Rinovimi i fushës në stadiumin “Air Albania” ka mbërritur në etapën përfundimtare, me punimet që po ecin në përputhje me afatet e përcaktuara për investimin e Federatës Shqiptare të Futbollit.

Ndërhyrja ka përfshirë rindërtimin tërësor të bazamentit të fushës. E gjithë struktura është realizuar nga fillimi, me synimin që impianti të përmbushë nivelet më të larta teknike dhe funksionale.

Në stadium ka përfunduar gjithashtu instalimi i tapetit të ri hibrid. Kjo sipërfaqe moderne dhe rezistente është projektuar në përputhje me kriteret e UEFA-s për organizimin e ndeshjeve ndërkombëtare.

Pas vendosjes së tapetit është kryer mbjellja e barit natyral. Specialistët po vazhdojnë monitorimin dhe mirëmbajtjen e fushës, në mënyrë që ajo të arrijë kushtet optimale për zhvillimin e takimeve zyrtare.

Sipas kalendarit të parashikuar, fusha e re e “Air Albania” do të jetë tërësisht e përdorshme gjatë muajit shtator. Projekti përfshihet në strategjinë e Federatës Shqiptare të Futbollit për përmirësimin e infrastrukturës sportive në Shqipëri dhe është i lidhur drejtpërdrejt me përgatitjet për finalet e Kampionatit Europian U-21 2027, të cilat do të organizohen bashkërisht nga Shqipëria dhe Serbia.

Pritja e këtij kompeticioni cilësohet si një ngjarje historike për futbollin shqiptar, por edhe si një mundësi e veçantë për promovimin ndërkombëtar të vendit. Në këtë kuadër, FSHF po vijon të investojë në impiantet sportive, për të siguruar standardet më të larta organizative dhe për t’i lënë futbollit shqiptar një trashëgimi infrastrukturore afatgjatë.

Me mbylljen e punimeve në “Air Albania”, Shqipëria do të ketë një nga sipërfaqet e lojës më moderne në rajon. Fusha do të krijojë kushte ideale për ndeshjet e ekipeve kombëtare, finalet e UEFA EURO U-21 2027 dhe aktivitete të tjera të rëndësishme ndërkombëtare që Federata Shqiptare e Futbollit synon të organizojë në vend.

The post Euro U-21 2027, rinovimi i fushës së “Air Albania” në fazën finale, gati në shtator appeared first on Albeu.com.

Qarkullimi në segmentin rrugor që lidh Kijevën me Zahaqin vijon të kalojë nëpër devijime të përkohshme, teksa kantieri shkakton vonesa për shoferët, komunitetin lokal dhe sipërmarrjet e zonës. Pikërisht për të parë nga afër këtë situatë, ministri në detyrë i Infrastrukturës dhe Transportit, Dimal Basha, zhvilloi një inspektim mbi ecurinë e projektit.

Një prej nyjeve më problematike për fluksin e automjeteve është rruga alternative e hapur pranë Urës së Dollcit, pasi pjesa kryesore e aksit ndodhet në proces gërmimi. Gjatë bashkëbisedimit me specialistët e firmës zbatuese në vendngjarje, ministri u informua se ky bllokim pritet të zgjidhet brenda një jave, duke rikthyer kështu tranzitin normal në rrugën ekzistuese.

Gjatë inspektimit, kreu i MIT-it zhvilloi konsultime të drejtpërdrejta me ekipet inxhinierike në çdo pjesë të projektit, duke trajtuar një sërë vështirësish tipike për punime të kësaj përmasash. Sipas parashikimeve të bëra në terren, ky aks rrugor do të përfitojë së shpejti një ritëm më të lartë dhe një dinamikë të përmirësuar të punës.

Duke pranuar bezdisjet që u shkaktohen banorëve dhe bizneseve, Ministria në detyrë e Infrastrukturës dhe Transportit u bën thirrje qytetarëve për mirëkuptim. Institucioni garanton se do të qëndrojë prezent në terren, në koordinim me të gjithë palët përgjegjëse, për të adresuar në kohë sfidat dhe për të përshpejtuar përfundimin e kësaj vepre me rëndësi.

The post Ministri Basha në terren: Verifikohen punimet në aksin rrugor Kijevë – Zahaq appeared first on Albeu.com.

KEDS ka paralajmëruar se gjatë ditës së sotme do të zhvillojë punime në rrjetin energjetik, çka do të sjellë ndërprerje të kufizuara të furnizimit me energji elektrike në disa zona.

Sipas njoftimit, punimet do të realizohen në Prishtinë, Prizren dhe Ferizaj.

Në Prishtinë, në kuadër të punimeve të domosdoshme për sigurinë e sistemit, nga NS 110/20 kV Prishtina 7 do të ndërpritet Dalja 20 kV J06 Dalja nr. 1 (kodi: 19000072) nga ora 10:00 deri në ora 14:00. Kjo ndërprerje përfshin rr. Gazmend Zajmi, rr. Mitrovica, rr. Anton Qeta, rr. Rexhep Mala dhe rr. Tringë Smajli. Shkak për këtë është testimi i sistemit SCADA në stabilimentin Arif Dermishi.

