Që nga fillimi i vitit, 16 punëtorë kanë humbur jetën në vendin e tyre të punës. Nga këto raste, 65.7 për qind janë regjistruar në sektorin e ndërtimtarisë.

Përfaqësuesit e shoqërisë civile e konsiderojnë shqetësuese situatën aktuale të sigurisë dhe shëndetit në punë. Ndërkaq, Inspektorati Qendror i Punës është institucioni që shqipton masa ndëshkuese ndaj punëdhënësve kur evidentohen shkelje në vendin e punës.

Gersi Gashi, nga Qendra për Politika dhe Avokim, deklaroi për KosovaPress se vdekjet e punëtorëve e bëjnë sigurinë dhe shëndetin në punë çështjen më shqetësuese për momentin. Sipas tij, Inspektorati i Punës duhet ta trajtojë këtë problem duke zbatuar një metodë që deri diku ka rezultuar e suksesshme: mbylljen e punishteve.

Gashi theksoi se ndalimi i veprimtarisë është mënyra e vetme për të garantuar që një punishte pa kushte të përshtatshme për sigurinë dhe shëndetin në punë të mos vazhdojë punën. Ai kërkoi gjithashtu forcimin e politikës së zero tolerancës, në mënyrë që Inspektorati i Punës të mos tolerojë aspak raste të tilla. Sipas tij, shtimi i numrit të gjyqtarëve të rinj dhe standardizimi i mënyrës së trajtimit të lëndëve do t’u mundësonin gjykatave ta përshpejtonin epilogun e rasteve që lidhen me të drejtat e punëtorëve.

Nga aspekti juridik, gjyqtari i Gjykatës Supreme, Qerim Ademaj, tha për KosovaPress se gjykatat kanë kompetencë të shqyrtojnë kërkesat e palës së dëmtuar për kompensimin e çfarëdo dëmi.

Ademaj bëri të ditur se, në raste të caktuara kur një punëtor ka vdekur gjatë punës, punëdhënësit i kanë kompensuar vullnetarisht familjarët e tij. Megjithatë, kur palët nuk janë pajtuar për shumën e kompensimit ose për çështje të tjera, familjet i janë drejtuar gjykatës për të kërkuar dëmshpërblimin që vlerësojnë se u takon. Ai tha se gjykatat trajtojnë shpesh lëndë të kësaj natyre, përfshirë dëmet që prekin familjen e viktimës.

Sipas Ademajt, përveç kompensimit të dëmit, nuk ekziston ndonjë formë tjetër ndëshkimi ndaj punëdhënësve në situata të tilla.

Kryetari i Sindikatës së Punëtorëve të Sektorit Privat, Jusuf Azemi, vlerësoi se mungesa e dënimeve për rastet e mëparshme i inkurajon kompanitë private që të mos tregohen të përgjegjshme ndaj punëtorëve. Ai tha se dëshira kryesore është të mos ketë asnjë vdekje në vendin e punës dhe se sindikata nuk synon dënimin e askujt.

Megjithatë, Azemi theksoi se një punëtor mund të humbë jetën, ndërsa pronari i kompanisë mund të mbahet më së paku 48 orë, të lirohet më pas dhe të mbetet i lirë. Sipas tij, mosndëshkimi i rasteve të mëparshme u jep pronarëve një lloj inkurajimi për të mos mbajtur përgjegjësi ndaj punëtorëve të sektorit privat të Kosovës.

KosovaPress i ka dërguar pyetje Inspektoratit Qendror të Punës lidhur me këtë çështje dhe aksionin në vendpunishte, por deri në publikimin e artikullit nuk ka marrë përgjigje.

The post 16 punëtorë humbën jetën në vendin e punës, kërkohet zero tolerancë ndaj punëdhënësve appeared first on Albeu.com.

Pas rasteve të fundit me fatalitet në vendet e punës, Këshilli për Mbrojtjen e të Drejtave dhe Lirive të Njeriut ka reaguar duke e cilësuar ende alarmante nivelin e sigurisë së punëtorëve në Kosovë.

KMDLNj bën të ditur se gjatë vitit të kaluar humbën jetën 32 punëtorë në Kosovë, pjesa më e madhe e tyre në sektorin e ndërtimtarisë.

Organizata thotë se prej kohësh kërkon kushte më të mira pune dhe kontrolle më të shpeshta parandaluese. Ajo ka propozuar gjithashtu që paratë e arkëtuara nga gjobat t’u ndahen familjeve të viktimave dhe punëtorëve që pësojnë invaliditet të përhershëm.

