Gazetarja Klodiana Lala, raporton se avokati mbrojtës i Ahmetajt, ka kërkuar kohë për t’u njohur me materialet e reja të dorëzuara nga SPAK, duke shkaktuar kështu shtyrjen e seancës paraprake për më datë 17 korrik.

Arben Ahmetaj, akuzohet për shpërdorim detyre në këtë çështje. Sipas Prokurorisë, gjatë kohës që ishte ministër i Financave, Ahmetaj ka lejuar privatizimin e trojeve të një furre buke, në vendin e të cilës është ndërtuar më pas një kompleks pallatesh.

Ndërkohë, Ahmetaj po hetohet edhe për tre vepra të tjera penale në lidhje me inceneratorin, konkretisht për “pastrim parash”, “fshehje të pasurisë” dhe “korrupsion pasiv”.

The post Dosja “Buka”/ SPAK dorëzon në GJKKO prova të reja për Arben Ahmetajn appeared first on Albeu.com.

Nga SPAK, së bashku me mbështetës të tjerë demokratë ku po paraqitet kryedemokrati Sali Berisha, në Prokurorinë e Posaçme në kuadër të vendosjes së masës ‘detrim paraqitjeje’, Këlliçi tha se Berisha do të sjellë e publikojë prova të reja se si ky institucion është kapur politikisht.

Belind Këlliçi: “Është e padëgjuar në asnjë vend të botës, theksoi Këlliçi se si Taulan Balla, urdhëron gjyqësorin për të ndikuar një favor të një bande kriminale kundër një tjetre në qarkune Elbasanit.

Prova të reja se si ky institucion është kapur politikisht. Sa herë Berisha ka dalë këtu ka nxjerrë prova të reja, autentike të pranuara nga Rama dhe Balla, se si është përfshirë në komunike të drejtpërdrejta dhe se si ka udhëruar bandat e për të dnikuar gjyqësorin në favor të një bande kundër një bande tjetër.

Ky skenar është i padëgjuar më parë nga Balla. Ky hetim ndaj Verishës nga Balla, vjen për të shpalosur me fakte e prova se si kemi të bëjmë me një institcucion që kontrollohet nga PS, Rama e pushteti.
E njëjta edhe me proceset e tjera të montuara si absurdi i Bardh Spahisë, apo proceset e tjera politike kundër opozitës. Sot do të dëgjoni nga Berisha detaje të reja nga dosja e Toyota Auris dhe përfshirjën dpd të Taulant Ballës”.

The post Prova të reja nga Berisha për Taulant Ballën/ Këlliçi: Ndikim në gjyqësor në favor të një bande kriminale në Elbasan appeared first on Albeu.com.

Vendimi i cili pritet të merret sot në orën 12:30, u shty pasi avokatët mbrojtës do të njihen me provat e reja që kanë sjellë prokurorët e SPAK.

Këto prova pritet të rëndojnë pozitën e kryebashkiakut Veliaj, i cili nuk ka folur seancën e së martës, por pritet që sot të jetë i pranishëm dhe të flasë në seancë.

Avokatët mbrojtës të Veliajt, Ermir Beta dhe Artur Selmani, kanë kërkuar masë më të butë sigurie për Veliajn kundrejt garancisë pasurore, me argumentin se nuk ka rrezik që të prishë provat.

The post Erion Veliaj kërkon lirinë në Apel/ Sot jepet vendimi, SPAK prova të reja ndaj kryebashkiakut appeared first on Albeu.com.

Deklarata e anëtarit të kryesisë së PD, Belind Këlliçi:

Pak ditë më parë, ish nr.2 i Qeverisë Rama dhe bashkëpunëtori më i afërt politik i kryeministrit për një dekadë, ish zv. Kryeministri Arben Ahmetaj, tronditi opinionin publik me akuzat e rënda për organizatën kriminale, që drejton sipas tij Edi Rama.

Nën thirrjen ‘ndiqni paranë’ Ahmetaj drejtoi akuza të forta ndaj Belinda Ballukut dhe Erion Veliajt, duke folur për qindra milionë euro të grabitura në aferën e tunelit të Llogarasë, në institucionin e AKSH-it, në inceneratorin fantazmë të Tiranës, në konçensionet e shumta dhe lejet e ndërtimit në kryeqytet.