Po ashtu, nga NS 110/10(20) kV Prishtina 2 do të ndërpritet Dalja 20 kV J03 Dalja nr. 1 (kodi: 11000072) në intervalin kohor 10:00 deri në 14:00. Pa energji do të mbesin rr. Rrustem Statovci, rr. Adrian Krasniqi, rr. Jashar Salihu dhe rr. Latif Berisha. Edhe në këtë rast, arsyeja është testimi i sistemit SCADA në stabilimentin Arif Dermishi.

Në Prishtinë janë planifikuar edhe punime nga pala e tretë. Nga TS 110/10[kV] Prishtina 5 do të ndërpritet Dalja 10[kV] Bardhosh (kodi: 13000001) nga ora 10:00 deri 14:00. Ndërprerja do të prekë një pjesë të fshatit Bardhosh, Siçevë, një pjesë të Bërnicës, Trudë dhe Sharban. Arsyeja e kësaj ndërhyrjeje është eliminimi i fushës ajrore sipas PEE.

Në rajonin e Prizrenit, në kuadër të punimeve të domosdoshme për sigurinë e sistemit, nga NS 110/10 kV Theranda do të ndërpritet Dalja 10 kV J06 Gjinovci (kodi: 32000003) nga ora 10:30 deri në ora 15:00. Kjo ndërprerje do të përfshijë fshatrat Gjinoc, Greikoc, Leshan (një pjesë), Sallagrazhdë, Shirokë (një pjesë), Topliqan (një pjesë) dhe Gelancë. Arsyeja e ndërprerjes është instalimi i përçuesit në projektin M.26.01.028 – “TS Lapidari Grikovc 3 – 32000003035”.

Në Ferizaj, ndërkaq, janë paraparë punime nga pala e tretë. Nga TS 110/35/10[kV] Lipjani do të ndërpritet Dalja 10[kV] Zona Industriale (kodi: 41000009) prej orës 09:00 deri 18:00. Pa furnizim me energji do të mbesin TS Emonek, TS Coca Cola, TS Motrat Binjake, TS Janina, TS Agim Nita, TS Mulliri Millenium, TS Xella, TS Pofix, TS Semerana, TS Ekzoni, TS Keja Company, TS UBT, TS Muja dhe TS Gega. Arsyeja e këtyre punimeve është kryerja e punimeve sipas PEE.

The post KEDS njofton ndërprerje të përkohshme të rrymës në disa zona për shkak të punimeve appeared first on Albeu.com.

Bëhet fjalë për një inxhinier ndërtimi dhe një punonjës, përkatësisht Noel Vata, 37-vjeç dhe Arion Dyli 28-vjeç, të cilët po punonin për ndërtimin e një objekti të ri pas një banese ekzistuese, pa dokumentacionin përkatës ligjor.

Policia bën me dije se është shpallur në kërkim edhe pronari i objektit, shtetasi S. I., 37-vjeç, në emër të të cilit po kryheshin punimet.

Ndërkohë, ndaj babait të tij, B. I., ka nisur procedimi penal në gjendje të lirë, pasi po mbikëqyrte punimet e paligjshme në terren.

Të arrestuarit janë identifikuar si:

Noel Vata, 37-vjeç, inxhinieri që drejtonte punimet;

Arion Dyli, 28-vjeç, një nga punonjësit që ndodhej në vendin e ndërtimit.

Policia e Komisariatit Nr. 1 ka nisur hetimet dhe po vijon punën për të lokalizuar dhe ndaluar shtetasin në kërkim, ndërkohë që kontrollet për evidentimin e ndërtimeve pa leje dhe zënies së hapësirave publike në Tiranë do të vijojnë në mënyrë të pandërprerë.

Materialet procedurale janë referuar në Prokurorinë e Tiranës për veprime të mëtejshme.

The post Punime pa leje në “Kodrën e Diellit”/ Arrestohen inxhinieri dhe punëtori, shpallet në kërkim pronari i objektit (EMRAT) appeared first on Albeu.com.

Njoftimi i ARRSH-së:

Autoriteti Rrugor Shqiptar njofton se duke filluar nga data 27.03.2024 do të kryejë punimet në rrugën qe lidh Unazën Lindore me rrethrrotullimin e TEG ku do të bëjë devijimin e trafikut sipas planit të menaxhimit të trafikut, për të realizuar rampën lidhëse Unaza Lindore në drejtim të Tiranës.

Pas përfundimit të rampës lidhëse, rruga që vjen nga Sauku për në nyjen TEG (rruga që kalon te Mai Tai Resort) mbyllet, duke shërbyer vetëm për bizneset e zonës. Menaxhimi i trafikut do kryhet sipas Planit të Menaxhimit të Trafikut.

