Krahas videos së publikuar në rrjetet sociale, Shehaj shprehet se pjesëtarët e këtij delegacioni janë “të padenjë të përfaqësojnë shqiptarët”.

“Skandal, delegacioni qeveritar në vizitë zyrtare kapet duke luajtur me letra në mes të Strasburgut. Kaq seriozisht e merr Taulant Balla dhe shokët e tij përfaqësimin e Shqipërisë në Europë. Keta janë të padenjë për të përfaqësuar shqiptarët”, shkruan Shehaj.

Në këtë video, të publikuar online dy protestues kanë kapur “mat” delegacionin shqiptar në Strasburg teksa luanin me letra bixhozi.

The post VIDEO/ Balla, Mazniku, Kushi dhe Vengu kapen duke luajtur bixhoz në Strasburg, Shehaj publikon pamjet: Të padenjë të përfaqësojnë shqiptarët appeared first on Albeu.com.

Me këtë vendim, Gjykata e Lartë, ka prekur pjesërisht praktikën e mëparshme të vitit 2011, duke vendosur kritere të reja që i japin më shumë mbrojtje lirisë së individit dhe e kufizojnë përdorimin automatik të masës “arrest në burg”.

Tre shtyllat e vendimit të ri

Rishikimi i praktikës gjyqësore mbështetet në tre parime thelbësore, të cilat gjykatat duhet t’i zbatojnë tashmë detyrimisht:

1.Detyrimi për një shqyrtim real të alternativave: Gjykata nuk mund të kënaqet më me arsyetimin se “arresti në burg” është masa e duhur. Ajo është e detyruar të shpjegojë qartë pse masat më të buta, si arresti në shtëpi ose detyrimi për paraqitje, nuk mjaftojnë në rastin konkret.

2.Rrezikshmëria nuk merret e mirëqenë nga vetë vepra: Kolegjet e Bashkuara hodhën poshtë praktikën sipas së cilës “arresti në burg” vendosej automatikisht për vepra të rënda ose kur dënimi i parashikuar ishte i lartë. Tani, rreziku i posaçëm duhet të provohet përmes një vlerësimi individual, ku merren parasysh personaliteti i autorit, sjellja e tij, si edhe rrethanat familjare dhe shëndetësore.

3.Barrën e provës e ka Prokuroria: Ndryshe nga më parë, i hetuari nuk ka më detyrim të sjellë “prova pozitive” për të merituar lirinë. Tashmë është organi i akuzës ai që duhet të mbështesë me fakte konkrete pse liria e personit paraqet rrezik dhe pse asnjë masë tjetër nuk e shmang këtë rrezik.

Ky vendim unifikues u mor në kuadër të shqyrtimit të çështjes së shtetasit Begtash Zeneli, në banesën e të cilit gjatë kontrollit u zbuluan 7 kilogramë e 350 gramë lëndë narkotike cannabis sativa. Edhe pse Prokuroria kërkoi me këmbëngulje “arrest në burg”, Gjykata e Apelit caktoi “arrest në shtëpi”, duke marrë parasysh moshën e tij 63-vjeçare, faktin se ishte i rehabilituar ligjërisht dhe gjendjen e rëndë shëndetësore të bashkëshortes.

Pasi shqyrtoi rekursin e prokurorit, Gjykata e Lartë vendosi të lërë në fuqi masën e “arrestit në shtëpi”. Sipas kolegjeve, edhe pse vepra ka një shkallë të lartë rrezikshmërie, kjo nuk mund të mbizotërojë automatikisht mbi rrethanat konkrete njerëzore të të dyshuarit, nëse nuk provohet rreziku i vërtetë i largimit apo i përsëritjes së veprës penale.

Në argumentimin e saj, Gjykata e Lartë nënvizoi se ky drejtim i ri është i nevojshëm për ta afruar drejtësinë shqiptare me standardet e Gjykatës Europiane për të Drejtat e Njeriut (GJEDNJ). Sipas vendimit, “arresti në burg” duhet të mbetet gjithmonë “ultima ratio” (masa e fundit), pasi prezumimi duhet të jetë në çdo rast në favor të lirisë.

Vendimi është dërguar për botim në Fletoren Zyrtare dhe pritet të ketë efekt të menjëhershëm në të gjitha gjykatat e vendit, duke ngritur më lart nivelin e arsyetimit për çdo kufizim të lirisë personale.

