Marrëveshjen mes PS dhe PD për anëtarësimin e Shqipërisë në Bashkimin Europian, kryeministri Rama e vlerëson të paparë në të gjithë historinë e politikës botërore. Ndërsa shton se sa më shumë bashkëpunon, më shumë krijohet një distancim i qartë mes socialistëve dhe demokratëve.

“Nëse do të thosha atë që më vjen të them, edhe pse prej ditës që është mbyllur fushata kam refuzuar edhe me veten time që të hyj në komente lidhur me palën tjetër dhe sidomos me shishen, etiketën dhe vetë produktin që mban shishja e palës tjetër, atëherë do të thosha se nëse ky është bashkëpunim, është një bashkëpunim absolutisht i paparë në historinë e politikës botërore nga ana ime, sepse sa më shumë unë bashkëpunoj, aq më shume thellohet distanca mes PD dhe të ashtuquajturës opozitë, që është vërtet në një agoni të vajtueshme” tha Rama për Top Channel.

I pyetur më tej se ai ka qenë kreu i qeverisë shqiptare që nga momenti i negocimeve e deri në momentin e përmirësimit të integrimit europian të Shqipërisë, Rama nënvizoi se kjo është ëndrra e të gjithë qytetarëve e cila është shumë afër përmbushjes dhe për këtë ndihet i privilegjuar.

“Integrimi nuk është projekti im, është misioni historik i shqiptarëve dhe gjithë atyre që e kanë dëshiruar që Shqipëria t’i përkasë botës që dielli lind andej nga perëndon, kështu që unë e konsideroj fat dhe privilegj që më ra mua dhe PS në këtë fazë të historisë së vendit, barra dhe njëkohësisht edhe mundësia për ta çuar këtë proces drejt kurorëzimit.

Nuk do të lëmë gur pa luajtur që t’ia dalim, gjithmonë me besim dhe duke punuar me vetëdije se çdo hap që ne hedhim në këtë rrugë nuk është një hap për të ikur nga Shqipëria dhe për të shkuar në Bruksel, Berlin, Paris a Romë, por një hap që e hedhim për ta ndërtuar brenda 28 mijë kilometrash katrorë të Republikës sonë shtetin europian të shqiptarëve” shtoi më tej Rama.

Kujtojmë se në seancën parlamentare të zhvilluar më 14 maj, Partia Demokratike dhe Partia Socialiste janë bërë bashkë si rrallë herë duke votuar me 114 vota pro dhe 1 abstenim projektrezolutën e përbashkët për integrimin në Bashkimin Europian.

Pjesë nga intervista:

Si e shihni këtë lëvizje të tyre dhe si ju përgjigjeni zërave se ju dhe Berisha jeni në marrëveshje?

Nëse do të thosha atë që më vjen të them, edhe pse prej ditës që është mbyllur fushata kam refuzuar edhe me veten time që të hyj në komente lidhur me palën tjetër dhe sidomos me shishen, etiketën dhe vetë produktin që mban shishja e palës tjetër, atëherë do të thosha se nëse ky është bashkëpunim, është një bashkëpunim absolutisht i paparë në historinë e politikës botërore nga ana ime, sepse sa më shumë unë bashkëpunoj, aq më shume thellohet distanca mes PD dhe të ashtuquajturës opozitë, që është vërtet në një agoni të vajtueshme.

Ju keni qenë kryeministri që ka negociuar hapjen dhe avancimin e procesit. A e konsideroni integrimin europian projektin tuaj më të rëndësishëm politik?

Integrimi nuk është projekti im, është misioni historik i shqiptarëve dhe gjithë atyre që e kanë dëshiruar që Shqipëria t’i përkasë botës që dielli lind andej nga perëndon, kështu që unë e konsideroj fat dhe privilegj që më ra mua dhe PS në këtë fazë të historisë së vendit, barra dhe njëkohësisht edhe mundësia për ta çuar këtë proces drejt kurorëzimit.

