Provimi i Maturës nis sot në orën 10:00 dhe do të zhvillohet në 55 qendra testimi në të gjithë Kosovën, ku pritet të marrin pjesë mijëra maturantë.

Sipas njoftimit të Ministrisë së Arsimit dhe Shkencës, në platformën eKosova kanë aplikuar 5,033 kandidatë. Pas procesit të shqyrtimit dhe verifikimit, janë miratuar 4,967 aplikime.

Për të garantuar përgatitjen e duhur të procesit, të gjithë komisionarët dhe administruesit duhet të paraqiten në qendrat përkatëse një orë përpara nisjes së provimit.

Ministria u ka bërë thirrje kandidatëve që të shkojnë në qendrën e testimit të përcaktuar në listat përfundimtare dhe të kenë me vete dokumentin përkatës të identifikimit.

“Të gjithë komisionarët dhe administruesit duhet të jenë të pranishëm në qendrat përkatëse një orë para fillimit të provimit, me qëllim të sigurimit të organizimit dhe mbarëvajtjes së procesit. Kandidatët duhet të paraqiten në qendrën e testimit të përcaktuar në listat përfundimtare dhe të kenë me vete dokumentin përkatës të identifikimit. Për garantimin e një procesi të rregullt, të sigurt dhe të barabartë për të gjithë kandidatët, kërkohet respektimi i plotë i udhëzimeve dhe rregullave të përcaktuara për administrimin e Provimit të Maturës”, njofton Ministria e Arsimit dhe Shkencës.

The post Sot zhvillohet Provimi i Maturës, marrin pjesë 4,967 kandidatë appeared first on Albeu.com.

Teza e provimit të Matematikës, është publikuar në rrjete sociale rreth 30 minuta pas nisjes. Ndërkohë, provimi vijon deri në në orën 12:30.

Publikimi i tezave të provimeve të Maturës që duhej të ishin sekret, vijojnë të bëhen publike para se maturantët të nisin provimin.

Në dy testimet e para, atë të Gjuhës së Huaj dhe Gjuhës Shqipe e Letërsisë, teza e provimit u publikua në rrjet 30-40 minuta pas nisjes së testimit.

Por për Ministrinë e Arsimit, kjo nuk cenon procesin e provimit.

Kujtojmë se në provimin e parë atë të gjuhës së huaj, kishte më pak ekselentë dhe më shumë mbetës.

The post Matura 2024/ Teza e provimit të Matematikës, publikohet në rrjetet sociale appeared first on Albeu.com.