The post Gjykata e Lartë publikon vendimin unifikues për masën e sigurimit personal, prokuroria merr barrën e provës appeared first on Albeu.com.

Ai tha se projekti Smart-City duhej të monitorohej nga bashkisë, siç ndodh në botë.

“Edi Rama rikthen plotësisht survejimin e qytetarëve të kohës më të zezë të diktaturës komuniste. Për rikujtesë, për gjenerata të tëra që nuk e dinë, gjatë diktaturës, të gjitha ambientet e jashtme, anët e bulevardit, pemët, urat, etj, etj, kanë qenë të mbushura me ato që në ato kohë ne i quanim çimka, të cilat regjistronin 24 orë mbi 24 orë çdo bisedë që bëhej nga qytetarët që uleshin në ato anësore të trotuareve, ose në stola, ose në parqe. Çmenduria e diktaturës nuk kishte kufi.

Sot Edi Rama ka vendosur një sistem edhe më të thellë, edhe më të plotë survejimi se ai që ekzistonte në diktaturë. Pas instalimit të aparaturave të regjistrimit dhe përgjimit të plotë të internetit në Shqipëri, që ai bëri me rastin e bllokimit të TikTokut dhe që vazhdojnë edhe sot të kontrollojnë totalisht komunikimet me internet në Shqipëri, Edi Rama pajisi, vendosi në dispozicion të Policisë së Shtetit projektin që quhet Smart City.

Smart City është një projekt i bazuar në kamerat robotike, me rezolucion shumë të lartë dhe aftësi të mëdha, që në Evropë administrohet totalisht nga bashkitë dhe që është kryekëput në funksion të shërbimeve ndaj qytetarëve. U lutem, këtu keni një kamerë robotike që survejon ditë e natë protestën, kryengritjen paqësore të qytetarëve dhe rinisë shqiptare. Të tilla kamera janë vendosur në të katër anët e Tiranës dhe që të gjitha jo në disponim të bashkisë, por në disponim të shtetit policesk dhe Policisë së Shtetit”, tha Berisha.

The post Berisha publikon pamjet: Rama rikthen survejimin e qytetarëve si në komunizëm, ka vendosur kudo kamera robotike appeared first on Albeu.com.

Arredimi është bërë me detaje teksa në video shihet edhe tavani i ambientit i zbukuruar me gips. Hoxha theksoi gjithashtu se, ka parë investime në burg të bëra nga personazhe të botës së krimit, por asnjëherë në një nivel të tillë duke e cilësuar si të pabesueshme.

“Kemi një video, ka edhe audio. Kjo është një qeli burgu. Në burgun e sigurisë së lartë në Peqin. U them protestuesve ta shikojnë këtë videon kur bërtasin “Rama në burg, Berisha në burg”, duhet të kenë parasysh që mund të gjejnë edhe këto ambiente në burg. Po them unë, hotele nuk ka rastisur të këtij niveli dhe ky lloj arredimi. Shikoni si është dhoma e gatimit aty, dollapët, edhe punimet, shikoni se është shumë interesante.

Unë kam parë investime në burg të bëra nga personazhe të botës së krimit, por të këtij niveli mu u duk e pabesueshme. Pra, kjo këtu është dera, dera e qelisë. Dera e qelisë dhe ai kuadrati, dritarja që sheh gardiani. Aq i lejohet gardianit, s’hyn brenda. Tani, kur kalon videoja në krahun tjetër, këtu te dritarja shikoni hekurat e qelisë.

Pra, kjo është qeli në regjimin e brendshëm të burgut të sigurisë së lartë të Peqinit. Pra, siguri e lartë, nuk është një kamp i zakonshëm. Ky personi që është i dënuar, është i burgosur, ky ka bërë videot. Po nuk është qelia e tij.

Kjo është qelia e një personazhi shumë të rëndësishëm të botës së krimit, të narkotrafikut, të lojërave të fatit”, u shpreh ai.

The post VIDEO/ Skandal në burgun e Peqinit! Artan Hoxha publikon pamjet: Qelia si hotel me 7 yje… appeared first on Albeu.com.

Nafta rritet me 6 lekë për litër nga ndryshimi i fundit më 30 maj dhe benzina me 3 lekë për litër.

“Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 191 lekë/litri, ndërsa i shitjes me shumicë jo më shumë se 179 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 176 lekë/litri, ndërsa i shitjes me shumicë jo më shumë se 164 lekë/litër”, thuhet në njoftimin zyrtar.

Çmimet e caktuara nga Bordi do të hynë në fuqi sot datë 2 qershor, ora 15:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Njoftimi i Bordit të Transparencës:

“Bordi i Transparencës në datë 2 Qershor 2026, në mbledhjen e radhës vendosi:

-Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 191 lekë/litri, ndërsa i shitjes me shumicë jo më shumë se 179 lekë/litër.

-Çmimi i shitjes me pakicë i nënproduktit benzinë e standardit SSH EN të jetë jo më shumë se 176 lekë/litri, ndërsa i shitjes me shumicë jo më shumë se 164 lekë/litër.

-Çmimet e caktuara nga Bordi do të hynë në fuqi sot datë 2 ora 15.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

-Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi.

-Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

-Ministria e Ekonomisë dhe Inovacionit sëbashku me Ministrinë e Financave dhe Ministrinë e Infrastrukturës dhe Energjisë janë angazhuar të mbrojnë interesat e konsumatorëve shqiptarë dhe ruajtjes së parimeve të konkurrencës së ndershme në treg.

SQARIM: Referuar Aktit Normativ nr. 1, Datë 3.4.2026 “Për një shtesë në ligjin nr. 61/2012, “Për akcizat në Republikën e Shqipërisë,” të ndryshuar, ku është parashikuar, se në rast se çmimi i shitjes me pakicë, për gazoili është më i lartë se 220 lek/litri, apo për benzinën është më i lartë se 200 lek/litri, zbatohet niveli 80% i akcizës. Bazuar në zbatimin e metodologjisë për llogaritjen e çmimeve tavan te shitjes me pakice, çmimet janë nën kufirin e Aktit Normativ nr. 1, datë 3.4.2026, dhe për rrjedhojë niveli i akcizës do të zbatohet i plotë, 100%.

Gazoili për peshkim – çmimi i shitjes së gazoilit për peshkim, referuar Ligjit 9975, datë 28.07.2008 “Për taksat Kombëtare”, ne nenin Neni 9 “Përjashtimet nga pagimi i taksave kombëtare”, pika 6 parashikohet: …“Përjashtohen nga pagimi i taksës së qarkullimit dhe taksës së karbonit anijet e peshkimit. Gjithashtu referuar nenit 10, pika 3 germa “d” te Ligjit 61/2012 “Për akcizat në RSH” parashikohet përjashtimi nga detyrimet e akcizes i karburantit për anijet e peshkimit, në sasitë, kushtet dhe kriteret e përcaktuara në VKM. Referuar metodologjise së përcaktuar në aktin normativ, çmimi i shitjes së gazolit për peshkim rezulton 96 lekë.

The post Bordi i Transparencës publikon çmimet e reja/ Rritet nafta dhe benzina, ja me sa do të tregtohen appeared first on Albeu.com.

Në video-denoncimin e publikuar në rrjetet sociale, Korreshi shprehet i revoltuar teksa filmon plehrat e hedhura pa kriter kudo, përfshirë edhe në përroin që kalon përmes zonës dhe shërben për vaditje.

“Koshin e kemi, po shikoni si i kemi plehrat. Ky përroi vadit gjithë zonën, po shiko si janë plehrat aty”, thotë deputeti, duke e krahasuar me ironi situatën me Amazonën. “Ka në Amazon kështu? Jo, s’ka”.

Sipas Korreshit, zona e cila ka një potencial të jashtëzakonshëm natyror dhe mund të shërbente si një hapësirë shlodhëse për komunitetin, është kthyer në një landfill të hapur.

“Këtu është një freskëllëk, të bësh një piknik, një tavolinë… ja të mbyt era e plehrave”, thotë ai, duke theksuar se bukuria natyrore është shkatërruar nga papërgjegjshmëria.

Ai i bën thirrje direkte autoriteteve përgjegjëse që të ndërhyjnë për pastrimin e zonës, duke kujtuar se qytetarët paguajnë taksa pikërisht për shërbime të tilla.

