin e viktimave, dyshohet se ndodhej një person i tretë, i ulur në sediljen e pasme, por prokuroria nuk ka folur zyrtarisht mbi këtë dyshim.

Pasi prokuroria e Shkodrës nisi hetimet për këtë çështje, pak ditë më pas shpalli moskompetencë duke ia referuar dosjen Prokurorisë së Posaçme Antikorrupsion për grup të strukturuarar kriminal, vepër penale që është kompetencë e SPAK.

Për ngjarjen e Dobraçit, janë kryer disa veprime nga prokurorja Elida Kackini, teksa çështja është ende nën hetim.

The post Atentati me 4 viktima në Dobraç të Shkodrës/ Lirohet nga qelia Gjuljo Vuksani, dyshohet se… appeared first on Albeu.com.

Irini Shehu, u arrestua me 23 prill, pasi ishte vënë nën hetim për përndjekje të punonjësve. Ajo u shkarkua nga detyra, pasi goditi me një mjet të fortë shefin e financës, Shaban Uklala.

Edhe pas shkarkimit nga posti i drejtoreshës së Spitalit Rajonal të Dibrës, Shehu ka vijuar të kërcënojë dhe ngacmojë ish-vartësit e saj.

Vetë Shehu e cilësoi arrestimin si të padrejtë dhe të pabazuar në prova konkrete.

The post U arrestua dy ditë më parë, lirohet nga qelia ish-drejtoresha e spitalit të Dibrës Irini Shehu appeared first on Albeu.com.

Si çdo ditë tjetër ai ka vazhduar me sulm dhe akuza lidhur me prokurorin Ols Dado dhe gjykatësin Erion Bani, teksa u është shmangur akuzave për intimidim agjentësh dhe dëshmitarësh.

Veliaj: Më ka marrë malli pa fund për ju të gjithë: Familjen, Tiranën e secilin që bën punë të mira në këtë vend. Por, gjer sa të shihemi sërish, më duhet të vazhdoj çmontimin e kurthit pse jam në burg: rrezik ikje, prishje provash, rrezik shoqëror. Dje rrëzova “frikën e ikjes” prej Ols Dados e Erion Banit, pasi kisha ikur 3 herë e isha kthyer 3 herë, teksa gatuhej çarku ndaj meje.

Arsyeja e dytë pse gjykatësi Bani pranoi nga Olsi burg për mua, është rreziku i prishjes së provave. Po cilat prova do prish unë? Celularët i ka Olsi, timin dhe të nja 10 grarive në Tiranë, me të cilët mund të vojerizojë gjithë ditën e gjithë natën, të shohë çdo foto familjare, bebet, kërthizën, dhëmbin e parë, videot e fjalëve të para, fotot me gjyshin e ndjerë në plazh; të gjitha provat e nevojshme për ku e si jetojmë.

Cilat prova do të prish unë?

Kanë edhe lodrat e fëmijëve dhe ish makinën e vjehrrit. Ç’a halli kanë? Mos do vete do formoj legot, e nga traktor do bëj vapor lodër, apo do marr makinën e Ben Xoxës e do e djeg në Fushë-Krujë a Mumajes si mjet i krimit?

Çfarë provash do prish?

Do vete në Yrshek të nxjerr fakirin nga shtëpia një katëshe apo do fshij statuset për balerinët e Preljocajt? Boll u bëtë qesharakë! Po i thoni miletit se po punove do ta hash, po pate kurajo do dënohesh, po solle progres do të bëjnë gjëmën, po fitove do të të shqyejmë. Olsi Dado dhe Erion Bani, ju mendoni se jeni më të lirë se unë në burg, por ju burgun e keni në shpirt e njerëz të lirë nuk keni qenë kurrë!

Përqafime të gjithëve!

The post Veliaj ankohet nga qelia: Po cilat prova do të prish unë? Celularët i ka Olsi, kanë edhe lodrat e fëmijëve dhe ish-makinën e vjehrrit appeared first on Albeu.com.

Të dielën e kësaj jave, në reagimin e radhës kundër prokurorit të posaçëm, Ols Dado, kryebashkiaku i arrestuar i Tiranës, Erion Veliaj, bëri edhe një “lapsus frojdjan”.