Nuk do të lëmë gur pa luajtur që t’ia dalim, gjithmonë me besim dhe duke punuar me vetëdije se çdo hap që ne hedhim në këtë rrugë nuk është një hap për të ikur nga Shqipëria dhe për të shkuar në Bruksel, Berlin, Paris a Romë, por një hap që e hedhim për ta ndërtuar brenda 28 mijë kilometrash katrorë të Republikës sonë shtetin europian të shqiptarëve.

The post Rama vlerëson marrëveshjen mes PS dhe PD për integrimin europian: Privilegj për mua, shqiptarët nuk do kenë më nevojë për të kaluar kufijtë appeared first on Albeu.com.

Ndryshimet pasqyrojnë një vendim të Gjykatës Kushtetuese, forcojnë reciprocitetin midis shumicës dhe opozitës dhe zgjerojnë hapësirën për një pjesëmarrje më aktive të të gjitha forcave në parlament.

Zbatimi i duhur i Rregullores do të jetë thelbësor për të siguruar një praktikë parlamentare gjithëpërfshirëse dhe efektive dhe për të mbështetur përparimin e mëtejshëm në prioritetet e reformave të Shqipërisë.

The post PS-PD bashkojnë votat për ndryshimet në rregulloren e Kuvendit/ Reagon prezenca e OSBE: Hap pozitiv për dialogun politik appeared first on Albeu.com.

Lideri i opozitës e cilësoi kryeministrin Rama si kreun e sistemit korruptiv, ndërsa shtoi se aferat e tij korruptive nuk lejohen të hetohen. Berisha foli edhe për shpopullimin e vendit, për të cilën tha se në Shetaj janë 50 vila të reja nga emigrantët, ku vetëm 19 prej tyre kanë nga një të moshuar banor.

Sali Berisha: Pse nuk vjen? Sepse mali i fakteve dhe dokumenteve e gropos atë. Sepse ai vetë është kreu i sistemit korruptiv dhe se aferat e tij korruptive nuk lejohen të hetohen. Ku është djegësi i Tiranës 130 milionë euro? Ku është? Ku është impianti i përpunimit të ujërave të zeza 120 milionë dollarë kredi japoneze? Ku janë? Ku janë qindra milionë euro të tjera të shpenzuara në rrugë? Ku janë 240 milionë euro të 100 fshatrave turistike? Dhe pastaj thotë ky, ministri Balluku, se s’po flisni ju, po çfarë të mos flasim ne mor? Projekti i 100 fshatrave e sollët këtu, do ta përfundonit në tre vite, ja shtytë dhe tre vite, dhe tani e shtyni dhe pesë vite të tjera, sepse aty s’ka njerëz. Çdo gjë keni bërë vetëm për të vjedhur, për të vjedhur! Shkoni në Shetaj, shkoni në Tragjas. Çfarë keni bërë? I gjeni, ujë s’kanë.

Asnjë nga pikat që ishin parashikuar në projekt për t’u investuar nuk është realizuar. E vetmja gjë që keni bërë, po ja u merrni ujin, po i përzini dhe aty nuk ka fshatarë. Në Shetaj janë 50 vila të reja të bukura nga emigrantët. Vetëm 19 prej tyre, para dy vitesh se tani mund të jenë krejt të tjera, kanë nga një të moshuar banor. Pse nuk vjen? Nuk vjen sepse nxihet në Shqipëri dhe në Europë me bllokimin, me mbrojtjen e vjedhjeve që ka bërë me Lubi Ballukun. Edhe ju mos flisni fare se jeni në konflikt interesi, se në fakt të gjithë thonë ty të ka emëruar Lubia. Edhe kjo është e vërtetë. Është e vërtetë, më mirë merr mbrojtjen e saj dhe të rrish rehat. Edhe ky tjetri. E pyes unë këtë, si u emërua ky ministër, se më kishin thënë që ka studiuar në Itali. Çfarë studimi tha unë?

