Bajram Selimi, nga fshati Kuqicë, ka ndërruar jetë si pasojë e plagëve të marra pasi u rrëzua nga një objekt ku ishte duke punuar në Zubin Potok.

Lajmi i rëndë është bërë i ditur nga faqja e këtij fshati në rrjetin social “Facebook”.

Banorët e përshkruajnë Bajramin si një punëtor të palodhur, njeri pozitiv dhe shok të mirë, i cili gëzonte respektin dhe dashurinë e të gjithë atyre që e njihnin. Ai vlerësohej për virtytet e larta njerëzore dhe përkushtimin në punë.

Lamtumirë, Bajram Muharrem Selimi!

Sot, në mënyrë tragjike, humbi jetën bashkëvendësi ynë, Bajram Muharrem Selimi, nga lagjja Hogjaj. Ai ndërroi jetë gjatë kohës që po punonte në Zubin Potok.

Humbja e parakohshme e Bajramit përbën një dhimbje të madhe për familjen, miqtë dhe të gjithë bashkëvendësit.

Familjes, të afërmve dhe miqve u shprehen ngushëllime të sinqerta. Zoti e mëshiroftë dhe e shpërbleftë me Xhenet.

U prehsh në paqe, Bajram Shoqi.

The post I riu nga Skenderaji humb jetën pas rrëzimit nga objekti ku punonte appeared first on Albeu.com.

Rënia nga lartësia në një objekt ku po punonte i mori jetën një 49-vjeçari të hënën, më 24 gusht.

Ngjarja e rëndë nuk është e vetmja vdekje në vendin e punës e shënuar gjatë këtij viti. Vetëm në gjashtë muajt e parë janë evidentuar 19 raste të punëtorëve që kanë humbur jetën, ndërsa pjesa dërrmuese e tyre lidhet me sektorin e ndërtimtarisë.

Kryetari i Sindikatës së Pavarur të Sektorit Privat, Jusuf Azemi, thotë se, bazuar në ecurinë e deritanishme, viti aktual mund të rezultojë më i rëndë se 2025. Sipas tij, deri në këto momente janë regjistruar saktësisht 19 raste.

“Duke e krahasuar periudhën kohore me vitin e kaluar, sipas të gjitha gjasave, fatkeqësisht ky vit do të jetë më i keq se viti i kaluar, hala ma e rëndë është sepse përderisa në vendet e tjera në perëndim, shpeshherë edhe në Kosovë te punëtorët e sektorit publik, këta punëtorë kanë një mbështetje financiare nga vendi ku punojnë, te ne ende nuk e kemi dhe sipas të gjitha gjasave nuk do ta kemi. Shifrat e sakta janë 19 këtë vit deri në këto momente”, deklaroi Azemi.

Eksperti i sigurisë në punë, Naim Bajraktari, vlerëson se përgjegjësia kryesore për këto raste u takon punëdhënësve.

“Pyetja është se cilat masa duhet të ndërmerren për t’i ndalur këto ngjarje që po ndodhin dhe kush duhet t’i marrë ato. Punëdhënësi duhet t’i marrë plotësisht masat: të trajnojë punëtorët, t’u sigurojë pajisjet, të krijojë vende të sigurta pune dhe të bëjë vlerësimin e rrezikshmërisë në vendet e punës”, shprehet Bajraktari.

Sipas tij, parandalimi i tragjedive të tilla kërkon masa konkrete, përfshirë trajnimet dhe caktimin e një personi kompetent për sigurinë.

“Këto fatkeqësi mund të shmangen përmes marrjes së masave, trajnimeve dhe caktimit të një profesionisti ose, në fund të fundit, të një personi me përvojë në punët e përditshme që kryhen. Ai duhet t’i zbatojë masat dhe të kujdeset për sigurinë e punëtorëve”, vlerëson ai.

Ndërkohë, gjatë korrikut, Inspektorati Qendror i Punës mbylli 16 vendpunishte në disa komuna të Kosovës, pas parregullsive të konstatuara në fushën e sigurisë në punë.

Gjatë vitit 2025, në vendin e punës jetën e humbën 32 punëtorë.

The post 19 punëtorë kanë humbur jetën deri në gusht – Azemi paralajmëron se 2026 mund të jetë më i rëndë se 2025 appeared first on Albeu.com.

