“A është normale të flas me veten?” mund të jetë një nga pyetjet tuaja.

Kemi lajme të mira. “Është normale,” thotë Craig Kain, një psikolog dhe psikoterapist.

“Të flasësh me veten është diçka që shumica e njerëzve e bëjnë”. Ndërsa ne mund të flasim shpesh me veten, ka shumë njerëz që ndihen jonormalë për këtë gjë, sepse nuk është diçka që ne e diskutojmë shpesh.

E vërteta është se është e zakonshme që njerëzit të flasin me veten gjatë gjithë ditës, por ndonjëherë kjo vetë-bisedë mbetet në kokën e tyre.

Tre arsye të tjera pse është krejtësisht normale të flasësh me veten: Biseda me veten mund të jetë qetësuese. Ju flisni më ngadalë se sa mendoni, kështu që kur jeni duke folur me veten, kjo ju ngadalëson dhe është e dobishme kur filloni të ndiheni të trullosur ose keni panik.

The post A është normale të flasësh me veten? appeared first on Albeu.com.

“Sot rreth orës 8:30 pjesëtarë nga sektori për punë të brendshme Tetovë kanë privuar nga liria personin U.D. 45 vjeç nga fshati Sellcë i Tetovës, i cili paraprakisht ka kryer vrasje ndaj nënës së tij 73 vjeçare N.D. nga i njëjti fshat. Veprën e ka kryer me një mjet të mprehtë, rastin në vendin e ngjarjes e kanë hetuar edhe nga prokuroria e Tetovës, ndërsa trupi është dorëzuar në obduksion.”

Qamil Kovaçi, drejtor i psikiatrisë në Shkup, thotë pacienti i tyre me vetë iniciativë ka kërkuar që të lëshohet nga spitali me 21 shkurt në këtij viti, ndërsa shton se në këtë spital ai trajtohet kohë pas kohe nga viti 2009.

“Nga viti 2009 është pacient në spitalin tonë. Është pacient me ndërprerje. Ndërsa nga viti 2017 – 21 shkurt 2022 është trajtuar në spitalin tonë. Me vetë iniciativë është larguar nga spitali dhe shërbimet tona kanë vendosur në kontakt me vëllain e tij dhe ai na ka konfirmuar se është kthyer në shtëpi edhe ka kërkuar që ta ç‘lajmërojmë dhe ta mbajmë në shtëpi. Ne i kemi dhënë udhëzime për shfrytëzim të medikamenteve dhe nga ajo ditë nuk kemi pasur informata”.

TV21 shkoi në Sellcë, por banorët nuk deshën të flasin para kamerave për këtë tragjedi.

“Banorët e fshatit Sellcë nuk duan të komentojnë rastin e ditës së sotme, por për ta fajtor mbeten institucionet shtetërore që nuk merren aq sa duhet me trajtimin e këtyre personave”, raporton gazetari TV21, Senat Zylbehari./tv21

The post Tronditet Tetova, 45-vjeçari i pret kokën nënës me sëpatë tre javë pas daljes nga psikiatria appeared first on Albeu.com.

Pas daljes nga burgu, këngëtarja ka folur në hollësi për herë të parë në një intervistë ekskluzive dhënë për televizionin T7.

Në intervistën me gazetarin Shpend Lipa, këngëtarja Morina ka thënë se ajo ishte periudha më e vështirë të jetës së saj dhe se shumë shpesh kishte menduar se nuk do t’ia dalë.

“Burgun e kam përjetuar shumë rëndë, kam menduar se do të ndodhë diçka shumë e keqe me mua, isha në pikën zero dhe përfundova te psikiatri”, ka rrëfyer pos tjerash këngëtarja.

The post “Mendova se nuk do jem gjallë më”, Fjolla Morina rrëfen ditët në burg: Përfundova në psikiatri appeared first on Albeu.com.

Këtë vit në spitalet psikiatrike shtetërore janë të shtruar 950 pacientë nga 850 që ishin të shtruar vitin e kaluar, sipas raportit të Monitorimit të Ministrisë të Shëndetësisë.

Mjekja psikiatër Fatime Elezi tha për Monitor se vjet frika nga infektimet solli që pacientët me probleme të shëndetit mendor të mbahen nga familjarët të izoluar në shtëpi.