Në reagim renditen si shkaqe kryesore të aksidenteve vdekjeprurëse mungesa e pajisjeve dhe masave mbrojtëse, kushtet atmosferike, kualifikimi i pamjaftueshëm, gjendja shëndetësore, mosha e punëtorëve dhe mbikëqyrja e dobët nga institucionet.

Sipas KMDLNj-së, një pjesë e madhe e punëtorëve vazhdon të punojë pa kontrata, çka ua pamundëson atyre ushtrimin e të drejtave që u takojnë. Organizata vlerëson se nuk janë nxjerrë mësime nga humbjet e jetëve, të cilat, sipas saj, pa asnjë dyshim mund të shmangeshin. Për pasojë, as viti 2026 nuk ka sjellë përmirësim në mbrojtjen e punëtorëve dhe të jetës së tyre.

Gjendja e vështirë ekonomike, sipas reagimit, i shtyn shumë qytetarë të pranojnë çfarëdo kushti që u vendoset nga punëdhënësi. KMDLNj e lidh pikërisht këtë situatë me numrin e lartë të jetëve të humbura në punë.

Për përmirësimin e gjendjes, KMDLNj kërkon shtimin e inspektorëve në terren ose kontraktimin e një kompanie mbikëqyrëse që disponon kapacitete profesionale. Organizata thekson se kalimi i përgjegjësisë nga një politikan te tjetri nuk ndihmon në trajtimin e kësaj çështjeje të ndjeshme.

Në vend të përplasjeve politike, sipas KMDLNj-së, nevojiten bashkëpunim dhe koordinim ndërinstitucional, pasi vetëm në këtë mënyrë mund të parandalohen humbjet e jetëve.

Në përfundim të reagimit, KMDLNj nënvizon se puna përbën një të drejtë themelore të njeriut, por ajo mbetet pa vlerë nëse nuk sigurohet e drejta për jetë, mbi të cilën mbështeten dhe ndërtohen të gjitha të drejtat e tjera.

The post KMDLNj ngre alarmin për sigurinë në punë: 32 punëtorë humbën jetën vitin e kaluar appeared first on Albeu.com.

Pasojat e mungesës së fuqisë punëtore po i vuajnë më së shumti bizneset.

Baret dhe restorantet, por edhe kompanitë e transportit pohojnë se problematika e mungesës së fuqisë punëtore për këta sektorë është thelluar.

Ndërsa janë të shumta kompanitë që thonë se nuk po kërkojnë më punëtorë nga vendet aziatike, për shkak të largimit të shqiptarëve në Europë.

Situata paraqitet kritike edhe kompanitë e transportit. Vështirësia në gjetjen e drejtuesve të kamionit dhe stafit teknik për serviset pohohet nga përfaqësues të kompanisë së transportit “Shega Trans”.

Sipas tyre problematika po krijohet për shkak të largimit të punonjësve vendas në emigracion, kryesisht në Gjermani, shtet i cili ka lehtësuar kushtet për lidhjen e kontratave të punësimit.

Përfaqësues të kompanisë pohuan për Monitor se si zgjidhje po shihet marrja e punonjësve nga vendet aziatike, pavarësisht rrezikut për largimin e tyre, ndërsa është e vështirë gjetje e punonjësve nga shtete europiane, si Rumania apo Bullgaria.

Sipas Shoqatës së Bareve dhe Restoranteve edhe në këtë nisje të sezonit të mungesa e fuqisë punëtore vijon të jetë prej 15 mijë vende të lira pune. Vjet për shkak të mungesës së theksuar të fuqisë punëtore shumë struktura shërbimi kërkuan punonjës nga Filipinet apo vendet aziatike.

Përfaqësuesi i shoqatës së Bareve dhe Restoranteve Enri Jahja tha për Monitor se nisma për punësime nga vendet aziatike nuk ka funksionuar, pasi punonjësit largohen drejt Europës pas 2 apo 3 muajve qëndrim.

Jahja thotë se për shkak të kësaj situatë shumë biznese gjenden përballë një situate në të cilën po punësojnë punonjës të pakualifikuar apo si staf mbështetës për pastrim, për baçevan (mirëmbajtësi i lulishtes) hidraulik, elektricist etj po punësohen pensionistë.

Deri në 2019 sipas të dhënave të INSTAT të punësuar në bare dhe restorante ishin rreth 45,000 persona, ku megjithatë vlerësohet se sektori ka informalitet të lartë.