Ai iu referua një prej argumentave të SPAK-ut se, ku thuhet se ka postuar në rrjetet sociale një aktivitet të balerinit Angjelin Perlocaj, i financuar nga Bashkia e Tiranës dhe i menaxhuar nga organizatat e bashkëshortes së tij, Ajola Xoxa.

“Rezulton se postimi as nuk është bërë nga unë vetë, por nga stafi i zyrës së shtypit. Tani që po e kuptoj sa “krim i rëndë” paska qenë, do të doja ta kisha bërë vetë, por ato ditë kam qenë në SHBA për një udhëtim pune”.

Veliaj e pranon edhe vetë, që ditën që ka takuar Prelocajn, njëkohësisht ka qenë edhe mijëra kilometra larg, në Shtetet e Bashkuara.

Në foto: Veliaj poston takimin me Angjelin Perlocaj në Tiranë, ndërkohë që ishte edhe në SHBA

Pohimi i tij për propagandën e rreme, gjithësesi, nuk është as e re dhe as e habitshme. Por, duket se kjo “fasada e gënjeshtërt” që ka ndërtuar prej vitesh, i është bërë pjesë e thelbit të tij, si individ dhe si qënie publike e politike.

Që prej ditës së parë që ai ka ndryshuar banesën, nga “Kodra e Diellit” në qelitë e paraburgimit të Durrësit, në 10 Shkurt 2025, Veliaj ka postuar në mënyrë të përditshme në rrjete sociale mesazhe. Në qendër të tyre janë akuzat personale ndaj njëri prej prokurorëve të dosjes, Ols Dado.

Megjithatë, tek-tuk, Veliaj jep përgjigjet e tij edhe për disa prej elementëve akuzatorë të dosjes. Ai ka përzgjedhur, gjithësesi, elementë, të cilët nuk përbëjnë thelbin e akuzave ndaj tij.

Boldnews.al, i ka analizuar pikërisht këto sqarime të Veliajt për elementët e dosjes hetimore, duke i krahasuar me gjetjet e Prokurorisë së Posaçme.

Rezultati është njëlloj si me fasadën e rremë të kasetave të gatshme. Veliaj vijon të japë informacione të pasakta, mashtruese, ose “gjysëm të vërteta”. Lideri i tij politik, Edi Rama, i konsideron “gjysmë të vërtetat” si mashtrimet më të mëdhaja.

Kronologjia e mashtrimit nga burgu

11 Shkurt– Veliaj shkruan: “Ai (prokurori i posaçëm, Ols Dado, shën red), ka shkruar në akt-akuzën haluçinante se ime shoqe ka harxhuar mbi gjysëm milionë euro për blerje online fustanësh dhe bizhuterish. …Blerjet online janë të gjitha të deklaruara dhe në një shumë disa herë më të vogël, janë bërë për shfaqjet artistike të fondacionit kulturor të sime shoqeje. Faturimi i asaj shume në një akt-akuzë, si një lumë parash i derdhur për luks, është një perversitet kriminal”.

Prokuroria e Posaçme deklaron se ka administruar disa dyzina faturash zhdoganimi për blerje on-line nga Ajola Xoxa, nëna e saj, Valbona Xoxa, “Ava Studio” e kontrolluar nga kjo e fundit, si edhe Erald Simxhiu, familjar i bashkëshortes së Veliajt, të cilat arrijnë në një total shpenzimi në vlerën 86.721.175 lekë të reja, shumë e cila nuk justifikohet me burime të ligjshme financiare.

Blerjet janë kryer në dyqane të markave të njohura, kryesisht në Britaninë e Madhe. Vlera e tyre, gati 900 mijë euro, duket e pabesueshme për autoritetet hetimore se janë kryer për aktivitete artistike.

Nga ana tjetër, SPAK-u ka administruar deklarimin e Erald Simxhiut, i cili mohon të ketë kryer ndonjëherë blerje on-line. Ai pranon se i ka dhënë kopje të kartës së identitetit të tij shtetases Ajola Xoxa, por nuk e dinte se përse ishte përdorur.

15 Shkurt- Shkruan Veliaj: “…Po edhe sikur të jetë shtëpia jonë (në Qerret, shën.red)…pse duhet ta fshihja në deklarimin tim nëse do ta kisha. A mjaftojnë dot si provë fotot e lodrave të djalit tim apo fakti që ime shoqe thërret shoqet e veta te shtëpia në plazh e të ëmës për ditëlindjen e saj?”.

