putin zelensky Archives - Albeu.com

“Takimi me homologun rus ishte i shkëlqyer”, Trump: Mund të ketë një takim Putin-Zelensky dhe të arrijmë marrëveshje për paqe!

M C — Sat, 16 Aug 2025 20:14:39 +0000

Kreu i Shtëpisë së Bardhë, Donald Trump, e ka cilësuar takimin me homologun rus Vladimir Putin si të shkëlqyer dhe shumë të suksesshëm.

Trump përmes rrjeteve sociale shprehet se takimi shkoi shumë mirë ndërsa bën me dije se ka zhvilluar dhe një telefonatë me Presidentin Zelenskyy të Ukrainës, dhe me disa udhëheqës evropianë, përfshirë Sekretarin e Përgjithshëm të NATO-s.

Trump shprehet që nëse gjithçka shkon sipas plani, mund të ketë takim midis Vladimir Putin dhe Volodymyr Zelensky dhe të arrihet marrëveshje për paqe.

“Një ditë e shkëlqyer dhe shumë e suksesshme në Alaskë! Takimi me Presidentin Vladimir Putin të Rusisë shkoi shumë mirë, po ashtu edhe një telefonatë vonë në mbrëmje me Presidentin Zelenskyy të Ukrainës, dhe me disa udhëheqës evropianë, përfshirë Sekretarin e Përgjithshëm të NATO-s, shumë të respektuar.

U vendos nga të gjithë se mënyra më e mirë për të përfunduar luftën e tmerrshme midis Rusisë dhe Ukrainës është të shkohet direkt drejt një marrëveshje paqeje, e cila do të përfundojë luftën, dhe jo vetëm një marrëveshje për armëpushim, e cila shpeshherë nuk mbahet.

Presidenti Zelenskyy do të vijë në Uashington, në Zyrën Ovale, të hënën pasdite. Nëse gjithçka shkon sipas planit, pastaj do të caktojmë një takim me Presidentin Putin. Potencialisht, do të shpëtohen miliona jetë njerëzish. Faleminderit për vëmendjen ndaj kësaj çështjeje!”, shkruan Trump.

The post “Takimi me homologun rus ishte i shkëlqyer”, Trump: Mund të ketë një takim Putin-Zelensky dhe të arrijmë marrëveshje për paqe! appeared first on Albeu.com.

A do të ketë një takim midis Putin dhe Zelensky?

A M — Fri, 13 May 2022 11:49:07 +0000

Forcat ruse nuk i kanë ndalur sulmet ushtarake në Ukrainë, që prej 24 shkurtit. Pavarësisht përpjekjeve të shumta për t’i dhënë fund luftës, deri më tani nuk është bërë asnjë përparim, shkrua Tgcom24.

Zëdhënësi i Kremlinit Dmitry Peskov, ka deklaruar se Rusia nuk është kundër një takimi mes dy presidentëve, duke shtuar se kjo është e pamundur të mbahet pa përgatitje adekuate.

“Nuk ka përparim në hartimin e një dokumenti të mundshëm që Putin dhe Zelensky të mund të nënshkruajnë. Rusia nuk është kundër një takimi mes dy presidentëve, por është e pamundur të mbahet pa përgatitje adekuate“, përfundoi Peskov.

Një takim midis Volodymyr Zelenskyy dhe Vladimir Putin do të ishte një hap i rëndësishëm në negociatat e paqes dhe do të rriste shpresat për një armëpushim./abcnews.al

The post A do të ketë një takim midis Putin dhe Zelensky? appeared first on Albeu.com.

Putini i bën thirrje Zelenskyt: Luftëtarët ukrainas brenda fabrikës së çelikut të ulin armët

E S — Thu, 05 May 2022 16:01:37 +0000

Presidenti rus Vladimir Putin ka thënë se Kievi duhet të urdhërojë luftëtarët ukrainas që kanë mbetyr ende në fabrikën e çelikut Azvastol në Mariupol të ulin armët e tyre.

Skyneës raporton se Putini ka bërë deklaratën e mësipërme gjatë një telefonate që zhvilloi me kryeministrin izraelit Naftali Bennett ditën e enjte.

Presidenti rus tha gjithashtu se vendi i tij ishte gati të sigurojë kalim të sigurt për civilët.

Rreth 200 ukrainas ndodhen ende brenda fabrikës, ndërkohë 100 civilë arritën të largoheshin nga Azvostal gjatë fundjavës.

Çfarë ka ndodhur sot në Ukrainë?

• Ndërsa sulmet ruse në fabrikën e çelikut Azovstal në Mariupol intensifikohen, rreth 200 civilë mendohet se mbeten të bllokuar brenda uzinës

• Rusia është akuzuar për pengimin e përpjekjeve për të evakuuar civilët nga fabrika e çelikut Azovstal, të cilën Kremlini e mohon, pasi u zotua të ndalonte sulmet e saj për të lehtësuar hapjen e korridoreve humanitare.

• Të evakuuarit që u larguan nga fabrika kanë përshkruar se nuk ishin në gjendje të shihnin dritën e ditës ose të merrnin ajër të pastër për ditë të tëra ndërsa kishin ngecur poshtë fabrikës së çelikut.

• Presidenti ukrainas Volodymyr Zelensky tha se rreth 344 të evakuuar nga qyteti i Mariupolit dhe rrethinat e tij kishin mbërritur në Zaporizhzhia.

• Donatorët ndërkombëtarë kanë premtuar 6.5 miliardë dollarë për të mbështetur Ukrainën gjatë një konference në kryeqytetin polak Varshavë.

• Kremlini ka thënë se ishte i vetëdijshëm se SHBA, Britania e Madhe dhe vende të tjera të NATO-s po ushqenin vazhdimisht inteligjencën për ushtrinë ukrainase.

• Rusia thotë se forcat e saj kanë praktikuar sulme të simuluara raketore me aftësi bërthamore në enklavën e Kaliningradit të Detit Baltik, e vendosur midis anëtarëve të BE-së, Polonisë dhe Lituanisë.

• Ukraina nuk ka gjasa të nisë një kundërsulm kundër Rusisë përpara mesit të qershorit, kur shpreson të ketë marrë më shumë armë nga aleatët e saj./albeu.com

The post Putini i bën thirrje Zelenskyt: Luftëtarët ukrainas brenda fabrikës së çelikut të ulin armët appeared first on Albeu.com.