Në vend janë gjithsej 15,5 mijë bare, nga 22 mijë në vitin 2015, duke qenë aktiviteti i dytë më i preferuar në vend, pas biznesit të pakicës. Sipas të dhënave të regjistrit të bizneseve të INSTAT në vitin 2021 u mbyllën 854 aktivitete të shërbimeve të ushqimeve e pijeve, me rënie 5.2%.

Tq dhëna të tjera të Eurostat bënë të ditur se pesionistët gjithnjë e më shumë po i drejtohen tregut të punës. Në fund të treujorit të parë, se nga të moshuarit mbi 65 vjeç, rreth 16% e tyre punonin. /monitor

The post Krizë për punëtorë, restorantet e baret po punësojnë pensionistë appeared first on Albeu.com.

Sipas parashikimeve të ekspertëve, numri i njerëzve në tregun gjerman të punës deri në vitin 2060 do të ulet ndoshta nga 45.7 në 40.4 milionë. Sipas Institutit për Kërkimin e Tregut të Punës dhe Profesioneve (IAB), potenciali i fuqisë punëtore do të ulet me 11.7 për qind në këtë periudhë, duke marrë parasysh faktorë të tillë si ndryshimet demografike, nataliteti, imigracioni dhe emigracioni. “Rezultatet tregojnë se kompanitë do të kenë dukshëm më pak punëtorë në dispozicion në dekadat e ardhshme,” thotë ekonomisti i IAB Enzo Weber.

Më shumë gra dhe të moshuar në tregun e punës

Ky vlerësim merr parasysh kundërmasat dhe faktorët e jashtëm të shumtë si zhvillimet ekonomike dhe demografike jashtë vendit, si dhe lindshmërinë. Pa këto masa, numri i punëtorëve të disponueshëm në treg do të jetë edhe më i vogël. Sipas studimit, vetëm shkalla e punësimit të grave dhe të moshuarve do të zhvillohet pozitivisht në vitet në vijim.

Për gratë gjermane nën moshën 55 vjeç, ekspertët supozojnë se norma do të rritet nga 87 në 93 për qind, ndërsa për gratë me origjinë të huaj nga 67 në 77 për qind. Llogaritjet bazohen në supozimin se lindshmëria do të rritet nga 1.5 në 1.7 fëmijë për grua.

“Vendet e treta po bëhen gjithnjë e më të rëndësishme për BE-në kur bëhet fjalë për migracionin për motive punësimi. Pra, barrierat duhet të hiqen, por në të njëjtën kohë duhet bërë më shumë për të siguruar që emigrantët të fitojnë një terren në tregun e punës dhe të gjejnë perspektiva afatgjata në Gjermani”, thotë Weber.

A do të ulet popullsia?

Sipas studimit, imigracioni nga vendet e BE-së, si Polonia apo Rumania, do të reduktohet ndjeshëm. Ndërsa mesatarisht 900.000 njerëz nga vendet e BE-së erdhën në Gjermani në dhjetë vitet e fundit, në vitin 2060, sipas studimit, do të jetë vetëm 600.000.

Nga ana tjetër, imigracioni nga vendet e treta do të rritet nga 240.000 në 500.000 njerëz në vit. Por duhet mbajtur parasysh edhe emigracioni nga Gjermania: sipas vlerësimeve, nga 750.000 që janë aktualisht, ai do të arrijë në një milion njerëz që largohen nga vendi çdo vit.

Sipas vlerësimeve, vetëm 72.6 milionë njerëz do të jetojnë në Gjermani në vitin 2060, që është rreth dhjetë milionë më pak se sot. Mbi të gjitha, imigracioni nga vendet e tjera të BE-së ka të ngjarë të bjerë ndjeshëm pasi kushtet e jetesës atje përmirësohen dhe në të njëjtën kohë situata demografike është ndonjëherë edhe më pak e favorshme se në Gjermani.

Sipas vlerësimeve, vetëm 72.6 milionë njerëz do të jetojnë në Gjermani në vitin 2060, që është rreth dhjetë milionë më pak se sot. Mbi të gjitha, imigracioni nga vendet e tjera të BE-së ka të ngjarë të bjerë ndjeshëm pasi kushtet e jetesës atje përmirësohen dhe në të njëjtën kohë situata demografike është ndonjëherë edhe më pak e favorshme se në Gjermani.

The post Gjermania në krizë për krah pune, ekspertët: Do t’i mungojnë miliona punëtorë deri më 2060 appeared first on Albeu.com.

Gjatë fjalës së tij, Rama tha se është shumë e rëndësishme që sipërmarrësit të mbajnë forcat punëtore duke i paguar mirë sepse gjendja po bëhet alarmante në çdo shtet të botës.