SPAK dyshon se Erion Veliaj ka fshehur pronësinë e një vile në kompleksin turistik “Marea” në bregdetin e Qerretit, në Kavajë, duke e vendosur në emrin e prindërve të bashkëshortes, Valbona Xoxa dhe Arben Xoxa (tashmë i ndjerë).

Veliaj e mohon këtë fakt. Megjithatë, ai, të paktën deri më tani, nuk ka dhënë shpjegime bindëse se përse emri i tij figuron në listën e pagesave për mirëmbajtjen e vilës (6 A) ose se përse emri i bashkëshortes së tij, Ajola Xoxa, figuron në fatura pagesash për arredimin e vilës, ndërtimin e një pishine para ndërtesës e të tjera të ngjashme.

Në foto: Pagesat e kryera nga Erion Veliaj për mirëmbajtjen e vilës në Qerret

Të gjithë këto dokumenta janë administruar gjatë hetimit të Prokurorisë së Posaçme.

16 Shkurt- Shkruan Veliaj: “Madje, Ols violina, insiston se Arben Xoxa s’ka qenë kurrë në shtëpinë e tij! Po mirë, po ky në foto kush është? Ndjesë pastë, aty është edhe Ganimet Vendresha, gjyshja e ndjerë, ish-primabalerina e parë në TOB te shfaqja ‘Halili & Hajria’. Bashkë me ta, sopranoja e pianistja e njohur, duke drekuar”!

Mesazhi është shoqëruar me një foto, në të cilën dallohen personat e përmendur në postin e Veliajt.

Në dosjen e Prokurorisë, citohet deklarimi i ish-shoferit të të ndjerit Arben Xoxa, i cili deklaron se në periudhën 2019-2020, ai nuk e ka shoqëruar asnjëherë shefin e tij drejt vilës së Qerretit dhe as nuk ia ka përmendur asnjëherë. Shoferi deklaron se ka shoqëruar në Qerret Ajola Xoxën ose ka dërguar e marrë porosi në vilë, për llogari të saj.

Këtij pretendimi, Veliaj i është kundërvënë, duke këmbëngulur se vila ishte e vjehrrit të tij, i cili në atë kohë ishte sëmurë dhe ishte në pamundësi të lëvizte drejt vilës së Qerretit.

Gjithësesi, krahas shoferit, edhe të tjerë personazhe, kryesisht të mirëmbajtjes së kompleksit turistik, kanë deklaruar në dosje se kanë parë shpesh Ajolën tek vila ose kanë komunikuar me të për çështjet e mirëmbajtjes.

18 Shkurt- Shkruan Veliaj: “Më paska kapur (prokurori) me shtëpi në dorë (në Qerret) nga qelizat e telefonit tim, i cili rezulton të ketë lëshuar sinjal 87 herë në zonën Kavajë, Lekaj, Golem, Harizaj, Mali i Robit, Gosë, Synej, gjatë muajve prill-maj 2023. Gjatë vitit 2023, unë kam drejtuar fushatën zgjedhore të Partisë Socialiste në Rrogozhinë e Kavajë, (madje, dy herë në Rrogozhinë), në cilësinë e Drejtuesit Politik të Qarkut të Tiranës; dhe në vitin 2024, në po këto bashki, kam drejtuar fushatën e anëtarësimeve të reja në PS”.

Në dosjen e Prokurorisë, janë analizuar logimet e telefonit të Veliaj në zonën e Qerretit. Nga njëra anë, është e vërtetë se ai është loguar në zonën e plazhit të Qerretit dhe në kompleksin “Marea” në periudhën Prill-Maj 2023, kur zhvillohej fushata elektorale për zgjedhjet vendore të 14 Majit të atij viti.

Megjithatë, tabulatet telefonike të Veliajt kanë treguar se ai ka qenë në atë zonë, edhe në Korrik 2023, edhe në Gusht, edhe gjatë muajve të ndryshëm të vitit 2024, kryesisht gjatë fundjavave, por edhe në ditë të tjera.