Indicie të qarta për të arritur në rrënjët e asaj që e cilësoi si sindikatë të vërtetë krimi, që ka shkaktuar dëm miliarda eurosh në kurriz të shqiptarëve.

E megjithatë, përballë fakteve tronditëse për 4 ditë me radhë, mediat e vendit heshtën!

Shumica e gazetarëve investigativë, përfshi të majmurit me fonde nga ambasadat për projekte e programe në ndihmë të transparencës dhe luftës kundër korrupsionit, heshtën, ose bënë gjykatësin moral të denoncuesit pa hulumtuar asnjë akuzë.

Të vetmit që nuk heshtën, përkundrazi i hynë investigimit e kërkimit ishin opozitarët dhe rojtarët e interesit publik.

Emisioni investigativ PLUG, në Syri TV, në kohë rekord, mori në analizë një nga akuzat e rënda të Arben Ahmetajt.

Sipas ish zv. Kryeministrit, kompania ABS e shtetasit Gerond Meçe, është një ‘prestanome’ e baxhanakut të Edi Ramës, Armand Frangut, e cila ka përfituar mbi 50 milionë euro tendera nga AKSH-i.

Dhe për të justifikuar çmimet e tejfryra të këtyre tenderave korruptivë është hapur një tjetër kompani e quajtur AIBS.

Emisioni investigativ PLUG faktoi këtë akuzë, duke vërtetuar me dokumente se shtetasi Gerond Meçe, dikur ortak në biznes i baxhanakut të Edi Ramës, gjatë kohës së pushtetit të këtij të fundit ka përfituar plot 54 milionë euro tendera.

Pjesë nga paratë publike të këtyre tenderave me vlera marramendëse, tashmë faktuar nga PLUG, kalojnë në kompaninë SIRMA të Armand Frangut, baxhanakut të kryeministrit.

Një tjetër gjetje skandaloze nga kërkimi në kohë rekord i emisionit PLUG, ishte se Gerond Meçes, tenderat ia firmoste motra e gruas, drejtoreshë e sistemeve E-Gov në AKSH.

E sikur të mos mjaftonte, në një akt skandaloz ajo jo vetëm që firmoste tenderat, por bënte edhe mbikëqyrjen e zbatimit të kontratës për kunatin e saj.

Përsa i përket kompanisë tjetër të Gerond Meçes, AIBS, në vetëm 48 orë, emisioni PLUG faktoi se ajo ishte krijuar enkas për të fryrë shpenzimet e kompanisë mëmë ABS.

Faktet flasin vetë: AIBS ka qarkulluar 9.5 milionë euro të marra nga kompania ABS dhe ka dalë me fitim plot 8,5 milionë euro, thënë ndryshe me një normë fitimi mbi 80%, rast mbase ky unikal në botë për normën e fitimit të një kompanie, që ka të njëjtët punonjës me kompaninë mëmë.

Një tjetër media, portali boldneës.al, kreu një investigim nisur nga akuzat e Arben Ahmetajt dhe arriti të faktonte lidhjen midis Armand Frangut, baxhanakut të Kryeministrit dhe Gerond Meçes në procedurat tenderuese të AKSH-it.

Sipas këtij investigimi, AKSH-i shpallte termat e referencës së tenderit, ndërsa Armand Frangu me kompaninë e tij B360 ankimonte këto terma në Komisionin e Prokurimit Publik (KPP).

Ky ankimim më pas pranohej nga KPP, por çuditërisht Armand Frangu nuk hynte në garë, por hynin kompanitë tjera si FIRST, ABS, ITE, etj.

Për të gjitha këto gjetje dhe për të tjera që po mblidhen nga Grupi i Ekspertëve pranë PD-së, do të depozitohet një kallëzim penal i plotë pranë SPAK-ut.