Ky është emëruar nga darkat që merr me Olsi Ramën. Ky i bujqësisë gjoja. Absolutisht. Pra, nuk vjen. Nuk vjen sepse është i nxirë. Nuk vjen sepse i bëri vendit një shërbim të tmerrshëm. A e dini ju që u përmbys raporti nga Lubia apo jo? Se mendoni ju se ata nuk e dinë, që Rama po mbron vetë edhe atë Lubinë. Si kujton ti se nuk do të ketë këtu skepticizëm edhe mosbesim maksimal? Shikoni treguesin e investimeve, realizimin. Më i ulëti, ndër më të ultit në botë. Ku shkojnë? Të tjerat vidhen. Të tjerat vidhen.

Do të thatë në 15 projekte, vetëm një realizohet. Nuk ka tregues investimesh, absolutisht nuk ngjan asnjë vend tjetër përveç Haitit. Me tregues të tillë të realizimit të investimeve. Ku shkojnë? Vidhen! Vidhen! Kjo është e vërteta. Është i vetmi kryeministër, hajdut, që banon në Saraje, me 9000 metra katrorë park. Më i madh se pallati presidencial. Pse s’del këtu ai? Pse nuk vjen këtu? Nuk vjen këtu se ka tmerr, ka frikë. Edhe mos u fsheh ti. Se këtej këtu bëhesh trim, atje punon prapa atij në ‘China Club’. Në fakt edhe atë s’e mbrojte. Edhe padrinon e këtij nuk e mbrojte. Jo që ta dinë mirë.

The post Berisha: Ne jemi opozitë dhe nuk pranojmë që askush në këtë parlament të qëndroj mbi kushtetutë appeared first on Albeu.com.

Duke ‘thumbuar’ kundërshtarin politik ai u shpreh se shumë prej tyre prisnin sot që grupi i COELA të mos e kalonte raportin e IBAR për miratim tek ambasadorët e vendeve anëtare të BE-së për Shqipërinë, duke nënvizuar se edhe ata kishin pasur kontributin e tyre, ndaj ta vazhdonin këtë bashkëpunim siç bënë edhe me rezolutën javën e kaluar që e votuan unanimisht.

Balla tha se raporti mori 27 vota, teksa shtoi se besonte që Shqipëria nëse do të vijonte ky vullnet politik mes forcave, mund ta arrinte anëtarësimin që në vitin 2027.

“Lërini urdhrat e partisë, shërbejini Shkodrës dhe Shqipërisë, votojeni këtë marrëveshje. Në një moment dhe një ditë historike si kjo e sotmja. Unë e di që shumë prej jush, jo të gjithë, prisnit që grupi i punës së zgjerimit dhe vendet në proces anëtarësimi në BE, COELA të mos e kalonte sot raportin e piketave të ndërmjetme, e kaluan. 27 vota pro. Ky është lajm i mirë për këdo, për Shqipërinë. Unë nuk bëj pjesë te ata që them se ky është vetëm kontributi ynë, kanë edhe të tjerë që kanë kontributet e tyre, janë qindra ekspertë e përfaqësues të institucioneve të ndryshme, kemi shumë punë përpara”, tha Balla mes të tjerash në fjalën e tij.

Ai e ilustroi me shembullin e Malit të Zi procesin, duke theksuar se Shqipërinë e priste ende një rugë e gjatë përpara. Por shtoi se ata si deputetë të kësaj legjislature ndodhen në një moment historik, pasi kanë mundësinë t’i shërbejnë vendit.

“Ishim edhe me kolegë nga Mali i Zi, që na thanë se vetëm dy muajt e fundit kanë kaluar të paktën 200 ligje pjesa më e madhe që lidhej me përafrimin e legjislacionit për integrimin në BE. Ne kemi nderin e madh që kemi përfaqësuesit e popullit në këtë moment të madh historik. Ne duhet t’i përgjigjemi kësaj periudhë historike që na ka rënë si nder i madh. Nga sot deri në 2027 duhet ta mbyllin procesin e anëtarësimit në BE. Duhet të kemi të gjithë besim. Jemi brenda kalendarit dhe ambicien e kemi bazuar te pritshmëritë që vijnë nga Komisioni dhe vendet anëtare”, vijoi deputeti socialist.