The post Rama takim me biznesin në Durrës: Do të shpërthejë gara mes vendeve për krahë pune, alarmi po rritet appeared first on Albeu.com.

Ministrja e Punës e Italisë, Marina Elvira Calderone duke folur gjatë Forumit ‘Confcommercio’ dha alarmin për situatën në dukje kontradiktore që ka mbërthyer tregun e punës në Itali. Ajo tha se vendi po përballet me një mungesë të madhe të fuqisë punëtore dhe se mungojnë gjithsej një milion punëtorë në disa sektorë ekonomikë.

“Sot, ndoshta kemi një milion vende pune që nuk jemi në gjendje t’i mbulojmë, ndërkohë që kemi shumë njerëz që janë jashtë qarkut të punës dhe për rrjedhojë nga angazhimi. E shikoj me interes një sezon protagonizmi të organeve të ndërmjetme shoqërore të shtetit. Kjo i detyrohet një protagonizmi të fortë të shoqatave të punëdhënësve të shoqatave sindikaliste që kanë detyrën e rëndësishme të mbikëqyrin pazaret e mira. Një paradoks i vërtetë, duke qenë se ka më shumë se dy milionë të papunë në vend dhe ka një normë rekord të papunësisë tek të rinjtë, e dëshmuar në 224%, përveç dy milionë të rinjve NEET, fëmijë që nuk studiojnë, nuk stërviten dhe nuk punojnë, dhe një normë punësimi të femrave deri në 13 pikë nën mesataren e BE-së”, tha ajo.

Sipas Anketës së Profesioneve të Sistemit ‘Excelsior’, sektorët që kanë më shumë nevojë për punëtorë janë ato të shëndetësisë, inxhinierisë, shërbime personale, e të tjera.

The post Italia në krizë, ministrja: Na duhen 1 milionë puntorë appeared first on Albeu.com.

Një nga sektorët në ngërç për mungesën e punëtorëve është edhe ai fason.

Edvin Prençi, kryetari i shoqatës “Pro Eksport Albania”, tha për “Monitor” se prej muajsh fabrikat e sektorit fason po punësojnë gra nga Nepali, pasi punonjës të kombësive të tjera, kryesisht Bangladeshi, janë larguar të gjithë.

Sipas tij, nevoja më e lartë për punësime është më emergjente në sektorin e prodhimit të këpucëve. Deri tani numri i grave të punësuara nga Nepali për fabrikat fason të këpucëve nëpërmjet shoqatës arrin në 120. Fabrika të tjera të tekstilit që prodhojnë për të tretët nëpërmjet agjencive të punësimit kanë punësuar gra nga Filipinet me eksperiencë të ngjashme në vendin e tyre.

“Prej 3 muajsh shumica e fabrikave të sektorit fason po punësojnë gra nga Nepali që kanë përqindje më të ulët rreziku për t’u larguar. Frika e largimit ekziston edhe për këtë kategori të punësuara, çka do të dëmtonte kompanitë e sektorit, pasi kostot janë të larta”.

Kryetari i Shoqatës Pro Eksport Albania shton se pavarësisht se dokumentacioni është thjeshtësuar, mbeten ende të larta kostot për marrjen e punonjësve të huaj.

“Tarifa për përkthim/noterizim të dokumenteve ka kosto 5,000 lekë, 50 euro kosto për policën e sigurimit të shëndetit, 422 euro bileta e udhëtimit në rast se me dakordësi do ta paguajë punëdhënësi. Afati për mbylljen e procedurave është 50 ditë. Pas mbylljes së tyre sërish ekziston frika e problemeve deri në ardhjen e personit”.

Në total sektori fason numëron një mungesë prej 25,000 punëtorësh. Për shkak të kërkesës së lartë të fuqisë punëtore nga largimi i vendasve në emigracion sektori ishte ndër të parët që punësuan punonjës nga Bangladeshi, ku në shumë raste rezultoi që e përdorën Shqipërinë si trampolin për të emigruar drejt Europës. Largimi i punonjësve nga Bangladeshi është ngritur si shqetësim nga fabrikat e përpunimit të drurit dhe industrisë përpunuese ushqimore.

Tashmë mungesa e fuqisë punëtore është thelluar edhe në sektorin e bareve dhe restoranteve (shoqata e Bareve dhe Restoranteve deklaroi mungesën e 15,000 punëtorëve), transportit dhe përpunimit të drurit.

