Sipas informacioneve, 20 vjeçari u vra ditën e shtunë, pasi policia ishte vënë në ndjeke të tij.

Ai dyshohej se kishte kryer një vjedhje në bashkëpunim me dy persona të tjerë.

Ata shpërfillën sinjalin e policisë për të ndaluar duke u larguar menjëherë nga vendi i ngjarjes. Pas një ndjekje në zonën e Peramës automjeti ku po udhëtonte 20-vjeçari, u bllokua nga policia.

Disa miq të tij kanë shpërndarë video në Tik Tok, duke shprehur dhimbjen për ndarjen e tij nga jeta.

Shumë pjesëtarë të komunitetit rom kanë organizuar protesta duke bllokuar rrugët kryesore në qytete të ndryshme në të gjithë vendin dhe duke i vënë flakën gomave. Ata kërcënojnë se në rast se nuk vihet drejtësia në vend, do të përshkallëzojnë lëvizjet e tyre,

Ata kanë qëlluar me gurë forcat e policisë, ndërsa prej tyre dogjën një automjet në Attiki Odos. Shtatë oficerët e policisë që u përfshinë në ndjekjen e përgjakshme në Peramë do të dalin para hetuesve të mërkurën e ardhshme. Ata do të përballen me akuzën e vrasës.

Gjatë ngjarjes së një dite më parë u regjistruan më shumë se 30 të shtëna armës. Armët e zjarrit të përdorura nga policia janë dërguar në drejtorinë e hetimit për verifikim./albeu.com/

The post Protesta “të egra” në Greqi pas vrasjes së 20-vjeçarit, komuniteti rom bllokon rrugët, djeg goma dhe qëllon me gurë policinë appeared first on Albeu.com.

Protesta po mbahet në sheshin Sindagma të Greqisë. Forcat e Rendit janë detyruar të përdorin pompat e ujit me presion dhe gaz lotsjellës kundër protestuesve, ndërsa këta të fundit kanë goditur me gurë dhe molotov kundrejt tyre.

Policia ka shoqëruar në komisariat disa persona ndërsa po boshatisin sheshin Sindagma.

Kujtojmë se mijëra grekët protestojnë kundër vaksinimit të detyruar dhe heqjen e kufizimeve të covidit në vend.

Kohët e fundit, protestuesit mbështeten prej organizatave fetare dhe ato të ekstremit të djathtë, ndonëse zyrtarisht kisha greke është shprehur pro vaksinimit.

Me shifra të larta infektimesh, mbi 3000 raste në ditë dhe me mbi 13.600 viktima që prej nisjes së pandemisë covid, qeveria greke ka njoftuar që prej 13 shtatorit masa drastike për punonjësit e sektorit shtetëror dhe atij privat që refuzojnë të vaksinohen.

Masat përcaktojnë ndalim të detyruar nga puna dhe nxjerrja në asistencë të pa paguar për ata që refuzojnë të vaksinohen si dhe testim të detyrueshëm me fondet personale për ata që kanë vendosur ti thonë jo vaksinimit.

Masa kufizuese priten të merren edhe në sektorin e shërbimit dhe restorantet, në ambientet e mbyllura të të cilave, nuk do të mund t’ju shërbehet të pa vaksinuarve.

Me një qarkore të brendshme qeveria ka njoftuar të gjitha dikasteret të zgjerojnë listën e kategorive që do të jenë të detyruar të vaksinohen, ndërsa më herët kryeministri i vendit deklaroi se vendi nuk do të ketë një ‘lockdoën’ të dytë./albeu.com

The post Tym dhe flakë! Agravon në dhunë protesta në Greqi, gaz lotsjellës ndaj protestuesve (FOTO LAJM) appeared first on Albeu.com.