Berisha: Kjo opozita ka organizuar në historikun e saj protesta nga më madhështoret, revolta nga më të suksesshmet.

Po e ka këtë histori, ka përmbysur njëherë sistemin e diktaturës dhe atë të krimit në 1997 me votë. Kjo opozitë, jo se i mungon plotësisht, po ka mbetur i pa çiftuar dhe tani qytetarët opozitarë duhet ta dinë se rruga e rrëzimit të Ramës nuk është me armë, por me revoltë të qëndrueshëm paqësore të përditshme, deri në largimin e tij.

Dhe për këtë, në këtë drejtim eksperienca botërore fakton se kjo është rruga më e suksesshme. Opozita duhet ta ketë e qartë se vetëm revolta është rruga për ta nisur atë ku e kane vendin narkodiktatorët dhe diktatorët. Ne kemi besim se do realizohet.

The post Protestat e PD-së, Berisha: Rruga e rrëzimit të Ramës nuk është me armë! Revoltat janë zgjidhja e vetme! Do e çojmë atje ku e ka vendin appeared first on Albeu.com.

Në fakultet më pas, me thirrjen e dekanit, kanë arritur pjesëtarë të Njësisë Ndërhyrëse dhe tre automjete policore (të njohura si “marica”).

Menjëherë pas kësaj ka ardhur edhe Xhandarmëria e Serbisë, raporton N1.

Situata mbetet e tensionuar, por gjithsesi, nuk raportohen të lënduar. Protestat në Serbi vijojnë prej muajsh, ku tashmë kërkohen zgjedhje të parakohshme dhe largimi i Vuçiç

Pa izvedi i tenkove na nas kukAVice❗️
Niko te se ne boji!
Odbranićemo Univerzitet! pic.twitter.com/BK6EH56c0w

— FTN SE BUDI (@ftn_se_budi) August 26, 2025

Studentëve dhe profesorëve gjatë ditës, iu bashkuan edhe bujq dhe grupe qytetarësh, për t’u dhënë mbështetje.

Në një moment është dëgjuar zhurmë para Fakultetit, sepse studentët nga Fakulteti Juridik kishin arritur të hynin në ndërtesën e Fakultetit të Filozofisë nga një hyrje anësore.

Dekani Alanoviq, që nga mëngjesi kishte qëndruar i mbyllur brenda, ndërsa para ndërtesës ishin mbledhur studentë si dhe grupe qytetarësh.

Deo studenata uspeo je da uđe na Filozofski fakultet u Novom Sadu kroz zgradu Pravnog fakulteta. pic.twitter.com/L3JD9bjtji

— Razglas news (@razglasnews) August 26, 2025

The post Protestat në Serbi/ U përzunë nga godina e Universitetit, studentët hyjnë me forcë, dekani thërret xhandarmërinë (VIDEO) appeared first on Albeu.com.

“Në fakt, dëshira është të hiqet Vuçiçi dhe të vendoset një nga ‘liderët’, i cili do të ishte i njëjtë ose i ngjashëm me ata që janë formalisht në pushtet në vendet e tjera, por janë plotësisht të nënshtruar ndaj BE-së”, tha ai për agjencinë ruse të lajmeve, RIA Novosti.

I pyetur për këto deklarata të ambasadorit rus, presidenti i Serbisë, Aleksandar Vuçiçë, gjatë një konference për media tha se e falënderon diplomatin rus për “korrektësinë”.

Vuçiç u takua me Harcenkon më 21 gusht dhe pas këtij takimi njoftoi se një takim i nivelit të lartë mes udhëheqjes së Serbisë dhe Rusisë do të zhvillohet së shpejti.

“Theksova se mbetemi të përkushtuar për zhvillimin e marrëdhënieve miqësore me Rusinë, me një vendosmëri të qartë për të ruajtur paqen dhe stabilitetin politik në rajonin e Ballkanit Perëndimor, veçanërisht në Bosnje dhe Hercegovinë”, deklaroi pas atij takimi Vuçiç.

Reagimi i opozitës serbe

Partia opozitare Liria dhe Drejtësia (SSP) kritikoi ambasadorin rus për deklaratat, duke thënë se nuk është hera e parë që ai publikisht ndërhyn në çështjet e brendshme të Serbisë.