Balla përshëndeti edhe propozimin dhe pozicionin zyrtar të kancelarit gjerman Merz dhe qeverisë gjermane për procesin e integrimit të vendeve të Ballkanit me faza. Ai ftoi opozitën që gjithashtu të vijonte bashkëpunimin siç bënë për rezolutën dhe së fundmi në seancën e sotme për Rregulloren.

“Dua ta përshëndes dhe falënderoj pozicionin e bërë publik të kancelarit Merz dhe qeverisë gjerman, për këtë udhëheqje historike. Dua ta përshëndes dhe falënderoj pozicionin tani zyrtar. Lajm i mirë për këtë pozicionim në udhëheqjen historike. Në frymën e asaj rezolute që miratuam javën e kaluar nga të gjithë deputetët, ju falenderoj, në frymën e përbashkët që u bëmë të gjithë bashkë, e po e vijojmë edhe me ndryshimet për Rregulloren këtë frymë”, tha ai.

Në lidhje për marrëveshjen e investimit për Alpet në qarkun e Shkodrës dhe financimin 100 mln euro për projektin, Balla ftoi gjithashtu kolegët opozitarë që ta votonin në këtë kuadër bashkëpunimi që i shërben qytetit verior dhe zhvillimit të vendit.

Madje ai bëri edhe krahasime investimesh mes dy qeverive në kohë.

“Rrallë ndodh që të jemi këtu e të diskutojmë një projektligj që çon në një bashki të vetme 100 mln euro. Kjo dëshmon se kjo qeveri e ka Shkodrën siç ka edhe bashkitë e tjera, prioritet themelor, 1,3 mld euro të investuara në Shkodër nga qeveritë tona në këto vite. Dhe 1,3 mld euro është disafish se buxheti juaj gjatë qeverisjes. Ne nuk krahasohemi asnjëherë me ju, kurrë, se ne krahasohemi me veten tonë. Mjaftuan këto vitet e para që Shkodra i dha votëbesimin PS për të kuptuar se si ishte marrë peng ajo bashki. Bëhet fjalë për një projekt mbarëkombëtar, me Bankën e Investimeve dhe KFV-në gjermane duke shkuar te një investim strategjik për të zhvilluar turizmin e integruar. Synojmë të ndërtojmë një korridor të zhvilluar që t’i zbresë Alpet në Adriatik dhe Shëngjin, Velipojë dhe më tej. Ky është investim historik, që garanton infrastrukturë rrugore që do krijonin aksesin në Alpe dhe Adriatik, hapësirat urbane, transportin publik, infrastrukturën mjedisore dhe kulturore dhe turizmin për Shkodrën e bukur dhe ndërlidhjen me malësinë. Duhet të bashkoheni bashkë me ne për ta votuar këtë. Ne jemi të gatshëm për gjithçka, kur bëhet fjalë për më tepër për këto investime dhe për të mirën e Shqipërisë”, deklaroi ai.

The post “Prisnit që COELA të mos e kalonte raportin për integrimin”, Balla-opozitës: T’i përgjigjemi këtij momenti historik, shërbejini Shqipërisë dhe lërini urdhrat e partisë appeared first on Albeu.com.

Projektligji, i propozuar nga deputeti Bujar Rexha dhe i dorëzuar kryetarit të Kuvendit Niko Peleshi, synon riorganizimin e strukturave të Policisë së Shtetit dhe përcaktimin e ri të kompetencave administrative dhe operacionale.

Një nga ndryshimet kryesore është heqja e garës për shumicën e posteve drejtuese në polici, përveç gradës “drejtues madhor”, gradë kjo që mbahet vetëm nga Drejtori i Përgjithshëm i Policisë së Shtetit.

