Grumbullimi i qytetarëve nis në sheshin “Skënderbej”, nga ku protestuesit më pas nisin në marshim drejt Kryeministrisë.

Pas mbërritjes përpara godinës së Kryeministrisë, nisin fjalimet, ku qytetarë të shumtë shprehin shqetësimet e tyre dhe pakënaqësitë ndaj qeverisë.

Kërkesa kryesore dhe e panegociueshme e protestuesve është dorëheqja e Edi Ramës. Ata kërkojnë gjithashtu krijimin e një qeverie tranzitore me mandat 12-mujor, e cila duhet të përgatisë vendin për zhvillimin e zgjedhjeve.

Protestuesit kërkojnë gjithashtu anulimin e disa ligjeve, të cilat i konsiderojnë si të dëmshme dhe në kundërshtim me interesat e qytetarëve shqiptarë.

Qytetarët kanë deklaruar se se do të vijojnë të protestojnë derisa kërkesat e tyre të plotësohen.

The post Dita e 85-të e revoltës qytetare, protestuesit kërkojnë dorëheqjen e Edi Ramës appeared first on Albeu.com.

Hoxha dhe Shalsi po lëviznin në këmbë në Pedonale, ndërsa protestuesit nisin të gjuanin me vezë ndaj tyre.

Portestuesit thirrën gjithashtu njëzëri “O tradhtarë”, ” Parlamet i krimit”, “tradhtarët e kombit”, dhe “o çifut”.

Pak më herët, protestuesit sulmuan me vezë edhe Ministrin e Brendshëm, Besfort Lamallarin, teksa po kalonte tek pedonalja.

The post Politike “O çifut”/ Protestuesit “shënjestrojnë” me vezë Ervin Hoxhën dhe Eduard Shalsin: Tradhtarët e kombit appeared first on Albeu.com.

“Deputetë të krimit”, thërrasin protestuesit teksa qëllonin me vezë.

The post VIDEO/ Makina zyrtare goditet me vezë nga protestuesit, shoferi i jep gaz, një prej tyre e ndjek nga pas appeared first on Albeu.com.

Policia e ka bllokuar rrugën te Kuvendi në të gjitha anët. Edhe nën anën te kryqëzimi i Rrugës së Elbasanit, është vendosur një gardh metalik.

The post VIDEO/ Tensione para parlamentit, protestuesit heqin gardhin metalik appeared first on Albeu.com.

“I thërras demokratëve të Tiranës dhe të mbarë Shqipërisë që ta përkrahin këtë protestë me të gjitha forcat e tyre. Nuk më prek fare slogani i skajshëm i majtë apo i kundërshtarëve brenda opozitës, ‘Berisha në burg, opozitë e shitur’. Asnjë ndikim, zero”, u shpreh Berisha.

Sipas tij, këto zëra synojnë t’u bëjnë lojën përpjekjeve të Edi Ramës për të minuar tubimin.

“Prandaj i përshëndes çdo mbrëmje demokratët që qëndrojnë të palodhur e të pathyeshëm. Gjithashtu u bëj thirrje edhe më shumë protestuesve, sepse ata po vulosin përfundimin e sundimtarit më të keq që ka njohur Shqipëria pas Enver Hoxhës”, shtoi ai.

Berisha theksoi se çdo orvatje për të përçarë opozitën shqiptare, është e destinuar të dështojë.

“Prandaj, miq, bëni gjithçka për të mobilizuar gjithë anëtarësinë dhe mbështetësit tanë që kjo protestë të fuqizohet maksimalisht. Ajo e ka futur regjimin në agoni. Nuk duhet harruar për asnjë mijtë të sekondës kauza e drejtë që mbron kjo lëvizje. Dhe ne jemi forca politike që përfaqëson kauzat e drejta”, përfundoi kreu i PD-së.

The post Berisha u përgjigjet protestuesve: Thirrjet “në burg” s’kanë efekt, fton demokratët në tubim appeared first on Albeu.com.

Këtë deklaratë e bëri në mbledhjen e sotme të Komisionit të Ligjeve, ku u diskutua Akti Normativ për financimin e koncertit të reperit amerikan, teksa tha se një pjesë e protestuesve, qëllimisht apo jo, po i shkaktonin një dëm të madh vendit dhe eventit.

“Përballemi me një situatë ku koncerti u kthye në një mulli ere ndaj të cilit u lëshua çdo Don Kishot dhe çdo protestues i asaj pjesës që le të themi që po anatemonte dhe luftonte objektivin e gabuar, në këtë rast Kanye West dhe koncertin dhe i sabotuar, minuar dhe vënë në qendër të vëmendjes të një liste objektivash të një proteste që në disa aspekte të saj linte shumë për të dëshiruar.Flas për pjesën e dhunshme, bullizuese dhe pjesën që mendoj se nuk ka qenë e ndërgjegjshme për dëmet që mund t’i shkaktonte vendit dhe eventit dhe për dëme që ndoshta mund të maten edhe me fatin e kostos së faturës së këtij akti normativ.

Unë mendoj se nëse do të kishte një nipt ajo pjesë e protestës, kjo faturë e koncertit i takonte asaj pjesë të protestës që ose qëlimisht, ose nga padia, ose nga injoranca apo keqdashja.…”, theksoi Gonxhe.

Deklarata e tij shkaktoi reagimin e deputetit demokrat Oerd Bylykbashi, i cili e cilësoi si një fyerje ndaj protestuesve.