“Në 2020 frika nga infektimet nga Covid-19 i pengoi shumë pacientë që kishin nevojë për t’u shtruar në spitalet psikiatrike. Edhe familjarët patën frikë nga infektimi dhe më shumë i mbajtën të izoluar në ambientet e shtëpisë. Në vitin 2021 nisën vaksinimet dhe popullata është më e përgatitur për përballimin e sëmundjes, për këtë arsye jeta është më e lirshme. Kjo solli që pacientët që paraqiten gjithmonë për shtrime në spitale të shtohen”.

Fatime Elezi psikiatre, thotë se për shkak të pandemisë nga Covid-19 është rritur numri i pacientëve me ankth dhe depresion, sidomos te ata persona që kanë humbur familjarët nga Covid-19. Rritja e pacientëve që vuajnë nga ankthi për shkak të Covid-19 është pohuar edhe nga mjekët psikiatër të shërbimit ambulator. Shtimet e rasteve që vuajnë nga ankthi sipas mjekëve psikiatër nisë që pas ngjarjes të tërmetit.

Sakaq, rritja e shtrimeve të pacientëve në spitalet psikiatrike nisi që në 4-mujorin e parë të 2021. Sipas të dhënave të Ministrisë të Shëndetësisë në këtë periudhë shtrimet në spitalet psikiatrike u rrit 40% krahasuar me të njëjtën periudhë të 2020.

Në 2020, grupi i të sëmurëve që u penalizuan më shumë ishte ai i pacientëve me probleme onkologjike, të cilët nuk mundën të merrnin trajtimin sipas grafikëve. Mjekët onkologë pohuan se vjet pati një rritje të stadeve të avancuara të sëmundjeve tumoriale, pasi dallimi i hershëm u pengua nga frika e pacientëve për infektimet me Covid-19. Silvana Çeliku, shefe e shërbimit të Onkologjisë në QSUT më herët tha për Monitor se edhe për 2021 vazhdojnë të vijnë pacientë në stade të avancuara të sëmundjes, për shkak të diagnostikimit me vonesë nga frika e infektimit me Covid-19./Monitor

The post Rriten me 10% shtrimet në psikatri, mjekja zbulon shkakun appeared first on Albeu.com.

Sipas raportit të monitorimit të Ministrisë të Shëndetësisë në spitalet shtetërore, për periudhën janar-prill 2021, janë trajtuar 11% më pak pacientë me sëmundje të ndryshme se e njëjta periudhë e vitit të kaluar. Në total, në spitalet publike, numri i pacientëve të shtruar për këtë periudhë është 73,556 nga 82,790 pacientë të shtruar në 2020.

Sipas të dhënave të Ministrisë të Shëndetësisë, për 4-mujorin e parë të 2021, shtrimet e pacientëve në spitale janë ulur 11%. Rënien më të lartë e kanë rastet e trajtuara nga urgjencat mjekësore. Në 2020 në urgjencat mjekësore u trajtuan 264,055 pacientë nga 50,462 pacientë që janë trajtuar për janar-prill 2021. Për pacientët e trajtuar në kardiokirurgji, shtrimet këtë vit janë ulur 5%, krahasuar me janar-prillin e 2020. Në raport me 2020, për këtë vit ka pasur rritje të pacientëve të shtruar në spitalet psikiatrike me 40%.

Arjana Rreli, psikiatre, tha se në shërbimin ambulator ku trajtohen rastet e lehta, sic është ankthi, janë shtuar rastet pas tërmetit të 26 nëntorit. Një tjetër faktor shtesë që ka ndikuar në shtimin e rasteve është dhe pandemia.

Në 2020, grupi i të sëmurëve që u penalizuan më shumë ishte ai i pacientëve me probleme onkologjike, të cilët nuk mundën të merrnin trajtimin sipas grafikëve. Mjekët onkologë pohuan se vjet pati një rritje të stadeve të avancuara të sëmundjeve tumoriale, pasi dallimi i hershëm u pengua nga frika e pacientëve për infektimet me Covid-19.

Silvana Çeliku, shefe e shërbimit të Onkologjisë në QSUT, tha për “Monitor” se edhe për 2021 vazhdojnë të vijnë pacientë në stade të avancuara të sëmundjes, për shkak të diagnostikimit me vonesë nga frika e infektimit me Covid-19.

