Në minutën e 10’ ai u tregua i saktë nga pika e bardhë e penalltisë duke kaluar në avantazh Rizespor përballë Antaliaspor.

Laçi nuk shënonte prej 19 janarit ndërsa ka dhënë 3 asiste deri tani për vitin 2026.

GOLI I LACIT

The post VIDEO/ Qazim Laçi nuk fal para portierit appeared first on Albeu.com.

Kuqezinjtë do të zhvillojnë pasditen e sotme seancën e parë stërvitore, ndërkohë që Elseid Hysaj dhe Qazim Laçi dolën në konferencë për mediat dhe folën për ndeshjet me Serbinë dhe Letoninë.

Elseid Hysaj u shpreh se kjo ndeshje është shumë e rëndësishme, pasi Serbia është kundërshtari direkt për vendin e dytë. Mbrojtësi kuqezi theksoi faktin që kjo ndeshje duhet të shihet vetëm si një sfidë futbolli dhe ekipi duhet të jetë i përqendruar për të dhënë maksimumin në fushë.

Ndeshja me Serbinë? – Kjo është ndeshje e rëndësishme sepse janë ndër kundërshtarët më direkt me ekipin tonë. Marrëdhëniet në vendet tona nuk duhet të hyjmë ne futbollistët, ka kush merret me këtë punë. Ne duhet të luajmë ndeshjen tonë, të jemi të përqëndruar, të qetë, e dimë që është kundërshtari jonë direkt, dhe mos mendojmë për probleme anasjellas siç mund të kenë.

Ndeshja me Serbinë? – Kjo është një ndeshje shumë e rëndësishme, sepse ata janë kundërshtarët më të drejtpërdrejtë të ekipit tonë. Marrëdhëniet mes dy vendeve tona nuk janë çështje për ne futbollistët, ka të tjerë që merren me këtë. Ne duhet të përqendrohemi në lojën tonë, të jemi të qetë, të përqendruar. E dimë që është kundërshtari jonë direkt. Nuk duhet të merremi me probleme të tjera që mund të ekzistojnë jashtë fushës.

Mendoni se keni një rol kyç për atë që duhet t’u transmetoni lojtarëve për këtë ndeshje? – Të gjithë futbollistët janë të përqendruar dhe e dinë shumë mirë sa e rëndësishme është kjo ndeshje, si për ne, por edhe jashtë futbollit. Ka shumë tifozë që e presin me padurim. Sigurisht që kam folur me disa lojtarë, si për lidhjet tona të mëparshme, ashtu edhe për ndeshjet që kemi luajtur së bashku. Të gjithë e njohin historinë e Shqipërisë. U kam thënë vetëm të jemi të qetë dhe të japim më të mirën në fushë.

Ndeshje me presion? – Po, mund të ketë presion, por mendoj që është presion pozitiv, që të shtyn të zbresësh në fushë me forcë dhe guxim. Është një ndeshje e veçantë, por mbi të gjitha është një ndeshje futbolli. Të gjithë duhet ta kuptojnë këtë. Duhet të futemi në fushë të qetë dhe të japim maksimumin për të fituar dhe për të marrë tri pikë.

Ndeshja me Serbinë në vitin 2014? – Të gjithë e panë atë ndeshje. Nuk ishte një imazh i mirë për futbollin dhe nuk duhet të përsëritet ajo që ndodhi atëherë. Kjo është një ndeshje shumë e rëndësishme. Luajmë për shtetin, për tifozët, për kombin. Nëse fitojmë, do të jetë një krenari e madhe për të gjithë ne. Duhet të jemi të qetë dhe të kuptojmë se jemi futbollistë. Jemi këtu për të kënaqur tifozët dhe për të dhënë gjithçka për fitoren.

Gjendja fizike? – Unë jam mirë. Jam rikthyer nga një dëmtim dhe tani ndjehem shumë mirë. Edhe të tjerët janë në gjendje të mirë. Është fundi i kampionatit, ndoshta ka pak lodhje, por nuk mendoj se do të ndikojë. Në stërvitje djemtë janë shumë të përqendruar. Kjo është një ndeshje e veçantë që duhet ta luajmë me zemër dhe shpirt, siç kemi bërë gjithmonë. Edhe pse mund të ketë një tifozeri të zjarrtë, ne duhet të jemi të qetë në fushë.

