Si pasojë e përplasjes, ka humbur jetën i Eduart Maçi punonjës policie, ndërsa janë lënduar dy persona, të cilët kanë përfunduar në spital.

Sarandë/Informacion paraprak:

“Sot, rreth orës 12:00, në aksin rrugor Borsh–Fterrë, drejtuesi i një automjeti tip “Toyota” dyshohet se ka humbur kontrollin mbi drejtimin e mjetit dhe si pasojë, ka dalë nga rruga duke përfunduar në një kanal anësor.

Në automjet udhëtonin tre shtetas, konkretisht R. X., V. Th., dhe Eduart Maçi., rreth 47-vjeç (punonjës policie), ky i fundit ka ndërruar jetë në vendngjarje, si pasojë e dëmtimeve të marra.

Dy shtetasit e tjerë janë dërguar në spital, në gjendje të rëndë shëndetësore.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit, si dhe përcaktimin e drejtuesit të mjetit në momentin e ngjarjes”, njofton policia.

The post Aksident i rëndë në Sarandë/ Makina përfundon në kanal, humb jetën punonjësi i policisë (EMRI) appeared first on Albeu.com.

Sipas burimeve zyrtare, ngjarja ka ndodhur rreth orës 11:00, në rrugën “Shefqet Musarai”, ku shtetasi Genci Aliaj, 48-vjeç, është gjetur i pajetë në banesën e tij.

Dyshohet se punonjësi i burgut 313, është vetëvrarë me një armë zjarri tip pistoletë.

Grupet hetimore ndodhen në vendngjarje dhe po punojnë për të zbardhur rrethanat e plota të kësaj ngjarjeje tragjike.

Njoftimi i policisë:

“Tiranë/ Rreth orës 11:00, në rrugën “Shefqet Musarai”, dyshohet se është vetëvrarë me armë zjarri pistoletë në banesë shtetasi G. A, rreth 48-vjeç, punonjës policie i burgjeve.

Grupet hetimore po punojnë për sqarimin e rrethanave për të dy rastet”, thuhet në njoftim.

The post E rëndë në Tiranë/ Punonjësi i policisë qëllon veten me armë në banesë (EMRI) appeared first on Albeu.com.

Në pranga ka përfunduar Alkid Ndreu, anëtar i Komisionit të gjobave, në varësi të Drejtorisë Vendore të Policisë Tiranë.

Për të, Agjencia e Mbikëqyrjes Policore kishte nisur hetimet disa muaj më parë, pas denoncimeve të shumta që kishte marrë, se Ndreu merrte rryshfet në këmbim të kthimit të lejeve të drejtimit, pasi Policia Rrugore ua pezullonte qytetarve.

Mësohet se rasti i fundit kur ai është arrestuar në flagrancë është bërë ditën e djeshme teksa Ndreu i mori shumën prej 70 mijë lekësh të reja një qytetareje. Kësaj të fundit i ishte pezulluar patenta për tre muaj.

Nga verifikimet ka rezultuar se qytetarja me iniciale B.D e kishte të bllokuar lejen e drejtimit që nga data 24 nëntor deri më datë 17 shkurt të vitit 2023.

Por, pasi pagoi shumën e parave tek oficeri 48 vjeçar, Ndreu e mori patentën e vajzës nga Kartoteka në varësi të Drejtorisë së Policisë Tiranë dhe ia riktheu asaj.

Po ashtu, në pranga është vënë edhe Eduart Caka nga Kruja. Ky i fundit, sekser i oficerit të policisë. Caka rezultoi se ka marrë paratë nga qytetarja dhe ia ka dorëzuar oficerit Alkid Ndreu.

Caka akuzohet për korrupsion pasiv dhe ushtrim i ndikimit tek personat me funksione publike.

Po për këto dy vepra penale, në gjendje të lirë po hetohet edhe qytetarja B.D.

Hetimet për këtë rast janë duke u ndjekur edhe për një tjetër punonjës policie, anëtar i komisionit. Ndërsa është sekuestruar edhe Kartoteka për t’u verifikuar afro 2 mijë leje drejtimi, për të verifikuar nëse ka pasur ose jo abuzime edhe me raste të tjera.

The post Merrte ryshfet nga qytetarët në këmbim të patentës, arrestohet punonjësi i policisë në Tiranë appeared first on Albeu.com.

“Specialistët për Hetimin e Krimit në Komisariatin e Policisë Durrës arrestuan në flagrancë për veprën penale “Goditje për shkak të detyrës”, shtetasin S. B., 44 vjeç, banues në Durrës, pasi në terminalin e pasagjerëve në PKK Durrës, ka goditur me grusht, për shkak të detyrës, punonjësin e Policisë të Kufirit”, thuhet në njoftimin e policisë./albeu.com

The post Sherr në terminalin e PKK në Durrës, pasagjeri godet punonjësin e policisë appeared first on Albeu.com.