Drejtuesja politike e Partisë Socialiste për zgjedhjet e pjesshme vendore në Tiranë, Belinda Balluku, ndau sot momente nga takimi i organizuar në selinë e PS-së mbrëmjen e djeshme me të gjitha shtabet e njësive të Tiranës.

Balluku postoi momente nga takimi me Ogerta Manastirliun në selinë e Partisë Socialiste dhe me të gjithë shtabet e njësive të Tiranës, duke u shprehur se skuadra është fuqizuar me Taulant Ballën, Niko Peleshin, Ulsi Manjën, Milva Ekonomin.

Duke iu përgjigjur deklaratave të opozitës, Balluku theksoi se; “hedhin baltë e viktimizohen dhe nuk e kanë kuptuar kurrë që forca e socialistëve buron nga bashkimi”.

“Pastaj mërziten e shpikin lloj-lloj skenarësh, nga ato që kanë bërë vetë ndër vite, hedhin baltë, çirren e viktimizohen, por nuk kanë faj. Nuk e kuptuan kurrë që forca e socialistëve buron nga bashkimi, angazhimi i palodhur, misioni i secilit për ta parë Shqipërinë gjithmonë e më mirë, gjithmonë e më të fortë. Vetëm përpara, pak hapa larg Europës”, u shpreh ajo.

Për kreun e bashkisë së Tiranës, Partia Socialiste kandidon me Ogerta Manastirliun, ndërkohë që pritet zyrtarizimi i kandidatëve në 5 bashkitë e tjera.

Vetë Manastirliu, vlerësoi se në takimet maratonë me shtabet e njësive të Tiranës ka një angazhim maksimal dhe bashkërendim të punës në territor.

“Me përkushtim dhe me energji të reja, për të qenë pranë njerëzve, në çdo lagje e çdo rrugicë, për Tiranën e së ardhmes që meritojnë qytetarët tanë”, u shpreh Manastirliu.

Ndërkohë për Tiranën, Partia Demokratike, ka deklaruar mbështetjen për kandidatin e pavarur Florian Binaj.

The post Zgjedhjet në Tiranë, Belinda Balluku mbledh strukturat e PS-së appeared first on Albeu.com.

Ndër të tjera, Klosi tha se “kush shkon në dyert e gjykatave do të gjykohet për ato çfarë faktet tregojnë në procesin gjyqësor dhe nuk do të ketë asnjë mbrojtje nga politika”.

Drejtësia e re -tha Klosi- është edhe realizimi i një premtimi elektoral, që Partia Socialiste erdhi në pushtet në 2013.

“Siç e kemi thënë ne nuk kemi komente për vendimet që do të marrë drejtësia, por jeni të qartë që kushdo që është kërkuar të japë informacione para drejtësisë nuk ka pasur pengese nga PS dhe nga kryeministri.

Besoj që është një realizim i një premtimi të fortë elektoral që ne morëm mandatin në 2013 për një drejtësi të pavarur. Kushdo që ka kërkesa nga organet e drejtësisë së re për të dhënë informacione do të duhet të japë

Kush shkon në dyert e gjykatave do të gjykohet për ato çfarë faktet tregojnë në procesin gjyqësor dhe nuk do të ketë asnjë mbrojtje nga politika për ata që kanë procese gjyqësore”, u shpreh Klosi.

The post Zyrtarët e lartë të PS-së në SPAK, Klosi: Nuk do të kenë asnjë mbrojtje politike appeared first on Albeu.com.

Ai u shpreh se çdo anëtar i kësaj familje të madhe politike, që bën akte korruptive, është tradhtar.

Rama: “Kush flirton me armikun korrupsion dhe tradhton anëtarët dhe qytetarët, nuk është i yni dhe nuk ka asnjë punë me ne. Ashtu siç kushdo në administratë i zgjedhur si drejtues, fut duart në buxhet, nuk është me ne dhe nuk mund të kërkojë asgjë nga ne veç përbuzjes, ҫdo anëtar i kësaj familjeje që bën korrupsion është tradhtar i dyfishtë i popullit dhe partisë si cdo parazit që ushqehet me gjakun e trupit kurrizet.

Kur të zbulohet nga drejtësia i hidhur është fakti që e kishim mes nesh por lajm i mirë është që kemi një parazit me pak.

Jo jo! S’është as i ynë dhe i askujt. I dëgjoj patjetër edhe kur bërtasin me të madhe; hajdutët e Edi Ramës dhe nuk pushojnë. Ia kapën atë ministër, atë ministre, i rrasën brenda atë kryebashkiak, apo atë drejtor. Një tam-tam politik. Përgjegjësi e partisë, farefisit është përgjegjësi kolektive, por në këtë shtet mbajmë fajësimin për kokën tonë, jo të të tjerëve”.

The post Rama në mbledhjen me grupin e PS-së: Kushdo që fut duart në arkën e shtetit, është tradhtar me kostum appeared first on Albeu.com.

Në mbledhjen e grupit parlamentar të PS-së, Rama shprehet se nuk e kanë mundur dot korrupsionin, por janë në mes të një lufte të stërmundimshme.