Zëvendëspresidenti i SSP-së, Borko Stefanoviç, shkroi në një letër të hapur drejtuar ambasadorit rus se ai prej kohësh “fyen vazhdimisht qytetarët e Serbisë, duke i etiketuar si mercenarë të huaj dhe instrumente të Perëndimit”.

“Me këtë veprim humbisni simpatinë e popullit tonë, sepse me të njëjtin këmbëngulje mbroni regjimin e një autokrati dhe veprimet e tij kriminale”, tha Stafanoviç.

Lidhjet e Beogradit zyrtar me Moskën

Nga Kremlini, Beogradi zyrtar mori mbështetje për protestat antiqeveritare, përmes së cilave demonstruesit po kërkojnë mbajtjen e zgjedhje parlamentare të jashtëzakonshme në Serbi.

Në një komunikatë të Ministrisë ruse të Punëve të Jashtme më 13 gusht, u tha se “disa forca në Serbi, nën petkun e sloganeve për ‘kërkimin e drejtësisë dhe demokracisë’, nuk hezitojnë të përdorin agresion të hapur, barbarizëm dhe dhunë”.

Protestat masive në Serbi, të udhëhequr nga studentët, po vazhdojnë prej më shumë se nëntë muajsh, pas rrëzimit të një strehe betoni në Stacionin Hekurudhor të Novi Sadit në nëntor të vitit të kaluar, kur humbën jetën 16 persona.

Përmes këtyre protestave ata po kërkojnë llogaridhënie për tragjedinë në Novi Sad, që institucionet shtetërore të kryejnë detyrat e tyre, si dhe organizimin e zgjedhjeve parlamentare të jashtëzakonshme.

Beogradi ka vazhduar të mbajë marrëdhënie të ngushta me Moskën edhe pasi Rusia u vendos nën sanksione nga Bashkimi Evropian, Shtetet e Bashkuara dhe vende të tjera perëndimore për shkak të pushtimit të Ukrainës.

Vuçiç u takua me presidentin rus, Vladimir Putin, në Kremlin në maj gjatë shënimit të 80-vjetorit të fitores mbi fashizmin.

Edhe pse Serbia është kandidate për anëtarësim në BE, autoritetet refuzojnë të bashkohen me sanksionet kundër Rusisë./ REL

The post Ambasadori rus në Beograd: Perëndimi dëshiron ta zëvendësojë Vuçiçin me një politikan të dobët appeared first on Albeu.com.

Në një reagim në Facebook, Mustafi tha se këto deklarata janë vazhdim i narrativave të vjetër dhe të rrezikshme që ka kriminalizuar shqiptarët në Luginën e Preshevës e aq më keq që vijnë nga kreu i partisë opozitare.

“Ky është një shembull tipik i retorikës që ka ardhur nga Beogradi, ku çdo mundësi për të stigmatizuar shqiptarët si grup të rrezikshëm dhe të pandershëm është shfrytëzuar për të krijuar imazhe të rreme dhe të padrejta. Ky lloj diskursi ka shumë ngjashmëri me periudhën e ish-Jugosllavisë, kur shqiptarët në Luginën e Preshevës, veçanërisht ata në Tërnoc, ishin etiketuar si “separatistë”, “komunistë” ose madje “turq”, vetëm për shkak të origjinës dhe kërkesave për të drejtat e tyre”, ka shkruar Mustafi.

Ai tutje ka shtuar se Milivojeviq duke përdorur gjuhë kriminalizuese dhe pa asnjë bazë të vërtetuar, po tenton të vazhdojë këtë linjë të errët, duke lidhur shqiptarët e Tërnocit me aktivitete të paligjshme dhe duke i bërë përgjegjës për veprime të individëve të caktuar.

“Në vitet e pasluftës, pas shpërbërjes së Jugosllavisë, retorika e tillë është përdorur për të demonizuar shqiptarët shpesh herë duke i cilësuar si “separatistë” ose “terrorist” dhe për t’i portretizuar si kërcënim për shtetin serb. Këto akuza të pabaza kanë shërbyer për të ndihmuar në krijimin e një atmosfere urrejtjeje dhe përçarjeje, duke krijuar një përfundim të rremë se shqiptarët janë një rrezik për rendin dhe sigurinë”, ka shkruar Mustafi.

Ish-kryetari i Këshillit Kombëtar Shqiptar tutje ka shtuar se kjo deklaratë është një tjetër përpjekje për të përdorur gjuhën kriminalizuese ndaj shqiptarëve dhe për të nxitur paragjykime të thella ndaj Tërnocit.