Inspektorati Qendror i Punës ka vendosur ndërprerjen e menjëhershme të aktiviteteve në 12 vendpunishte të shpërndara në territorin e Skenderajt, Mitrovicës, Vushtrrisë, Prizrenit dhe Ferizajt, si pasojë e gjetjes së shkeljeve të rënda të normave të sigurisë dhe shëndetit në punë.

Këto inspektime janë kryer në kuadrin e monitorimit të rregullt që ky institucion u bën zbatimit të ligjeve të punës dhe standardeve të sigurisë në ambiente pune.

Sipas njoftimit zyrtar, gjatë kontrolleve u evidentuan shkelje të rënda të dispozitave ligjore, të cilat përbënin një kërcënim serioz për jetën dhe mirëqenien e punëtorëve.

Si rrjedhojë e parregullsive të zbuluara, inspektorët urdhëruan ndalimin e punës në të 12 lokacionet, duke specifikuar se veprimtaria nuk mund të rifillojë pa korrigjuar shkeljet dhe pa vendosur kushte të sigurta pune.

IQP-ja sqaroi se rifillimi i punimeve do të autorizohet vetëm pasi inspektorët të verifikojnë se janë plotësuar të gjitha detyrimet ligjore dhe standardet e sigurisë.

Inspektorati Qendror i Punës ka bërë të ditur gjithashtu se mbikëqyrja do të shtrihet në të gjithë Kosovën, duke paralajmëruar se nuk do të ketë tolerim ndaj shkeljeve që vënë në rrezik jetën dhe shëndetin e punonjësve.

The post Pezullohen punimet në 12 vendpunishte në pesë komuna nga Inspektorati i Punës appeared first on Albeu.com.

Sindikata e Re e KEK-ut ka reaguar pas vdekjes së një punëtori të KEK-ut, i cili sot humbi jetën si pasojë e kontaktit me tensionin elektrik gjatë kryerjes së detyrës.

Siç bëhet e ditur në njoftimin e KEK-ut, punëtori me inicialet A.A. po merrej me transportimin dhe zhvendosjen e kabllove 6 kV kur ra në kontakt me energjinë elektrike dhe pësoi lëndime të rënda.

Sipas Sindikatës së Re të KEK-ut, kjo është një tjetër ngjarje që ngre shqetësime serioze për sigurinë në vendin e punës. Vetëm gjatë vitit 2026, nga aksidentet në punë kanë humbur jetën katër punëtorë të KEK-ut: Mixhen Sadiku, Milazim Binaku, Haxhi Gojnovci dhe Arbenit Ahmeti.

Sindikata shprehet se pas çdo rasti tragjik pasojnë reagime nga menaxhmenti, Bordi, ministria dhe institucionet e tjera. Në këto raste jepen ngushëllime, premtohen masa dhe kërkohen sqarime, ndërsa për disa ditë vëmendja përqendrohet te siguria në punë.

“Pyetja jonë është e drejtpërdrejtë: pse institucionet reagojnë vetëm pasi ndodh tragjedia?”, thuhet në reagim.

Sipas sindikatës, rrezikut nuk po i paraprihet dhe nuk po ngrihet një sistem që do ta zbulonte e largonte atë përpara se të shkaktonte humbje jete.

“Pritet të ndodhë aksidenti, më pas reagojmë, bëjmë deklarata dhe pas një kohe gjithçka harrohet, deri në tragjedinë e radhës”, thekson Sindikata e Re e KEK-ut.

Organizata vlerëson se problemi nuk lidhet vetëm me sigurinë teknike, por edhe me mënyrën e menaxhimit dhe kulturën e punës në KEK.

“Një menaxhim i mbështetur më shumë te presioni, frika dhe masat ndëshkuese sesa te komunikimi, motivimi dhe respekti për punëtorin mund të quhet lirshëm menaxhim represiv dhe jo motivues”, thuhet në reagim.

Sindikata nënvizon se një punëtor që angazhohet në kushte të rrezikshme duhet të ndihet i sigurt për të thënë: “Kjo punë është e pasigurt”, pa pasur frikë nga pasojat.

“Punëtori duhet të dëgjohet para aksidentit, jo vetëm të kujtohet pasi tragjedia të ketë ndodhur”, thekson Sindikata e Re e KEK-ut.

