“Meqenese pensioni nuk na del tani në këtë moshë i jemi future kësaj pune dhe themi që ushqehemi. Une jetoj vetëm. Më tepër vijmë nga zona e fshatit dhe shumë pak nga qyteti dhe pëlqejnë më shumë çorapet fanellat dhe punën e dorës”, shorehet Nazajete.

Të vendosura në hyrjet e pallateve ku jetojnë, ato qëndrojnë me orë të tëra duke punuar me shpresën që të shitet diçka në ditë, për të siguruar të ardhura.

“E mira eshte qe ne te na rritet pensioni dhe mos te mundohemi. Po të ecën shitjet shkon deri 100 mijë lekshi në muaj”, thotë zonja Llangozi.

“Punoj shumë por me raste shes, sepse nuk ka punë përditë se po të kishte përditë do fitoja“, thotë Sheribane Mahmitaj.

Qeveria ka nisur diksutimin për një reformë të re për pensionet, por skema e re ende nuk është bërë publike.

The post Punojnë me grep dhe shtiza për të mbijetuar/ Të moshuarat në Berat kërkojnë rritje të pensionit: Paratë që marrim s’na dalin as për të kaluar muajin appeared first on Albeu.com.

Sipas kalkulimeve të Bankës Botërore (grafiku i mëposhtëm), vetëm 28% e emigrantëve të arsimuar punojnë në pozicione që kërkojnë aftësi dhe janë afër profesionit të tyre, një nga nivelet më të ulëta në rang global.

Studimet dhe anketat vendase kanë treguar se mbi 60% e stafeve akademike, kanë emigruar gjatë tre dekadave të fundit.

Ikja e trurit ka varfëruar vendin nga ekspertët dhe ka ulur shanset për t’u integruar në një shkallë më të lartë të zinxhirit të vlerës.

Disa vende kanë shanse që të përfitojnë nga diaspora e arsimuar. Përllogaritjet e BB tregojnë se shumica e vendeve kanë mbi 50% të diasporës së tyre, që ushtron profesionin në vendet pritëse.

Përllogaritjet e ekspertëve të INSTAT, kanë treguar se Shqipëria, deri në vitin 2020, kishte përqindjen më të lartë në rajon të emigrimit të njerëzve të arsimuar dhe studentëve që jetojnë jashtë vendit.

Sipas publikimit të INSTAT, “Diaspora e Shqipërisë në Shifra”, numri total i popullatës së larguar nga Shqipëria në vitin 2020 ishte 1.684.135 individë.

Gjithashtu, INSTAT dhe Organizata Ndërkombëtare për Migracionin (IOM), kanë kryer një anketë të migracionit në familje.

Në këtë anketë, u mblodhën të dhënat për nivelin arsimor dhe statusin e punësimit, në grupin e personave 15-vjeç e sipër, ku rezultoi se mbi 350 mijë persona ishin larguar gjatë viteve 2011-2019.

Të dhënat nga anketa kanë treguar se 47% personave me arsim të lartë kanë emigruar.

Shqipëria renditet e para edhe për numrin e studentëve që ndjekin arsimin jashtë vendit, me përkatësisht 18,181 studentë, e ndjekur nga Serbia me 15,749 studentë, pastaj Bosnja me 15,399.

Ekspertët pohojnë se, nga njëra anë, numri i lartë i studentëve shqiptarë që studiojnë jashtë mund të shikohet si dukuri pozitive për pjesën e përvetësimit të njohurive në fushat përkatëse ku ata studiojnë, por nga ana tjetër, mund të shihet dhe si një indikator matës për mungesën e besimit të studenteve për cilësinë e universiteteve shqiptare.

Për të zbutur efektin negativ të këtij fenomeni, kryesisht në vendet në zhvillim, metoda më e rëndësishme është të ndërmerren një sërë politikash që përfshijnë aspekte të rëndësishme të zhvillimit të një vendi, si ai ekonomik, social, arsimor dhe mjedisor.

