Shpesh, partneri kthehet në një nga njerëzit më të rëndësishëm në jetën tuaj, në një shok të afërt me të cilin ndani çaste të veçanta, ndjenja dhe eksperienca të paharrueshme.

Takimet romantike, mbrëmjet në festa dhe puthjet janë pjesë e natyrshme e kësaj afërsie. Por, krahas anës së bukur të lidhjes, duhet pasur parasysh edhe fakti se kontakti fizik mund të shoqërohet me disa rreziqe për shëndetin.

Herpesi

I njohur ndryshe edhe si “ethe”, herpesi shfaqet me flluska të vogla pranë buzëve ose brenda gojës. Shkaktari është virusi herpes simplex, i cili mund të kalohet lehtësisht nga një person te tjetri përmes puthjes.

Mononukleoza

Kjo sëmundje përmendet shpesh si “sëmundja e puthjes”, sepse përhapja e saj ndodh kryesisht nëpërmjet pështymës. Shenjat më të zakonshme janë lodhja e madhe, temperatura, dhimbja e fytit dhe fryrja e gjëndrave limfatike.

Sëmundja e duarve, këmbëve dhe gojës

Bëhet fjalë për një sëmundje virale tepër ngjitëse, e cila mund të transmetohet edhe nga kontakti i ngushtë. Ajo shoqërohet me simptoma të ngjashme me gripin, si edhe me puçrra ose plagë në gojë, në duar dhe në këmbë. /eo

The post Puthjet mund të bartin rreziqe: sëmundjet që transmetohen në këtë mënyrë appeared first on Albeu.com.

A mund të sëmuresh me një puthje?

Ekspertët thonë se njerëzit nuk mund të sëmuren vetëm me një puthje sepse viruset shpërndahen nëpërmjet sekrecioneve.

Studimet, të cilave u referohet AgroËeb.org tregojnë se njerëzit nuk e kanë problem të shtrëngojnë dorën e dikujt të sëmurë, por pikërisht, një gjest i tillë ka tendencën t’ju sëmurë më shumë dhe më shpejt se sa puthja.

Gishtat ndoten më shumë dhe kalojnë virusin nga hunda tek sytë dhe anasjelltas.

Studimet tregojnë se të paktën në 70% të rasteve tek gratë e kanë shumë problem të puthin në buzë dikë që është ftohur.

22% e grave as nuk u shkon ndër mend të ndajnë shtratin me një partner të prekur nga e ftohura apo gripi.

46% prej tyre nuk do të puthnin kurrë në buzë partnerin nëse ai do të ishte prekur nga gripi.

Si Shpërndahen Viruset?

Ekspertët, të cilëve u referohet AgroËeb.org sqarojnë se viruset përgjegjëse për gripin dhe të ftohurën shpërndahen nëpërmjet sekrecioneve që burojnë nga rrugët e frymëmarrjes.

Ndaj nëse partneri juaj nuk ka kollë dhe sekrecione, mund ta puthni pa frikë. Por nga ana tjetër, duhet të tregoni kujdes me prekjen. Gjasat që të sëmuresh nga dikush që ka vënë dorën mbi gojë kur është kollitur apo ka tështirë dhe më pas ka kapur dorën tënde, janë shumë herë më të larta.

Po aq të larta janë gjasat të sëmurësh nëse prek dorezat e dyerve, butonat e ashensorëve e gjithçka tjetër të prekur nga dikush i sëmurë.

Shpërndarja e infeksioneve kërkon një kontakt të afërt dhe të gjatë me të tjerët. Ajo mund të përshpejtohet nëse njeriu teshtin ose kollitet në fytyrën e tjetrit, ose nëse e prek atë me dorë.

Mungesa e informacionit të saktë mund të rrisë ose ulë gjasat e sëmundjeve të transmetueshme, ndërsa puthja jo.

The post Gripi dhe e ftohura nuk ngjiten nga puthjet appeared first on Albeu.com.