H5N1 mund të përhapet mes zogjve me shpejtësi nëpërmjet pështymës dhe sekretimit të jashtëqitjes. Virusi mund të përhapet edhe te njerëzit nëse ata janë në kontakt të ngushtë me një zog të infektuar, por shkencëtarët thonë se lloji aktual nuk paraqet rrezik të lartë. Autoritetet e shëndetit bujqësor të Perusë kanë paralajmëruar njerëzit që të mos prekin zogjtë e ngordhur dhe nëse shohin të tillë në plazhe të njoftojnë autoritetet dhe të mos i prekin. Përveç Perusë, gripi i shpendëve ka prekur Europën dhe Shtetet e Bashkuara të Amerikës. Shpendët e egër janë më të prekurit, sidomos ata detarë.

The post Gripi i shpendëve në Peru, Autoritetet japin alarmin: Mijëra pelikanë kanë ngordhur appeared first on Albeu.com.

Ndërkohë në Durrës prej tre javësh në tre pulari po ngordhin pula çdo ditë, ndërsa vetëm dje Ministria e Bujqësisë konfirmoi rastin e parë të gripit të shpendëve.

Sipas raporteve paraprake, dyshohet se kanë ngordhur rreth 1 milion pula dhe ato asnjë nga institucionet përgjegjëse nuk po vepron për t’i marrë.

The post Ngordhja masive e pulave në Durrës, Prokuroria nis hetimet appeared first on Albeu.com.

Sipas ministrisë, nuk bëhet fjalë për grip shpendësh, por për një tjetër sëmundje, të quajtur “laringotrakeiti infektiv”, i cili prek rrugët e sipërme të frymëmarrjes.

Ministria ka qetësuar qytetarët, ku tha se nuk ka asnjë rrezik që sëmundja të kalojë te njerëzit.

“Deri më tani raportohen rreth 200 mijë shpendë të ngordhura. Janë kryer pranë ISUV analizat në bazë të mostrave të marra. Sipas të dhënave të deritanishme rezultatet tregojnë sëmundjen e Laringotrakeitit infektiv në shpendë. Është një sëmundje që prek kryesisht shpendët. Laringotrakeiti infektiv nuk është një sëmundje zoonotike dhe nuk transmetohet te njerëzit dhe as nëpërmjet produkteve ushqimore nga shpendët, për pasojë nuk përbën rrezik për shëndetin publik.  Është e rëndësishme të theksojmë dhe të sigurojmë konsumatorët se deri më tani nuk ka asnjë rast ku të jetë shfaqur influence aviare (gripi i shpendëve)”, thekson ministria, duke shtuar se në subjektet e tjera shpendrritëse për vezë e mish, në të gjithë territorin e vendit, AKVMB ka marrë masa të menjëhershme për parandalimin e përhapjes së sëmundueshmërisë dhe deri më tani nuk është raportuar asnjë rast.

Kujtojmë se ditën e djeshme u raportuar për 500 mijë pula të ngordhura në tre pularitë më të mëdha në Durrës, Aiba, Ovvital dhe Reas./albeu,com

The post Mijëra pula të ngordhura në Durrës, Ministria qetëson qytetarët: Sëmundja nuk transmetohet te njerëzit appeared first on Albeu.com.

Burime bëjnë me dije se pulat e ngordhura janë të tri pularive të mëdha, Aiba, Reas dhe Ovital.

Mësohet se Reas dhe Ovital kanë mbetur pa asnjë pula, ndërsa tek Aiba kanë ngordhur 30 mijë./albeu.com

The post Alarm në pularitë më të mëdha të Durrësit, ngordhin 500 mijë pula appeared first on Albeu.com.

Mishi i pulës është mishi më i konsumuar në botë ku vetëm për të ushqyer amerikanët, 9 miliardë pula vriten çdo vit dhe rreth 50 miliardë për të ushqyer gjithë botën.

Këta zogj jetojnë dhe vdesin brenda objekteve të ashpra të prodhimit industrial që vendosin fitimin mbi mirëqenien e kafshëve.

Organizata ‘Animal Rescue Albania’, ka lajmëruar së fundmi, se më datë 16 shkurt, do të publikohet një video e cila tregon qartë torturat e pulave para therjes.

Sipas tyre, bëhet fjalë për prodhuesin e katërt më të madh të shpendëve në Evropë, i cili shet produktin e saj edhe në dyqanet e Shqipërisë.

Videoja, përveç se jo etike, cenon hapur sigurinë ushqimore dhe shëndetin e njeriut.

Më poshtë një pjesë e raportit, dërguar nga ‘Animal Rescue Albania’:

“Në datën 16 shkurt do të publikohet në rrjetet sociale një video -raport investigativ nga një organizatë jo fitim-prurëse spanjolle e cila nxjerr në pah kushtet e tmerrshme të kafshëve në një fermë pulash, të lidhur me prodhuesin e katërt më të madh të shpendëve në Evropë, i cili shet produktin e saj edhe në dyqanet e Shqipërisë.

Videoja, është marrë midis korrikut dhe gushtit 2021 në një fermë pulash në Itali.

Zogjtë e kalbur do të mund të shihen duke u çukitur nga zogj të gjallë, të tjerët në agoni, zogj me deformime dhe fraktura të ndryshme, të paaftë për tu ngritur në këmbë.

Për disa, është e pamundur të arrijnë në vendin e ujit të pijshëm, gjë që ua bën vuajtjen edhe më të madhe.

Imazhet do të zbulojnë gjithashtu sjellje të dhunshme nga ana e stafit, duke i goditur dhe shkelmuar.

Qafat e tyre gjithashtu shihet se janë thyer ose kokat e tyre janë shkelur deri në vdekje.

Dendësia e lartë e pulave në fermat e fabrikës përbën rrezik për shëndetin publik.

Përqendrimet e mëdha të kafshëve të së njëjtës specie në një hapësirë të kufizuar është vërtetuaR se rrit rrezikun e sëmundjeve zoonotike.

Shpërthimet e gripit të shpendëve të zbuluara vitet e fundit në ferma në disa vende (përfshirë vendet në zonën ekonomike të BE-së), përforcojnë nevojën për aplikimin e metodave për të reduktuar rrezikun e sëmundjeve zoonotike.

Një masë e tillë është kultivimi i racave me rritje të ngadaltë, gjë që çon në rezistencë më të lartë ndaj sëmundjeve.”

Në pritje të video-skandalit i cili me siguri do të bëjë ‘xhiron e rrjetit’ dhe do të cënojë rëndë sigurinë ushqimore edhe në vendin tonë, ju ftojmë të shikoni vetëm ‘pak nga shumë’ vuajtjet në jetën e shkurtër të pulave.

Ju paralajmërojmë, se paraprakisht këto pamje (dhe ato që do të publikohen më datë 16 Shkurt), nuk do të prekin vetëm anën tuaj prej konsumatori, por edhe atë humane./syri

The post Skandal i radhës mbi mishin e pulës! Më 16 shkurt publikohet video-raporti, Shqipëria blerëse e rregullt appeared first on Albeu.com.