-Kontraktori i punimeve në bashkëpunim me ARRSH dhe Policinë Rrugore kanë marrë të gjitha masat për menaxhimin e trafikut.

-Kërkojmë mirëkuptimin e drejtuesve të mjeteve dhe banorëve të zonës për këtë devijim.

The post Punimet në Unazën Lindore/ ARRSH jep detaje: Prej 27 marsit do ketë devijim trafiku në këtë segment appeared first on Albeu.com.

Kryeministri thotë se Beratit po i shtohet një atraksion i ri turistik, me projektin e Parkut të Liqenit të Mbreshtanit.

Rama gjithashtu, ka publikuar disa foto nga punimet në këtë park, ku thekson se do të shndërrohet në një pikë takimi me natyrën dhe se do t’i bëjë shëtitjet e qytetarëve edhe më të këndshme.

Postimi i Ramës:

“Një atraksion i ri turistik po i shtohet Beratit me projektin e Parkut të Liqenit të Mbreshtanit, i cili do të shndërrohet në një pikë takimi me natyrën, me shtimin e gjelbërimit dhe pedonalen e re rreth e përqark, për t’i bërë shëtitjet e qytetarëve edhe më të këndshme”, shkruan kreu i qeverisë.

The post Rama ndan pamje nga punimet në Parkun e Liqenit të Mbreshtanit: Beratit po i shtohet një atraksion i ri turistik appeared first on Albeu.com.

ARRSH ka treguar si do të bëhet lëvizja e automjeteve dhe shkruan se shoferët që shkojnë në drejtimin Shkozë-Farkë mund të shfrytëzojnë rrugën e vjetër.

NJOFTIMI:

Mjetet që lëvizin në drejtimin Shkozë-Farkë mund të shfrytëzojnë rrugën e vjetër. Në vijim të punës në Lotin 3 të Unazës Lindore, ku do të fillojë shtrimi me asfaltbeton në nyjën e mbikalimit në Shkozë, ditën e shtunë, datë 16.12.2023, nga ora 06:00-22:00, do të bëhet bllokimi i qarkullimit në segmentin rrugor “Rrethrrotullimi  Shkozë-Farkë e Madhe (nyja e Xhamisë)” në drejtimin Shkozë-Farkë.

Ndërkohë kahu tjetër i lëvizjes, Farkë-Shkozë do të jetë i hapur normalisht. Mjetet që lëvizin në drejtimin Shkozë-Farkë, mund të shfrytëzojnë rrugën e vjetër ekzistuese për në Farkë. 

Autoriteti Rrugor Shqiptar kërkon mirëkuptimin e drejtuesve të mjeteve dhe banorëve të zonës për këtë ndërhyrje.

The post Të shtunën punime në Lotin 3 të Unazës Lindore, ARRSH njofton rrugën nga duhet të kaloni appeared first on Albeu.com.

Pa energji do të mbeten këto zona në Tiranë:

09:00-13:00

Pjesërisht: Bulevardi “Zogu I”, rruga “Luigj Gurakuqi”, zona pranë sheshit “Avni Rustemi”, rruga “Fadil Rada”, rruga “Beqir Luga”, rruga “Tefta Tashko”

10:00-12:00

Pjesërisht: “Rruga e Elbasanit”, Gjokaj, Vorë, Valias

12:00-14:00

Pjesërisht: “Rruga e Elbasanit”.

The post Punime në fidera, këto zona të Tiranës nesër do të kenë ndërprerje të energjisë elektrike appeared first on Albeu.com.

Për shkak të retorikës së ashpër nga Aleanca për Mbrojtjen e Teatrit, duket se Policia ka marrë masa për shmangien e incidenteve, duke vendosur kordon policie rreth zonës.

Para nisjes së punimeve, Policia ka kryer inspektimin e zonës edhe me ndihmën e një qeni, për të garantuar se terreni është i sigurtë, shkruan Topchanel. Ndërkohë, efektivët kanë ndërtuar edhe një perimetër sigurie.

The post Pritet të nisin punimet për ndërtimin e Teatrit të ri, policia rrethon zonën appeared first on Albeu.com.

Njoftimi:

Nisur nga njoftimi i marrë nga Policia Greke, se për shkak të punimeve që do të kryej pala greke në Pikën Kufitare Tre Urat, Përmet, nga ora 13:30-15:30, nuk do të lejohet lëvizja e këmbësorëve dhe e automjeteve, në hyre dhe në dalje të kësaj pike kufitare.

Policia Kufitare njofton qytetarët, të cilët kanë planifikuar për të udhëtuar nëpërmjet Pikës Kufitare Tre Urat, Përmet, që gjatë këtij intenerari kohor pika e kalimit kufitar do të jetë e bllokuar për shkak të punimeve që po kryen në palën Greke në Tre Urat, Përmet.

The post Çfarë ndodhi? Pika kufitare me Greqinë mbyllet për 2 orë appeared first on Albeu.com.