Intensiteti i logimit të telefonit të Veliaj në Qerret, pra shpeshtësia e udhëtimeve të tij në atë zonë turistike, kanë bindur prokurorët se prania e tij në atë zonë nuk ka lidhje me aktivitetin politik, por me çlodhjen në atë që e konsiderojnë “vila e Erion Veliaj”.

Në foto: Detajet nga dosja hetimore për të dhënat telefonike të Veliajt

19 Shkurt- Shkruan Veliaj: “…Udhëtimi i tretë që citohet në dosje, i datës 25-27.10.2021, lidhet me një vizitë në Kiev, me një linjë të ngjashme (Sky Up), e cila sillte turistë ukrainas në Tiranë, para Luftës, me të cilën kam fluturuar për një takim zyrtar me kryebashkiakun e Kievit, Vitali Klitschko”.

Për këtë rast, SPAK-u ka identifikuar se në të njëjtin udhëtim me Veliaj ka qenë edhe Elman Abulen, një mik i tij dhe biznesmen, i cili rezulton se ka blerë piktura dhe ka kryer sponsorizime tek organizata e menaxhuara nga Ajola Xoxa, “në këmbim të favoreve të marra nga Bashkia e Tiranës”, siç citohet në dosje.

Abule, i pyetur nga prokurorët, ka deklaruar se ka qenë në udhëtim në Kiev, madje edhe ka qëndruar në të njëjtin hotel me Veliaj. Megjithatë, ai deklaron se ka udhëtuar në Ukrainë “për qejf” dhe se “shpenzimet e tij i ka paguar vetë, ndërsa për Erion Veliajn nuk e di, se ai ka qenë në udhëtim zyrtar”.

Elman Abule dhe bashkëshortja e tij, Marisa Nito, rezultojnë se kanë kryer pagesa dhe sponsorizime për “Partner Law” dhe “Harabel” të Ajola Xoxes, si edhe për organizatat e lidhura me gruan e kryebashkiakut të Tiranës.

21 Shkurt- Shkruan Veliaj: “Zëvendësministër të bën Këshilli i Ministrave dhe jo Ministri, po Ols Angoni (prokurori Ols Dado) nuk ka si t’i dijë këto…Genta Sula është një kryezonjë, kryenënë, tani edhe kryegjyshe, e për më tepër, një kryeprofesioniste nga ato që moçalit tonë i provokojnë vrer e helm”.

Komenti i Veliajt, i referohet disa të dhënave në dosje hetimore, nga të cilat përmendet fakti se Veliaj, kur ishte Ministër i Rinisë në mandatin e parë qeverisës së Edi Ramës, kishte zëvendëse Genta Sulën, bashkëshorten e biznesmenit Gentian Sula, pronari i disa kompanive, përfshirë edhe kompleksit turistik në Qerret.

SPAK e përmend këtë fakt në dosje, si një ndër detajet e shumta për të treguar afërsinë ndërmjet Veliajt dhe biznesmenit Sula.

Veliaj, krahas vlerësimeve që ka shprehur për Genta Sulën, nuk e përmend aspak në këtë status se me bashkëshortin e saj ka pasur miqësi shumë më të hershme dhe raporti ministër-zv.ministre mund të konsiderohet si raport favorizues për hir të marrëdhënieve ekstra-zyrtare me Gentian Sulën.

22 Shkurt- Shkruan Veliaj: “Konsulenca e një sipërmarrësi të nderuar si Shkëlqim Fusha, me dy avokate që ushtrojnë lirinë e profesionit pa lejen e Nesti Dados, për një projekt në jug, rezulton në akt-akuzën ndaj meje si korrupsion në Tiranë! Ja argumentimi i Kafkës tim: ka marrë leje për një bashkëfshatar, shtëpi njëkatëshe në Yrshek; ka marrë mbrapsht garancinë e punimeve në Sheshin Skënderbej; ka marrë pagesë për një nga 7 lotet e pastrimit, kur pastrimin e bënin privatët në Bashkinë e Tiranës. Kuptuat gjë? Me siguri jo…”.

Përtej faktit që biznesmeni Fusha konsiderohet si “sipërmarrës i nderuar” nga Veliaj, në dosjen hetimore të Prokurorisë së Posaçme renditen tenderat e fuqishëm, kryesisht pa garë, që ka marrë “Fusha” shpk me firmën e kryebashkiakut të Tiranës.