Sipas deputetit socialist, procedurat aktuale të konkurrimit janë të gjata, burokratike dhe pengojnë punën normale të strukturave policore.

Projektligji parashikon gjithashtu që një ish-drejtor i Përgjithshëm i Policisë, pas largimit nga detyra, të mos dalë automatikisht nga sistemi, por të vazhdojë karrierën pranë uniformave blu me gradën “drejtues i parë”, duke shërbyer në role të tjera si këshillues apo pedagog në Akademinë e Sigurisë.

Ndryshime propozohen edhe për sistemin e gradave. Afati për kalimin nga grada “komisar” në “kryekomisar” dhe nga “kryekomisar” në “drejtues” propozohet të ulet nga 5 në 4 vite, me argumentin se punonjësit që japin rezultate nuk duhet të presin gjatë vetëm për shkak të procedurave formale.

Po ashtu, drejtori i Përgjithshëm i Policisë do të ketë të drejtën të japë ngritje në gradë edhe para afatit, në raste të veçanta, për efektivë që dallohen për akte heroike apo rezultate të larta në luftën kundër krimit.

Ndërsa mandati i drejtuesit të një departamenti kërkohet të ulet nga 4 në 3 vjet dhe pas përfundimit të mandatit ka të drejtë rikandidimi për një mandat të dytë.

Propozimi për emërimin e Drejtorit të departamentit bëhet nga Drejtori i Përgjithshëm i Policisë së Shtetit dhe emërohet nga ministri i Brendshëm.

Ndërsa, për shefin e komisariatit në projektligj përcaktohet qartë se kushdo që zgjidhet në këtë post duhet të mbajë gradën “komisar” ose “kryekomisar”.

Ndryshimet pritet të diskutohen fillimisht në komisionet parlamentare dhe më pas të kalojnë për votim në Kuvend.

The post Drafti/ PS propozon ndryshime në ligjin për Policinë e Shtetit: Të hiqen konkurrimet për postet drejtuese! Drejtori i Përgjithshëm të kthehet sërish në detyrë pas përfundimit të mandatit appeared first on Albeu.com.

Burime nga Kuvendi për gazetarin Osman Stafa bëjnë me dije se socialistët kanë tërhequr disa prej propozimeve të tyre, mes tyre procedurën e përshpejtuar për projektligjet e BE-së, përgjysmimin e kohës së diskutimeve në Kuvend dhe kufizimin e raportimeve të institucioneve vetëm në komisione.

Nga ana tjetër, janë pranuar disa kërkesa të PD-së për forcimin e kontrollit parlamentar. Drafti parashikon ndërhyrjen e Kryetarit të Kuvendit kur institucionet nuk u përgjigjen deputetëve, detyrimin e komisioneve për të zhvilluar mbledhje me kërkesë të opozitës dhe pezullimin automatik të masave disiplinore në rast ankimi.

Ndryshimet vijnë pas vendimit të Gjykatës Kushtetuese dhe janë dakordësuar me konsensus mes palëve.

1. Pikat ku u tërhoq PS

a) PS u tërhoq nga propozimi që çdo projektligj i kërkuar nga BE të shqyrtohej brenda një jave me procedurë të përshpejtuar.

b) PS u tërhoq nga përgjysmimi i kohës së diskutimit në seancë plenare.

c) PS u tërhoq nga propozimi që institucionet kushtetuese të mos raportonin në seancë plenare, duke pranuar qëndrimin e PD-së se raportimi në Kuvend duhet të bëhet nga çdo institucion që ka detyrim kushtetues për raportim.

d) PS u tërhoq edhe nga propozimi që të gjitha institucionet të raportonin vetëm në Komisionin Xhafaj, duke pranuar qendrimin e PD, që raportimet vjetore të bëhen në komisionet përgjegjëse sipas fushës.