“Shërbimi Onkologjik, pavarësisht pandemisë të Covid-19 ka vazhduar punën me të njëjtin ritëm. Një fakt tjetër jo i mirë është ardhja me vonesë e rasteve të para, të cilat nga frika e virusit paraqiten tek ne në stade më të avancuara gjë që rrezikon shumë jetën e tyre dhe vështirëson mjaft trajtimin e sëmundjes”, nënvizon znj. Çelniku.

Për këtë vit, kontrollet e grave për kancerin në qafën e mitrës janë rritur 88%, sipas raportit të monitorimit të Ministrisë të Shëndetësisë. Për janar-prill të 2021 janë kryer 2,686 depistime (ekzaminim për të kapur në kohë sëmundjen) me kancerin në qafën e mitrës nga 320 që ishin në 2020. Rritje ka pasur edhe për pacientët që ndjekin kimioterapinë. Nga 6,635 pacientë të trajtuar me radioterapi në janar-prill të 2020, këtë vit janë 7,597 pacientë, apo 13% më shumë.

Sipas drejtueses së Shërbimit Onkologjik në QSUT, depistimi bëhet për të kapur herët ose për të parandaluar një sëmundje. Depistimi i kancerit në qafën e mitrës kryhet nga Shërbimi Parësor. “Pra ne bëjmë fushata depistimi në popullata të shëndosha, me paptest apo mamografi në mënyrë që të zbulojmë ato gra që janë të sëmura, por në faza fillestare, si dhe të identifikojmë ato që kanë mundësi zhvillimi të sëmundjes në të ardhmen. Pra nëpërmjet depistimit zbulon dhe parandalon sëmundjen”, tha onkologia Silvana Çelniku.

Në 2020, për shkak të pandemisë në Qendrën Spitale Universitare “Nënë Tereza” (QSUT) u kufizuan ndërhyrjet kirurgjikale të planifikuara, ndërsa nuk e ndërprenë ndërhyrjet kirurgjikale për rastet e shfaqura me komplikacione.  Në 2020, në total shtrimet në spitale ranë 29% krahasuar me 2019.

Lidhur me trajtimin e pacientëve me barna të listës së rimbursueshme në 2021 krahasuar me vitin e kaluar ka pasur një rritje rreth 1% e ndikuar nga trajtimet e rimbursimit për të infektuarit me Covid-19. /Monitor

The post Efektet e pandemisë, janar-prill 2021 bien 11% pacientët në spitale, 40% më shumë shtrime në psikiatri appeared first on Albeu.com.

Për këtë arsye, por edhe për shkak të dëshmisë së 34-vjeçarit, i cili është shprehur se frekuentuesit e xhamisë e përgjonin, gjurmonin dhe nuk e linin rehat, prandaj ai iu kundërpërgjigj me sulm me thikë, ngjarja po hetohet edhe nga oficerët e Antiterrorit. Ngjarja, që në dukje ngjan si një akt terrorist dhe po hetohet edhe si i tillë, sipas të gjitha të dhënave, mund të klasifikohet ndryshe, kjo për shkak se autori i dyshuar, vuan nga probleme të shëndetit mendor. Mësohet se Rudolf Nikollaj, në 6 muajt e fundit, ishte shtruar 5 herë në Psikiatri.

Sipas “News 24”, më parë ai ka kryer incidente deri në konflikte fizike me besimtarët. Jo vetëm, ai është me precedent penal për dhunë në familje, teksa 1 muaj më parë goditi me thikë 32-vjeçarin me aftë- si ndryshe te terminali i autobusëve të veriut.

HETIMI

Sulmi me thikë i ditës së hënë në xhaminë “Dine Hoxha”, në Tiranë i ka kaluar tashmë për hetim Drejtorisë së Antiterrorit në Policinë e Shtetit. Çështja në Prokurori është referuar për financim të terrorizmit që në vendin tonë dënohet me 15 vite burg ose burgim të përjetshëm apo gjobë 5-10 milionë lekë. Sipas “News 24”, Rudolf Nikollaj, në momentet e para kur është shoqëruar ka deklaruar se: “Myslimanët duhet të ndëshkohen”. Mësohet se nga 5 të plagosurit, 4 kanë lënë spitalin, kurse një tjetër, 26- vjeçari Kleon Jaupaj i është nënshtruar një operacioni, pasi ka dëmtime në pjesën abdominale shumë pranë veshkës.