Meqë ky institucion ka plot 5 vite që nuk gjen dot atë çka gazetarët kurajozë dhe profesionistë gjetën në më pak se 72 orë, le të shërbejë ky kallëzim si ndihmë solidare nga media e lirë dhe opozita për ‘heronjtë’ e fëmijëve tanë.

Siç po e fakton koha, drejtësia e SOROS-it nuk ka si qëllim luftën kundër krimit të organizuar, kundërkorrupsionit galopant, kundër mungesës së ilaçeve në Onkologjik, kundër vjedhjes së bukës së gojës për dhjetra mijra pensionistë të cilët përjetojnë ferrin duke mos blerë dot as ilaçet, teksa Edi Rama i qesëndis nga Parku i Edenit, parajsa e tij kryeministrore, duke rrëkëllyer verë 33,000 euroshe.

Por për drejtësinë e re, siç po provohet dita-ditës, qëllimi është taksur qysh në krye: lufta kundër opozitës dhe mbajtja në pushtet e kësaj organizate kriminale drejtuar nga Edi Rama dhe oborrtarët e tij, Belinda Balluku, Erion Veliaj, Ogerta Manastirliu, e plot rilindas, G99ça, apo sorosistë të tjerë.

Partia Demokratike e Shqipërisë, e ka mision ekzistencial betejën për rikthimin e drejtësisë së munguar, si shpagim për kurrizin e dërrmuar të shqiptarëve, për denigrimin dhe shpopullimin e Shqipërisë sonë.

Premtimi kryesor i një beteje që do ta çojmë deri në fund është, se kjo organizatë kriminale, e cila formalisht quhet ‘Rilindje’, do të vihet para drejtësisë dhe se çdo shqiptar, i ri a i moshuar, do të mund të jetojë më dinjitet e nder në këtë vend të bekuar.

Për këtë arsye sublime, ftojmë çdo shqiptar të lirë të këtij vendi, me çfarëdo bindje politike, t’i bashkohet protestës së opozitës dhe Partisë Demokratike, më datë 8 shkurt, ora 17:00, përballë Kryeministrisë, kësaj godine në të cilën Edi Rama ngre dolli me eksponentë të krimit të organizuar me Romanee Conti.

Një tekë autokrati, që kushton sa 200 pensione mujore të njerëzve që ky narkolider u ka vjedhur mundin e nëpërkëmbur dinjitetin.

The post Belind Këlliçi: PD do të depozitojë prova të reja në SPAK, për korrupsionin 50 milionë eurosh të baxhanakut të Edi Ramës appeared first on Albeu.com.

Jam sot sërish përpara jush për të demontuar përfundimisht me dokumente, me fakte të pakontestueshme, me zë dhe me figurë, mashtrimin e Erion Veliajt në lidhje me studimin e Bankës Botërore dhe IFC, i propozuar 1 vit përpara se kryemashtruesi Veliaj të merrte detyrën në Bashkinë Tiranë.

Në shkurt të vitit 2014 IFC, ka dorëzuar studimin e fizibilitetit për projektin e menaxhimit të mbetjeve në Bashkinë Tiranë.

Të dhënat hetimore te mbledhura nga Prokurori Dritan Prençi, faktojnë se ky studim është pikënisja e procedurës së dhënies me koncesion të trajtimit të mbetjeve në landfillin e Sharrës.

Ish Ministrat e Financave Cani dhe Ahmetaj e kanë kundërshtuar fillimisht dhënien me konçension, pasi investimi që parashikonte ky studim mund të përballohej lehtësisht me fonde buxhetore.

Erion Veliaj publikisht i është referuar shpesh këtij studimi duke konfirmuar se kosto e parashikuar për trajtimin e mbetjeve ishte 38 euro/ton, por duke fshehur qëllimisht çfarë do të mbulonin këto kosto.

