Sipas rezultateve, bëhet me dije se 673 maturantë kanë marrë notën 4.00, duke mbetur, ndërsa 166 maturantë kanë rezultuar ekselentë, duke marrë notën maksimale 10.00.

Kalueshmëria për këtë provim është 97.39% ndërsa nota mesatare është 6.47.

Kujtojmë se në provimin e Matematikës, që u zhvilluar më 17 Qershor, morën pjesë 25 824 maturantë.

https://qsha.gov.al/wp-content/uploads/2025/06/Publikimi-i-Rezultateve-D2.pdf?fbclid=IwY2xjawLKIm1leHRuA2FlbQIxMABicmlkETF6UDM0bElsSkR2M2RmVUIxAR6xbtAxSwApyM7oSCi1q3OVsUHXPyoDbofLRT-EiWQungFBXno4RISqEaJOyg_aem_X2O4rkjWbJdBZtjX2HrmtQ

The post Matura 2025, publikohen notat e provimit të Matematikës! Sa ngelës dhe ekselentë numërohen në të gjithë vendin appeared first on Albeu.com.

Rezultatet e provimit të gjuhës së huaj të Maturës Shtetërore, tregojnë një rritje të ndjeshme të nxënësve mbetës. 952 nuk kanë mundur të kalojnë provimin, 568 më shumë se vitin e kaluar.

Po ashtu, krahasuar më vitin 2023, mesatarja ka qënë 7.68, ndërsa këtë vit është ulur në 7.25.

Rezultatet kanë nxjerrë në pah edhe rënien të numrit të ekselentëve, pasi këtë vit rezultuan ekselentë në gjuhën e huaj vetëm 119 maturantë, teksa vitin e kaluar ishin 1043 maturantë me notën maksimale në këtë provim.

Eksperti i arsimit, Ndriçim Mehmeti, thotë se rezultatet e fundit tregojnë mënyrën si është menaxhuar procesi mësimor gjatë pandemisë.

Sipas tij, rezultate të tilla janë alarmante për një vend që synon rritjen e turizmit dhe përfshirjen në projekte europiane.

“Ka cilësi të dobët të mësimdhënies, sepse mësues ekspertë të gjiuhëve të huaja afrohen gjithnjë e më pak te shkolla për shkak të pagës së ulët. Kjo tregon qartë se ndonëse mburremi se dimë gjuhë të huaja, të rinjtë tanë nuk dinë një gjuhë të huaj të strukturuar. Kur dolën tezat u tha që ishin të thjeshta, por sot kjo nuk qëndron justifikimi që nuk janë korrigjuar mirë. Këto rezultate na nxjerrin zbuluar për mënyrën si e kemi menaxhuar mësimin gjatë pandemisë. Ministria e Arsimit këtë vit bëri edhe teste pilot. Pra nuk kishte pse të vihej në këtë situatë. Pra kjo tregon se ne këto rezultate kemi, nuk kemi çfarë kërkojmë më shumë. Në një vend që kërkojmë rritje të turizmit, synojmë projekte të Bashkimit Europian, jemi në këtë situatë me gjuhën e huaj. Ne jemi shumë dobët. Sipas një studimi të BB para disa viteve, ne ishim të fundit në Ballkan për gjuhën e huaj në mënyrë të strukturuar. Nuk është gjuhë e huaj kur përdorim celularin dhe njohim ikonat e saj”,–tha Mehmeti.

Gjithashtu, eksperti i arsimit shprehet se është e domosdoshme një analizë e thellë, që jep një përgjigje të qartë për arsyet që kanë çuar në rënien e rezultateve.

“Ja ku jemi sot, nuk jemi mirë. Sa është rënia në notës gjatë viteve, kjo mbetet për t’u parë. Pse nuk bën njeri një analizë si ka dalë gjuha e huaj në klasën e nëntë dhe në të dymbëdhjetën. Nëse nuk je mirë në të nëntën, nuk mund të jesh as në të dymbëdhjetën. Ne këtë anlizë nuk e kemi bërë. Nuk dimë ku jemi, cilat janë vështirësitë dhe ku çedojmë më shumë. Ne mjaftohemi me këtë fakt dhe flasim kur ndodhin pasojat, por nuk gjurmojmë shkakun. Kjo duket, rënia e arsimit që shkon drejt një situate gati kaotike.

952 nxënës në një lëndë të detyruar. Vendoset në klasën e tretë dhe mbaron në klasën e dymbëdhjetë. Pra nëntë vite. Gjuha angleze është gjuhë ndërkombëtare. Ne duhej t’i kishim përgatitur nxënësit të paktën në dy gjuhë. Ne në një gjuhë dhe nuk i kemi të saktë”, – shpjegoi Mehmeti.

The post Provimet e maturës/ Ndriçim Mehmeti: Numër i lartë ngelësish, ka cilësi të dobët mësimdhënie appeared first on Albeu.com.

Ministrja e Arsimit, Evis Kushi, ka bërë me dije në një postim në Facebook se kalueshmëria është 96% dhe me notën 10 janë vlerësuar rreth 24% e maturantëve”.