Po ashtu sipas Mustafit, kjo gjuhë është një vazhdimësi e fushatave të tilla që kanë tentuar të lidhin shqiptarët me aktivitete kriminale, duke shpërndarë akuza pa asnjë provë dhe duke krijuar një perceptim të gabuar për një tërë grup etnik.

“Në këtë kontekst, është e domosdoshme që të ndalet kjo valë e stigmatizimit dhe kriminalizimit të shqiptarëve të Luginës. Ata që përdorin këtë gjuhë të urrejtjes dhe diskriminimit duhet të mbajnë përgjegjësi”, u shpreh Mustafi.

The post Mustafi reagon ndaj akuzave të Milivojeviq: Shqiptarët e Tërnocit nuk janë pjesë e dhunës në protestën studentore appeared first on Albeu.com.

Ky veprim vjen dy ditë pasi Vuçiç njoftoi se do të falte individët e përfshirë në procedura penale pas pjesëmarrjes në protestat që pasuan shembjen fatale të strehës së stacionit hekurudhor në Novi Sad, ku humbën jetën 15 persona.

Në një deklaratë të lëshuar nga zyra e presidentit, thuhet se faljet janë dhënë për të gjithë ata që janë arrestuar dhe akuzuar për pjesëmarrje në protestat që kanë ndodhur në Beograd, Novi Sad dhe qytete të tjera në Serbi.

Faljet përfshijnë individë të akuzuar për shkelje të rendit publik dhe paqes, si dhe për dëmtim të pronës publike dhe private gjatë protestave.

Presidenti i Serbisë, Aleksandar Vuçiç, ka marrë 13 vendime për falje, duke përfshirë studentë, profesorë dhe drejtorë shkollash, sipas një njoftimi nga Presidenca më 29 janar. Kjo ndodh dy ditë pasi Vuçiç njoftoi se do të falte studentët dhe profesorët kundër të cilëve janë duke u zhvilluar procedura penale pas pjesëmarrjes së tyre në protestat masive që janë mbajtur në tre muajt e fundit në të gjithë Serbinë.

Protestat kërkojnë përgjegjësi penale dhe politike të autoriteteve për aksidentin në Novi Sad më 1 nëntor, ku humbën jetën 15 persona. Studentët, të cilët kanë bllokuar dhjetëra fakultete shtetërore në Serbi, kanë kërkuar ndalimin e procedurave penale kundër demonstruesve të arrestuar nga policia gjatë protestave, përfshirë studentë dhe profesorë.

Sipas njoftimit nga Presidenca, janë falur gjashtë studentë: D. B. nga Novi Sadi, M. M. nga Novi Sadi, M. K. nga Novi Sadi, I. B. nga Požega, R. S. nga Sremska Kamenica dhe M. S. nga Žabalj.

Vuçiç gjithashtu ka falur një dekan – N. J. nga Nishi, dhe R. J. nga Novi Sadi.

Gjithashtu, janë falur katër drejtorë shkollash: B. M. nga Shabaci, M. E. nga Bogatiqi, M. I. nga Shabaci, S. M. J. nga Shabaci, si dhe një punëtor ndihmës në shkollë, V. M. nga Prokuplja.

Vendimet për falje janë dorëzuar Ministrisë së Drejtësisë për procedurat e mëtejshme, thuhet në njoftimin e 29 janarit.

Valët e protestave, të cilat kanë nxjerrë në rrugë dhjetëra mijëra qytetarë, u nxitën nga shembja e strehës së rinovuar të Stacionit Hekurudhor më 1 nëntor, ku humbën jetën 15 persona dhe dy të tjerë u plagosën rëndë.

Studentët në bllokadë kanë kërkuar nga autoritetet publikimin e dokumentacionit të plotë mbi rinovimin e stacionit, për të përcaktuar përgjegjësinë penale për aksidentin.

Ata gjithashtu kërkojnë ndjekjen penale të të gjithë sulmuesve ndaj studentëve dhe profesorëve gjatë protestave pas aksidentit në Novi Sad.

Presidenti i Serbisë deklaroi më 27 janar se të gjitha kërkesat e studentëve janë përmbushur, derisa studentët po vazhdojnë protestat.

