Në këto raste, shumë prej tyre përpiqen me çdo mënyrë të bindin fëmijën të heqë dorë nga gjëja që i ka pëlqyer, sepse një fëmijë tjetër është i interesuar për të, transmeton “Very Well Family”.

Një nga parimet kryesore në fëmijërinë e hershme është t’i mësosh fëmijët të luajnë së bashku, dhe prindërit shpesh supozojnë se kjo do të thotë t’i mësosh fëmijët të ndajnë gjithmonë diçka me fëmijët e tjerë.

Siç shpjegon psikologia e fëmijëve Laura Markham, për fëmijët e vegjël konceptet e ndarjes dhe huamarrjes janë shumë komplekse për t’u kuptuar. Ata nuk e kanë zhvilluar ende plotësisht ndjeshmërinë dhe nuk mund t’i shohin gjërat nga këndvështrimi i një fëmije tjetër.

Të detyrosh një fëmijë të ndajë nuk i mëson aftësitë sociale, vetëm mund të rrisë shpeshtësinë e zemërimit. Dr Markham beson se detyrimi i një fëmije për të ndarë lodrat e tij me fëmijët e tjerë i mëson atij mësime të gabuara dhe është më mirë që prindërit ta shmangin këtë.

Para së gjithash, një sjellje e tillë i tregon fëmijës se duke qarë gjithmonë mund të arrijë atë që dëshiron. Përveç kësaj, ai e mëson atë që gjithmonë duhet t’i japë diçka një fëmije tjetër nëse ai e kërkon atë.

Megjithëse këto nuk janë mësime që prindërit synojnë t’u mësojnë fëmijëve të tyre, kur detyrohen t’i ndajnë, fëmijët priren ta përvetësojnë atë.

The post Mbani shënim! Një psikolog ju tregon çfarë nuk duhet t’i detyroni kurrë fëmijët të bëjnë appeared first on Albeu.com.

Eliminimi i sezonit të kaluar në rrehtana dramatike kundër Real Madrid e bëri idenë shumë më konkrete për klubin francez, kështu që ata po mendojnë seriozisht të punësojnë një psikolog.

Ideja është më konkrete tani pas ardhjes së Luis Campos si drejtor sportiv dhe Christophe Galtier si trajner.

Sipas “L’Equipe”, klubi është duke u interesuar sepse ata ende nuk e kanë një të tillë në staf. Pork y nuk është ndryshimi i vetëm në aspektin mjekësor që po shqyrtohet. Klubi parizian do të sjellë edhe një nutricionist për ekipin e parë.

PSG ka pasur raste të përsëritura në Champions League në vitet e fundit, ku ata kanë lënë një epërsi komanduese të rrëshqasë dhe janë hedhur jashtë turneut.

Psikologjia në sport nuk është më një tabu, shumë prej akademive të të rinjve të futbollit kanë specialist të punësuar me kohë të plotë, në mënyrë që lojtarët e tyre të rinj premtues jo vetëm të trajnohen fizikisht, por edhe mendërisht./ h.ll/albeu.com

The post Të dëshpëruar për të fituar Champions League, PSG mendon të punësojë një psikolog appeared first on Albeu.com.

Shembulli i profilit më të lartë për këtë erdhi me eliminimin e FA Cup në duart e Middlesbrough, megjithatë United gjithashtu ka dorëzuar kryesimin kundër Burnley-t dhe Southampton-it, duke humbur pikë në secilën prej atyre ndeshjeve të Premier League.

Tani ekziston një frikë e vërtetë se çështja mund të bëhet psikologjike dhe trajneri i përkohshëm i United, Ralf Rangnick po kërkon ndihmën e një psikologu sportiv për t’i dhënë fund formës së dobët të ekipit.

Rangnick dëshiron të rindërtojë besimin e lojtarëve të tij, veçanërisht me një ndeshje të Ligës së Kampionëve kundër Atletico Madrid në afërsi, dhe ai ka kontaktuar Sascha Lense për të ndihmuar në këtë përpjekje.

Në një histori të publikuar nga Guardian, Lense është sjellë pasi ka punuar me Rangnick në RB Leipzig dhe atij i është besuar adresimi i anës mendore të lojës./h.ll/albeu.com

The post Forma e dobët e Manchester United, Rangnick merr psikolog për ekipin appeared first on Albeu.com.

Gjermani 63-vjeçar, i cili është emëruar trajner i përkohshëm i Unitedit deri në fund të sezonit, e nisi aventurën e tij në “Old Trafford” në mënyrën më të mirë të mundshme – me fitore 1:0 ndaj Crystal Palacet të dielën e shkuar.

Rangnick ka konfirmuar se Chris Armas, ish-menaxheri i skuadrës nga MLS-ja, New York Red Bulls dhe Toronto FC, do t’i bashkohet te Unitedi si ndihmës, me Sascha Lensen që do të vijë si psikolog sportiv i klubit. Rangnick thotë se angazhimi i psikologut sportiv ka qenë i domosdoshëm dhe për këtë i kishte paralajmëruar krerët e Unitedit në fillim të negociatave. Ai në krye të ekipit anglez e ka zëvendësuar Ole Gunnar Solskjaerin e shkarkuar për shkak të rezultateve të dobëta, dhe nuk dëshiron që të përjetojë një përvojë të tillë gjatë këtij edicioni.

The post Rangnick angazhon psikolog sportiv për t’i ndihmuar lojtarët e Man United appeared first on Albeu.com.

