Si pasojë e prurjeve të përrenjve është dëmtuar ura që lidh fshatin Theth me fshatin e Nderlysaj.

Shkak për këtë situatë është bërë fryrja e lumit të Thethit, ndaj dhe aktualisht është i pamundur lëvizja e banorëve nga Thethi në Nderlysë.

Bllokimi i urës nga uji ka krijuar probleme edhe në qarkullimin e banorëve të zonës, teksa kërkohet ndërhyrja nga institucionet përgjegjëse. Ndërkohë, ka pasur edhe automjete që janë bllokuar, si shkak i vërshimit të ujit.

Kujtojmë se edhe më herët është paralajmëruar për përmbytje në Qarkun e Shkodrës, si shkak i reshjeve të dendura të shiut.

Qarku i Shkodrës është një ndër qarqet më të prekura nga përmbytjet, teksa çdo sezon dimri ka disa zona që përballen me përmbytjet.

The post Moti i keq në Shkodër, prurjet e lumenjve dëmtojnë urën që lidh 2 fshatrat appeared first on Albeu.com.