2. Pikat që u pranuan nga PD:

a) U pranua propozimi i PD-së që forcon kontrollin parlamentar përmes ndërhyrjes së Kryetarit të Kuvendit në rastet kur institucionet nuk u përgjigjen kërkesave të deputetëve për informacion. Sipas ndryshimit të pranuar:
– Kryetari i Kuvendit detyrohet t’i kërkojë institucionit përgjigje brenda 5 ditëve nga kalimi i afatit;
– në rast mosreagimi, i kërkohet titullarit të institucionit marrja e masave disiplinore deri në shkarkim.

b) U pranua propozimi i PD-së që kryetarët e komisioneve, kur kërkohet nga pakica parlamentare, të jenë të detyruar të thërrasin mbledhje komisioni ose seanca dëgjimore me titullarë institucionesh brenda dy ditëve nga paraqitja e kërkesës.

c) U pranua propozimi i PD-së që, me kërkesë të një kryetari grupi parlamentar, seanca plenare të ndërpritet në orën 22:00 dhe të rifillojë ditën pasardhëse.

d) U pranua propozimi që masat disiplinore të pezullohen automatikisht nëse ankimohen në Byronë e Kuvendit. Masat disiplinore nuk do llogariten më me ditë pune, por me ditë kalendarike. Sekretariati i Etikës me numër të barabartë anëtarësh.

The post PS dhe PD arrijnë marrëveshje për Rregulloren e Kuvendit, socialistët tërhiqen nga procedura e përshpejtuar! Pranohet kërkesa e demokratëve për forcimin e kontrollit parlamentar appeared first on Albeu.com.

Kujtojmë se më herët u raportua se demokratët dhe socialistët, ranë dakord në draftin final të rezolutës i cili u dërgua këtë mëngfjes në Kuvend. Dhe u shqyrtua gjatë seancës së sotme plenare, ku deputetë nga të dyja palët bënë i bënë thirrje njëri tjetrit të votonin këtë projektrezolutë.

DRAFFTI:

PËR PROCESIN E ANËTARESIMIT TË REPUBLIKËS SË SHQIPËRISË NË BASHKIMIN EVROPIAN

Në zbatim të Kushtetutës së Republikës së Shqipërisë dhe neneve 18 dhe 103/1 të Rregullores së Kuvendit të Shqipërisë;

Në zbatim të nenit 18, pika 1, të Ligjit nr. 15/2025 “Për rolin e Kuvendit në procesin e negociatave dhe anëtarësimit të Republikës së Shqipërisë në Bashkimin Europian”, të ndryshuar;

Duke rikonfirmuar se anëtarësimi i Republikës së Shqipërisë në Bashkimin Evropian përbën objektiv strategjik kombëtar, që udhëheq dhe orienton të gjithë agjendën reformuese të vendit për transformimin demokratik, institucional, ekonomik dhe social;

Duke nënvizuar përgjegjësinë kushtetuese të Kuvendit të Shqipërisë për mbikëqyrjen e procesit të integrimit, forcimin e kontrollit parlamentar dhe garantimin e transparencës;

Duke theksuar se orientimi evropian është zgjedhje e vullnetit të lirë, me rëndësi strategjike mbarëkombëtare, që gëzon mbështetje të gjerë qytetare dhe përfaqëson një angazhim të qëndrueshëm ndaj vlerave themelore të Bashkimit Evropian, demokracisë, shtetit të së drejtës, lirisë, pages dhe bashkëjetesës, barazisë dhe dinjitetit njerëzor;

Duke pasur parasysh kriteret e Kopenhagës dhe parimin se procesi i antarësimit bazohet në meritë, kushte të drejta dhe zbatim real të reformave, në përputhje me standardet demokratike dhe respektimin e të drejtave themelore;

Të vetëdijshëm se Shqipëria ka hapur me shpejtësi të gjithë kapitujt e negocimit dhe është në pritje të miratimit të raportit IBAR;

Duke vlerësuar se procesi i zgjerimit të BE-së po zhvillohet në një kontekst gjeopolitik të ndjeshëm që kërkon riformësim të shpejtë të institucioneve dhe përparim të matshëm në fushat kyçe si funksionimi demokratik i institucioneve, gjyqësori dhe të drejtat themelore, drejtësia, liria dhe siguria, prokurimi publik, kontrolli financiar, statistikat, kriteret ekonomike, dhe reforma në administratën publike.

