Autoritetet gjyqësore belge kanë kërkuar heqjen e imunitetit të Marc Tarabellës, vendbanimi i të cilit është kontrolluar. Ai mohon çdo përfshirje në skandal, por pranon se bëri një udhëtim të paguar me të gjitha shpenzimet në Katar në shkurt 2020 pa e deklaruar atë në Parlamentin Evropian, siç iu kërkua të bënte.

“Ai ishte i ftuar për një konferencë. Organizata e pagoi. Ai nuk e ka deklaruar akoma. Më pas u nis për në Ganë, pastaj është Covid”, tha avokati i tij për rrjetin RTL.

“Nuk ka asgjë të paligjshme për të bërë një udhëtim të paguar nga një organizatë”, këmbënguli avokati, duke theksuar se deputeti ” shkoi për të parë ndërtimin e stadiumeve dhe kërkoi të takohej me punëtorët.”

Të mërkurën, eurodeputetja belge Marie Arena pranoi gjithashtu se ajo dështoi të deklaronte një mision në Katar në maj 2022 të paguar nga Emiratet dhe fajësoi sekretariatin e saj për “një dokument mjaft të komplikuar për t’u plotësuar”, sipas deklaratave të saj për shtypin belg.

Marie Arena ka dhënë dorëheqjen si kryetare e Nënkomitetit të të Drejtave të Njeriut të Parlamentit Evropian, një post i mbajtur më parë nga Pierre-Antonio Pantzeri.

“Ky vendim është marrë për shkak të sulmeve politike dhe shtypit që dëmtojnë imazhin tim, si dhe të gjithë punës që është bërë në kuadër të nënkomisionit”, kishte shpjeguar ajo për agjencinë Belga, duke përsëritur se ka bërë. asgjë të keqe dhe se ajo nuk është hetuar, as nuk ka pasur kërkesë për heqjen e imunitetit të saj. /albeu.com

The post Skandali i “Qatargate” vazhdon në Bruksel, të tjerë eurodeputetë të përfshirë? appeared first on Albeu.com.

Duke cituar burime nga Parlamenti Evropian, Politico raporton se presidentja e këtij institucioni, Roberta Metsola, do të paraqesë gjithsej 14 propozime si pjesë e përpjekjes për të shmangur skandalet e reja të stilit Katargate.

Sipas Politico, ky është plani me 14 pika:

– Ish-deputetët e Parlamentit Evropian do të ndalohen të jenë aktivë si lobistë për dy vjet pas përfundimit të mandatit të tyre.

– Kushdo që hyn në ambientet e Parlamentit Evropian në Bruksel dhe Strasburg do të kërkohet gjithashtu të deklarojë se kë do të takojë.

– Në të njëjtën kohë, eurodeputetëve do t’u ndalohet krijimi i grupeve joformale të miqësisë me vendet jo anëtare të BE-së.

– Eurodeputetëve do t’u kërkohet gjithashtu të japin informacion mbi burimet e tyre të tjera të të ardhurave.

– Zyrtarët e BE-së do të kryejnë kontrolle të rastësishme për grupet lobuese të regjistruara në regjistrin e transparencës së BE-së.

– Kushdo që përfaqëson interesat e vendeve jo anëtare të BE-së do të duhet të përfshihet në regjistrin e transparencës në mënyrë që të veprojë si lobist.

– Ata që punojnë si ndihmës të eurodeputetëve dhe nëpunës civilë të Parlamentit Evropian nuk do të lejohen të kenë poste drejtuese në OJQ në të njëjtën kohë.

– Eurodeputetët, ndihmësit e tyre dhe nëpunësit civilë që punojnë në Parlamentin Evropian duhet të tregojnë se me kë takohen kur diskutojnë punën aktuale legjislative, pavarësisht nëse këto takime zhvillohen në ambientet e Parlamentit Evropian apo jo.

Shumë nga propozimet e Metsola mund të fillojnë të zbatohen menjëherë në muajt në vijim, nëse sigurisht miratohen nga Parlamenti Evropian. Presidentja e Parlamentit Evropian do të prezantojë propozimet e saj të enjten, në një takim me dyer të mbyllura me krerët e nëntë grupeve politike të Parlamentit Evropian.

Kredibiliteti i Parlamentit Evropian pësoi një goditje në dhjetor kur autoritetet belge nisën një hetim ndaj deputetëve aktualë dhe ish-deputetëve të eurodeputetëve të akuzuar për ryshfet nga Katari dhe Maroku.

Kur skandali u zbulua muajin e kaluar, Metsola e përshkroi atë si një sulm ndaj Republikës së BE nga fuqitë e huaja. /albeu.com

The post BE bën gati planin për të ndaluar një “Qatargate” të dytë, eurodeputetët do të japin llogari edhe me kë takohen appeared first on Albeu.com.

Për një qytetar, skandali i Qatargate është tronditës: ideja që zyrtarët e zgjedhur do të merrnin ryshfet nga një prej regjimeve më represive në botë, në këmbim të nënvlerësimit të shkeljeve të rënda të të drejtave të njeriut është shokuese.

Por për ne që kemi punuar prej vitesh për të hedhur dritë mbi korrupsionin në BE, ky skandal i fundit nuk është një tronditje, madje as një surprizë; është vetëm maja e ajsbergut. Është produkt i viteve të neglizhencës nga zyrtarët evropianë kur bëhet fjalë për praktikat lobuese të regjimeve represive.

