Pas arrestimit të 14 doganierëve grekë të dyshuar për përfshirje në kontrabandë mallrash, kontrolli kufitar në anën greke është ngadalësuar ndjeshëm.

Aktualisht, pala greke po operon vetëm me dy sportele dhe me një staf të reduktuar prej tre doganierësh, duke shkaktuar vonesa të mëdha për udhëtarët.

Pritjet shkojnë deri në tre orë, ndërsa radhët e makinave janë kilometrike.

Në anën shqiptare të pikës kufitare, puna vazhdon normalisht me tre sportele aktive, por fluksi i lartë dhe ngadalësia nga pala greke po krijojnë bllokime të konsiderueshme.

The post Arrestimi i 14 doganierëve grekë/ Radhë kilometrike në Qafë-Botë, qytetarët në pritje për disa orë appeared first on Albeu.com.

Shkak është bërë arrestimi i një doganieri grek në pikën e kalimit në Mavromat.

Ende nuk ka detaje mbi arsyet e arrestimit.

Pikës greke i është vënë shiriti i policisë, megjithatë qarkullimi për këmbësorët vijon normalisht vetëm pa bagazhe.

Një situatë e tillë vijon që prej orës 06:30 të mëngjesit të sotëm.

The post Bllokohet kalimi i automjeteve në Qafë Botë/ Lejohet vetëm kalimi në këmbë appeared first on Albeu.com.

Sakaq, nga territori ynë kanë dalë 3617 shtetas shqiptarë dhe të huaj. Sipas informacioneve nga Komisariati i Policisë Kufitare në Sarandë, në 24 orët e fundit në Pikën e Kalimit Kufitar të Qafë Botës dhe në Portin e Qytetit.

“Kanë hyrë 7511 shtetas shqiptarë -kanë hyrë 3894 shtetas të huaj.

-Kanë dalë 3617 shtetas shqiptarë dhe të huaj.

-Kanë hyrë 757 mjete shqiptare dhe të huaja

-Kanë dalë 745 mjete shqiptare dhe të huaja.

-U përpunuan në hyrje 17 tragete dhe 2 mjete turistike

-U përpunuan në dalje 17 tragete dhe 16 mjete turistike”, thuhet në njoftim.

The post Fluks i madh në Qafë Botë, ja sa shqiptarë hynë në vendin tonë appeared first on Albeu.com.

Një 61-vjeçar armen është arrestuar në pikën kufitare Qafë Botë, i cili ishte shpallur në kërkim ndërkombëtar prej 12 vitesh nga autoritetet ruse.

61-vjeçari armen është me shtetësi greke dhe po punohet për ekstradimin e tij në Rusi.

Gjykata e Solnechnogorsk, Moskë, Rusi, me vendimin e datës 25.05.2012, i ka caktuar këtij shtetasi, masën e sigurisë “Arrest në burg”, për kryerjen e veprës penale “Prodhim dhe shitja e lëndëve narkotike”, parashikuar nga Kodi Penal i Rusisë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

The post Arrestohet 61-vjeçari armen në pikën kufitare Qafë Botë, i shpallur në kërkim nga Rusia prej 12 vitesh appeared first on Albeu.com.

Sipas burimeve paraprake, një makinë ka dalë nga rruga. Si pasojë ka ndërruar jetë  Adriana Prendi, 35 vjeç, ndërsa dy persona të tjerë janë plagosur.

Gëzim Prendi, bashkëshorti i viktimës, njëherësh edhe drejtuesi i mjetit si dhe personi tjetër i plagosur janë nisur me urgjencë drejt spitalit.

Mësohet se çifti Prendi dhe personi i tretë që ndodhej në makinë me ta ishin banorë të fshatit Shëndëlli, por punonin në Greqi.

Të aksidentuarit mbrëmë kanë qenë në një dasmë se viktima martonte vëllanë dhe sot do të largoheshin për Greqi.

Njoftimi i policisë:

Sarandë/Informacion paraprak

Rreth orës, 05:50, të mëngjesit të sotëm në aksin rrugor Krane-Qafëbotë, në dalje të Konispolit, automjeti tip “Volkswagen”, me drejtues shtetasin G. P., 43 vjeç, ka dalë nga rruga, dhe për pasojë ka humbur jetën pasagjerja, shtetasja A. P., 35 vjeçe, bashkëshortja e 43-vjeçarit, banuese në Konispol.

