provimi i matures Archives - Albeu.com

Maturantët testojnë sot njohuritë në Matematikë

Xh — Tue, 13 Jun 2023 06:45:32 +0000

Ditën e sotme maturantët do t’i nënshtrohen testit të tretë të Maturës Shtetërore. Rreth 30 mijë maturantë do të testojnë njohuritë e tyre në orën 10:00 në Matematikë.

Provimi do të zgjasë 2 orë e 30 minuta.

Gjimnazistëve u mbetet dhe një provim i fundit më 19 qershor, që është lënda me zgjedhje.

Provimet e Maturës nisën më 1 qershor, ku nxënësit iu nënshtruan testit të parë, atij të Gjuhës së Huaj, ndërsa një javë më pas testuan njohuritë në lëndën Gjuhë Shqipe dhe Letërsi.

Njësoj si vitet e kaluara, edhe kësaj here janë publikuar tezat e provimeve në rrjetet sociale, fakt ky i pranuar dhe nga vetë Ministria e Arsimit.

Përfaqësuesit e kësaj të fundit thonë se kjo nuk e ka cenuar aspak mbarëvajtjen e procesit.

Testi për secilin nga provimet e Maturës Shtetërore 2023 vlerësohet me 60 pikë maksimale, ndërsa për nxënësit që rezultojnë mbetës në provime, ata kanë mundësi të riststojnë sërish njohuritë në sesionin e dytë./Albeu.com/

The post Maturantët testojnë sot njohuritë në Matematikë appeared first on Albeu.com.

Është bërë e zakonshme, del në rrjet teza e provimit të Gjuhës dhe Letërsisë bashkë me përgjigjet (VIDEO)

E S — Sat, 11 Jun 2022 09:37:52 +0000

Tanimë është bërë e zakonshme. Në çdo provim të maturës shtetërore, edhe këtë të shtunë ku rreth 33 mijë maturantë janë ulur në banka për provimin e Gjuhës dhe Letërsisë, teza ka nisur të qarkullojë në rrjet.

Si rrallë herë, këtë herë mesazhe po shpërndahen fletët me përgjigjet e sakta.

@tezat2022 ? teza matures gjuhe shqipe letersi #matura2022 #2022 #vira #viralvideo #albania #kosovo #viralsetqr ♬ Me Gustas Tu – Manu Chao

Denoncimin për publikimin të provimit e ka bërë publik deputeti i PD, Luciano Boçi.

“Nuk kishte si të ndodhte ndryshe!

Teza e maturës së Letërsisë përsëri del nga klasat, për shkak të paaftësisë dhe korrupsionit njëkohësisht, të atyre që janë përgjegjës.

Për të mos u bërë pjesë e kësaj katrahure mature, vetëm për fakt, po postoj një fletë të provimit. ” shkruan Boçi.

Pavarësisht fenomenit që është bërë i përsëritshëm çdo Qershor, Ministria e Arsimit ende nuk ka gjetur një mekanizëm sesi kopjimi të shmanget. Kjo sjell në jo pak raste zhdukjen e meritokracisë, dhe në sajë të kopjimit shumë maturantë kapin degë preferenciale në Universitet./albeu.com

The post Është bërë e zakonshme, del në rrjet teza e provimit të Gjuhës dhe Letërsisë bashkë me përgjigjet (VIDEO) appeared first on Albeu.com.

Sot provimi i parë i Maturës Shtetërore, mbi 33 mijë nxënës i nënshtrohen testimit të Gjuhës së Huaj

E B — Thu, 09 Jun 2022 05:52:59 +0000

Sot mbahet provimi i parë i Maturës Shtetërore. Mësohet se mbi 33 mijë nxënës do i nënshtrohen provimit të Gjuhës së Huaj. Mësohet se provimi do të nisë në orën 10:00 deri në orën 12:30. Sipas Ministrisë së Arsimit, në të gjithë vendin janë ngritur 167 qendra testimi. Nga ana tjetër 7 mijë mësues janë [...]

Sot provimi i parë, Rama: Suksese maturantëve pas një viti tejet të vështirë!

E B — Thu, 03 Jun 2021 07:35:06 +0000

Kryeministri Edi Rama, përmes një postimi në Facebook, ka uruar maturantët të cilët sot në orën 10:00 i nënshtrohen provimit të parë të Maturës Shtetërore.

Rama, në mesazhin e tij shkruan: “Suksese maturantëve pas një viti tejet të vështirë!”

Sot maturantët kanë provimin e Gjuhës së Huaj. Provimi i radhës do të jetë më 7 qershor, ai i Gjuhës Shqipë me 11 qershor i Matematikës dhe me 15 qershor lëndët me zgjedhje./albeu.com

The post Sot provimi i parë, Rama: Suksese maturantëve pas një viti tejet të vështirë! appeared first on Albeu.com.