Video-denoncimi i plotë:

Alo bishkia, jemi në Kasharaj. Liqeni, po zbresim poshtë te pallatet. Ja dhe rezultatet. Koshin e kemi, po shikoni si i kemi plehrat. Urdhëro! Këtu kalon përroi poshtë. Dhe ky përroi vadit gjithë zonën. Po shiko si janë plehrat aty. Si në Amazon! Ka në Amazon kështu? Jo, s’ka. Po hajde dilni njëherë në Kasharaj, kalojeni, shkeleni, prekeni llucën, se na mbytën plehrat! Na mbytën, na mbytën, na mbytën plehrat. Edhe njëherë që ta dini si zonë, te kthesë e fundit. Ja dhe këtu që i bie të jetë një burim, përrua, të ketë çik bukuri… Po ku të lënë bidonat, ku të lënë plehrat! Kështu që, këtu është një freskëllëk, të bësh një piknik, të vesh një tavolinë. Të mbyt era e plehrave! Hajde e pastrojeni, hajde se paguajnë lekë njerëzit për të pastruar plehrat! Hajde e pastroni plehrat! Se shiko sa bukuri është! Shiko sa e këndshme është, shiko! Këtu ka pasur dikur, i bie të ketë pasur një çezmë. Edhe kësaj i keni vënë tapë. O po dakord kjo! Shiko! Atje matanë plehra, shiko si i bëjnë bidonat atje. Shiko! Kapi njëçikë bidonat. Po pse ore burrë i dheut? Ja dhe për ta përmbyllur nga afër, ja koshi, ja plehrat. Bëjmë sikur s’i shikojmë ato pjesët që kanë rënë aty poshtë. Po duhen pastruar ato.

 

View this post on Instagram

 

A post shared by Saimir Korreshi (@saimir.korreshi)

The post Korreshi publikon pamjet nga Lushnja: Liqeni dhe përroi janë kthyer në landfill, na mbytën plehrat appeared first on Albeu.com.

Pamjet tregojnë një realitet të hidhur braktisjeje, ku mbeturinat, kanalet e bllokuara dhe shtyllat e tensionit të rrezikuara dominojnë peizazhin.

Denoncimi nis pranë vendit të quajtur “Tre Urat”, në rrugën që të çon drejt Tërbufit. Sipas deputetit, e gjithë zona është “mbytur nga plehrat dhe papastërtia”.

Gjendje alarmante paraqesin edhe kanalet kulluese, të cilat janë plotësisht të bllokuara nga bimësia e dendur dhe kallamishtet, duke e bërë të pamundur funksionimin e tyre dhe duke rritur rrezikun e përmbytjeve.

Një nga shqetësimet më të mëdha të ngritura në video është gjendja e shtyllave elektrike. Shumica e tyre janë të anuar rrezikshëm ose pothuajse të rrëzuara, duke përbërë një kërcënim serioz për sigurinë e banorëve dhe kalimtarëve.

Korreshi drejtohet me thirrje direkte zyrtarëve, përfshirë Ballukun dhe ministrin e Energjitikës dhe Infrastrukturës, Enea Karakaçin, duke i kërkuar të shohin realitetin në terren larg fasadave mediatike.

Postimi i plotë:

Karakaç, Balluk, Peço Jabanxhiu. Këtu jemi te Tre Urat. Fillon rruga për të shkuar për në Tërbuf. Kape situatën e shtyllave. Do të tregojmë më të bukurat. Kapi qelbsirëlliqet, për të gjitha njerëzit që paguajnë, hajde këtu shikoje pak koshin, se çfarë dreqi e ka bashkia e Divjakës se këtë zonën këtu e kap bashkia e Divjakës. Afrohu këtu për të kap këtë koshin tjetër europian. Është një kosh i lidhur një për një me tela, për të shkuar në Europë, a kupton? Me këtë shkojmë drejtpërsëdrejti në Europë. O Karakaç! Belinda meqë ishte dje në Lushnje që i tregoi ato bukuritë, ne po i tregojmë të gjithë zonën e saj që e ka mbytur muti, plehrat dhe papastërtia.