The post PD e PS bëhen bashkë/ Miratohet projektrezoluta për integrimin në Bashkimin Europian appeared first on Albeu.com.

Në kulmin e debateve për problematikat e pastrimit të qytetit dhe kërkesat për më shumë llogaridhënie nga drejtuesit vendorë, Ristani ka shpërthyer me deklarata të forta ndaj këshilltarëve të saj politikë.

“Me shkarkoni, të bie dhe unë rehat”, mësohet të ketë deklaruar ajo gjatë diskutimeve, në një moment tensioni të lartë në sallë. Përplasjet më të forta kanë qenë me këshilltarin Halit Valteri nga PS dhe Krenar Canollarin nga PSD, të cilët kërkuan më shumë përgjegjësi për situatën e pastrimit dhe menaxhimin e qytetit.

Sipas burimeve nga mbledhja, debati degradoi në tone ironike, ku Ristani jo vetëm kundërshtoi akuzat, por nisi edhe të ironizonte dhe të qeshte gjatë diskutimeve, gjë që solli reagime të forta nga disa këshilltarë të pranishëm.

Mbledhja u karakterizua nga tensione të vazhdueshme dhe akuza reciproke, ndërsa çështja e pastrimit të Tiranës mbetet një nga temat më të diskutuara dhe më problematike për administratën vendore në javët e fundit.

The post “Më shkarkoni, të bie edhe unë rehat”/ Anuela Ristani ‘sfidon’ PS në mbledhjen me dyer të mbyllura të Këshillit Bashkiak appeared first on Albeu.com.

Në mbledhjen e grupit, kryeministri Edi Rama, mësohet se u ka kërkuar vijimin me intensitet të kontakteve me njerëzit në bazë dhe qytetarët, sa i takon procesit të integrimit në BE të vendit.

Rama kërkoi vijimin intensiv të takimeve dhe përcjelljen e mesazheve për integrimin edhe në mediat sociale.

Fokus kryesor tek ato çështje që lidhen direkt me sfidat e integrimit, një prej tyre edhe siguria ushqimore.

“Vijoni me intensitet komunikimin për integrimin”, ka thënë mes të tjerash kreu i mazhorancës socialiste dhe i ekzekutivit.

Në fjalën e tij, mësohet se Rama u ndal edhe në rienergjizimim e anëtarësisë së PS.

The post Përfundon mbledhja e zgjeruar e grupit parlamentar të PS dhe ministrave, zbulohen porositë që u la kryeministri Rama appeared first on Albeu.com.

Shkak u bë përjashtimi nga seanca që iu bë nga kryeparlamentari Niko Peleshi, deputetit demokrat, njëkohësisht nënkryetarit të PD-së, Luçiano Boçi.

Edhe pas 5 minutave pushim që mbajti Kuvendi, debatet dhe përplasjet nuk munguan. Deputeti Belind Këlliçi i kërkoi Peleshit të reflektonte dhe të hiqte masën e përjashtimit ndaj Boçit, pasi në të kundërt opozita do braktiste seancën në shenjë solidariteti.

Peleshi refuzoi, duke thënë se kishte pasur edhe raste të tjera përjashtimi dhe seancat kishin vijuar normalisht.

Në momentin që diskutimet vijuan sipas rendit të ditës, teksa fliste nënkryetarja Klodjana Spahiu, PD dhe PL braktisën sallën e Kuvendit.

Çfarë ndodhi gjatë përplasjeve në Kuvend, përjashtimi i Boçit dhe debatet

Deputeti demokrat Belind Këlliçi ishte i pari që mori fjalën dhe kërkoi që të anulohej masa e përjashtimit, pasi në të kundërt opozita do të largohej në shenjë solidariteti duke braktisur seancën.