NGJARJA

Sulmi që ndodhi të hënën në xhaminë “Dine Hoxha”, ishte një ngjarje në kufijtë e një akti terrorist, por që në fakt deri tani nuk po rezulton i tillë. Duket më shumë si një ngjarje e kryer nga një person, që sipas të gjitha të dhënave, nisur edhe nga ato që thonë familjarët e tij, vuan nga probleme të shëndetit mendor. Rudolf Nikollaj, një 34-vjeçar, familja e të cilit i përket fesë së krishterë, ndërsa ai vetë është konvertuar në mysliman, u fut dy ditë më parë në xhaminë “Dine Hoxha”, te Rruga e Kavajës në Tiranë, jo për t’u falur, por për të sulmuar besimtarët. Fillimisht ai goditi me thikë një besimtar që në fakt punonte edhe në picerinë aty pranë, me të cilin u përball në derë të xhamisë. Më pas u fut brenda duke plagosur edhe katër të tjerë, të gjithë të rinj, që po faleshin. Të tjerë besimtarë ndërhynë, duke arritur t’i heqin thikën nga dora e ta nxjerrin jashtë. Më pas, jashtë xhamisë, ai u neutralizua nga kalimtarë e besimtarë të tjerë, që “e arrestuan”, derisa aty mbërriti Policia.

TË PLAGOSURIT

Policia e Tiranës njoftoi zyrtarisht se të hënën rreth orës 14:30, në Rrugën e Kavajës, një shtetas është futur në ambientet e një objekti kulti fetar (xhami) dhe në rrethana ende të paqarta ka plagosur me mjet prerës 5 shtetas. “Falë reagimit profesional dhe të menjëhershëm të shërbimeve të Policisë është bërë i mundur neutralizimi dhe prangosja e autorit të dyshuar, shtetasi Rudolf Nikollaj 34 vjeç, nga Burreli, i cili po shoqërohet në ambientet e Drejtorisë Vendore të Policisë Tiranë, për veprime të mëtejshme. Ndërkohë, shërbimet e Policisë iu kanë dhënë ndihmën e parë shtetasve të lënduar, të cilët janë transportuar në spital, për ndihmë mjekësore dhe ndodhen jashtë rrezikut për jetën. Në vendngjarje ka mbërritur grupi hetimor dhe nën drejtimin e Prokurorisë vijon puna për sqarimin e rrethanave dhe dokumentimin e plotë ligjor të ngjarjes”, tha zyrtarisht Policia. Të plagosurit, Donald Koçi, 35 vjeç, Saba Peposhi, 22 vjeç, Maringlen Konja, 24 vjeç, Kleon Jupaj, 26 vjeç dhe Amri Tolaj, 23 vjeç, u dërguan me urgjencë në Spitalin e Traumës. Burimet thanë se katër prej tyre janë jashtë rrezikut për jetën dhe pas ndihmës së parë në urgjencë janë shtruar në pavijon.

PLAGOSJA E MËPARSHME 

Rudolf Nikollaj, 34-vjeçari nga Mati që u arrestua të hënën pas sulmit në xhami, ku plagosi 5 vetë, kishte qenë në kërkim policor deri para një jave, për një tjetër plagosje. Ai kërkohej nga Komisariati nr.3 në Tiranë, për një ngjarje të ndodhur më 10 mars, në rrugën “Kastriotët”, në kryeqytet, te terminali i autobusëve. Megjithatë, më 12 prill kërkimi policor ishte shuar, pasi kishte kaluar një muaj, siç parashikohet edhe në ligj. Nikollaj ishte denoncuar në Komisariatin nr.3 nga vetë personi që kishte plagosur me thikë në këmbë. Më konkretisht, mësohet se në rrugën “Kastriotët” ai kishte plagosur me thikë shtetasin Robert Kurti. Pas kallëzimit që kishte bërë i plagosuri, Nikollaj ishte shpallur në kërkim policor.

The post Në 6 muajt e fundit u shtrua 5 herë në psikiatri, autori i sulmit në xhami është konfliktuar edhe më parë me besimtarë appeared first on Albeu.com.