Tani, po të shikosh këtu, që do dalim ne pak. Shikoni si ka mbytur ferra, kallamat, shtëpitë. Urdhëro tabelat s’merret vesh ku është, në qoftë se të vish nga ara apo të vesh nga rruga. Urdhëro si janë këtu kallamishtet nëpër… nëpër të gjithë kanalet komplet nuk funksionon asgjë, nuk del asgjë. Urdhëro si i ka shtyllat. Karakaç! Ma kap pak Karakaç! Jo, ma kap pak. Ma kap këtë dhe m’i kap të gjitha një nga një m’i kap. Meqë kishte bërë spango, po të dalin çdo shtyllë, në çdo lagje lango. Shiko si i ke, Karakaç. Ka në të gjitha. Kështu që merre dhe shoqen Ballukun, meqë ke të delegume, së bashku me të, ato ndonjë lekë nga çfarë ka ngelë vërdallë, çuna, tunelet nga ato, i bëni shtyllat se po linin nam. Kështu që kur të bëni replikë herë tjetër në parlament, kujtohuni se si e keni terrenin.

Urdhëro si e ke terrenin. Po do të tregoj dhe këtë rrugën e bukur unë që sushtrushe. Një fragment, vetëm një se jemi në fillim që do ta tregoj të gjithë rrugën deri në vijim se çfarë me thënë deri në Tërbuf për tek kjo rruga. Këto janë situatat e kanaleve. Të gjithë kanaleve që të çojnë nga Tre Urat deri në Tërbuf që pastrojnë zonën e Tëbufit. Prandaj mbyt zona atje. E patë para ca kohësh, unë kam qenë në zonën e Spolatës, këtu pak më lart. Këto janë kanale këtu kulluese. Shiko çfarë situate keni. Shiko telat, duhet një flakë të marri këtu. Shiko një çikë shtyllat si i ka.

Tani do t’i tregojmë shokut Karakaç shtyllat. Tani po mos fol për rrugët e parcelave. I marrim nga 42.000 lekë për hektar çdo fermeri, çdo banori që ka një hektar, çdo familje bujqësore, dhe nuk e ja përkthejnë në shërbim. Urdhëro si janë të gjithë rrugët e parcelave në behar pa lënë dimër. Pra, shikojmë kanalet e bllokuara dhe rrugë parcelash të munguara. Dhe kur themi këtë, për çfarë merren lekët? Për patronazhim? Për çfarë merren lekët për kanalet? Kjo është situata. Plehrat gjithandej, ndriçim s’ka më asnjë cep dhe do të shikojmë dhe gjendjen e shtyllave.

The post Saimir Korreshi publikon pamjet nga Tërbufi: Kosha europianë të lidhur me tela dhe shtylla të rrëzuara, Belinda, zonën që tregove bukuritë e kanë mbytur plehrat (VIDEO) appeared first on Albeu.com.

Materiali u shpërnda në platformën Truth Social, ku Trump iu referua “urës më të madhe në Iran” si objektiv i një sulmi me bombë.

Në të njëjtin postim, ai i dërgoi një mesazh të fortë Teheranit, duke kërkuar që të ecë menjëherë drejt një marrëveshjeje “para se të jetë tepër vonë”.

Ndërkohë, mediat shtetërore iraniane raportuan se të paktën tetë persona humbën jetën dhe 95 të tjerë u plagosën pas një shpërthimi në një urë në autostradën që lidh Tehran me Karaj, në pjesën perëndimore të vendit.

Sipas agjencisë së lajmeve Fars News Agency dhe televizionit shtetëror iranian, informacioni u konfirmua nga zëvendësguvernatori i provincës Alborz, Qodratollah Seif.

Në reagimin e tij, Trump paralajmëroi për sulme të tjera të mundshme ndaj infrastrukturës kritike iraniane, përfshirë ura dhe termocentrale, duke deklaruar se ushtria amerikane “as nuk ka filluar” përdorimin e plotë të kapaciteteve të saj ushtarake.

Ai shtoi se udhëheqja iraniane duhet të veprojë menjëherë, duke theksuar se “e di çfarë duhet bërë dhe duhet bërë shpejt”, një deklaratë që shihet si sinjal për një përshkallëzim të mundshëm nëse nuk arrihet një marrëveshje në kohë.

BURNING BRIDGES: President Trump shares video allegedly showing a prominent Iranian bridge destroyed by joint U.S.-Israeli strikes in the country:

“The biggest bridge in Iran comes tumbling down, never to be used again— Much more to follow!” pic.twitter.com/XIEodZotos

— Fox News (@FoxNews) April 2, 2026

The post VIDEO/ Hidhet në erë ura më e madhe në Iran/ Presidenti Trump publikon pamjet nga bombardimi, 8 viktima appeared first on Albeu.com.