Gjithashtu, në dosjen hetimore citohen edhe rastet e sponsorizimeve që ka kryer “Fusha” për organizatat e lidhura me Ajola Xoxën.

Në foto: Pjesë nga dosja hetimore, ku përmenden disa nga raportet Veliaj-Fusha

Në dosjen hetimore nuk përmenden, por gjithësesi duhet kujtuar se, për llogari të “Fushës”, Veliaj shkatërroi Teatrin Kombëtar në mes të natës, duke u gdhirë 17 Maji 2020.

Fusha dhe Veliaj lidhen edhe në dy hetime të mëparshme, një për pagesa hoteli në Barcelonë dhe një tjetër për tender pishash, të cilat u mbyllën të dyja në mënyrë të dyshimtë nga Prokuroria e Tiranës në vitet 2018-2019.

23 Shkurt– Shkruan Veliaj: “Në dosjen hetimore thuhet se janë deklaruar si të ardhura edhe dietat për t’u shpenzuar jashtë shtetit në takimet zyrtare, si dhe biletat e udhëtimit për jashtë shtetit, të cilat duhet të blihen nga Autoriteti Kontraktor, Bashkia Tiranë nëpërmjet procedurës së prokurimit publik. Ndodhur në keto kushte, lind pyetja kush ja ka mbuluar shpenzimet jashtë shtetit shtetasit Erion Veliaj përderisa ka kursyer dietat…. Çfarë tmerri të merresh në vitin 2025 me lodrat e një truri si të Sigurimit të Shtetit në vitin 1975!”.

Veliaj ka shkurtuar konkluzionin e Prokurorisë së Posaçme për pasurinë e tij, të cilin e ka nxjerrë pas analizimit të të gjitha deklaratave të pasurisë ndër vite.

Në dosje hetimore citohet: “Nga analiza e deklaratave të pasurisë të shtetasve Erion Veliaj dhe Ajola Xoxa, rezulton se nuk është deklaruar asnjë shpenzim për arredim/mobilim edhe pse disponojnë zyra e apartamente të deklaruara”.

Në foto: Rezultatet e analizës së SPAK mbi deklaratat e pasurisë së Veliaj-Xoxa

Në vijim, në lidhje me deklarimin e dietave si të ardhura, të cilën e citon edhe Veliaj në statusin e tij, Prokuroria e Posaçme vijon sqarimin logjik: “Kush ia ka mbulur shpenzime subjektit Veliaj, përderisa ka kursyer dietat dhe përse duhet të kalojnë në llogarinë e tij bankare shpenzimet e biletave, të cilat, sipas akteve ligjore e nënligjore në fuqi, duhet të sigurohen nga institucioni, nëpërmjet procedurave të prokurimit publik…”.

24 Shkurt- Shkruan Veliaj: “Ky është një nga dialogjet në thertoren e Erion Kasapit! Lexojeni se me çfarë gjuhe flet prokurori i SPAK-ut, aq të ulët sa edhe Erion Kasapi duket xhentëllmen para tij!”.

Statusi në rrjete sociale shoqërohet me një fletë, që pretendohet si proces-verbal i seancës për vlerësimin e masës së sigurisë për Veliaj në 12 Shkurt. Sipas kësaj letre, prokurori Ols Dado i është drejtuar Veliajt me fjalën “ndyrësirë”.

Reagimet zyrtare të Gjykatës së Posaçme dhe Prokurorisë së Posaçme, referuar proces-verbalit dhe regjistrimit audio të seancës, treguan se prokurori nuk kishte përdorur fjalorin fyes ndaj Veliajt. Pra, pretendimi i kryebashkiakut të arrestuar doli fiasko.

25 Shkurt- Shkruan Veliaj: “…Meriman Palushi paska marrë leje për shtëpi dykatëshe në katund. Online. Dhe qenka nën akuzë! “Ka ndihmuar aktivitete në Tiranë!”. Unë s’e njoh, ndërsa ai në më njeh, më njeh vetëm nga televizori….”.

Meriman Palushi është një biznesmen, i vendosur nën masën e detyrimit për paraqitje, i dyshuar nga Prokuroria e Posaçme se ka kryer korrupsion aktiv me kryetarin e Bashkisë së Tiranës, Erion Veliaj.