Kryeministri i Serbisë, Miloš Vuçeviç, dha dorëheqjen më 28 janar, pas sulmit ndaj një grupi studentësh përpara zyrave të Partisë Progresive Serbe në pushtet, dhe të njëjtën ditë dha dorëheqjen edhe kryetari i Novi Sadit, Milan Đurić. /REL

The post Demonstratat masive në Serbi, Vuçiç fal 13 protestues appeared first on Albeu.com.

“Jam i hapur për të dyja opsionet. Mund të kemi zgjedhje pas 75 ditësh, muaji prill është më i mundshmi. Nuk do të ketë qeveri të përkohshme”, ka thënë ai, duke shtuar se detyra kryesore e autoriteteve tani është ruajtja e stabilitetit.

“Si president i shtetit, unë duhet të propozoj mandatarin për të cilin bindem se ka shumicën në Kuvend. Do t’i filloj konsultimet. Në mendje kam pasur tre ose katër emra, por nuk jam i sigurt që nuk do të shkojmë në zgjedhje. Vetëm pas 10 ditësh, kur t’ju them nëse do të shkojmë në zgjedhje, apo do të zgjedhim Qeverinë e re, do të mund të flas për mandatarin për kryeministër.”

Presidenti serb ka thënë se ka e pasur shumë të vështirë që të pranojë dorëheqjen e Vuçeviçit.

“Ai e bënte mirë punën e tij”, ka thënë Vuçiq në një adresim para kombit.

Millosh Vuçeviç ka dhënë dorëheqje më herët gjatë ditës së martë, në valë e sipër të protestave për incidentin në Novi Sad, në nëntor të vitit të kaluar, ku si pasojë e shembjes së një pllake të madhe betoni janë vrarë 15 persona.

Dorëheqje ka dhënë edhe kryetari i Novi Sadit, Millan Gjuriç.

Për më shumë se dy muaj në Serbi, mijëra studentë dhe qytetarë të tjerë kërkojnë përgjegjësi penale dhe politike për tragjedinë e ndodhur në qytetin serb.

Edhe pas vendimit të Vuçeviçit për dorëheqje, përfaqësuesit e studentëve në Serbi kanë thënë se kërkesat e tyre nuk janë plotësuar dhe kanë paralajmëruar protesta të reja.

Vuçiç, në anën tjetër, ka përsëritur se të gjitha kërkesat e studentëve janë përmbushur.

Sipas tij, protestat dhe bllokadat i kanë shkaktuar dëm të madh ekonomisë së Serbisë dhe sektorit të investimeve, dhe njësoj sikurse Vuçeviç ka pretenduar se organizimi është bërë sipas “urdhrit nga jashtë”, por pa përmendur dikë në mënyrë specifike.

Në natën mes 27 dhe 28 janarit, protestuesit janë përkrahur nga bujqit, të cilët kanë bllokuar me traktorët e tyre rrugë kryesore të kryeqytetit serb, Beogradit. Me kalimin e kohës, zemërimi për vdekjet në Novi Sad është zgjeruar me kërkesa tjera.

Protestuesit kanë thënë se nuk janë të interesuar në politikë dhe nuk i shohin dorëheqjet si problemin kryesor. Ata insistojnë që institucionet serbe të punojnë siç duhet.

“Ne do të dëshironim të jetonim në një shtet ku çdo institucion mund të bëjë punën e vet në mënyrë të pavarur, pa korrupsion apo presion të jashtëm”, ka thënë studentja universitare, Jana Llomiç në një prononcim për Radion Evropa e Lirë.

Lëvizja e studentëve nuk ka liderë. Ata i marrin vendimet me shumicë votash. /REL

The post Dorëheqja e Millosh Vuçeviçit, presidenti Vuçiç: Jam i hapur për zgjedhje dhe qeveri të re! appeared first on Albeu.com.

Lajmi është dhënë nga drejtuesi politik i PD për Tiranën, Belind Këlliçi, përmes një postimi në rrjetet sociale.

Opozita rikthehet në protestë para bBshkisë, në një kohë ku SPAK ka intensifikuar hetimet ndaj Veliajt dhe familjarëve të tij.

Pak kohë më parë, SPAK dhe agjentë të BKH-së ushtruan kontroll në shtëpinë e Veliajt, ku sekuestruan telefonin e bashkëshortes Ajola Xoxa, ushtruan kontroll në biznesin ”Harabel” të Xoxës si dhe në shtëpinë e vëllait të kryebashkiakut.