Si dhe ka pësuar dëmtime pasagjeri tjetër në këtë automjet, shtetasi E. G., 37 vjeç, i cili ndodhet jashtë rrezikut për jetën.

Grupi hetimor ka shkuar menjëherë në vendngjarje dhe po punon për sqarimin dhe dokumentimin e rrethanave dhe shkakut të aksidentit, ku paraprakisht dyshohet se drejtuesi i automjetit ka humbur kontrollin mbi drejtimin e automjetit dhe për pasojë automjeti ka dalë nga rruga.

/Albeu.com/

The post Dasma kthehet në tragjedi, aksident në Sarandë-Qafë Botë, humb jetën 35-vjeçarja: Dje martoi vëllanë appeared first on Albeu.com.

Ai është paraqitur në doganë, ku ka këmbyer biseda me turistët, të cilëve u uron mirëserdhjen dhe u uron qëndrim të mbarë.

Balla ka falenderuar punonjësit e pikës kufitare për angazhimin, teksa është shprehur se dëshiron që pushuesit të mos vonohen gjatë kalimit në doganë.

The post Unë jam Taulant Balla! Ministri-turistit çek: Kur të ikësh atje, thuaj që më takove mua (VIDEO) appeared first on Albeu.com.

Bëhet fjalë për shtetasin me iniciale A.L 20 vjeç, i cili ishte shpallur në kërkim nga policia për vjedhje.

Njoftimi i policisë:

DVP Korçë/Vihen në pranga 2 shtetas, për vepra të ndryshme penale.

Specialistët për Hetimin e Krimeve të Komisariatit të Policisë Korçë, në bashkëpunim me shërbimet e Stacionit të Policisë Kufitare Qafë Botë bënë ndalimin e shtetasit në kërkim:

– A. L., 20 vjeç, banues në Mamurras, Lezhë.

Shtetasi i mësipërm është ndaluar në hyrje të Republikës së Shqipërisë, në Pikën e Kalimit Kufitar Qafë Botë, pasi në bazë të analizës së riskut dhe gjatë verifikimeve të kryera në sistem, 20-vjeçari A. L., rezultoi shtetas i shpallur në kërkim nga Komisariati i Policisë Korçë, për veprën penale “Vjedhja”, kryer në bashkëpunim, si autor i dyshuar i tre vjedhjeve, të kryera më datë 08.11.2022.

Konkretisht në fshatin Voskop, Korçë, ku në bashkëpunim me persona të tjerë, ka vjedhur në dyqanin ushqimor të shtetasit B. L., një sasi të vogël parash, pije alkoolike dhe steka me cigare. Gjithashtu, edhe në fshatin Goskovë, Korçë, ku kanë vjedhur në banesën e shtetasit G. S., disa bizhuteri dhe vegla pune, si dhe kanë tentuar të vjedhin në banesën e shtetasit G. K.

Nga ana e Policisë po punohet për vënien para përgjegjësisë ligjore të bashkëpunëtorëve të tjerë të tij, të implikuar në këto ngjarje.
—
Specialistët e Trafikut Urban dhe Interurban pranë DVP Korçë bënë arrestimin në flagrancë të shtetasit A. J., 47 vjeç, banues në fshatin Hudënisht, Pogradec, për veprën penale “Drejtimi i automjeteve në mënyrë të parregullt”, pasi në Pogradec, u kap duke drejtuar automjetin tip “Volksëagen”, në gjendje të dehur.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme./albeu.com

The post I shpallur në kërkim për vjedhje, arrestohet 20 vjeçari në pikën kufitare Qafë Botë appeared first on Albeu.com.

Bëhet fjalë për shtetasin Sabri Tahiraj, i cili ishte në kërkim për të kryer dënimin e tij prej 5 vitesh nën akuzën “Prodhim dhe shitje narkotikësh”.

Shtetasi Sabri Tahiraj ishte larguar në mënyrë të kundërligjshme, në drejtim të shtetit grek, me qëllim shmangien nga vuajtja e dënimit me burgim dhe është kapur nga Policia greke, pas shkëmbimit të informacionit me Policinë shqiptare.

Njoftim policie

Vihet në pranga një 41-vjeçar i shpallur në kërkim kombëtar, pasi ishte dënuar me 5 vjet burgim, për prodhim dhe shitje narkotikësh.