Në Observatorin e Korporatave të Europës (CEO) ne punojmë për të ekspozuar këto praktika, por ne gjithashtu shkojmë më tej sesa thjesht të kërkojmë transparencë: herë pas here kemi denoncuar papërshtatshmëritë serioze të rregullave që qeverisin lobimin ndaj politikanëve dhe institucioneve europiane.

Për dekada, regjimet represive janë afruar drejtpërsëdrejti me politikanët  dhe zyrtarët në një përpjekje për të ndikuar në politikë, duke përfshirë dhuratat dhe ryshfetet. Dhe ata gjithashtu kanë nënkontraktuar diplomacinë e tyre me kompanitë e PR-it, lobistët dhe grupet e influencimit, si dhe bizneset e mëdha.

Puna e lobistëve shpesh përfshin zbardhjen e reputacionit ttë diktatorëve, promovimin e marrëveshjeve fitimprurëse të tregtisë dhe investimeve me shtetet totalitare, lobimin kundër sanksioneve ose dhe vetë njollosjen e disidentëve.

Pavarësisht nëse lobojnë në institucionet e BE-së apo në kryeqytetet e saj, ata zakonisht punojnë në hije pa frikë reale nga sanksionet, pasi Regjistri i Transparencës i BE-së nuk përfshinë detyrime ligjore.

Krahasoni këtë me SHBA-në – ku Akti i Regjistrimit të Agjentëve të Huaj të Shteteve të Bashkuara (FARA), kërkon që të gjithë lobistët që punojnë për çdo qeveri të huaj të regjistrohen, të publikojnë kontratat dhe të zbatojnë sanksionet ligjore  dhe kjo është pikërisht pika ku mund të fillojmë të kuptojmë shkallën e  vërtetë të problemit që ka BE-ja.

Në vitin 2015 ne publikuam një raport mbi firmat europiane të PR-it që po përpiqeshin të tregonin figurën e regjimeve brutale. Ai përfshin 18 raste studimore të firmave dhe konsulentëve të PR-it që punojnë në Europë për regjime të dyshimta të akuzuara për krime lufte dhe shkelje të të drejtave të njeriut.

Në veçanti, raporti tregon se në vitin 2014, Katari u bë klienti më i madh i firmës lobuese Portland Communications, e cila u implikua nga transmetuesi publik Channel 4 për praktikën e të ashtuquajturës “astroturfing”, një teknikë e falsifikimit të një lëvizjeje spontane popullore, në këtë rast, tifozët e futbollit u paraqitën sikur mbështesnin ofertën e Dohas për Kupën e Botës.

Ndërmjet viteve 2012 dhe 2014, regjimi i Azerbajxhanit dërgoi miliarda dollarë përmes kompanive në det të hapur për të paguar ryshfete, duke përfshirë ato të përfshira në mega-tubacionin Itali-Azerbajxhan, të ashtuquajturin “korridori jugor i gazit”.

Zyrtarët europianë më pas morën pjesë në zbardhjen e një tjetër problemi të një regjimi tjetër represiv duke minimizuar mashtrimin e zgjedhjeve dhe shkeljet e rënda të të drejtave të njeriut.

Ju duket e njohur?

Dhe pastaj vjen lobimi për Kremlinin, miqtë e tij të pasur dhe kompanitë ruse si Gazprom, i cili ka vazhduar në Bruksel prej vitesh. Kur presidenti Vladimir Putin aneksoi Krimenë në vitin 2014, 20 % e importeve euopiane të gazit vinin nga Rusia. Kjo shifër u rrit në 40 % në fillim të vitit 2022, falë kompanive perëndimore të karburanteve fosile.

Pushtimi i Ukrainës ekspozoi varësinë e kontinentit nga nafta dhe gazi rus, importi i të cilave financon drejtpërdrejt përpjekjet luftarake të Putinit.

Ende nën ndikimin e drejtpërdrejtë të kompanive të karburanteve fosile, BE-ja tani dëshiron të zëvendësojë lëndët djegëse fosile ruse duke dyfishuar importet e gazit nga regjimet e tjera represive si Katari dhe Azerbajxhani.

Importi i gazit natyror të lëngshëm (LNG) nga Katari përmendet dy herë në planin REPoëerEU të Komisionit Europian për të ‘hequr qafe’ gazin rus, një plan i drejtuar nga të njëjtat kompani të karburanteve fosile që vazhdojnë të na mbajnë të varur nga regjimet represive.

Kompania gjermane e energjisë RWE nënshkroi kohët e fundit një marrëveshje për të furnizuar 2 milionë tonë LNG në vit nga Katari nga viti 2026, me mbështetjen e qeverisë gjermane, raporton abcnews.al.

Në Observatorin e Europës së Korporatave (CEO), ne po u bëjmë thirrje institucioneve të BE-së të zbatojnë reformat e vonuara prej kohësh.

Duhet të ekzistojë një organ brenda institucioneve, të cilit i jepen kompetencat e nevojshme për të monitoruar dhe hetuar në mënyrë proaktive shkeljet e këtyre rregullave strikte.

Dhe duhet të bëhet një goditje e fortë ndaj politikës së dyerve të mbyllura dhe së fundmi, një goditje ndaj financimit të partive politike nga qeveritë ekstremiste dhe represive.

Si përfundim, ne duhet të bëjmë publike pronësinë e kompanive dhe aseteve, në mënyrë që të mund të gjurmojmë paratë e pista në BE dhe në mbarë botën. Politikanët europianë që sapo kanë shënuar autogol me këtë skandal do të bënin mirë të investonin në politika të drejta dhe etike.

/albeu.com

The post “Qatargate” është vetëm maja e ajsbergut appeared first on Albeu.com.