Gonxhja e vijoi edhe më tej, teksa i cilësoi protestuesit si “një tufë budallenjsh” që hedhin gurë dhe pllaka drejt Kuvendit.

“Nuk diskutohet respekti ynë për institucionin e protestës, por një tufë budallenjsh që gjuan me gurë dhe pllaka drejt parlamentit nuk diskutohet që populli e ka thënë hapi rrugë budallait. Ne atë tufë e cilësojmë të atij niveli”, tha ai.

The post Ministri Blendi Gonxhe fyen protestuesit: Janë një tufë budallenjsh që hedhin gurë dhe pllaka ndaj Parlamentit appeared first on Albeu.com.

“O hajdut me syze”, iu drejtuan ata.

Ndërkohë, po ashtu “pre” e sulmit me vezë dhe domate kanë rënë edhe persona të tjerë që duket se nuk janë ligjvënës, të cilët po hynin në Kuvend.

Një grua përpiqet të pastrojë pantallonat që iu bënë pis.

The post VIDEO/ “O hajdut me syze”/ Protestuesit shënjestrojnë Vangjel Dulen, godasin me vezë dhe domate edhe persona të tjerë që hyjnë në Kuvend appeared first on Albeu.com.

Kujtojmë që prej orës 10 e 30  qytetarët nisën protestën para Kuvendit, ndërsa lëshuan thirrje kundër klasës politike shqiptare.

“Parlamenti i krimit”, “Rama jepe dorëheqjen”, “Nuk na përfaqësoni”, ishin disa prej thirrjeve që lëshuan protestuesit në drejtim të politikanëve.

The post Tensione para Kuvendit/ Protestuesit sulmojnë me vezë dhe shishe uji makinën e një ligjvënësi (VIDEO) appeared first on Albeu.com.

Në to kanë shënuar edhe emrat e tyre.

Në disa foto, shihet se është shkruar emri i kryeministrit Edi Rama, i Anila Denajt dhe zyrtarëve të tjerë.

The post FOTOLAJM/ Protestuesit “armatosen” me vezë, shkruajnë në to emrin e kryeministrit Rama dhe të zyrtarëve të tjerë appeared first on Albeu.com.

Në një analizë kushtuar zhvillimeve të fundit në Shqipëri, The Guardian shkruan se ajo që nisi si një protestë për mbrojtjen e një rezervati natyror dhe mbi 2.500 specieve që ai strehon, është shndërruar në atë që protestuesit e quajnë “Revolucioni i Flamingove”, një lëvizje që tashmë vë në pikëpyetje vetë drejtimin që po merr Shqipëria.

Sipas gazetës, qytetarët janë të zemëruar nga projektet shumë miliardëshe të zhvillimit turistik, të mbështetura nga Jared Kushner dhe Ivanka Trump, të cilat, sipas kritikëve, rrezikojnë një nga zonat e fundit të egra në bregdetin Adriatik-Zvërnecin, lagunën e tij dhe ishullin e afërt të Sazanit. Po aq shqetësuese për protestuesit është edhe mungesa e transparencës rreth këtyre projekteve.

Qeveria shqiptare ka deklaruar se marrëveshjet nuk janë finalizuar ende. Megjithatë, publikimi i videove ku shfaqen mjete të rënda në plazhe, nxiti protestat masive, shkruan gazeta britanike.

“Tashmë demonstruesit kërkojnë dorëheqjen e kryeministrit Edi Rama, i cili fitoi mandatin e katërt vitin e kaluar, në zgjedhje ku pjesëmarrja ishte rreth 45 për qind”, thuhet në opinionin e The Guardian.

Gazeta citon edhe deklaratën e Ramës se, “nuk ka absolutisht asnjë mundësi që investimi të ndalet për sa kohë që unë jam këtu”.

Sipas analizës, kreu i qeverisë ka promovuar fuqishëm investimet e huaja dhe kapitalin ndërkombëtar, duke argumentuar se ato janë të domosdoshme për zhvillimin ekonomik të një prej vendeve më të varfra të Evropës.

Megjithatë, “The Guardian”, thekson se shqiptarët nuk janë kundër investimeve, por nuk duan që pasuritë natyrore të vendit të shiten përmes marrëveshjeve që perceptohen si të paqarta.

Gazeta vëren se, ndërsa Rama është paraqitur shpesh si një lider që po e çon Shqipërinë drejt modernizimit, kritikët e tij flasin për një “demokraci me buldozerë”, e cila duket më tërheqëse nga jashtë sesa për qytetarët që jetojnë në vend.

Sipas artikullit, kryeministri ia atribuon reagimin negativ ndaj projektit ndjenjave kundër Donald Trumpit. Por gazeta argumenton se lëvizja qytetare lidhet shumë më tepër me zhgënjimin ndaj qeverisë së Ramës, por edhe ndaj opozitës së drejtuar nga Sali Berisha.

Analiza rikujton se zhvillimi në Zvërnec u bë i mundur pas ndryshimeve ligjore të vitit 2024, të cilat lejojnë ndërtimin e resorteve me pesë yje në rezervate natyrore. Për shumë protestues, kjo përfaqëson shembullin më të qartë të sakrifikimit të interesit publik në favor të të pasurve.

The post Analiza e “The Guardian” për zhvillimet në Shqipëri: Demokraci me buldozerë, qytetarët po kërkojnë një alternativë më të mirë politike, kryeministri duhet t’i dëgjojë appeared first on Albeu.com.