“Në vitin 2025, SPAK ka vijuar të intensifikojë luftën kundër korrupsionit, duke regjistruar një rritje prej 17.7% të çështjeve/hetimeve të reja dhe 12.2% të çështjeve/hetimeve të përfunduara. Ky aktivitet i shtuar reflektohet në dërgimin në gjykatë të 24 procedimeve me 147 të pandehur për korrupsion jo të nivelit të lartë, si dhe 10 procedimeve me 13 të pandehur për korrupsion të nivelit të lartë. SPAK ka vijuar me vendosmëri hetimin e zyrtarëve të nivelit të lartë, me 6 procedime të reja dhe 16 persona nën hetim. Nga 30 zyrtarë dhe ish zyrtarë ta lartë nën hetim gjatë vitit 2025, mbi 50% e tyre (18) janë dërguar në gjykatë me kërkesë për gjykim, ndërsa 10 prej tyre janë dënuar me vendim të formës së prerë, duke treguar qëndrueshmëri dhe efektivitet në ndjekjen penale në nivelet më të larta të administratës publike”, thuhet në raport.

Ndërsa në lidhje me masat e sigurimit, SPAK ka aplikuar një politikë penale në përputhje me standardet ndërkombëtare.

Kështu, për llojin e kërkesave të masave të sigurimit rezulton se, numri i të paraburgosurve me kërkesë nga SPAK, që ndodhen pranë Institucioneve të Ekzekutimit të Vendimeve Penale (IEVP) përbën vetëm rreth 12% të totalit të paraburgosurve.

Ndërkohë, numri i të burgosurve, që janë dënuar me vuajtje dënimi me burg nga hetimet e SPAK përbën vetëm rreth 11% të numrit total të tyre.

Në raport evidentohet edhe problematikat që duhen adresuar.

SPAK ka identifikuar disa sfida kryesore në funksionimin e saj, të cilat kërkojnë ndryshime ligjore të mundshme në Kushtetutë, ligjin organik nr. 95/2016 dhe ligje të tjera, për të garantuar cilësinë dhe mbarëvajtjen e veprimtarisë së institucionit, si më poshtë:

1. Sfidat në hetimin e krimit të organizuar dhe korrupsionit të zyrtarëve të lartë

Hetimi i krimit të organizuar dhe korrupsionit në nivele të larta paraqet sfida të rëndësishme për SPAK. Gjithashtu, retorika politike dhe mediatike mund të ndikojë në perceptimin publik dhe në autoritetin e institucionit, si dhe mund të shërbejë edhe si faktor nxitës për rritjen e nivelit të kërcënimeve nga krimi i organizuar. SPAK do ti konsideronte veçanërisht shqetësuese ato nisma ose masa me karakter ligjor dhe institucional, që do të synonin kufizimin e mjeteve proceduriale dhe pavarësinë e saj. Ndërhyrje të tilla do të përbenin rrezik serioz për funksionin kushtetues të SPAK dhe për vetë shtetin e së drejtës.

2. Statusi i prokurorëve të posaçëm pas përfundimit të mandatit

Mospërcaktimi i qartë ligjor kërcënon vijimësinë e hetimeve dhe standardet profesionale, duke ndikuar në besimin e publikut dhe në përmbushjen e kërkesave të institucioneve kombëtare dhe ndërkombëtare.

3. Këshilltarët ligjor pranë SPAK

Mungesa e këshilltarëve ligjorë me përvojë krijon vështirësi në cilësinë e hetimeve dhe ndjekjes së çështjeve në të gjitha shkallët e gjykimit, përfshirë edhe në Gjykatën Kushtetuese.

4. Bashkëpunimi me institucionet publike

Edhe pse ka rritje të referimeve dhe shkëmbimit të informacionit, niveli i bashkëpunimit duhet të intensifikohet më tej, veçanërisht me Policinë e Shtetit, për të garantuar hetime më të koordinuara dhe efikase.

5. Sistemi i Menaxhimit të Çështjeve (Case Management System)

Konsolidimi i mëtejshëm i moduleve ekzistuese dhe integrimi i funksionaliteteve të reja mbetet prioritet për të përmirësuar ndërveprimin me proceset hetimore dhe procedurale të të dhënave, duke siguruar monitorim më të mirë të progresit të çështjeve.

