Megjithatë, SPAK ka kërkuar që dënimi me burg të mos ekzekutohet, por të pezullohet dhe deputeti të vendoset në shërbim prove për një periudhë 1-vjeçare.

Kjo do të thotë se Xhafa nuk do të vuajë fizikisht dënimin në burg, për sa kohë që nuk shkel ligjin gjatë kësaj periudhe prove.

Deputeti demokrat u përfshi në një aksident në Elbasan, teksa ishte i dehur. Xhafa akuzohet për kryerjen e veprës penale “Drejtim i automjeteve në mënyrë të parregullt”.

Deputeti, duke drejtuar në gjendje të dehur automjetin tip Toyota me targa AB 457 IJ, në Bulevardin “Qemal Stafa”, Elbasan humbi kontrollin dhe doli nga rruga duke u përplasur me një shtyllë të ndriçimit rrugor.

The post Drejtonte makinën i dehur dhe u aksidentua, SPAK kërkon 6 muaj burg për deputetin e PD appeared first on Albeu.com.

Vendimi u mor nga gjyqtari Erjon Çela, i cili shqyrtoi në seancën e kësaj të hënë kërkesën e Gjykatës së Elbasanit, që shpalli moskompetencë lëndore për ҫështjen e deputetit.

Sipas GJKKO, hetimet deri më tani janë bërë nga një prokurori jokompetente dhe do t’i kalojnë SPAK-ut, duke qenë se Xhafa është subjekt që duhet të hetohet nga kjo prokurori.

Prokuroria e Posaҫme, do të marrë në shqyrtim dosjen e deputetit, ku pas kryerjes së hetimeve do ia referojë GJKKO për veprime të mëtejshme.

Ndaj Qani Xhafës, është ngritur akuza për drejtim mjeti në gjendje të dehur.

Aksidenti u shënua në kohën kur Xhafa ishte kandidat për deputet.

Pasi Luçiano Boҫi la mandatin për të garuar për kryetar Bashkie, automatikisht Qani Xhafa u fut në parlament.

The post U aksidentua në timon në gjendje të dehur, çështja ndaj deputetit të PD-së, Qani Xhafa i kalon SPAK-ut appeared first on Albeu.com.

Burime për Gazetarin e OraNews Edison Vatnikaj bëjne me dije se gjykata e Elbasanit shpalli moskompetence lëndore për dosjen e tij duke ia deleguar Gjykatës së posacme.

Kjo strukturë do të shqyrtojë faktet e mbledhura nga prokuroria e Elbasanit për deputetin e PD-së ku ndaj tij janë ngritur akuza e drejtim mjeti në gjendje të dehur.

Për ta shqyrtuar këto rrethana është caktuar gjyqtari i posacëm Erjon Cela.

Sipas gazetarit Vatnikaj në kohën e ndodhjes së aksidentit Qani Xhafa ishte kandidat për deputet dhe në atë kohë dosja u hetua nga gjykata e rrethit.

Por pasi Luciano Boçi la mandatin për të garuar për kryetar bashkie automatikisht Qani Xhafa u fut në ulësen e parlamentit dhe tashmë cështja ndaj tij do të rishikohet në GJKKO. / Ora News

The post U aksidentua në timon në gjendje të dehur, çështja ndaj Qani Xhafas, deputeti i PD-së përfundon në GJKKO appeared first on Albeu.com.

Përmes një postimi në “Facebook”, Xhafa bën me dije se ndodhet në shtëpi dhe është në gjendje të mirë shëndetësore.

“Mirëmbrëma të gjithëve! Duke marrë shkas nga lajmet që qarkullojnë në portale dhe nga mesazhet që më keni dërguar Ju informoj se ndodhem në shtëpi dhe në gjendje të mirë shëndetësore!

Ju falenderoj për interesimin dhe Ju uroj gjithashtu Gëzuar Ditën e Verës !”, shkruan ai.

Pasditen e sotme në media u bë publik lajmi se gjatë orëve të para të mëngjesit të së shtunës Qani Xhafa u aksidentua në bulevardin “Qemal Stafa” në Elbasan, ndërkohë menjëherë pas aksidentit ai u vu në prangat e policisë pasi rezultoi se po i jepte mjetit në gjendje të dehur.

Qani Xhafa kandidoi për PD-në në zgjedhjet e përgjithshme të vitit 2021 në qytetin e Elbasanit ku ishte i renditur i 8 në listë, pas Luçiano Boçit.

Gjithashtu, Xhafa do të bëhet deputet pasi Luçiano Boçi do të lërë mandatin për shkak se do të garojë për kryetar bashkie në Elbasan në zgjedhjet vendore të 14 majit./albeu.com/

The post U arrestua se ishte i dehur në timon, lirohet nga qelia deputeti i ardhshëm i PD-së: Jam në shtëpi! Gëzuar ditën e Verës appeared first on Albeu.com.

Xhafa është përfshirë në një aksident rrugor dhe sipas Panorama Tv ka qenë në gjendje të dehur.

Aksidenti ka ndodhur në bulevardin “Qemal Stafa” në Elbasan. Mësohet se Qani Xhafa, i cili udhëtonte në gjendje të dehur, është përplasur me trafikndarësen në rrugë.

Pas aksidentit, ai është arrestuar nga efektivët e policisë.

Xhafa kandidoi për PD-në në zgjedhjet e përgjithshme të vitit 2021 në qytetin e Elbasanit ku ishte i renditur i 8 në listë, pas Luçiano Boçit.

Gjithashtu, Xhafa do të bëhet deputet pasi Luçiano Boçi do të lërë mandatin për shkak se do të garojë për kryetar bashkie në Elbasan në zgjedhjet vendore të 14 majit./Albeu.com.

The post Pritet të marrë mandatin e Luçiano Boçit, demokrati në gjendje të dehur aksidentohet në qendër të Elbasanit appeared first on Albeu.com.

Kështu, pas lënies së mandatit nga Boçi, sipas të dhënave të KQZ-së, në vend të tij do të jetë Qani Xhafa, ish-kreu i Komunës Labinot Mal.

Në një reagim së fundmi Qani Xhafa, me gjasë deputeti më i ri i Kuvendit shpreh modest lidhur me këtë fakt duke thënë se rëndësia e vetme është kanidimi i Boçit, pasi sipas tij mund të fitohet gara kundër PS-së.

“Patjetër që do të mbështesim zotin, Boçi, fuqimisht. Është kandidati i vetëm që mund të fitojë në Bashkinë e Elbasanit” tha Xhafa për Abcnews.al.

Por si ndihet ai personalisht me mandatin e deputetit të lënë nga Boçi?

“Nuk kapëm qiellin me dorë ne. Çfarë rëndësie ka kjo? E rëndësishme është të kandidojë Luçiano dhe të fitojë në Elbasan” tha Xhafa./

The post Merr mandatin e Boçit, reagimi i parë i Qani Xhafës: S’kapëm qiellin me dorë… appeared first on Albeu.com.