Ai akuzoi mazhorancën dhe Peleshin se sa herë ka skandale dhe projektligje me rëndësi, ata prishin qëllimisht seancat duke prerë fjalën ndaj deputetëve opozitarë ose duke i penalizuar.

“Zoti kryetar, u bë e disata herë që në këtë sallë Parlamenti gjeni çdo artificë të mundshme gjeni shkak për të prishur seancën sa herë që diskutohet ndonjë projektligj me rëndësi për qytetarët. Kemi që nga ora 10:00 këtu dhe kanë dalë edhe ministrat kanë folur, interpelancat dhe nuk ndodhi asgjë. Kjo që ndodhi me kreun e Komisionit të Arsimit është absurde, zoti Luciano Boçi kërkoi vetëm replikë, ngriti gishtin për të kërkuar fjalën pas fjalës së ministres së Arsimit. Ju doni ta prishni seancën qëllimisht. E kuptoj se keni arsye që të mos lejoni opozitën të flasë, pas këtyre skandaleve, keni gjithë ato skandale sepse këtu u fol për të gjitha, u fol për Ergys Agasin dhe miliona eurot, u fol për ish-drejtoreshën Mirlinda Karçanaj të AKSHI-t dhe milionat e saj, u fol për Edi Ramën dhe bankën e tij. Ju doni të prishni seancën me çdo kusht”, tha Këlliçi.

Ai përsëriti se nuk do të qëndronin në sallë nëse Peleshi s’e kthente pas masën e marrë duke reflektuar dhe më tej t’i jepte të drejtën e replikës deputetit Boçi.

“Meqë ju vendosët të mos e ktheni mbrapsht një vendimmarrje të padobishme. Nëse ju do vijoni ne do braktisim sallën nëse nuk hiqni përjashtimin e zotit Boçi, është absurde të përjashtoni nënkryetarin e forcës më të madhe opozitare në vend, t’i hiqni të drejtën e fjalës. Nëse nuk i jepni qoftë të drejtën e replikës zoti Boçi, atëherë unë dhe ne kemi vendosur ta braktisim sallën në shenjë solidariteti”, tha deputeti opozitar.

Peleshi u përgjigj duke sqaruar situatën dhe shkakun e masës, teksa theksoi se deputeti i PD-së kishte përdorur një gjuhë aspak parlamentare dhe ofendime.

“Kemi që në orën 10:00 këtu, kemi marrë fjalën, është respektuar hapësira te opozita, madje opozita ka folur më shumë. Janë trajtuar çështjet dhe akuzat. Ishte një pikë jashtë këtyre temave, diskutohej për Agjencinë Arsimore, unë nuk e kam ndërprerë fjalën asnjë deputeti gjatë seancës, pse duhet t’ia ndërprisja një deputeti për një pikë që nuk është aq e nxehtë. Më besoni, zoti Boçi s’e kërkoi fjalën për replikë, doli aty, nuk u përgjigj, nuk po e përsëris se çfarë tha me gjuhën e vetë jo parlamentare, nuk po e përmend. Ndaj mori edhe masat, e kam atë maturi të mos nxehem, nuk e mora në gjaknxehtësi, por ai e shtoi dozën e shantazheve dhe sulmeve. Edhe nëse kryeparlamentari e ka gabim seanca vijon dhe diskutohet më tej, lirohet foltorja dhe seanca vijon normalisht. Kemi pasur edhe masa të ngjashme të tjera dhe janë respektuar”, tha Peleshi.

Por Këlliçi reagoi përsëri dhe theksoi se:

“Nëse ju nuk reflektoni ne largohemi nga kjo seancë dhe ju vazhdoni diskutimet”.

The post Peleshi nuk e heq masën e përjashtimit ndaj Luçiano Boçit, PD dhe PL braktisin seancën dhe largohen nga salla! Çfarë ndodhi në Kuvend appeared first on Albeu.com.