I shkurtër fizikisht, por me një besim të jashtëzakonshëm te vetja, Romario kaloi nga fëmijëria në varfëri dhe përplasjet me trajnerët te statusi i heroit të Brazilit dhe një prej sulmuesve më të mëdhenj të futbollit.

Fëmijërinë e kaloi në favelën Jacarezinho të Rio de Janeiros, në një familje me vështirësi të mëdha financiare. Edhe sigurimi i ilaçeve për astmën ishte i vështirë, ndërsa vetë Romario ka treguar se luante me top edhe në netët kur nuk arrinte të flinte për shkak të vështirësive në frymëmarrje.

Që në ato vite, krahas talentit, ai shfaqte edhe një vetëbesim të pazakontë.

Kur ishte vetëm 19 vjeç, në vitin 1985, Romario ende bënte pjesë te lojtarët rezervë të Vasco da Gamës. Megjithatë, ai i kërkoi trajnerit Antonio Lopes që të mos e aktivizonte Roberto Dinamiten, një prej legjendave të klubit.

“Unë luaj më mirë se ai”, i deklaroi Romario trajnerit.

Lopes nuk u bind menjëherë nga fjalët e tij, por disa muaj më pas i dha mundësinë të luante si qendërsulmues. Romario e shfrytëzoi rastin duke realizuar dy gola dhe tregoi se pas vetëbesimit të tij fshihej një aftësi e vërtetë.

Roberto Dinamite do të kujtonte më vonë se, kur luaje me Romarion, duhej vetëm t’i jepje topin, sepse ai shënonte pothuajse dy herë në çdo tri mundësi.

Në vitin 1988, emri i tij mori përmasa ndërkombëtare. Me Brazilin në Lojërat Olimpike të Seulit, Romario përfundoi golashënuesi më i mirë i turneut, me shtatë gola.

Barcelona dhe Real Madridi u vunë pas tij, por sulmuesi brazilian vendosi të transferohej te PSV Eindhoven.

Kalimi në Holandë e shndërroi menjëherë në një realizues të frikshëm. Në sezonin e parë ai shënoi 25 gola në 33 ndeshje, duke kontribuar në fitimin e kampionatit dhe kupës nga PSV-ja.

Jashtë fushës, megjithatë, Romario vazhdonte të ishte një personazh po aq i veçantë. Ai nuk e duronte të ftohtin e Holandës, mungonte në stërvitje dhe shpesh kthehej në Brazil për të luajtur futboll në plazh. Një tjetër pasion i tij ishte jeta e natës.

Sir Bobby Robson, trajneri i tij te PSV, rrëfente se Romario në disa stërvitje dukej i jashtëzakonshëm, ndërsa në raste të tjera kuptohej qartë se energjinë e kishte shpenzuar në ndonjë klub nate.

Por sjellja e tij dhe zgjedhjet jashtë futbollit nuk mund ta zbehnin talentin që kishte.

Pas aventurës me PSV-në, ai iu bashkua Barcelonës së drejtuar nga Johan Cruyff dhe sezoni i parë në Spanjë rezultoi mbresëlënës.

Romario realizoi 30 gola në 33 ndeshje të La Ligës dhe fitoi Këpucën e Artë.

Performanca që u skalit më fort në kujtesën e tifozëve ishte ajo në El Clásico, ku Barcelona mposhti Real Madridin 5-0. Në atë takim, Romario shënoi një nga golat më të njohur të karrierës, pasi dribloi fillimisht mbrojtësin dhe më pas portierin, përpara se ta dërgonte topin në rrjetë.

Viti 1994 do të shënonte kulmin e karrierës së tij dhe momentin kur ai u bë figurë botërore.

Edhe pse kishte pasur probleme me trajnerin e Brazilit, Romario u rikthye në përfaqësuese për përballjen vendimtare kualifikuese me Uruguain.

Me dy gola në fitoren 2-0, ai ndihmoi Brazilin të siguronte pjesëmarrjen në Kupën e Botës 1994.

Gjatë turneut në SHBA, sulmuesi ishte një nga protagonistët kryesorë të Brazilit. Ai shënoi ndaj Rusisë, Kamerunit dhe Holandës, ndërsa realizoi edhe në gjysmëfinale kundër Suedisë.

Finalja me Italinë përfundoi 0-0 dhe fituesi u përcaktua nga penalltitë. Romario e ekzekutoi me sukses goditjen e tij, ndërsa pas gabimit të Roberto Baggios, Brazili fitoi Kupën e Botës.