Ai ka vendosur një theks të qartë në psikologjinë e lojtarëve, pasi ka prezantuar një sërë iniciativash për të nxitur një frymë më të madhe ekipore në mesin e skuadrës së tij.

“[Xavi] ka sjellë emocione dhe shpresë, shoh një atmosferë të mirë në dhomën e zhveshjes”, tha Laporta.

Darka e skuadrës

Të mërkurën në mbrëmje, lojtarët dhe trajnerët e Barcelonës u mblodhën për një darkë skuadre në qendër të Barcelonës. Erdhi një javë përpara udhëtimit të tyre në Ligën e Kampionëve në Bayern Munich dhe nisma të tilla me siguri do të krijojnë një atmosferë të mirë.

Lojëra gjatë nxemjes

Xavi e ka bërë periudhën e nxemjes para seancave stërvitore si një moment që lojtarët të ndihen të relaksuar dhe të argëtohen. Këto ushtrime aktivizimi janë origjinale dhe fokusi kryesor është te puna kolektive.

Biseda individuale dhe të përshtatura

Xavi gjithashtu ka kërkuar të angazhohet në dialog të drejtpërdrejtë me lojtarët e tij që nga momenti që u bë trajner.

Ai ka bërë një përpjekje të madhe për të njohur çdo lojtar në nivel personal, si dhe për të korrigjuar aspektet teknike apo taktike, dhe këtë e ka theksuar Martin Braithwaite, i cili aktualisht është jashtë fushës për shkak të një dëmtimi në gju.

Diskursi pozitiv dhe optimist

Trajneri i Barcelonës e di se ka një rrugë të gjatë përpara për të rikthyer klubin në majën e La Liga Santander dhe futbollin evropian. Megjithatë, ai ka mbajtur një qëndrim pozitiv që kur u bë trajner dhe vizualizon ta kthejë Barcelonën në nivelin e mëparshëm./h.ll/albeu.com

The post Xavi është bërë “psikolog” tek Barcelona appeared first on Albeu.com.

Nëse nuk keni provuar ende të punoni me një terapist, mund të zbuloni se mund t’jua përmirësojë jetën në dimensione që s’e kishit menduar. Ja pse duhet ta provoni terapinë me një psikolog, të paktën njëherë në jetë:

1. Këshilla të paanshme

Nëse tashmë flisni me miqtë ose familjen për problemet në jetën tuaj dhe merrni këshilla prej tyre, kjo është e mrekullueshme! Është e shëndetshme të kesh një grup njerëzish të dashur për t’u shfryrë, por ata mund të mos japin këshillat më të mira. Për të siguruar që ju mund t’i besoni asaj që dikush ju thotë për një situatë, flisni me një terapist, i cili është emocionalisht i larguar nga situata.

2. Zbulimi i problemeve/shqetësimeve të fshehura, të pazgjidhura

Ndonjëherë mund të ndiheni sikur jeni të vetëdijshëm për gjithçka në jetën tuaj. Por, po sikur të mos jeni? Një terapist mund të ndihmojë në diagnostikimin e problemeve të rëndësishme ose rrënjëve të këtyre problemeve, të tilla si ankthi, ankthi social etj. Ju ndoshta mund ta vazhdoni jetën edhe më këto, por imagjino sikur të mos ishin? Kjo mundësi ekziston.

3. Rriteni si person

Biseda me dikë që është trajnuar për t’i ndihmuar njerëzit të mendojnë në situata të vështira mund të ndihmojë edhe në fusha të tjera të jetës. Meqenëse terapia ka për qëllim të rrisë të gjitha aspektet e mirëqenies, terapistët u mësojnë klientëve aftësi për komunikim efektiv, menaxhim të emocioneve, zgjidhjen e problemeve dhe analizimin e skenarëve të ndërlikuar. Këto aftësi përfundimisht do t’ju ndihmojnë të rriteni si person dhe të arrini qëllimet profesionale dhe personale.

4. Në paqe me mendjen

Edhe nëse nuk mendoni se asgjë në jetën tuaj ka shkuar keq, biseda me një profesionist mund të ndihmojë në përgatitjen për stresorët e ardhshëm. Do të mësoni se si të gjeni qetësinë tuaj të brendshme gjatë kohës kur stresi ju rrethon. Terapia gjithashtu mund t’ju japë aftësi për të ndihmuar miqtë që nuk dinë çfarë të bëjnë kur përballen me sfida të vështira.

Herën tjetër kur të dëgjoni se dikush ka filluar terapinë, ndihmojini ata të festojnë vendimin e tyre dhe inkurajojini kur të fillojnë procesin terapeutik. Mendoni edhe për fillimin e disa seancave vetë. Asnjëherë nuk e dini se çfarë ndihme mund të mërrni dhe çfarë mund të mësoni në rrugën drejt të qenit “versioni më i mirë dhe më i pastër i vetes”.

The post 4 arsye pse të gjithë duhet të shkojnë të paktën njëherë te psikologu! appeared first on Albeu.com.

Kështu që, nëse doni të dini se çfarë ndjejnë miqtë tuaj në çdo moment, është më mirë të shikoni fytyrat e tyre – përpiquni të jeni jashtëzakonisht të vëmendshëm dhe do të mësoni shumë gjëra të reja rreth tyre.

Ne kemi përgatitur një udhëzues të shkurtër se si t’i “lexoni” fytyrat e njerëzve dhe e gjeni mëposhtë.

The post “Hilet” e psikologëve, 16 teknika për t’i lexuar njerëzit si një profesionist (FOTO LAJM) appeared first on Albeu.com.