Ju ftoj ta ndjekim me zë dhe me figurë mashtrimin e Erion Veliajt në lidhje me këtë studim:

Ndryshe nga sa pretendon pronari faktik i Inceneratorit Tiranë, në faqen 4 të këtij studimi sqarohet në mënyrë shteruese se Bashkia e Tiranës në vitin 2014 po mendonte të jepte me konçension jo vetëm depozitimin dhe trajtimin e mbetjeve por gjithë zinxhirin, citojmë:

Bashkia Tiranë kërkon të përmirësojë sistemin e menaxhimit të mbetjeve, me pjesëmarrjen e sektorit privat. Për të arritur këtë qëllim Bashkia Tiranë po mendon dhënien e nje konçensioni për menaxhimin e mbetjeve te ngurta në territorin e kësaj Bashkie.

Qëllimi i projektit do të jetë:

a) Shërbimi i pastrimit të rrugëve

 b) Mbledhja e mbetjeve dhe transporti

c) Zgjerimi i i landfillit ekzistues duke rritur kapacitetet depozituese

d) Depozitimi i mbetjeve në landfill

Sa më sipër qartësohet se kosto 38 euro/ton që ka vlerësuar IFC përfshinte jo vetëm trajtimin e mbetjeve, por të gjithë procesin e trajtimit duke filluar që nga pastrimi i rrugëve, mbledhja e mbetjeve, transporti, depozitimi e në fund trajtimi i tyre.

Kosto sipas IFC ndahej në dy komponentë, analizimi i të cilave është bërë në pikën 3 të studimit, citojmë:

Kostot operative dhe të mirëmbajtjes:

12 euro/ton për trajtimin e mbetjeve në Landfill

26 euro/ton për mbledhjen e mbetjeve (kosto kjo e përcaktuar bazuar në standardet  ndërkombëtare të kësaj industrie)

Sot Bashkia Tiranë ndryshe nga sa mashtron publikisht Erion Veliaj, paguan 29 euro/ton për depozitimin dhe trajtimin e mbetjeve në landfillin e Sharrës dhe 16.700.000 euro (referuar PBA 2024-2026) për pastrimin e rrugëve dhe mbledhjen e mbetjeve, të cilat nga viti 2024 i paguhen një tjetër monopoli ECO TIRANA.

Bashkia Tiranë sipas të dhënave të strudimit të IFC dhe të dhënave ndër vite trajton jo më shumë se 250.000 ton mbetje në vit, e nëse do të bënim një matematikë të thjeshtë, kosto e pastrimit dhe mbledhjes së mbetjeve do të ishte 66.8 euro/ton me tvsh (16.700.000/250.000), duke e çuar koston e trajtimit të mbetjeve për të gjithë zinxhirin nga 38 euro/ton, në 101.6 euro/ton me tvsh.

Erion Veliaj, si pronar faktik i inceneratorit Tiranë, me veprimet e tij aktive dhe vullnet personal, ka dyfishuar kostot e trajtimit të mbetjeve nëpërmjet dy procedurave korruptive atë të dhënies së konçensionit të trajtimit të mbetjeve në landfillin e Sharrës kompanisë INTEGRATED ENERGY BV SPV dhe procedura për dhënien e monopolit të pastrimit të qytetit kompanisë ECO TIRANA.

Ky material si dhe studimi i fizibilitetit të IFC të muajit shkurt 2014, i’u përcoll sot zyrtarisht SPAK dhe Altin Dumanit, në mënyrë që e ashtuquajtura “drejtësi e re” të bëjë punën e saj.

Erion Veliaj duhet të shkojë përpara drejtësisë dhe ligjit jo vetëm si pronari faktik i inceneratorit Tiranë i cili ka vjedhur deri më tani 132 milionë euro nga paratë e shqiptarëve, jo vetëm si kreu i bandës famëkeqe 5D, por edhe për kriminalizimin e industrisë së ndërtimit, duke i hapur rrugën pastrimit të parave nga grupet më të rrezikshme kriminale të Europës.   

 Gjej rastin të ftoj sërish qytetarët e Tiranës, të protestojmë përpara Bashkisë Tiranë, ditën e premte, datë 21 qershor, ora 11:00, për largimin e menjëhershëm nga zyra të hajdutit më të madh që ka parë vendi ynë, Erion Veliajt.

The post Belind Këlliçi: Depozituam sot prova te reja në SPAK, për korrupsionin e Veliajt me inceneratorin dhe ECO Tiranën appeared first on Albeu.com.