Kompanitë e këtyre sektorëve kohët e fundit po shohin si zgjidhje punësimin e punonjësve nga Egjipti. Përballë riskut për largimin e punonjësve, siç ka ndodhur më parë, kompanitë po e konsiderojnë marrjen e punonjësve nga Egjipti një fazë eksperimentale, pasi nuk mbetet rrugëzgjidhje tjetër për gjetjen e burimeve njerëzore.

Më herët shoqatat e biznesit rekomanduan se nga shteti duhet të ofrohet zgjidhje për mungesën e fuqisë punëtore nëpërmjet hartimit të një plani kombëtar, ku secili nga sektorët të nxjerrë të dhënat për kërkesën e fuqisë punëtore të munguar dhe më pas agjencitë e rekrutimit të kontrollohen nga shteti./monitor/

The post Të larguarit nga Bangladeshi po zëvendësohen me punëtorë nga Nepali, 120 gra të punësuara në fabrikat e këpucëve appeared first on Albeu.com.

ndërkohë që Gjitkastra rezulton të jetë qarku me numrin më të lartë të të punësuarve për frynmë.

Nadërsa ka numrin më të lartë të banorëve ose një të tretën e popullsisë në vend.

Durrës ka numrin më të lartë të autoveturave për pasagjerë me 279 për 1.000 banorë, Korça ka volumin më të madh të prodhimit të pemëvefrutore, Fieri numrin më të madh të bagëtive.

/AlbEu.com/

The post INSTAT nxjerr të dhënat: Qyteti me lindjet më të larta dhe ai me më punëtorët appeared first on Albeu.com.

Kanadaja ka një popullsi të plakur me një shkallë më të ulët të lindjeve. Çfarë do të thotë kjo është se nëse vendi dëshiron të rritet, në vend që të tkurret, do të duhet të sjellë emigrantë. Emigracioni tashmë përbën pothuajse të gjithë rritjen e fuqisë punëtore të vendit, dhe deri në vitin 2032, pritet të llogarisë gjithashtu të gjithë rritjen e popullsisë së vendit, sipas një njoftimi për shtyp të qeverisë.

Kanadaja ka pasur historikisht mbështetje shumë të lartë për emigracionin. Por kjo nuk do të thotë se nuk ka shqetësime për këtë fenomen. Pjesë të ndryshme të Kanadasë gjithashtu kanë qëndrime të ndryshme ndaj emigracionit. Kur qeveria njoftoi objektivat e saj agresive deri në 500,000 emigrantë të rinj në vit, provinca e Quebec, e cila duhet të vendosë kufijtë e saj të emigrimit, tha se nuk do të pranonte më shumë se 50,000 në vit. Kjo do të thotë që Quebec, i cili ka 23% të popullsisë së vendit, do të pranonte vetëm 10% të emigrantëve që vijnë në Kanada.

The post Kanadaja ka mungesë të forcës punëtore, ndërmerr nismën për 1.5 milionë emigrantë në 3 vitet e ardhshme appeared first on Albeu.com.

Shkak ky largimi dita ditës i kompanive të huaja nga vendi, si pasojë e sanksioneve perëndimore kundër Rusisë tha kryebashkiaku i Moksës Sergey Sobyanin nëpërmjet një postimi në rrjetet sociale, shkruan CNN.

Për këtë aryse kryebashkiaku i Moksës tha se autoritetet lokale do të zbatojnë paketa lehtësuese me një buxhet prej 41 milionë dollarësh për të mbështetur qytetarët që rrezikojnë të humbasin punën, tha Sobyanin.

“Ne vazhdojmë të zbatojmë planin për përmirësimin e qëndrueshmërisë së ekonomisë së kryeqytetit. Siç ishte planifikuar, javën e kaluar ne miratuam programin për të mbështetur punonjësit që rrezikojnë të humbasin punën. Duke marrë parasysh subvencionet nga buxheti federal, 3.36 miliardë rubla do të ndahen për zbatimin e planit. Para së gjithash, programi u drejtohet punonjësve të kompanive të huaja që kanë pezulluar përkohësisht aktivitetet e tyre ose kanë vendosur të largohen nga Rusia. Sipas vlerësimeve tona, rreth 200,000 njerëz janë në rrezik të humbasin punën e tyre”, shkroi Sobyanin.

Plani i ndihmës për punësim përfshin trajnimin e personelit, punësimin në punë të përkohshme dhe publike dhe stimuj për organizatat dhe firmat që punësojnë këta punëtorë, shtoi ai./albeu.com

The post Moskë/ 200 mijë njerëz rrezikojnë të humbasin punën appeared first on Albeu.com.