6. Njësia e analizës

Ngritja e një strukture të specializuar për mbështetjen e hetimeve komplekse, matjet e riskut dhe raportimet kombëtare dhe ndërkombëtare vazhdon të mbetet sfidë, duke kërkuar bashkëpunim të vazhdueshëm me ekspertë ndërkombëtarë.

7. Specialisti Ndërlidhës

Statusi i specialistit ndërlidhës si nëpunës civil nuk përputhet plotësisht me funksionet, që duhet të kryejë sipas ligjit nr. 95/2016, duke e bërë të nevojshme përcaktimin e qartë të pozicionit dhe kompetencave për të garantuar efektivitetin e rolit.

8. Shqyrtimi i kërkesave nga autoritetet e huaja 

Mungesa e kompetencës për njohjen dhe ekzekutimin e vendimeve penale të huaja, përfshirë procedurat e ekstradimit, mbetet problematike dhe ndikon vijimësinë e hetimeve dhe bashkëpunimin ndërkombëtar.

9. Kompetenca e Gjykatave të Posaçme 

Mungesa e kompetencës për shqyrtimin e kërkesave në fazën e ekzekutimit të vendimeve penale për subjektet e posaçme detyron që këto çështje të trajtohen nga gjykatat e juridiksionit të përgjithshëm, duke rritur kohëzgjatjen dhe kompleksitetin procedural.

10. Ekstradimi/deportimi i shtetasve shqiptarë
Edhe pse ka përmirësime në bashkëpunimin me disa shtete, përfshirë Emiratet e Bashkuara Arabe, procesi i ekstradimit vazhdon të jetë sfidues dhe kërkon nënshkrimin e marrëveshjeve dypalëshe për të garantuar ekzekutimin e vendimeve penale jashtë vendit.

The post SPAK publikon raportin vjetor për vitin 2025: Rritet numri i çështjeve për veprën penale të korrupsionit, ja problematikat që duhen adresuar appeared first on Albeu.com.

Në një video e shpërndarë nga vetë ARRSH, bëhet e ditur se janë hartuar dhe miratuar masa për ndihmën e menjëhershme të situatës.

Kjo përfshin ndërtimin e një segmenti alternativ 1.3 km përgjatë lumit Shkumbin, që do të vijojë përkrah hekurudhës, duke siguruar një kalim për automjetet dhe duke shmangur pjesët e rrezikshme të rrugës.

Për të realizuar këtë, janë ndërmarrë disa veprime të rëndësishme si, devijimi i rrjedhës së lumit për të shmangur ndikimin mbi infrastrukturën e rrugës, rregullimi i urës së dëmtuar dhe lehtësimi i ngarkesës në trupin e rrugës që ka pësuar rrëshqitje.

Sipas propozimeve paraprake, rruga alternative do të kalojë përgjatë rrjedhës së Lumi Shkumbin, paralel me trasenë hekurudhore ekzistuese.

Paralelisht, rezultatet e analizave nga Shërbimi Gjeologjik Shqiptar do të përcaktojnë nëse ekziston mundësia e ndërhyrjes dhe rikonstruksionit edhe në segmentin e dëmtuar.

Ndërkohë, vijon evakuimi i qindra metrave kub dhera dhe inertesh nga sipërfaqja e dëmtuar e shpatit në “Arrat e Gurrës”, me synim stabilizimin e masivit dhe rikthimin e ekuilibrit natyror të skarpateve.

Po ashtu, janë bërë ndërhyrje në bashkëpunim me Operatorin e Sistemit të Transmetimit (OST) dhe Operatorin e Sistemit të Shpërndarjes (OSSH), për demontimin e shtyllave të tensionit të lartë dhe të ulët, të cilat janë prekur nga rrëshqitja.

Punimet janë koordinuar me Policinë e Shtetit, me qëllim menaxhimin dhe garantimin e sigurisë së qarkullimit të mjeteve gjatë këtij procesi.

Kujtojmë se ky aks ka mbetur i mbyllur për disa ditë me radhë, për shkak të shembjes së rrugës që prej datës 1 shkurt, gjë e cila ka sjellë probleme të shumta në trafikun rrugor.

The post ARRSH publikon projektin e rrugës alternative për segmentin Librazhd-Prrenjas appeared first on Albeu.com.