Rrumbullaku ishte nën hetim për dyshime, lidhur me transferimin e paligjshëm të dy oficerëve të policisë.

Hetimi kishte nisur fillimisht në Prokurorinë e Beratit, por më pas u transferua për kompetencë në Strukturën e Posaçme kundër Korrupsionit dhe Krimit të Organizuar (SPAK).

Pas përfundimit të hetimeve, SPAK arriti në përfundim se nuk ekzistojnë elementë të veprës penale të kryer nga Muhamet Rrumbullaku, duke kërkuar pushimin e procedimit penal.

The post GJKKO pushon çështjen për ish-drejtorin e Përgjithshëm të Policisë, Muhamet Rrumbullaku appeared first on Albeu.com.

Gjatë seancës, Ulliri u përfaqësua nga avokati Indrit Sefa, ndërsa Ndoja ishte përfaqësuar nga avokati Rexhë Margjeka.

Avokati i Ndojas kërkoi që Ulliri të mos legjitimohej si palë ankimuese. Pas shqyrtimit të argumenteve, trupi gjykues vendosi pushimin e çështjes, duke u bazuar në moslegjitimizimin e Ullirit si paditëse.

Andia Ulliri, kishte ankimuar më parë vendimin e Komisionit të Ankimimeve dhe Sanksioneve, si dhe atë të kryekomisionerit Ilirjan Celibashi, që kishin rrëzuar kërkesën e saj me argumentin se lista e hapur dhe lista e mbyllur funksionojnë të ndara.

Ulliri kandidoi në listat e Partisë Demokratike- Aleanca për Shqipërinë Madhështore, në qarkun e Durrësit dhe kërkonte mandatin për shkak të kuotës gjinore.

The post Kërkoi t`i merrte mandatin e deputetit Arjan Ndojës, Kolegji Zgjedhor pushon çështjen e Andia Ullirit appeared first on Albeu.com.

Kryebashkiaku u hetua për “shpërdorim të detyrës”, por në përfundim të hetimit SPAK vlerësoi se prej tij nuk ishin konsumuar elementë të veprës penale.

Vendimi u dha nga gjyqtarja Etleva Deda.

Kryebashkiaku Ndreu, u kallëzua në Strukturën e Posaçme nga Partia Demokratike në Lezhë, në vitin 2023 në lidhje me trotuarin në rrugën Lezhë-Shëngjin, në lagjen Xhenjo.

Në denoncimin e bërë nga PD, thuhet se aksi rrugor është në varësi të ARRSH dhe bashkia e Lezhës nuk kishte të drejtë të kryente punime.

Partia Demokratike, e akuzonte Ndreun për dhënien e këtij tenderi në kohë fushate. Po ashtu, u kallëzuan edhe zyrtarë të tjerë të bashkisë, që ishin marrë me procedurat e tenderit për ndërtimin e rrugës.

The post Gjykata e Posaçme pushon çështjen ndaj kryebashkiakut të Lezhës, Pjerin Ndreu appeared first on Albeu.com.

Kjo ishte hera e dytë që Prokuroria e Posaçme vinte me kërkesë për pushimin e çështjes, me argumentin se nuk ka prova që implikojnë këta dy personazhe të botës së krimit në vrasjen e Lames.

Herën e parë, trupa e gjykimit ia ktheu kërkesën prokurores Elida Kaçkini, duke kërkuar nga kjo e fundit hetime shtesë.

Akuza ndaj Lulzim Berishës dhe Plaurent Dervishaj, u ngrit pas dëshmisë së bashkëpunëtorit të drejtësisë Luftar Reçi. Mbi dëshminë e këtij të fundit, Plaurent Dervishaj dhe Lulzim Berisha, akuzohen dhe për vrasjen e Klodian Saliut, ngjarje e ndodhur më 26 shkurt të vitit 2005, një ditë pas vrasjes së Lames.

Plaurent Dervishaj, është kunati i Lulzim Berishës dhe konsiderohen si dy nga personazhet kryesorë të bandës së Durrësit. Dervishaj ndodhet në burg në Shqipëri, pas deportimit nga Emiratet e Bashkuara Arabe, ndërsa Lulzim Berisha ndodhet në burg në Spanjë në pritje të esktradimit në Shqipëri.

Presidenti i Federatës së Boksit Vajdin Lame dhe truproja i tij, Artan Arsi, u vranë më 27 shkurt të vitit 2005, rreth orës 24:00 në njërën nga kullat mbrapa ish-stadiumit “Qemal Stafa”, sot “Air Albania”.

Dy viktimat janë përballur me një sasi të konsiderueshme eksplozivi, sapo kanë vënë këmbë në ashensor.
Tritoli ishte i pajisur me telekomandë dhe qe vendosur në një nga anët e ashensorit, duke realizuar shpërthimin në katin e pestë të kullës, ku dhe banonte Lame. Presidenti i Federatës së Boksit ka vdekur në vend, ndërsa Arsi gjatë rrugës për në spital.

Për ngjarjen e shkurtit të vitit 2005, janë marrë të pandehur dhe Emiljano Shullazi, Indrit Rusi, Viktor Ymeri dhe Indrit Taullai.

The post Vrasja e Vajdin Lames/ GJKKO pushon çështjen ndaj Lulzim Berishës dhe Plaurent Dervishajt appeared first on Albeu.com.