Ai u shpall Lojtari më i mirë i turneut (Golden Ball). Kështu, djali i rritur mes vështirësive në Rio de Janeiro u kthye në një prej emrave më të mëdhenj të futbollit botëror.

Rruga e Romarios dëshmon historinë e një lojtari që nuk pranoi të kufizohej nga vlerësimet apo pengesat e vendosura prej të tjerëve. I vogël në shtat, i vështirë për t’u drejtuar dhe i konsideruar arrogant nga shumë persona, ai gjente gjithmonë mënyrën për t’iu përgjigjur kritikëve aty ku kishte më shumë rëndësi: në fushë, përmes golave.

The post Romario, talenti rebel që u kthye në simbolin e triumfit brazilian appeared first on Albeu.com.

Ismael Saibari është zyrtarisht lojtar i Bayern Munich, pasi klubi bavarez konfirmoi transferimin e sulmuesit nga PSV Eindhoven. Futbollisti 25-vjeçar ndodhet aktualisht me Marokun në Kupën e Botës 2026 dhe do t’i bashkohet skuadrës së re sapo të përfundojë turneu.

Marrëveshja e tij me Bayernin vlen deri më 30 qershor 2031, ndërsa te gjiganti gjerman ai do të mbajë fanellën me numrin 34.

Anëtari i bordit për sport, Max Eberl, tha se marokeni është një nga sulmuesit më interesantë të këtij Botërori dhe nënvizoi se afrimi i tij erdhi si rezultat i një planifikimi afatgjatë. Në të njëjtën linjë, drejtori sportiv Christoph Freund vlerësoi cilësinë e lojtarit, aftësinë e tij për t’u përshtatur në role të ndryshme dhe mentalitetin fitues.

Edhe Saibari shprehu kënaqësinë për këtë hap të madh në karrierën e tij, pasi mbylli transferimin nga kampioni holandez.

“Që fëmijë ëndërron të luash për një klub si Bayern Munich. Dua të fitoj sa më shumë trofe këtu. Bisedat me trajnerin Vincent Kompany luajtën një rol kyç në vendimin tim”, tha ai.

I lindur në Terrassa të Spanjës, Saibari u formua në akademinë e Anderlechtit, ndërsa PSV-së iu bashkua në vitin 2020.

Gjatë kohës së tij te klubi holandez, ai fitoi tre tituj kampionë radhazi, tre Superkupa dhe dy Kupa të Holandës. Po ashtu, këtë sezon u shpall edhe Futbollisti i Vitit në Holandë.

Me përfaqësuesen e Marokut, Saibari po kalon një Botëror të shkëlqyer, duke shënuar ndaj Brazilit, Skocisë dhe Haitit, ndërsa realizoi edhe penalltinë vendimtare në eliminimin e Holandës.

The post Bayern Munich prezanton Ismael Saibarin, kontratë deri në vitin 2031 appeared first on Albeu.com.

Ekipi belg mori drejtimin e ndeshjes që në minutën e 9-të, kur David shënoi nga pika e penalltisë.

Pavarësisht mundësive për reagim, holandezët u tronditën edhe më shumë në minutën e 39-të, kur Hadj dyfishoi avantazhin për mysafirët.

Pas pushimit, PSV nuk mundi të ndryshonte ritmin e ndeshjes, ndërsa Union Saint-Gilloise mbylli ndeshjen me golin e Mac Allister në minutën e 81-të.

Në minutat e fundit, Ruben van Bommel arriti të shënojë golin e nderit për PSV-në, por kjo nuk mjaftoi për të ndryshuar fatin e ndeshjes, që përfundoi 3-1 në favor të belgëve.

Në një tjetër përballje emocionuese të mbrëmjes, Benfica përjetoi një humbje të beftë përballë Qarabag, pasi udhëhoqën 2-0 dhe dukej se gjithçka ishte nën kontroll.

Barrenechea dhe Pavlidis i dhanë avantazhin dygolësh portugezëve, por Qarabag reagoi me forcë. Në minutën e 30-të, Andrade ngushtoi diferencën, ndërsa pas pushimit, Duran asistoi për golin e barazimit të realizuar nga Jankovic.

Edhe pse Benfica kishte disa mundësi për të rikthyer avantazhin, përfshirë një goditje në shtyllë, në minutën e 86-të, Qarabag realizoi golin e fitores me një asist të Zoubir dhe një finalizim të mrekullueshëm nga Kashchuk.