E para dhe më e rëndësishmja, duhet të pranojmë që emigracioni i vazhdueshëm është zakonisht simptoma, jo shkaku, i një problemi themelor.

Për një periudhë afatgjatë, qeveritë duhet të adresojnë çështje themelore me politikat që synojnë përmirësimin e qeverisjes, forcimin e institucioneve dhe përmirësimin e ofrimit të shërbimeve publike.

Rritja e produktivitetit në profesionet që kërkojnë kualifikim të lartë, shumë prej të cilave janë në sektorin publik, dhe bërë pagat më konkurruese, do të “joshte” punëtorët të qëndronin.

Në të njëjtën kohë, zhvillimi i sektorit privat dhe krijimi i vendeve të punës duhet të plotësohen me reformat e sektorit publik, pa të cilat, profesionistë të kualifikuar do të vazhdojnë të emigrojnë.

Ekzistojnë edhe politika që mund të inkurajojnë me sukses kthimin e diasporës së tyre me aftësi të larta profesionale, duke siguruar stimuj tatimorë për emigrantët e kthyer.

Kthimi i emigrantëve mund të mbështesë zhvillimin ekonomik, veçanërisht kur ata sjellin kapital dhe njohuri, dhe kur vendet e tyre u japin atyre kushtet e duhura për të vënë në zbatim plotësisht aftësitë dhe përvojën e tyre, sugjerojnë ekspertët.

The post Emigracioni i trurit/ Vetëm 30% e emigrantëve të arsimuar shqiptarë punojnë në profesionet e tyre appeared first on Albeu.com.

Mëngjesin e sotëm, kryeministri i vendit Edi Rama, ndau në rrjetet sociale  pamje nga tre adoleshentët të cilët kanë zgjedhur një mënyrë ndryshe, për të kaluar sezonin veror.

“Dhe me këta tre adoleshentë nga Anglia që kanë ardhur të punojnë e pushojnë në Himarë, ju uroj një ditë të bukur”, shkruan Rama në rrjetet sociale.

Djemtë rrëfyen edhe eksperiencën e tyre.

“Jemi këtu për të punuar në këtë hotel. Kemi ardhur këtu për t’u argëtuar, por dhe për të punuar njëkohësisht”, thekson njëri prej djemve.

“Po, jemi këtu për të punuar. Jemi tre shokë nga Anglia. Jemi të gjithë 16-vjeç. Në verë, vijmë të punojmë një muaj, shijojmë diellin, takojmë njerëz të rinj. Po, na pëlqen shumë”, tha djaloshi tjetër.

“Më pëlqen të përjetoj dhe njoh kultura të reja. Më pëlqen të takoj njerëz të rinj dhe të gjithë shqiptarët janë shumë të mirë”, tha djali tjetër.

Ata u bënë apel të rinjve shqiptarë të ndjekin shembullin e tyre. “Duhet të vijnë të punojnë në këto lloj hotelesh. Kanë detin afër dhe nuk është aspak keq. Ndërkohë, merr edhe para për atë që bën”, tha djaloshi.

“Për mua është një eksperiencë e shkëlqyer, njeh njerëz të rinjë, kulturë tjetër dhe nëse je shqiptar, vjen punon këtu, merr para dhe po ashtu shijon edhe detin”, vijoi djali tjetër.

Djemtë thanë se pasi mbarojnë turnin e mëngjesit, kanë mundësi të shijojnë edhe plazhin.

“E shijojmë plazhin për rreth 3 orë detin, pasi mbyllim turnin e parë. Kemi mundësi të lahemi, rrimë aty dhe pushojmë. Më tej, kthehemi dhe bëhemi gati për të rinisur punën. Punën e mbyllim në 17:30 dhe më pas jemi të lirë të pushojmë, dalim, shijojmë darkën. Ne punojmë 7-8 orë në ditë. Edhe paga është shumë e mirë. Unë do qëndroj deri në datën 25 gusht, pasi më tej, më vjen familja ime dhe do të vazhdoj pushimet me ta. Djemtë e tjerë do të ikin më 15 gusht”, tha djaloshi.