Gjithashtu, kreu i shtetit theksoi se; “Asnjë forcë me peshë më parë që nga shkëputja nga perandoria otomane nuk i ka hyrë detit në këmbë për të pavarësuar drejtësinë nga pushteti”.

Rama: “Sot pasqyra është tjetër. Kush e mohon nuk di cfarë flet nga ligësia e padia. Nuk është qëllimi im sot të bëj dallimin mes nesh dhe atyre, sepse të dallim si dita me natën e bën me votë shumica absolute e njerëzve të zakonshem të këtij vendi. Dallimi duhet vetëm për të parë objektivit kontekstin e kohës ku po jetojmë dhe nevojën për reformim. PS është prej një dekadë e është në liftë për të bërë vendin tonë një vend të mirënjohur botërisht.

Asnjë forcë me peshë më parë që nga shkëputja nga perandoria otomane nuk i ka hyrë detit në këmbë për të pavarësuar drejtësinë nga pushteti.

Vetëm falë kësaj lufte vendimtare për Shqipërinë që PS po bën prej 10 vjetësh nuk na e mohon dot askush. Pa PS nuk do të kishte rilindur besimi i shqiptarëve në drejtësi

Nuk do shihnim rrëzimin e monumentit të pandëshkueshmërisë.

Ka një të vërtetë të madhe në këtë mes, nuk e kemi mbajtur lëkurën tonë jashtë zjarrit të saj. I hapëm rrugë krijimit të një gryke zjari të re, si SPAK por ia hoqëm vetes me ndërgjegje e guxim, cdo mundësi kontrolli politik të shënjestrave e goditjeve të asaj gryke zjarri.

Le të thotë ctë dojë kushdo që nuk do ta pranojë, por sot drejtësia vepron mbi pushtetin e politik, e pavarur, ndaj pushtetit. Ne i kemi hapur rrugë dhe furnizimit me municion të asaj gryke zjarri”.

The post Rama për krijimin e SPAK: I hymë detit në këmbë, i hoqëm vetes kontrollin mbi drejtësinë appeared first on Albeu.com.

Përmes një postimi në llogarinë e tij “Facebook”, Rama bën me dije se mbledhja nis në orën 10:00.

Gjithashtu, Rama bën me dije se në mbledhje do të diskutohet për qeverisjen, ligjet, korrupsionin si edhe për nismën e re kombëtare për Shqipërinë 20230.

Mbledhja do të zhvillohet në të njëjtën orë me protestën e opozitës dhe Aleancës për Mbrojtjen e Teatrit. Sot në orën 10:00 para Bashkisë Tiranë, do të zhvillohet protesta e pestë në saj të skandalit pas dosjes “5D” me disa zyrtarë dhe drejtorë të korruptuar.

Kujtojmë se katër ditë më parë, kryesocialisti Edi Rama, mbajti në një mbledhje 12 drejtuesit politik të qarqeve, ku u diskutua për turin e takimeve me socialistët në diasporë, zgjerimin e partisë me anëtarë të rinj dhe zgjedhjen e delegatëve të rinj të kongresit.

Mbledhja i paraprin gjithashtu zgjedhjeve në të gjitha strukturat socialiste në 10 dhe 11 maj, dhe turit në diasporë të kryeministrit duke e nisur me Athinën më 12 maj.

Para se Edi Rama të takohet me shqiptarët socialistë që jetojnë në Greqi e më pas në Itali, Britani e Madhe, Gjermani, anëtarët socialistë në të gjithë vendin, do të thirren në votim për të zgjedhur delegatët e rinj të PS.

Deri në qershorin e kongresit por edhe me themelimin e Partisë, nga drejtuesit politik është kërkuar që anëtarësia të rritet në total me 50 mijë.

The post Rama mbledh sot grupin parlamentar të PS-së dhe Kryesinë e Kuvendit appeared first on Albeu.com.

Po kështu, do të paraqitet edhe Raporti Vjetor i Këshillit Kombëtar të Integrimit Europian, për vitin 2023.

Çuçi kërkoi prezencë të deputetëve në seancë, jo thjesht për të pasur numrat për miratimin e projektligjeve, por edhe për të marrë pjesë në diskutimet sipas rendit të ditës.

Mbledhja vijoi më pas me trajtimin e çështjeve të ndryshme të ngritura nga deputetët sipas zonave të tyre.

The post Çuçi kritika deputetëve të PS-së: S’duhet vetëm prezenca në seancë, merrni pjesë në diskutime appeared first on Albeu.com.

“Jeni dele”, është shprehur Salianji, duke shtuar: “Kokën poshtë, kartonin lart”.

Deputetet e opozitës janë vendosur para foltores së Kuvendit me pankarta në duar.

“Demokracia vendoset me zgjedhje”, “Nuk duam Parlament Monist”, shkruhet në disa prej pankartave.

Ndërsa ashtu si edhe në skenarët e kaluar, deputetët e opozitës kanë ndezur zhurmuese.

The post Salianji ironizon deputetët e PS-së: Jeni dele. Kokën poshtë, kartonin lart appeared first on Albeu.com.