Përmes një postimi të gjatë në rrjetet sociale, Vengu u shpreh se është “për një Shqipëri të fortë krahar brohoritjeve për një Shqipëri të re”, ndërsa renditi tre elemente që, sipas tij, përbëjnë bazën e rolit strategjik të shqiptarëve në Evropën Juglindore, ku një element i rëndësishëm është dhe ai i forcimit ekonomik, diplomatik dhe ndërkombëtar gjatë dekadës së fundit.

“Së pari, avantazhi më i madh strategjik i Shqipërisë në shekullin XXI është se është e rrethuar nga bashkëkombës. Në një epokë ku fuqia matet gjithnjë e më pak me territor dhe gjithnjë e më shumë me aftësinë për t’u organizuar, për t’u përshtatur dhe për të vepruar shpejt, prania shqiptare në rajon është kapitali ynë më i madh historik, njerëzor dhe gjeopolitik.

Së dyti, ndryshe nga shekulli i parë i shtet-ndërtimit, në dekadën e fundit forcimi ekonomik, diplomatik dhe ndërkombëtar i Shqipërisë po përkthehet drejtpërdrejt në më shumë siguri, më shumë peshë dhe më shumë mundësi për shqiptarët në gjithë rajonin. Nuk është më vetëm Shqipëria që mbahet nga kombi. Është edhe kombi që forcohet nga një Shqipëri më e fortë, më e besueshme dhe më pranë Bashkimit Evropian. Së treti, Shqipëria e ka ushtruar rolin e saj si shtet amë pa komplekse: herë në vijën e parë, herë në diplomacinë e heshtur, por gjithmonë në mbrojtje të interesit kombëtar dhe të shqiptarëve kudo ku jetojnë”’, ka shkruar Vengu.

Në reagimin e tij, ai vlerësoi edhe rolin e Shqipërisë si shtet amë, duke theksuar se vendi ka mbrojtur interesat e shqiptarëve në rajon si përmes angazhimit të drejtpërdrejtë, ashtu edhe përmes diplomacisë.

Duke iu referuar protestave, Vengu kritikoi thirrjet për “revolucion”, duke argumentuar se destabilizimi i Tiranës nuk i shërben interesit kombëtar.

“Prandaj, kush mendon se i shërben kombit duke brohoritur “revolucion” në Tiranë, nuk po kupton përmasat e kohës. Tirana nuk është thjesht kryeqyteti i Shqipërisë. Është qendra politike, ekonomike dhe diplomatike e gravitetit të shqiptarëve në Evropën Juglindore”, shkruan Vengu.

Sipas tij, kryeqyteti përfaqëson qendrën politike, ekonomike dhe diplomatike të shqiptarëve në rajon.

“Ta destabilizosh atë nuk është akt patriotik. Është një luks që kombi shqiptar nuk mund t’ia lejojë vetes”, u shpreh ai.

Në fund të mesazhit, deputeti socialist u bëri thirrje protestuesve që të mos e ngatërrojnë patriotizmin me, siç e cilësoi ai, “tutorinë mbi Shqipërinë”.

“P.S. Një këshillë miqësore për revolucionarët me GPS që zbresin vetëm në Tiranë. Mos e ngatërroni dashurinë për kombin me tutorinë mbi Shqipërinë. Qeverinë tonë dimë ta kritikojmë edhe vetë. Por shtetin amë nuk ua lëmë askujt ta dobësojë në emër të patriotizmit”, thotë ai.

Vengu e mbylli reagimin e tij duke theksuar se shqiptarët kanë vetëm një qendër graviteti strategjik dhe se kjo është “një Shqipëri e fortë”.

“Sepse shqiptarët kanë dy shtete, janë komb shtetformues në Maqedoninë e Veriut dhe minoritet europianizues në Mal të Zi dhe në Serbi. Por kanë vetëm një qendër graviteti strategjik. Dhe ajo është një Shqipëri e fortë.

“Shqipëria e re” mund të tingëllojë bukur si brohoritje. Shqipëria e fortë, është shumë më e vështirë si detyrë. Unë zgjedh detyrën.”, shprehet deputeti i PS-së.

The post Protestat në Tiranë, reagon deputeti socialist: Krahas brohoritjeve për një Shqipëri të re, jam për një Shqipëri të fortë appeared first on Albeu.com.

Protesta zgjati rreth 2 orë dhe u shoqërua me thirrje për dorëheqje të ministrave përgjegjës dhe dënim maksimal të komisarit Arjan Tase.

Por, ajo çka ra në sy në këtë tubim paqësor të qytetarëve ishin pankartat me mbishkrime rrënqethëse që mbaheshin në duar nga nëna dhe fëmijë të moshës së Jonada Avdisë.

“Nuk mund të shkoj në det, se shtetit më vret”, ishte një nga mbishkrimet në një lum pankartash që mbaheshin në duar nga disa prej pjesëmarrësve në protestë./albeu.com/

The post Çfarë nuk u pa nga protesta për vrasjen e 7-vjeçares në Himarë (FOTO LAJM) appeared first on Albeu.com.

Qytetarët u zhvendosën pak minuta më parë nga Ministria e Brendshme përballë Kryeministrisë.

Ata kanë ndezur dritat e telefonit në solidaritet me ngjarjen e ndodhur dhe për të treguar pjesëmarrjen në protestë./albeu.com/

The post Protesta për vrasjen e 7-vjeçares në Himarë, qytetarët ndezin dritat e telefonit appeared first on Albeu.com.

Berisha është pyetur nga gazetarët se çfarë do të bënte nëse do të ishte në vendin e kryeministrit Edi Rama.

Ai është shprehur se nëse do të ishte në vend të kryeministrit, Bledi Çuçi do të ishte shkarkuar brenda pak minutave.

“Nëse do të isha në vendin e Edi Ramës, Bledi Çuçi nëse nuk do të dorëhiqej për 3 minuta, në të katërtën do e shkarkoja unë. Atë bashkë me ministren e Turizmit, si personat drejtpërdrejt përgjegjës”, u shpreh Berisha./albeu.com/

The post Çfarë do të bënit nëse do të ishit në vend të Ramës? Berisha përgjigjet nga protesta: Në minutën e katërt! appeared first on Albeu.com.