Gjithashtu, ata thanë se kanë dëshirë të rikthehen sërisht në Shqipëri për të përjetuar këtë eksperiencë.

“Patjetër që po. Unë vij çdo vit, jam gjysmë shqiptar. Ushqimin shqiptar e kam shumë qejf, madje ma gatuan dhe gjyshja në shtëpi, pasi është shqiptare”, tha njëri prej djemve.

The post Rama publikon videon/ Djemtë nga Anglia pushojnë e punojnë në Himarë: Shijojmë plazhin duke fituar para appeared first on Albeu.com.

Në tremujorin e fundit të vitit të kaluar, 18% e personave mbi 65-vjeç ishin të punësuar, niveli më i lartë që nga tremujori i tretë 2022.

Më 2023, shkalla e punësimit mbi moshën 65-vjeç ishte mesatarisht 16.3%, nga rreth 14.8% në vitin 2022.

Siç shihet nga grafiku i mëposhtëm, punësimi i pensionistëve nisi të rritej pas vitit 2016, kur nisi fluksi i azilkërkuesve në Europë.

Më pas, rritja e punësimit në moshën e tretë nisi të forcohej pas pandemisë, kur flukset e emigrimit filluan të rriten sërish, duke lënë mangësi në tregun e punës.

Në njërën anë, hapësirat e lëna bosh nga të rinjtë në tregun e punës dhe në tjetrën pensionet e ulëta, po shtyjnë gjithnjë e më shumë pensionistët të punojnë.

Puna pas pensionit është e pranishme në të gjithë sektorët, madje edhe në sektorin publik.

Në qarqet e vendit, ende shumë pensionistë punojnë në sektorët e arsimit, shëndetësisë, etj., për shkak se nuk ka të rinj për t’i zëvendësuar.

Në të njëjtën periudhë, tregu i punës është bërë më pak tërheqës për të rinjtë.

Gjatë periudhës tetor-dhjetor të vitit 2023, sipas të dhënave nga Anketa e Forcës së Punës, ishin të punësuar mbi 253,5 mijë persona të moshës 15-29-vjeç, ose 21 mijë më pak se në të njëjtën periudhë të vitit 2022.

Të dhëna të detajuara nga INSTAT, tregojnë se punësimi në këtë kategori ra me -7.7%.

Me përjashtim të periudhës korrik-shtator, kur është kulmi i turizmit, në tre tremujorët e tretë, numri i të punësuarve të grupmoshës 15-29 vjeç erdhi në rënie.

Rënia e punësimit në moshat e reja, u shoqërua me rritje jo të zakontë të punësimit të pensionistëve (grupmosha mbi 64 vjeç).

Sipas INSTAT, punësimi në këtë grup pati një zgjerim vjetor me gati 50% në tremujorin e fundit të vitit 2023.

Gati 82 mijë persona mbi 64-vjeç ishin në punë në tetor-dhjetor 2023, nga 54,5 mijë që ishin në të njëjtën periudhë të vitit 2022.

Të dhënat tregojnë se ishin punësuar mbi 27 mijë pensionistë më shumë se në tremujorin e fundit të vitit 2022.

Ka një tendencë vitet e fundit se kur bie punësimi i të rinjve, ka më shumë të punësuar mes pensionistëve.

Punësimi i të rinjve po has në vështirësi vitet e fundit, duke reflektuar rikthimin e papunësisë, edhe pse tregu i punës ka shfaqur kërkesë të fortë, sidomos pas pandemisë./Monitor

The post Të rinjtë po ikin në emigracion, të moshuarit punojnë appeared first on Albeu.com.