Në fakt, Meriman Palushi dhe kompania e tij “Palushi” shpk, rezulton që të ketë marrë më shumë leje ndërtimit se sa ajo “godina 2-katëshe” që deklaron Veliaj në statusin e tij.

Në foto: Rezultatet e analizës së SPAK mbi deklaratat e pasurisë së Veliaj-Xoxa

Sipas informacionit të administruar nga SPAK, “Palushi” shpk ka përfituar të paktën dy leje të tjera ndërtimi me firmën e Veliaj, për godina 8-katëshe dhe 10-katëshe.

“Palushi” shpk rezulton që të ketë rreth 50 mijë euro sponsorizime për organizatat e lidhura me Ajola Xoxën, gjatë vitit 2023.

28 Shkurt- Shkruan Veliaj: “…Në Roterdam kam shkuar me ftesë dhe shpenzime të mbuluara (shih foton e dokumentit origjinal të kohës në foto-album) nga OMA – Office of Metropolitan Architecture – shtëpia më e madhe e Arkitekturës… Gruaja ime NUK ka qenë në atë udhëtim, jam shoqëruar nga drejtori i Urbanistikës në atë kohë; pra, ishte udhëtim pune, jo qejfi”.

Në këtë status, Veliaj i referohet gjetjeve të SPAK-ut, në bazë të të cilave ai ka udhëtuar në Roterdam të Hollandës me shpenzimet e biznesmenit të ndërtimit, Fatmir Bektashi, pronar i kompanisë “Kontakt” shpk. Sipas dosjes hetimore, pas këtij udhëtimi, Veliaj i dha lejen Bektashit për ndërtimin e kompleksit të banimit “Mangalem 21”, në zonën e “Ali Demit”.

Biznesmeni Fatmir Bektashi, në deklarimet e tij para prokurorëve, ka deklaruar se “udhëtimi në Roterdam është bërë përpara se të bëhej projekti Mangalem 21 dhe të dilte leja e ndërtimit të tij,” argumenton SPAK.

Sipas Bektashit, “arsyeja e udhëtimit lidhet me një takim me kompaninë arkitekturore, OMA në Roterdam dhe kompania Kontakt i kishte kërkuar Erion Veliajt që të ishte në takim me qëllim që të njihej me projektin dhe ta miratonte atë”.

Gjykata, në vendimin e masës për kryebashkiakun e Tiranës, rikthen në vëmendje se, për një situatë tërësisht të ngjashme, ish-Gjykata për Krime të Rënda ka shpallur fajtor tre gjyqtarët, në çështjen që njihet si “El Classico”. /B.news

The post Faktet përballë propagandës/ Të gjitha të pavërtetat e Veliajt nga qelia appeared first on Albeu.com.

Në mesazhin e tij, Veliaj shtron pyetjen se përse ndodhet në burg, ndërsa thekson se është dënuar pa prova dhe pa një proces të rregullt gjyqësor.

Ai ironizon akuzat ndaj tij, duke vënë në dukje se dyshohet për korrupsion dhe pastrim parash që nga viti 2004, në një kohë kur ishte vetëm 25 vjeç dhe nuk kishte njohje me personat e përmendur në dosje.

“Po unë isha në Gjermani në ditën e bastisjes dhe u ktheva menjëherë! Udhëtova edhe 2 herë në SHBA dhe u ktheva sërish. Ku është rreziku? Ku është arratisja”?– shkruan Veliaj, duke kundërshtuar arsyetimin e gjykatës se mund të largohej jashtë vendit për t’iu shmangur drejtësisë.

Ai e përmbyll mesazhin me tone ironike, duke thënë se do të vijojë të flasë në ditët në vijim për akuzat ndaj tij dhe për atë që ai e quan “rrezikshmëria e tij shoqërore”.

Reagimi i Erion Veliajt:

27 vjet vetmi
Mirëdita dhe agjërim të lehtë të gjithë vëllezërve dhe motrave.

Duke qenë se e keqja as nuk agjëron, as nuk pushon, por ushqehet përditë me ligësi dhe mashtrim, lipset që edhe unë, edhe ne, ta luftojmë përditë haramin që na rrethon.

Pasi u procedova me letrën anonime të Nesti Angonit, pasi u shpalla “i dënuar” që në faqe të parë, dhe pasi u parashtruan “krimet” që variojnë nga lodrat e djalit, te fushata në Rrogozhinë e Kavajë, dhe nga statuset e Facebook-ut tek ato në Instagram, lind pyetja:
Po në burg pse jam?