“Siguria nuk fillon pas aksidentit. Ajo fillon përpara tij.

Menaxhmenti, Bordi, ministria dhe të gjitha strukturat përgjegjëse duhet të kalojnë nga reagimi pas ngjarjes te parandalimi para saj.

Katër jetë të humbura vetëm brenda një viti duhet të përbëjnë një alarm serioz për të gjithë.

Mixhen Sadiku, Milazim Binaku, Haxhi Gojnovci dhe Arbenit Ahmeti nuk duhet të mbeten vetëm emra në një komunikatë ngushëllimi dhe më pas të harrohen.

Kujtimi për ta duhet të kthehet në përgjegjësi, masa konkrete dhe ndryshim të mënyrës së menaxhimit të sigurisë dhe të punëtorëve.

Nuk duam më reagime pas tragjedive.

Duam veprime përpara se të humbet jeta e radhës”, thuhet në reagimin e Sindikatës së Re të KEK-ut.

The post Sindikata e Re e KEK-ut: Veprimet për sigurinë nuk duhet të nisin vetëm pas tragjedive appeared first on Albeu.com.

Haxhi Gojnovci, i cili vdiq dje tragjikisht teksa ndodhej në vendin e tij të punës, do të përcillet sot, më 17 gusht, për në banesën e fundit.

Sindikatës së Re – KEK njoftoi se ceremonia mortore do të zhvillohet në fshatin Grabofc, duke nisur nga ora 19:00.

Në njoftimin e sindikatës thuhet se Haxhiu ndërroi jetë gjatë kryerjes së detyrës, duke shkaktuar pikëllim të thellë te familjarët, kolegët dhe të gjithë personat që e kishin njohur.

Sindikatës së Re – KEK i përcolli ngushëllimet më të sinqerta familjes Gojnovci, të afërmve dhe kolegëve të të ndjerit.

Mesazhi i lamtumirës përfundon me fjalët: “Pusho në paqe, Haxhi! Qofsh banor i Xhenetit!”

The post Haxhi Gojnovci, punëtori i KEK-ut që humbi jetën në punë, varroset sot appeared first on Albeu.com.

Andin Hoti, ministër në detyrë i Punës, ka njoftuar se nga 1 shtatori Inspektorati Qendror i Punës do t’i zhvillojë inspektimet në mënyrë plotësisht digjitale, pas vendimit të marrë për fuqizimin e mbikëqyrjes inspektuese.

Sipas Hotit, ky ndryshim do të krijojë mundësi për dokumentimin e të dhënave në kohë reale, do të shtojë transparencën dhe llogaridhënien, si dhe do ta bëjë më efikas monitorimin e punës në terren.

“Paralelisht do të nisë përdorimi i teknologjisë së dronëve, e cila do të shërbejë si mjet ndihmës gjatë kontrolleve në kantieret dhe vendet e punës me rrezikshmëri të lartë, në pajtim me legjislacionin në fuqi. Gjithashtu, do të ndërmarrim hapa për forcimin e bashkërendimit ndërinstitucional, me synimin që institucionet përgjegjëse ta shkëmbejnë informacionin në kohë reale dhe mbikëqyrja të ketë karakter sa më parandalues”, ka shkruar ai.

Njoftimi vjen në ditën kur Këshilli për Mbrojtjen e të Drejtave dhe Lirive të Njeriut (KMDLNj) reagoi lidhur me rastet e fundit të vdekjeve në vendet e punës, duke e cilësuar ende alarmante gjendjen e sigurisë së punëtorëve në Kosovë.

KMDLNj-ja bëri të ditur se gjatë vitit të kaluar në Kosovë humbën jetën 32 punëtorë, shumica prej tyre në sektorin e ndërtimtarisë.

The post Hoti: Nga 1 shtatori nisin inspektimet digjitale dhe mbikëqyrja me dronë në vendet e punës me rrezik appeared first on Albeu.com.

Rastet e aksidenteve në vendet e punës po shënojnë rritje, duke shtuar shqetësimet për sigurinë e punëtorëve dhe zbatimin e masave që synojnë mbrojtjen e tyre.