Prej kohësh opozita, proteston para bashkisë, ku kërkojnë dorëheqjen dhe arrestimin e kryebashkiakut Erion Veliaj, të cilin e akuzojnë si të përfshirë në aferën ”5D”, si dhe tek inceneratori i Tiranës.

Postimi i Këlliçit:

Protesta jonë nuk do ndalet deri sa kreu i 5D dhe pronari faktik i inceneratorit Tiranë, të shkojë para ligjit për hajdutërinë e tij të pashembullt! Ndaj nesër, e premte, datë 10 janar, ora 11:00, shihemi sërish para Bashkisë Tiranë.

The post Rikthehen sot protestat para Bashkisë së Tiranës, opozita kërkon largimin dhe arrestimin e Veliajt appeared first on Albeu.com.

Ky zhvillim ka sjellë reagime nga banorët lokalë, të cilët kanë dalë në protesta simbolike për të shprehur pakënaqësinë e tyre ndaj vendimit të qeverisë.

Protesta u organizua përpara hyrjes së kampit, ku banorët u mblodhën me pankarta dhe thirrje kundër pranisë së emigrantëve në zonën e tyre.

Banorët shprehin pakënaqësitë e tyre në lidhje me faktin se vendimi për ndërtimin e kampit në Lezhë, nuk është marrë në konsultim me ta dhe se ky veprim po rrezikon sigurinë dhe stabilitetin e komunitetit lokal.

The post Mbërrijnë emigrantët e parë, nisin protestat në Lezhë appeared first on Albeu.com.

Gjithashtu, Meta theksoi se përshkallëzimi i protestave do të japë rezultatet e duhura.

Ilir Meta: “Kjo është një qeveri që rrënjët i ka vetëm në krim dhe korruptim. Ne do të vazhdojmë të përballemi me qeverinë, me prindin 2, me Bashkinë e Tiranës, përballjen me të keqen, kudo ajo është, sepse çdo qelizë e administratës është infektuar rëndë.
Përshkallëzimi i protestave do të japë rezultatet e duhura. Të gjitha këto protesta kanë bërë që të kemi rezultate. Partia e Lirisë po përmirëson edhe organizimin e saj përditë”.

The post Ilir Meta: Kjo qeveri i ka rrënjët në krim, përshkallëzimi i protestave do japë rezultatet e duhura appeared first on Albeu.com.

“Sot në betejën tonë pa kthim kundër diktaturës, çelëm një faqe të re. sot ne nisëm protestën kundër institucioneve të shndërruara në armë të diktaturës.

Kjo protestë, e para në 32 vite pluralizëm para gjykatës supreme, e cila ka shënuar me qëndrimet e saj një tradhti të lartë kombëtare ndaj ligjit, shënon vetëm fillim e betejave tonë. Sot protesta para selisë së krimit, shënon fillimin e betejës kundër kësaj partie, e cila me qëndrimet e saj, e udhëhequr nga Rama, është përgjegjëse për dramën e madhe të shqiptarëve.

Rama kërkon të zhdukë PD, por në do I qëndrojmë dhëmbë për dhëmbë. Jemi të pamposhtur. Protestat do përhapen në gjithë vendin dhe do përqendrohen para institucioneve të krimit, në çdo skaj të vendit.

Do të përhapemi në të gjithë vendin, do të përqendrohemi para institucioneve të krimit. Para kryeministrisë, në çdo skaj të vendit, për të mbrojtur liritë tona. Ju jam shumë mirënjohës se keni lënë çdo gjë dhe jeni këtu si luftëtarë lirie. Ju garantoj se shumë shpejt ku fillim do të shndërrohet në një ortek të fuqishëm. Sot ju vrarë frikën e shqiptarëve për të protestuar para atyre organeve që janë shndërruar në vrasës të ligjit. Organe që shndërrohen në anxhar në duart e diktatorit. Fillimi është jashtëzakonisht premtues. Fillimi ynë është shpresa e shqiptarëve. Që të më ndajë mua nga ju diçka, nuk ka. Çdo minutë, çdo orë dhe çdo ditë do të bëjë gjithçka që të ecim drejt fitores”, u shpreh Berisha.

The post Paralajmërimi i fortë i Berishës: Sot fillon kapitulli i ri appeared first on Albeu.com.