Trajneri Silvinjo? – Trajneri bën punën e tij. Gjithmonë na këshillon të jemi të qetë dhe të mos e marrim me presion këtë ndeshje. Jemi të gjithë profesionistë dhe të vetëdijshëm për rëndësinë e ndeshjes. E dimë që Serbia ka lojtarë të mirë dhe një skuadër të fortë. Shumë prej nesh kemi luajtur kundër tyre në Serie A dhe në kampionate të tjera. Edhe ata e dinë që jemi një ekip që lufton dhe që mund ta fitojë këtë ndeshje.

Sa të rëndësishme janë këto tri pikë për objektivin “Botëror”? – Të gjitha ndeshjet në grup janë të rëndësishme, por kjo është direkte për objektivin tonë. E dimë që Anglia është një skuadër shumë e fortë, por kundër Serbisë mund të luajmë shumë mirë letrat tona. Kemi mundësinë ta fitojmë ndeshjen.

Qazim Laçi tha se ndeshja me Serbinë është e fortë dhe se ekipi do të përgatitet për të marrë maksimumin nga kjo sfidë. Mesfushori luftarak shtoi se lojtarët janë profesionistë dhe do të japin zemrën në fushë.

Serbia shihet në letër si një kundërshtar më i fortë se Shqipëria, a është ky një avantazh për ne? – Kemi një ndeshje shumë të fortë, luajmë brenda në shtëpi, nuk është njëra apo tjetra skuadër e favorizuar, jemi të barabartë dhe do të duket brenda në fushë. Ne do të përgatitemi nga ana jonë për fitoren, ajo ka rëndësi për momentin. Do të mundohemi ta marrim ndeshjen si profesionistë dhe mos emocionohemi aq shumë si njerëzit jashtë. Është gjë e mirë kjo, se dhe ne në fushë mund të japim më shumë.

Thirrje për tifozët? – Besoj tifozët do të jenë gjithmonë pas nesh, siç kanë qenë gjithmonë. Patjetër është ndeshje shumë e veçantë, vetëm duhet me pas kujdes. Tifozët në gjithë këto vite që jam këtu nuk kanë bërë asnjëherë gjëra të këqija. Besoj do të jenë korrektë. I presim në stadium, na ndihmojnë dhe mbështesin sa më shumë.

Gjendja fizike e skuadrës? – Nga ana fizike të gjithë lojtarët do të përgatitemi mirë, por mentalisht besoj do të jetë më e rëndësishme. Fizikisht shumë lojtarë nuk do të jetë e lehtë të jenë në nivelin e duhur, por nga ana e mentalitetit duhet të jesh aty dhe këtë do ta tregojmë. Kur je mentalisht i fortë, ndihmon edhe trupin të jesh fizikisht mirë.

Ndeshje përballë rivalit direkt ndaj vendit të dytë, çfarë duhet të bëjë Shqipëria për të fituar ndeshjen? – Kemi një shans të madh sepse e luajmë në shtëpinë tonë. Kjo do të jetë forca jonë, besoj. Nga minuta e parë duhet të futemi me mendimin për të fituar ndeshjen, emocionet t’i lëmë jashtë. Duhet të punojmë në stërvitje, disa gjëra që kemi biseduar me trajnerin shpresoj të dalin edhe në fushë.

Më mirë në Shqipëri apo Serbi ndeshja e parë? – Nuk ka rëndësi, jemi profesionistë, do të merremi në aspektin e futbollit. Është gjë e mirë që kemi ndeshje në shtëpinë tonë, do të kemi mbështetjen e tifozëve, do të mundohemi të japim maksimumin për 3 pikëshin që do të jetë i rëndësishëm dhe për kualifikimin në Botëror.

Sa zemër do të kërkojë sfida me Serbinë? – Nuk besoj që ekipit kombëtar i mungon zemra. E kemi treguar gjithmonë. Lojtarët kanë edhe mentalitetin dhe zemrën për ta fituar këtë ndeshje.