Rezultatet i gjeni Këtu

REAGIMI:

Jam optimiste për rezultatet e para të maturantëve tanë në provimin e gjuhës së huaj të Maturës Shtetërore. Gëzohem që një pjesë e mirë e tyre kanë shkëlqyer me rezultate të larta.

Kalueshmëria është 96% dhe me notën 10 janë vlerësuar rreth 24% e maturantëve.

Suksese të gjithëve edhe në provimet e radhës dhe ju bëj thirrje të gjithë nxënësve dhe mësuesve që të vijojmë të respektojmë rregulloren me korrektësi maksimale dhe të garantojmë së bashku një proces mature të qetë e me standarde!

The post Dalin rezultatet e provimit të gjuhës së huaj për maturantët, 24% u vlerësuan me notën 10 appeared first on Albeu.com.

Përmes një videoje në faqen e saj në Facebook, Kushi ka dhënë një mesazh për të gjithë maturantët që nesër do të jenë në provime për dijet e fiturara gjatë viteve në gjimnaz.

Mes të tjerash, Kushi ka bërë thirrje që maturantët të zgjedhin për në universitet degë të cilat kërkohen nga tregu i punës.

“Ju nesër keni provimin e parë të maturës dhe unë nuk mund të rrija pa përcjellë një mesazh urimi. Kthimi në normalitet pas pandemisë na ndihmoi të jemi më të fokusuar te matura shtetërore. E di që keni punuar shumë për të plotësuar njohuritë e marra gjatë mësimit online.

Këtë vit ka disa risi që dua t’i ndaj edhe njëherë me ju. Ju që do të studioni në Shqipëri duhet të jeni më shumë optimistë sepse cilësia e arsimit të lartë po rritet çdo ditë e më shumë. E ndërkohë pak ditë më parë ne kemi përcaktuar programet e studimit prioritet kombëtar të cilat do të ofrojnë përjashtim nga tarifa dhe mbështetje financiare me bursa studimi.

Kur të bëni zgjedhjen konsideroni edhe programet për të cilat ka nevojë tregu i punës dhe zhvillimi i vendit. Hapi i parë janë provimet e maturës. Punoni të qetë dhe me besim në vetvete. Ne kemi punuar fort për të marrë të gjitha masat. Mos harroni, ju lutem respektoni rregulloren gjatë provimit”, është shprehur Kushi./albeu.com/

The post Nesër nisin provimet, ministrja Kushi mesazh maturantëve: Këto janë risitë e këtij viti! appeared first on Albeu.com.

Në vendimin e publikuar nga QSHA bëhet me dije se do të ketë një ulje të kufirit minimal të pikëve për çdo notë.

Ku vendim erdhi pas ngritjes së një grupi pune me mësues me përvojë në fushën e matematikës, maturantë dhe ekspertë, të cilët analizuan në detaje këtë provim dhe shkallën e vështirësisë.

Po ashtu bëhet me dije se po përgatitet një analizë e thellë me të gjitha problematikat që janë gjetur nga analiza që i është bërë testit, por dhe procesit të zhvillimit të të gjithë provimeve.

Ky vendim vjen pas protestave që kanë zhvilluar ditët e fundit maturantët, pasi ishin të pakënaqur.

The post Del vendimi, ndryshon kufiri i pikëve të notave për provimin e matematikës appeared first on Albeu.com.

“Ripërsëritje të testit nuk do të ketë. Absolutisht jo. Një rishpërndarje pikësh edhe mundet. Por do shikojmë nëse ndonjë pyetje ka vështirësi dhe do kemi ulje pragu të pikëve për notat”, ka deklaruar në një intervistë për ABC News drejtorja e QSHA, Rozana Vrapi.

Ajo ka theksuar se janë korrigjuar rreth 8 mijë testime dhe nga të cilat ka pasur disa nxënës të cilët e kanë zgjidhur 100 për qind testimin. Vrapi pranoi se disa pyetje mund të kenë dalë mbi normalen, por jo jashtë programit.

“Është tjetër të gjë të thuash se ka dalje nga programi. Asnjë pyetje. Absolutisht. Asnjë nga mësuesit nuk e ka pranuar që kemi dalë jashtë programit. Nuk është artikuluar asnjë rast që të jetë dalë nga programi. Do verifikojmë për pyetjet që kanë pretendime dhe nëse vështirësia e kapërcen atë që parashikojmë dhe nëse ka më pak se 20% që nuk e kanë zgjedhur. Mund të ulim pragun”, u shpreh drejtorja e QSHA.

The post Testi i matematikës, QSHA: Provimi nuk përsëritet! appeared first on Albeu.com.

“Ku shkojmë kështu? Edhe ushtrimet e matematikës mbi bazën e politikës do t’i korrigjojmë? Mbi bazën e manifestuesve në shesh!
Imagjinoj një skenë:
Sa bëjnë 2 plus 2?
Prit pak sa të shoh nga penxherja!
Atje poshtë turma që thërret : pesëëëëë!
2 plus 2 bëjnë 5 atëhere!”, thotë ai.