Lëndime të reja raportohen pothuajse çdo javë, ndërsa disa prej ngjarjeve përfundojnë edhe me viktima. Këto raste dëshmojnë mangësi në respektimin e standardeve të sigurisë gjatë punës.

Të martën, në një vendpunishte në Prishtinë, një i ri humbi jetën dhe një person tjetër u lëndua. Pas kësaj ngjarjeje, numri i personave që kanë vdekur në Kosovë nga aksidentet në punë gjatë këtij viti arriti në 16.

Të dhënat tregojnë se aksidentet në vendin e punës vijojnë të përbëjnë një ndër problemet më të rënda për institucionet, punëdhënësit dhe organet që kanë përgjegjësi për mbikëqyrjen e kushteve, sigurisë dhe shëndetit në punë.

Kryetari i SPSP-së, Jusuf Azemi, tha se nga viti 2018 deri më sot janë regjistruar 179 vdekje në vendet e punës. Sipas tij, as shoqëria dhe as institucionet nuk i kanë trajtuar ndonjëherë këto raste me seriozitetin e duhur. Ai vlerësoi se masat e ndërmarra deri tani mund të kenë qenë tepër të buta, duke kujtuar se jetën e kanë humbur edhe punëtorë në moshë shumë të re, ndërsa pronarët e kompanive janë liruar për të shkuar në shtëpi pas 48 orësh.

Shoqata e Ndërtuesve kërkon hartimin e një strategjie kombëtare që do të përmirësonte sigurinë në vendpunishte, krahas rritjes së ndërgjegjësimit të punëtorëve për të drejtat e tyre.

Valon Vataj, kryetar i Shoqatës së Ndërtuesve të Kosovës në OEK, deklaroi se në treg veprojnë kompani pa përvojë, por edhe kompani që, për t’i përfunduar punët më shpejt, nuk i respektojnë kushtet e sigurisë. Megjithatë, ai e konsideron problem edhe moszbatimin e këtyre kushteve nga vetë punëtorët, të cilët, sipas tij, nuk po e kuptojnë se në këtë mënyrë po vënë në rrezik jetën e tyre. Vataj theksoi se jeta nuk duhet rrezikuar në asnjë formë.

Në një komunikatë, Inspektorati Qendror i Punës bëri të ditur se është ende herët për përfundime përfundimtare mbi rastin e fundit. Për shkak të natyrës dhe rrethanave të ngjarjes, nevojiten hetime dhe ekspertiza shtesë për të përcaktuar shkakun e saktë të aksidentit dhe përgjegjësitë që lidhen me zbatimin e masave për sigurinë dhe shëndetin në punë. Inspektorati vlerësoi gjithashtu se duhet fuqizuar koordinimi institucional mes autoriteteve që japin lejet ndërtimore dhe institucioneve mbikëqyrëse.

Kryetari i Prishtinës, Përparim Rama, tha se kontrolli i respektimit të standardeve për mbrojtjen dhe sigurinë në punë i takon Inspektoratit Qendror të Punës, i cili funksionon në kuadër të nivelit qendror.

Prokuroria ka hapur hetime në lidhje me veprat penale “Shkaktimi i rrezikut të përgjithshëm” dhe “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”. Për këtë rast, Policia ka ndaluar tre persona.

Personi tjetër që u lëndua po merr trajtim në QKUK. Drejtori i mjekimit intensiv, Shaqir Uka, bëri të ditur se parametrat vitalë të të lënduarit janë të qëndrueshëm, ndonëse lëndimet e tij janë cilësuar serioze.

The post Aksidentet në punë: 179 viktima nga viti 2018, prej tyre 16 gjatë këtij viti appeared first on Albeu.com.

Snezhana Paunoviq, e cila në vitin 2025 u bë pjesë e Qeverisë së Serbisë, për më shumë se një dekadë ka marrë të ardhura të dyfishta nga shteti — si ligjvënëse dhe si udhëheqëse e një enti farmaceutik në Pejë, Kosovë.

Ajo që e bën rastin problematik është fakti se Institucioni Farmaceutik Pejë, të cilin ajo e drejtonte, u mbyll ligjërisht me një akt qeveritar në vitin 2021.

Vetë Paunoviq firmosi kërkesën për shlyerjen e këtij subjekti nga regjistrat zyrtarë, sipas materialeve të shqyrtuara nga Radio Evropa e Lirë.