Sa ekziston rreziku të nënvlerësojmë ndeshjen me Letoninë, që është pas përballjes me Serbinë? – Për mendimin tim nuk kemi pasur asnjëherë ndeshje të lehtë. Duhet me pas gjithmonë në mendje që kemi dy ndeshje. Nuk është vetëm ndeshja me Serbinë, edhe me Letoninë. Një fitore me Serbinë duhet të lidhet me fitoren në Letoni dhe do të jetë aq më mirë për të gjithë.

E keni pyetur Hysajn se çfarë mbart një ndeshje përballë Serbisë. Çfarë ju ka sugjeruar? – Thjesht ka ndihmuar nga aspekti psikologjik si ta mendojmë këtë ndeshje dhe ta fitojmë. Gjëra të tjera janë për njerëz të tjerë.

The post Hysaj dhe Laçi: Përballja me Serbinë vetëm një ndeshje futbolli, të jemi të përqendruar në fushë appeared first on Albeu.com.

Mesfushori kuqezi i Spartës së Pragës, me një gjakftohtësi të jashtëzakonshme ka arritur të gjejë rrugën e rrjetës në debutimin e tij në kompeticionin më të rëndësishëm në rang klubesh, ndërsa skuadra e tij ka arritur të fitojë me rezultatin 3-0 përballë Salzburgut.

E nisi ndeshjen si titullar dhe arriti të shënojë në minutën e 58-të, lëvizje e zgjuar dhe topi në rrjetë për të firmosur 3-0. Më parë kishin shënuar Kairinen 2’ dhe Olatunji 42’.

Laçi u zëvendësua në minutën e 84-ët nga Lukas Sadilek. Nga lojtarët e tjerë shqiptarë, pjesë e Spartës, në minutën e 64-ët u aktivizua dhe Albion Rrahmani, ndërsa Ermal Krasniqi zbriti në fushë në minutën e 72-të. Indrit Tuci qëndroi në stol gjatë gjithë lojës.

The post Qazim Laçi, debutim ëndrrash në Champions appeared first on Albeu.com.

Fillimisht ishte Laçi që asistoi në minutën e 41-të për Ross, i cili shënoi golin e 2-1. Më pas në skenë u shfaq dyshja Krasniqi-Tuci, me të parin që asistoi dhe i dyti shënoi për të mbyllur të gjitha llogaritë në minutën e 71-të me një rezultat 4-2.

Laçi u zëvendësua në minutën e 69-të nga Solbaken. Tuci u aktivizua në minutën e 69-të, shënoi në minutën e 71-të, ndërsa Krasniqi luajti 90 minuta.

The post Protagonistë në Champions: Tuci shënon, Laçi e Krasniqi asistojnë appeared first on Albeu.com.

Pas ndeshjes foli Emin Laçi, babai i mesfushorit të Kombëtares. Në lidhje të drejtpërdrejt me Euronews Albania, shprehu emocionet teksa tregoi se e kanë ëndërruar si moment.

“Ishte një ëndërr që e ëndërroja gjithë jetën dhe çuni. Kur preku topin e parë, i thashë bashkëshortes time që do të bëjë gol sot, por nuk më doli parashikimi se unë thashë që do të fitojmë 2-1, por dolëm 2 me 2.

Unë i kam thënë djalit të jesh i gatshëm gjithmonë, kur do luajë e di trajneri edhe dy minuta të futet, djali është i detyruar të japë shpirtin sepse ata janë 26 trimat më të mirë të kombit”, u shpreh i ati i Qazim Laçit.

The post Goli i Qazim Laçit krijoi iluzionet e fitores, i ati: E ëndërronte! Duhet të japë shpirtin për Kombëtaren appeared first on Albeu.com.

Mesfushorin e Spartës nuk po e mban vendi, teksa pret me padurim si të gjithë shqiptarët që të fillojë ky turne.

Gjithashtu Laçi është shprehur se lojtarët me shumë eksperiencë po ndihmojnë të gjithë të tjerët.

“Ne kemi ardhur deri këtu me meritë dhe në ndeshjen kualifikuese kemi dhënë maksimumin dhe kështu do vazhdojmë që të punojmë sa më mirë.