Kështu, rezultati përfundimtar u mbyll 3-2 për Qarabag, që siguroi tri pikë shumë të rëndësishme, ndërsa Benfica mbeti pa pikë në debutim.

Një humbje që nuk mbeti pa pasoja për shqiponjat e Lisbonës, pasi në orët e vona të mbrëmjes erdhi edhe zyrtarizimi për shkarkimin e teknikut Bruno Lage.

The post Surprizat e para në Champions, Union dhe Qarabag trondisin PSV dhe Benficën appeared first on Albeu.com.

Italianët kishin raste të mira, me Kolo Muani dhe Nico Gonzalez, por nuk arritën të gjenin rrjetën.

Përballja u zhbllokua në minutën e 34-të, ku pas një aksioni të gjatë Weston McKennie shënoi një gol të bukur për 1-0.

Edhe pas golit, Juventusi kishte më shumë nga loja, duke shtypur lartë me presin, nga ku erdhi rasti i Gonzalez që gjuajti bukur, por Walter Benitez bëri pritje të mirë.

Me të filluar pjesa e dytë, Ivan Perisic shënoi një gol të bukur për 1-1, duke barazuar gjithçka.

Pas barazimit, loja ra në ritëm, me Juventusin që nuk arrinte të krijonte shumë.

Por në minutën e 82-të, Samuel Mbangula, nga një top i kthyer shënoi për 2-1.

Deri në fund nuk kishte raste të tjera dhe Zonja e Vjetër arriti një fitore, që e mban në epërsi për ndeshjen kthyese. /Telegrafi/

The post Juventusi mes frikës dhe pasigurisë merr një fitore ndaj PSV-së appeared first on Albeu.com.

Skuadra holendeze triumfoi 4-2 ndaj Sparta Rotterdam dhe në këtë mënyrë festoi titullin.

Ekipi i udhëhequr nga Peter Bosz u kurorzua kampion 2 javë para fundit të kampionatit, teksa këtë sezon zhvilloi ndeshje spektakolare duke dominuar të gjitha skuadrat.

Në 32 ndeshje të zhvilluara ka siguruar 87 pikë. Ia kanë dalë të shënojnë 107 gola dhe kanë pësuar vetëm 19-të.

Kështu PSV rikthehet te titulli kampionë pas 7 vitesh, pasi për herë të fundit e kanë fituar në sezonin 2017-2018.

Të gjithë në stadiumin “Pohilips Stadio” gëzuan dhe festuan për titullin numër 25-të në historinë e klubit.

The post Titulli numër 25-të, PSV shpallet kampione e Holandës 2 javë para fundit të kampionatit appeared first on Albeu.com.

Pas vetëm tre minutash lojë, verdhezinjtë kaluan në epërsi me golin e Jadon Sanchos, që u asistua nga Julian Brandt.

Brandt dhe Donyell Malen lëshuan raste të mira për gol, duke mos arritur të shënonin nga afërsia në minutën e 16-të dhe 17-të.

Malen për më shumë vazhdoi të lëshonte raste të sigurta për gol, duke humbur tri raste të arta.

Në 45 minutat e dytë, PSV filloi të merrte nën kontroll lojën, duke rrezikuar me anë të Hirving Lozano dhe Jordan Teze, mirëpo Gregor Kobel ishte në vend.

Niclas Fullkrug (77’) mendoi se kishte shënuar golin e dytë për Dortmundin, por VAR-i e anuloi për pozitë jashtë loje.

Por, Marcus Reus e vulosi kalimin tutje të skuadrës gjermane, kur shënoi për 2-0 në minutën e 90+5-të.

Skuadra gjermane arriti ta mbante këtë epërsi minimale nga ndeshja e dytë, për të kaluar në çerekfinale, ndërsa të premten do të mësojnë emrin e kundërshtarit. /Telegrafi/

Goli i 1 (Borussia Dortmund):

🚨🇪🇺 GOAL | Dortmund 1-0 PSV | Sancho

SANCHO HAS GIVEN DORTMUND THE LEAD !!!!!!!!!!!!pic.twitter.com/WFumIMwxxJ

— Tekkers Foot (@tekkersfoot) March 13, 2024

Goli i 2 (Borussia Dortmund):

🚨🇪🇺 GOAL | Dortmund 2-0 PSV | Marco Reus

MARCO REUS DOUBLES THE LEAD !!!!!!!!!!!!!!pic.twitter.com/N6vAbKQuwK

— Tekkers Foot (@tekkersfoot) March 13, 2024

The post Dortmundi me fitore komode ndaj PSV kalon në çerekfinale të Ligës së Kampionëve appeared first on Albeu.com.