Postmi i plotë i Artan Fugës:

Çfarë bëhet kështu? Asnjë tezë provimi nuk dinë ta bëjnë?
Sa bëjnë 2 edhe 2?
Ka filluar një yrnek i ri.
Qysh nga viti që kaloi!
Maturantë, ndofta me të drejtë, protestojnë për testin e maturës pas provimit përpara ministrisë, dhe nga ministria vjen përgjigja : “Mos kini merak se po pati teprime testi do i korrigjojmë ndryshe përgjigjet!”
Hahahahahahahahahahahahahahaahahahahahahaha!
Ku shkojmë kështu? Edhe ushtrimet e matematikës mbi bazën e politikës do t’i korrigjojmë? Mbi bazën e manifestuesve në shesh!
Imagjinoj një skenë:
Sa bëjnë 2 plus 2?
Prit pak sa të shoh nga penxherja!
Atje poshtë turma që thërret : pesëëëëë!
2 plus 2 bëjnë 5 atëhere!
Po këta që thonë se bëjnë 4?
Ata na e kanë me t’futme!
Ore sa bëjnë vërtetë? Nëse pyetjet janë të gabuara anullohet konkuRsi a provimi, nuk ndryshohet korrigjimi. Provimet e maturës nuk janë si procese elektorale ku ndryshohet proces-verbali i votimit!
Cfarë bëhet mo kështu? Asnjë tezë provimi nuk dinë të bëjnë gjytyrymat?

The post “2+2=5”, Fuga ironizon MAS për provimin e matematikës: Asnjë tezë provimi s’dinë të bëjnë gjytyrymat! appeared first on Albeu.com.

Faqja ‘studentët denoncojnë’,  ka publikuar një mesazh ku thuhet se fletët e testimit janë bërë publike rreth orës 10 e 34 minuta.

‘Dërguar në mesazh: Pershendetje ne oren 10:34 min testi I sotem I matematikes duke u zgjidhur ne grupe studentore’, thuhet në postim.

Po e njëjta gjë ka ndodhur edhe me tezën e Gjuhës Shqipe dhe Letërsisë, ku pyetjet qarkulluan me shpejtësi vetëm 30 minuta pasi maturantët iu nënshtruan provimit.

The post Ndodh sërish: Maturantët në provim, testi i Matematikës shpërndahet në rrjetet sociale (FOTO LAJM) appeared first on Albeu.com.

Në total në të gjithë vendin janë 208 qendra ku do të bëhet provimi. Tirana ka 38 qendra, për 8300 nxënës. Edhe këtë vit maturantët do të duhet të zbatojnë rregullat anti-covid. Në një klase do të jenë 10-15 maturantë. Nëse maturanti ditën e provimit do të jetë i infektuar me Covid, nuk do të futet në provim por do të ketë mundësi që ta japë në sezonin e vjeshtës.

Testi në total ka 60 pikë dhe pragu i kalueshmërisë është 25% (15 pikë). Maturanti nuk lejohet të ketë telefon me vetë, nëse konstatohet me telefon do të përjashtohet nga provimi.

Ditën e provimit duhet të kenë me vete mjetin identifikues. Mbikëqyrja bëhet me përfaqësues të MASR, përgjigjes administrimi. Më 11 qershor maturantët kanë provimin e Matematikës, ndërsa më 15 qershor atë të lëndës me zgjedhje.

The post Provimet e Maturës, maturantët testohen sot në Gjuhën Shqipe appeared first on Albeu.com.

Përmes një video-mesazhi, Kushi uron suksese pasi nesër, maturantët do të zhvillojnë provimin e parë, atë të Gjuhës së Huaj, për Maturën Shtetërore 2021.
Sipas Ministres Kushi, ky është një çast i shumëpritur nga maturantët, një çast që do të kurorëzojë punën dhe përpjekjet e tyre të shumë viteve në shkollë dhe që do t’i bëjë krenarë të gjithë: ata vetë, prindërit e tyre, por edhe mësuesit e drejtuesit e institucioneve arsimore.

Ajo shprehet se e di shumë mirë që të gjithë maturantët kanë punuar shumë për të arritur rezultatet më të mira, ndërsa thekson se “jemi plotësisht të vetëdijshëm për vështirësitë që kanë pasur gjatë këtij viti të pazakontë”, duke nënvizuar se këto vështirësi janë reflektuar në procesin e hartimit dhe administrimit të testeve në Maturën Shtetërore.

Në fund të video-mesazhit, Ministrja Kushi inkurajon ata që të japin më të mirën e tyre, pasi këto provime do të përcaktojnë drejtimin në të cilin do të hedhin hapat e mëtejshëm në jetë.

“Shumë suksese dhe mbarësi për të gjithë ju!”, uron ajo.

The post Nesër fillojnë provimet e maturës, Kushi mesazh për maturantët (VIDEO) appeared first on Albeu.com.