Në Pikën e Kalimit Kufitar Qafë Botë, shërbimet e Policisë Kufitare, si rezultat i bashkëpunimit dhe shkëmbimit të informacioneve me specialistët për Hetimin e Trafiqeve të Paligjshme dhe Narkotikëve të DVP Fier, kanë identifikuar dhe ndaluar shtetasin e shpallur në kërkim kombëtar:

-Sabri Tahiraj, 41 vjeç, banues në Cakran, Fier. Ky shtetas gjatë intervistimit në PKK Qafë Botë, ka dhënë identitet të rremë, por si rezultat i verifikimeve dhe i veprimeve të thelluara hetimore, është bërë i mundur identifikimi i tij.

Në vitin 2019, 41-vjeçari dhe 2 shtetas të tjerë u vunë në pranga në kuadër të operacionit policor antidrogë të koduar “Kreshpan”, të finalizuar nga Policia e Fierit. Me qëllim realizimin e hetimeve dhe dokumentimin e rastit me prova ligjore, Gjykata e Rrethit Gjyqësor Fier vendosi fillimisht ndaj shtetasit Sabri Tahiraj, masën e sigurisë “Arrest në shtëpi”.

Si rezultat i hetimeve të thelluara, u dokumentua me prova ligjore, përgjegjësia penale e 41-vjeçarit dhe Gjykata vendosi dënimin përfundimtar të tij, me 5 vjet burgim, për veprimtari kriminale në fushën e narkotikëve.

Shtetasi Sabri Tahiraj ishte larguar në mënyrë të kundërligjshme, në drejtim të shtetit grek, me qëllim shmangien nga vuajtja e dënimit me burgim dhe është kapur nga Policia greke, pas shkëmbimit të informacionit me Policinë shqiptare./albeu.com

The post EMRI/ I dënuar me 5 vite burg, arrestohet 41-vjeçari në Qafë Botë appeared first on Albeu.com.

Njoftimi i policisë:

Qafë Botë

Goditet një tjetër rast i veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit, kundrejt fitimit.

Finalizohet me sukses operacioni policor i koduar “Frequently”.

Transportonte 17 emigrantë të paligjshëm, vihet në pranga 35-vjeçari.

Shërbimet e Policisë Kufitare në Qafë Botë, në bashkëpunim me shërbimet e Komisariatit Sarandë, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit, në bazë të informacioneve policore, kanë organizuar dhe finalizuar me sukses operacionin policor “Frequently”, si rezultat i të cilit u arrestua në flagrancë shtetasi Xh. J., 35 vjeç, banues në Gramsh.

Arrestimi i këtij shtetasi u bë pasi u kap në flagrancë nga shërbimet e Policisë Kufitare, në aksin rrugor Çukë – Sarandë, duke transportuar me një mjet tip furgon, 17 emigrantë të paligjshëm, kundrejt fitimit.

Materialet i kaluan Prokurorisë pranë Gjykatës së Shkallës së Parë Sarandë, për veprën penale “Ndihma për kalim të paligjshëm të kufijve”.

The post Po transportonte 17 emigrantë me furgon, arrestohet 35-vjeçari në Qafë Botë (VIDEO) appeared first on Albeu.com.

Sipas burimeve zyrtare nga  data 1 janar 2022  e deri  tani përmes Pikës së Kalimit Kufitar të Qafë Botës kanë hyrë 827 shtetas shqiptarë, ndërsa kanë dalë 1694 shtetas.

Kjo tregon se shumë shqiptarë kanë festuar jashtë vendit.

Ndërkohë të shprehur në shifra në vendin tonë përmes Qafë Botës kanë hyrë 946 shtetas  të huaj dhe kanë dalë  1362 shtetas. Gjithashtu kanë hyrë dhe dalë 1834 mjete.

Ndërsa nga Porti i qytetit vihet re se nuk ka pasur shumë lëvizje. Për periudhën 1 janar 2022 deri sot kanë hyrë 44 shtetas shqiptarë dhe kanë dalë 32, ndërsa kanë hyrë 21 shtetas të huaj dhe kanë dalë 25 shtetas.

The post Shqiptarët festuan Vitin e Ri jashtë, sa shtetas hynë dhe dolën nga kufiri i Qafë Botës nga 1 janari appeared first on Albeu.com.