Te zikaltërit, përpara portierit Sommer janë të pozicionuar Bastoni, De Vrij dhe Pavard, ndërsa nga krahët janë Dimarco dhe Darmian. Në mesfushë luajnë Mkhitaryan, Calhanoglu dhe Barella. Në sulm është dyshja e zakonshme Martinez-Thuram. Rreshtim 5-3-2 për Los Colchoneros, sakaq Morata e fillon sfidën nga stoli.

INTER (3-5-2): Sommer; Pavard, DeVrij, Bastoni; Darmian, Barella, Calhanoglu, Mkhitaryan, Dimarco; Lautaro, Thuram.

ATLETICO MADRID (3-5-2): Oblak; Witsel, Gimenez, Hermoso; Molina, De Paul, Koke, Saul, Lino; Llorente, Griezmann.

PSV – Dortmund premton spektakël. Në Philips Stadion, holandezët do kenë mbështetjen e madhe të tifozëve, ndërsa verdhezinjtë synojnë të dalin me një rezultat pozitiv.

PSV (4-3-3): Benitez; Teze, Schouten, Boscagli, Dest; Tillman, Veerman, Saibari Bakayoko, De Jong, Lozano.

Borussia Dortmund (4-2-3-1): Kobel; Ryerson, Hummels, Schlotterbeck, Maatsen; Sabitzer, Emre Can; Malen, Reus, Sancho; Fullkrug

The post Champions League zbret në fushë, Interi përballë Atleticos, Dortmund në “ferrin” holandez appeared first on Albeu.com.

Manchester City thuhet se ka përzgjedhur lojtarin si një objektiv të mundshëm transferimi, duke i shtuar listës së ekipeve të interesuara për 20-vjeçarin e talentuar.

Performanca e Bakayokos në Eredivisie dhe Ligën e Kampionëve ka qenë mbresëlënëse këtë sezon, duke kontribuar me pesë gola dhe nëntë asistime në 26 paraqitje. Aftësia e tij për të çekuilibruar dhe krijuar mundësi e ka bërë atë një nga objektivat më të lakmuar në treg.

Liverpool, Bayern Munich dhe Paris Saint-Germain po konsiderojnë gjithashtu një lëvizje për Bakayokon përpara sezonit të ardhshëm. Me kontratën e tij aktuale që skadon në vitin 2026, belgu i ri duket se është në rrugën e duhur për një transferim këtë verë.

Pasi refuzoi një ofertë rekord nga Brentford verën e kaluar, Bakayoko ka vazhduar zhvillimin e tij në PSV, duke u vendosur si një figurë udhëheqëse në ekip.

Tani, me disa gjigantë evropianë që e vëzhgojnë të ardhmen e tij, do të jetë një betejë emocionuese mes tyre. /Telegrafi/

The post Katër klube gjigante “luftojnë” për shërbimet e sensacionit më të ri evropian appeared first on Albeu.com.

Anësori 20-vjeçar i PSV, tani pritet të udhëtojë drejt Londrës për të bërë testet mjekësore, ndërsa tarifa për Madueke pritet të jetë rreth 35 milionë euro.

Madueke është një lojtar sulmues i cili luan në krahun e djathë të sulmit dhe ardhja e tij do të plotësonte “revolucionin” në sulm me Mykhailo Mudryk, i cili iu bashkua Chelseat në fillim të javës.

Madueke, i cili ka lindur në Barnet, në veri të Londrës, ka luajtur për PSV që kur depërtoi në ekipin e tyre të parë. Ai ka shënuar 11 gola në 51 ndeshje në ligë për skuadrën holandeze. /albeu.com

The post “Çmendet” bordi i Chelsea, “blutë” kryejnë transferimin e 5-të këtë merkato appeared first on Albeu.com.

Emri më i ri, në listën angleze vjen nga Hollanda dhe bëhet fjalë për anësorin e talentuar të PSV-së, Noni Madueke.

Sipas mediave evropiane, vetë trajneri i hollandezëve Van Nistelrooy ka konfirmuar interesimin e bluve, për 20-vjeçarin me origjinë angelze, i cili mund të ishte një transferim tepër interesant në rradhët e skuadrës së Potter. /albeu.com

The post Chelsea nuk ka të ndalur, pas Mudryk radhën e ka anësori i PSV appeared first on Albeu.com.