Thosh edhe Kafka te “Procesi”, mirë që jam fajtor pa faje e pa fakte, po dënimin pa gjyq pse? Tre janë faktorët që duhet të ketë parasysh Gjykata: rreziku i ikjes, prishja e provave dhe rrezikshmëria shoqërore.

T’i marrim me rradhë:

Rreziku i ikjes

Gjyqtari Bani arsyeton se meqë Ols Dado më akuzon për vepra që dënohen me 12 dhe 15 vjet – pra, 27 vite burg – unë do ikja nga Shqipëria. Po, po, ja lexojeni:

“Mund të arrihet në përfundimin logjik ligjor në formën e mundësisë së arsyeshme, mbi mundësinë reale të ikjes nëse nuk ndërhyhet për të caktuar një masë shtrënguese për këtë shtetas”.

Dyshohem nga Ols Dado se kam konsumuar 9 herë veprën penale të “Korrupsionit Pasiv të funksionarëve të lartë shtetëror ose i të zgjedhurëve vendor”, kryer në bashkëpunim, duke filluar që nga viti 2004, në moshën 25 vjeçare, bashkëpunim me persona që as i kam njohur atëherë dhe as kam parashikuar që do i njihja në të ardhmen.

Dyshohem nga Ols Dado se kam kryer më shumë se një herë veprën penale të “Pastrimit të produkteve të veprës penale ose vemprimtari kriminale”.

E kuptuat? Meqë Olsi do kërkojë 27 plus vite burg, më duhet të burgosem që pa nisur gjyqi fare. Po unë isha në Gjermani në ditën e bastisjes dhe u ktheva menjëherë! Udhëtova edhe 2 herë në SHBA në 30 dhjetor dhe 20 Janar dhe u ktheva sërish. Ku është rreziku? Ku është arratisja? A nuk do mjaftonte masa e mbajtjes së pasaportës, që edhe ikja nga Olsi e Bani të mos cënohej, por edhe unë të vazhdoja punët për Tiranën, që s’duhet ndalur asnjë moment?

Por, siç komentonte Kafka për përndjekësit e tij tek “Procesi”: “Unë as e mendoj të iki nga këta dy përndjekës kaq shembullorë, të cilët më janë qepur pas me kaq zell dhe pasion, sa thuajse më dhimbsen t’i lë vetëm në gjykatë”.

Kjo për rrezikun e ikjes, nesër e pasnesër do të flasim për rrezikshmërinë time të lartë shoqërore.
Ju dua të gjithëve!

The post Erion Veliaj reagon nga qelia: Duan të më dënojnë me 27 vjet burg, ika dy herë në SHBA dhe u ktheva sërish appeared first on Albeu.com.

Ai shkruan se prokurori Ols Dado, ka stisur aq shumë në dosjen e rremë kundër tij, saqë i ka faturuar si korrupsion edhe lejen për ndërtimin e një banese një katëshe të një familjeje në Yrshek.

Postimi i Veliajt:

“Prokurori ndërtues Ols Dado ka stisur aq shumë në dosjen e rremë kundër meje, saqë më ka faturuar si korrupsion edhe këtë shtëpi modeste 1-katëshe, që një familje e nderuar nga Yrsheku, me kursime e borxhe, ka ndërtuar me dokumentacionin ligjor të dhënë nga shoqëria “Fusha”. Prokurori ndërtues e di shumë mirë që për të aplikuar për leje ndërtimi, si për një shtëpi 1-katëshe, ashtu edhe për një pallat shumë katësh, ligji kërkon që ndërtimi të bëhet nga një shoqeri me licencat përkatëse.

Familja punëtore nga Yrsheku, ndryshe nga prokurori ndërtues, nuk është paraqitur asnjëherë në Bashkinë e Tiranës për t’u interesuar për lejen e ndërtimit dhe ec e merre vesh tani se si paskam bërë unë korrupsion me Fushën, për këtë shtëpi me sipërfaqe 90 m2”, shkruan Veliaj.

The post Veliaj reagon sërish nga qelia: Ols Dado ka stisur shumë dosje të rreme kundër meje appeared first on Albeu.com.