Asi gjeorgjian, i dëmtuar të shtunën kundër Auxerre, nuk është i disponueshëm dhe nuk është përfshirë në listën e skuadrës të shpallur nga trajneri Luis Enrike.

Çfarë ndodhi?

Kvaratskhelia u zëvendësua në pjesën e parë të ndeshjes kundër Auxerre, pasi u godit në pjesën e sipërme të kofshës nga Senaya (i cili mori një karton të verdhë).

Bradli Barkola, hyri në fushë në vend të tij dhe gjeorgjiani doli nga fusha duke çaluar. Kvara kishte pësuar tashmë një dëmtim kundër Lens në mesin e shtatorit, por u rikuperua kundër Marsejës.

PSG-së është pa Kvarën, por do të jetë në gjendje të mbështetet te Vitinja, i cili gjithashtu u lëndua në ndeshjen e fundit të Ligue 1, por është rikuperuar dhe është i disponueshëm për ndeshjen kundër katalanasve.

Zhoao Neves është rikthyer në skuadër, pasi mungoi në dy ndeshjet e fundit të ligës. Ousmane Dembele dhe Desire Doue do të mungojnë siç pritej, të dy janë ende duke u përballur me lëndime.

The post PSG-ja tronditet sërish para Barcelonës, Luis Enrike humbet një tjetër yll pas Dembelesë dhe Doue appeared first on Albeu.com.

Një artikull zbulues për situatën që ekziston në dhomat e zhveshjes së Parisit është përmbledhur nga L’Equipe .

Në këtë shkrim, prestigjozia franceze flet për probleme të ndryshme që dukshëm ndikojnë në paraqitjet e skuadrës shumë të shtrenjtë në kryeqytetin francez.

Sipas gazetës autoritare, një nga problemet kryesore është se në dhomat e zhveshjes janë dy “klika”. Ajo e francezëve dhe ajo e latino-amerikanëve.

Në fakt, kjo situatë thuhet se e shqetëson Killian Mbape dhe është një nga arsyet që ai po i afrohet largimit, pasi ai nuk tregon gatishmëri për të vazhduar kontratën dhe Reali e pret në qershor si një lojtar i lirë me krahë hapur.

Çrregullimi i disa yjeve është gjithashtu një çështje serioze. Gazeta përmend në mënyrë të veçantë Neymar , i cili ka munguar në një event të sponsorëve kryesorë të skuadrës, ku prania e tij ishte e detyrueshme.

“Goditja” e brazilianit shkaktoi pakënaqësi në administratë, e cila shqyrtoi mundësinë e vendosjes së një gjobe të rëndë ndaj tij, por kjo nuk ndodhi dhe çështja u “mbulua” me një justifikim zyrtar se Neymar nuk e dinte se duhej t’i nënshtrohej një testi koronar përpara ngjarjes.

Në të njëjtën kohë, në një nga seancat e fundit stërvitore të mëngjesit të skuadrës, dy lojtarë të Amerikës Latine, emrat e të cilëve nuk bëhen të ditur, janë shfaqur në stërvitje në gjendje të keqe dhe ka pasur informacione se ata e kishin kaluar natën në një festë.

Gjithashtu, pas fitimit të Topit të Artë , Lionel Messi kishte festuar në një klub nate, me disa nga bashkëlojtarët e tij të pranishëm. Të nesërmen ai dhe Leandro Paredes munguan në stërvitje me një justifikim zyrtar për simptomat e gastritit, diçka që shqetësoi shumë brenda ekipit.

Një tjetër çështje që shkaktoi trazira të panevojshme dhe komente të shumta në radhët e grupit ishte telenovela e ndarjes së Wanda Narës dhe Mauro Icardit, ku argjentinasi mori një leje speciale për të udhëtuar në Milano dhe për t’u bashkuar sërish me gruan e tij.

Ishte një tjetër rrethanë, në të cilën disa folën për trajtimin e privilegjuar të disa lojtarëve me administratën dhe mbylljen e syve nga trajneri.

Së fundi, një tjetër pikë fërkimi brenda ekipit është bashkëjetesa e Kaylor Navas dhe Gigio Donnarumma. Mauricio Pochettino nuk kishte sugjeruar blerjen e portierit italian, i cili padyshim u ble me iniciativën e klubit.

Dy portierët bënë një marrëveshje joformale për të garuar të shëndoshë për pozitën e kryesorit, por disa ngjarje ndezën fitilat.

Ashtu si deklaratat e agjentit të portierit italian, Mino Raiola , se “herët a vonë ky rast do të përfundojë me fitoren e Donnarummës” apo sulmi që Navas i kishte thënë përballë italianit për Marcin Bulka, një portier i huazuar nga Parisi te Nice, sepse ata mbanin doreza të së njëjtës markë duke thënë “Ose doreza të tilla i mbajnë vetëm portierët më të mirë në botë”. Përktheu në shqip G.D /albeu.com/

The post L’Equipe: Tensionet e brendshme, klane, privilegje, prapaskenat tek PSG-ja appeared first on Albeu.com.