Gjithmonë po flasim dhe komunikojmë me njëri-tjetrin dhe këto lojtarë me eksperiencë që kemi po na ndihmojnë shumë si duhet të paraqitemi në çdo ndeshje dhe stërvitje”, u shpreh mesfushori.

The post “Mezi po presim që të fillojë Europiani”! Qazim Laçin nuk po e mban vendi: Ndeshja me Italinë do jetë pak stresuese appeared first on Albeu.com.

Në Doosan Arena (Plzen), ndesha u luajt me ritëm të lartë, edhe pse në pjesën e parë mungoi goli.

Në pjesën e dytë, autogoli i Dueh kaloi Spartën në epërsi, ndërsa pak më vonë Chory vendosi ekuilibrat.

Në shtesë, Sparta siguroi suksesin me golin e Birmancevic. 28-vjeçari shqiptar, Qazim Laçi ishte titullar në këtë takim për skuadrën e Priske.

Mesfushori kuqezi i Spartës së Pragës luajti 90 minuta.

The post Qazim Laçi feston në fushë, Sparta e Pragës fiton Kupën e Çekisë appeared first on Albeu.com.

Ky i fundit dha një pasim të përkryer për Kushtën, i cili e dërgoi topin në rrjetë. Por ajo që tërhoqi vëmendjen ishte se askush nuk shkoi të festonte me autorin e golit. Përkundrazi, të gjitë rendën të festonin me Qazim Laçin.

The post VIDEO / Askush nuk shkon te autori i golit, të gjithë festojnë me Qazim Laçin appeared first on Albeu.com.

Me atë rast, tifozët vendas vendosën dhjetëra flamuj në tribunë me sloganet “Kosova është zemra e Serbisë”, “Jo dorëzim”…

Nuk është hera e parë që tifozët e këtij klubi përgatitin një aksion të ngjashëm. Në 2017, gjatë një ndeshje kundër Zvezdës, tifozët e Spartës kënduan këngë për Kosovën dhe Serbinë. /Sport Ekspres/

The post Nuk ndryshojnë as me dy shqiptarë në ekip, tifozët e Spartës së Pragës: ‘Kosova është zemra e Serbisë’ appeared first on Albeu.com.

Luftarak, me grintë dhe gjithmonë i gatshëm të japë “shpirtin në fushë” për skuadrën e tij. Këto janë arsye që tifozët janë të “marrosur” pas tij dhe jo vetëm, pasi respekt maksimal për të tregojnë edhe shokët e tij të skuadrës, si dhe stafi teknik, të cilët janë mjaft të lumtur me performancat e tij, në tapetin e blertë.

Këtë të premte, skuadra e Sparta Prague ka publikuar edhe një video në profilin e tyre zyrtar, në “Facebook”, nga rikthimi i tij, në skuadër, pas pushimeve dimëore, ku duket qartazi respekti dhe konsideratia që kanë për 27-vjeçarin nga Dibra, i cili tashmë nuk do të jetë më shqiptari i vetëm në skuadrën e tij.

Si shok skuadrë, tashmë do të ketë sulmuesin e talentuar, kurbinas, Indrit Tucin, me 23-vjeçarin, që u transferua gjatë muajit dhjetor për shifrën e 1 milionë eurove, nga skuadra e Lokomotiv Zagreb, pas performancave fantastike të bëra këtë sezon, ku arriti të shënojë plot 6 gola, si dhe të dhurojë 3 asistime, në 17 përballjet e zhvilluara.

Performanca fantastike, në fushën e blertë, këtë sezon ka arritur të bëjë edhe Qazim Laçi, me mesfushorin e Kombëtares “Kuqezi”, që deri më tani numëron plot 27 ndeshje, me Sparta-n e tij, ku madje ka arritur të shënojë edhe 2 gola, si dhe të dhurojë 7 asistime, teksa kujtojmë që është gjithashtu në garë për tituj, teksa në kampionat udhëheqin në vendin e parë me 5 pikë diferencë, ndërsa në raundin e radhës së Europa League do të përballen me turqit e Galatasaray. /abcnews.al

The post I “preferuari” i të gjithëve, Qazim Laçi pritet si “hero” te Sparta Prague appeared first on Albeu.com.