Provimi nisi në orën 10:00, ndërsa teza u publikua vetëm 30 minuta më pas.

Sot, 19 qershor, mbi 30 mijë maturantë po zhvillojnë testin e lëndës me zgjedhje.

Ky është provimi i fundit për maturën shtetërore 2023.

Testi nisi në orën 10:00 dhe do të zgjasë  2 orë e 30 minuta.

Provimet e Maturës nisën më 1 qershor, ku nxënësit iu nënshtruan testit të parë, atij të Gjuhës së Huaj, ndërsa një javë më pas testuan njohuritë në lëndën Gjuhë Shqipe Letërsi dhe Matematikë.

Njësoj si vitet e kaluara, edhe kësaj here janë publikuar tezat e provimeve në rrjetet sociale, fakt ky i pranuar dhe nga vetë Ministria e Arsimit.

Përfaqësuesit e kësaj të fundit thonë se kjo nuk e ka cenuar aspak mbarëvajtjen e procesit.

Testi për secilin nga provimet e Maturës Shtetërore 2023 vlerësohet me 60 pikë maksimale, ndërsa për nxënësit që rezultojnë mbetës në provime, ata kanë mundësi të ritestojnë sërish njohuritë në sesionin e dytë./Albeu.com/

The post Ndodh sërish! Publikohet teza e provimit me zgjedhje 30 minuta pas nisjes së testit appeared first on Albeu.com.