Në një deklaratë zyrtare, kompania shprehet se ka bashkëpunuar me të gjitha institucionet përgjegjëse, duke lejuar kontrolle, rikontrolle dhe duke vënë në dispozicion çdo dokumentacion të kërkuar, ndërsa ka pritur përfundimin e procedurave pa komentuar publikisht procesin.

Sipas SORI-AL, dokumentet zyrtare tregojnë se Qendra Spitalore Universitare “Nënë Tereza” (QSUT) nuk ka diagnostikuar asnjë pacient me helmim ushqimor dhe nuk ekziston asnjë raport mjekësor që të lidhë gjendjen e pacientëve me ushqimin e përgatitur nga kompania. Po sipas deklaratës, analizat e ISUV për kampionet e ushqimit kanë rezultuar negative, ndërsa Inspektorati Shtetëror Shëndetësor nuk ka konstatuar shkelje ligjore. Kompania shton se edhe Autoriteti Kombëtar i Ushqimit (AKU) e ka mbyllur procedurën pa konstatuar shkelje dhe ka lejuar vijimin normal të aktivitetit.

Në deklaratë publikohen edhe të dhëna mbi personat që iu drejtuan QSUT-së gjatë dy episodeve. Sipas kompanisë, nga 45 persona të paraqitur në rastin e parë, 43 janë larguar brenda 1 deri në 4 orësh, ndërsa në episodin e dytë, nga 67 persona, 66 janë larguar brenda pak orësh dhe vetëm një ka qëndruar i shtruar për disa ditë. SORI-AL thotë se këto janë të dhëna zyrtare mjekësore që nuk mbështesin pretendimet për helmim masiv.

Kompania ngre gjithashtu shqetësimin për dëmin që, sipas saj, i është shkaktuar reputacionit nga raportimet dhe komunikimet publike të kësaj periudhe, duke kërkuar që rezultatet përfundimtare të institucioneve të kenë të njëjtën jehonë si akuzat fillestare.

“Në një shtet të së drejtës, e vërteta duhet të ketë të njëjtën jehonë publike si akuza”, thuhet në fund të deklaratës së SORI-AL.

The post SORI-AL: Asnjë provë për helmim ushqimor, kompania kërkon rehabilitimin e reputacionit appeared first on Albeu.com.

Ka shumë udhëzime, këshilla të cilat besojmë se i keni provuar, mirëpo është një truk jo shumë i dëgjuar. Ne do ju tregojmë mënyrën e lehtë dhe të sigurt: rregullin me 2 gishta.

Po, dora juaj është si një busull, që ju udhëzon të zgjidhni shalqinin e duhur. Bashkoni gishtin tregues dhe gishtin e mesit dhe nëse vijat e shalqinit janë më të trasha atëherë është i duhuri.

The post Si të zgjidhni një shalqin të pjekur mirë pa i bërë provën me thikë appeared first on Albeu.com.

Është një aeroplan i vogël Alice me nëntë pasagjerë që u ngrit nga Aeroporti Ndërkombëtar Grant County në Uashington.

Alice është më i avancuar se shumica e avionëve elektrikë në zhvillim dhe mund të bëhet “avioni i parë komercial tërësisht elektrik” nëse Administrata Federale e Aviacionit lëshon një certifikatë pasagjeri.

Shtetet e Bashkuara po përpiqen të zgjidhin problemin e ndotjes dhe ngrohjes globale, që përfshin emetimet e aviacionit. Avionët tërësisht elektrikë si Alice mund të zgjidhin potencialisht problemin e ndotjes së fluturimeve me distanca të shkurtra midis aeroporteve të vogla rajonale.

Avioni është zhvilluar nga kompania Eviation nga Uashingtoni, dhe është projektuar për fluturime pasagjerësh dhe mallrash midis 240 dhe 400 kilometra të gjatë. Kjo gjatësi korrespondon me distancën midis Nju Jorkut dhe Bostonit, ose Los Anxhelosit dhe Las Vegasit.

Take-off 7:10 a.m.
Alice is flying pic.twitter.com/V7sIpPGfpB

— Dominic Gates (@dominicgates) September 27, 2022

Fluturimi testues zgjati vetëm tetë minuta dhe avioni arriti një lartësi prej 1000 metrash. Qëllimi i fluturimit ishte mbledhja e të dhënave për të përmirësuar dizajnin e avionit, i cili është ende në një rrugë të gjatë zhvillimi përpara se të merrte pasagjerët e tij të parë.

Alice do të prodhohet në tre konfigurime, si një avion me nëntë pasagjerë, një avon luksoz me gjashtë pasagjerë dhe si një version e-cargo. Për t’i bërë avionët më të mëdhenj më pak ndotës, administrata e presidentit amerikan Joe Biden po fokusohet në karburantet e qëndrueshme të aviacionit që mund të prodhohen nga misri apo edhe mbetjet komunale.

Një nga sfidat është padyshim teknologjia e baterive. Bateritë mund ta fuqizojnë aeroplanin me energji të rinovueshme në vend të energjisë konvencionale, por bateritë janë shumë të rënda, kështu që efikasiteti gjithashtu zvogëlohet. Përveç kësaj, bateritë nuk kanë fuqi të mjaftueshme për fluturime më të gjata dhe ka shqetësime sigurie pasi bateritë litium-jon mund të nxehen në mënyrë të pakontrolluar dhe të marrin flakë.

Duke marrë parasysh të gjitha gjërat, është e qartë se ekspertët e Eviation kanë vite punë dhe teste përpara tyre, kështu që Alice nuk do të ishte në përdorim deri në vitin 2027.

The post Avioni elektrik Alice bëri fluturimin e tij të parë provë (VIDEO) appeared first on Albeu.com.