Pavarësisht kësaj, pagesa e saj në cilësinë e drejtoreshës nuk u ndërpre, duke vijuar edhe pasi institucioni kishte reshtur së ekzistuari.

Gjatë 11 viteve sa qëndroi në këtë detyrë, ajo përfitoi një shumë prej rreth 146 mijë euro nga arka shtetërore serbe.

The post Instituti u shua, paga mbeti: Si arkëtoi 146 mijë euro ministrja serbe Snezhana Paunoviq? appeared first on Albeu.com.

Sipas të dhënave të INSTAT, që janë të disponueshme deri në vitin 2024, një punonjës shqiptar punonte 41.3 orë në javë, nga 41.6 orë vitin e mëparshëm. (Për të punësuarit me pagë, orët totale të punës janë më të larta, duke arritur në 43.6).

Të dhënat e tjera të Eurostat, që i përkasin vitit 2025 tregojnë se në Europë kryeson Turqia, me 42.8 orë në javë. Mali i Zi është i dyti me 42.3 orë, por të dhënat më të fundit i përkasin vitit 2020.

Bosnjë Herecegovina vijon me 40.9 orë, e ndjekur në rajon nga Serbia me 40.6. Orët më të ulëta në rajon i kanë punonjësit e Maqedonisë së Veriut (39.5). Nuk ka të dhëna për Kosovën.

I gjithë rajoni punon me orë më të gjata se shtetet e Bashkimit Europian. Sipas Eurostat, në vitin 2025, orët aktuale javore të punës për punonjësit me kohë të plotë dhe me kohë të pjesshme në Bashkimin Europian (BE), të moshës 20-64 vjeç, në punën e tyre kryesore, ishin mesatarisht 35.9 orë.

Orët mesatare aktuale të punës në javë ndryshojnë midis vendeve të BE-së. Javët më të gjata mesatare u regjistruan në Greqi (39.6 orë), e ndjekur nga Polonia dhe Bullgaria (38.7 orë secila), Lituania (38.4 orë) dhe Sllovenia (38.3 orë).

Në të kundërt, javët më të shkurtra ishin në Holandë (31.9 orë), Gjermani dhe Danimarkë (33.9 orë secila) dhe Austri (34.0 orë).

Shqipëria ka produktivitet të ulët, sidomos për ndërmarrjet e mëdha

Sipas të dhënave të tjera, një studim i OECD (Organizata për Bashkëpunim dhe Zhvillim Ekonomik) gjeti se produktiviteti i ndërmarrjeve të vogla dhe të mesme (NMV) në Shqipëri është sa 29% e mesatares së BE sipas të dhënave që i takojnë vitit 2023.

Sipas krahasimeve të OECD-së një punonjës në një NVM shqiptare prodhon mesatarisht 14,924 euro në vit, ndërsa në ndërmarrjet e mëdha kjo shifër rritet në 19,645 euro.

Në BE një punonjës nga NVM-të kap vlerën e 52,000 eurove për person dhe 87 mijë euro për bizneset e mëdha. Si rrjedhojë, produktiviteti i sipërmarrjeve të mëdha në Shqipëri është më i ulët se atyre të vogla e të mesme, me një prodhim sa 22.6% e mesatares së ndërmarrjeve të mëdha në BE.

Ndërmarrjet e mëdha në Shqipëri renditen jo vetëm sa një e pesta e mesatares së BE-së, por kanë dhe produktivitetin më të ulët në rajon.

Kryesimin e mban Serbia, me 31.4 mijë euro/person, e ndjekur nga Bosnjë Hercegovina me 27 mijë euro dhe Maqedonia e Veriut, me 21.6 mijë euro./Monitor

The post Shqiptarët të tretët në Europë për orët e gjata të punës appeared first on Albeu.com.

Pa u ndikuar nga rrjedha e zgjedhjeve, Hoxha ka vijuar detyrën e tij si mjek pranë ekipit sportiv të Elbasanit, për t’u shërbyer futollistëve në rast nevoje.

The post Në mëngjes hodhi votën në kuti e pasdite u rikthye në punë! Kandidati për Bashkinë Cërrik në detyrë si mjek pranë skuadrës së Elbasanit appeared first on Albeu.com.