Putin shtoi se një fitore për Joe Biden në zgjedhjet presidenciale në SHBA, që do të mbahen në nëntor, do të ishte rezultati më i mirë i mundshëm për Rusinë.

Në një intervistë për televizionin rus, pjesë të së cilës u publikuan nga Kremlini të mërkurën, Putin kritikoi qeverinë amerikane. ”Mendoj se qëndrimi i administratës aktuale është jashtëzakonisht i dëmshëm dhe i gabuar”, tha ai.

Dy fuqitë e mëdha bërthamore janë në mosmarrëveshje për pothuajse të gjitha çështjet ndërkombëtare, por mbi të gjitha për shkak të luftës ruse kundër Ukrainës.

”Megjithatë, një fitore e Bidenit do të ishte e parapëlqyeshme”, tha Putin. Komentet e Putinit janë në kundërshtim me politikën e Rusisë në vitet e fundit, e cila ka favorizuar Donald Trump. Ish-presidenti Donald Trump reagoi ndaj kësaj deklarate të presidentit rus, Vladimir Putin.

”Presidenti Putin sapo më bëri një kompliment të madh, në fakt”, tha Trump në një takim elektoral në Charleston. ”Ai thjesht tha se do të preferonte të kishte Joe Biden si president sesa Trump”, vazhdoi ai. ”Tani, ky është një kompliment. Shumë njerëz thanë sa keq! Jo, jo, kjo është një gjë e mirë. Dhe sigurisht, ai do ta thoshte këtë”, theksoi Trump.

Komenti i fundit i Trump ishte në përgjigje të komenteve të Putinit gjatë një interviste me një korrespondent të televizionit shtetëror rus, në të cilën ai thuhet se beson se rizgjedhja e Bidenit do të ishte një zgjedhje më e mirë për interesin e Rusisë – megjithëse ai shtoi se do të punojë me çdo lider të SHBA-së.

Në mitingun e Charlestonit, Trump tha se është e sigurt se Putini do të preferonte fitoren e Bidenit, sepse ai vetë pengoi interesat e Rusisë ndërsa ishte president, veçanërisht në ndërtimin e ”Nord Stream 2”, një gazsjellës i diskutueshëm gjermano-rus.

“Unë ndalova ‘Nord Stream 2’ dhe [Biden] e miratoi menjëherë pasi u largova, kështu që Putin nuk është një fans i imi në të vërtetë”, tha Trump, duke iu referuar rolit të tij si president në ndalimin e ndërtimit të gazsjellësit.

”Ai nuk dëshiron të më ketë mua. Ai do Biden sepse do t’i jepet gjithçka që dëshiron, duke përfshirë Ukrainën”, tha Trump për marrëdhëniet mes Putinit dhe Bidenit.

”Ai do të realizojë ëndrrën e tij për të marrë Ukrainën për shkak të Bidenit… I vetmi president në pesë të fundit që nuk i ka dhënë asgjë Rusisë është një president i njohur si Donald J. Trump”, përfundoi Trump.

The post Mes Biden dhe Trump, cilin kandidat parapëlqen Putin? appeared first on Albeu.com.

“Diskutuam për çështjet rajonale, konfliktin në juglindje të Ukrainës dhe çështjet e lidhura me të, që janë shumë të ndjeshme për ne. Folëm edhe për zgjerimin e NATO-s në lindje duke përdorur Ukrainën, mes të tjerave. Kjo është një pikë kyçe për sigurinë e Rusisë, atë afatmesme dhe strategjike. Flasim hapur për këtë gjë gjithmonë, duke paralajmëruar partnerët tanë se është e papranueshme për ne”, tha Putin në një konferencë për mediat pas takimit me kryeministrin grek Kyriakos Mitsotakis.

“E folëm edhe një ditë më parë. Çdo shtet ka të drejtën të zgjedhë mënyrën më të përshtatshme për të siguruar veten. Por sigurisht që nuk duhet bërë duke shkelur të drejtat e të tjerëve. Ramë dakord që do të vijojmë diskutimin dhe brenda javës do t’i dërgojmë amerikanëve propozimet tona”, shtoi Putin.

Putin e quajti provokuese pyetjen e gazetarit rus, Andrei Kolesnikov, nëse do ta pushtonte Ukrainën, apo jo. “Ne gjithmonë ndjekim rrugën e paqes në politikën e jashtme. Por Rusia ka të drejtë të sigurojë veten dhe këtë e diskutova edhe me Biden. Nuk mund të mos jemi të shqetësuar për mundësinë që Ukraina do t’i bashkohet NATO-s, sepse kjo do të bënte që trupa dhe baza ushtarake kërcënuese do të ishin pranë nesh”.

Propozimet ruse brenda javës

Por diskutimet online mes presidentit të SHBA, Joe Biden dhe atij rus, Vladimir Putin për çështjen e Ukrainës duket se kanë qenë të frytshme. Këtë gjë e konfirmoi dhe Vladimir Putin.

Kreu i Kremlinit u shpreh se Rusia brenda javës do të dërgojë në Uashington propozimet e saj për zgjidhjen e situatës së tensionuar me Ukrainën, e cila prej disa kohësh është përshkallëzuar në pikën më superiore, sa të dyja vendet kanë dislokuar mijëra ushtarë në të dy anët e kufirit.

Lideri rus tregoi për gazetarët se bisedimet ishin të hapura dhe konstruktive dhe gjëja kryesore është se iu la hapësirë mundësisë për vijimin e dialogut.

“Ne nuk mund të mos shqetësohemi për perspektivën e mundshëm të Ukrainës për t’u anëtarësuar në NATO, sepse kjo padyshim do të pasohet nga vendosja e kontingjenteve ushtarake, bazave dhe armëve që na kërcënojnë”, tha ai.

The post “A do ta pushtoni Ukrainën?”, si i përgjigjet Putin pyetjes direkte appeared first on Albeu.com.