Gjithashtu, Këlliçi ka hedhur akuza edhe ndaj Carlo Bollinos, i cili sipas tij është bërë pronar i mbi 4 mijë m2 në pronat e familjes Begeja.

Këlliçi tha se Bolino po na del edhe ndërkombëtar edhe tirons i vjetër, i cili sulmon pronarët legjitimë, sepse ka mentalitet komunist.

“Bolino është i vetmi ndërkombëtar që po sulmojmë ne, ai është italian, por po na del edhe tirons i vjetër, përderisa na del si pronar në mbi 4 mijë metra në pronat e familjes Begeja. Tani Bolino sulmon pronarët legjitimë në Tiranë, që kërkojnë pronën e tyre”, tha Këlliçi.

Mes të tjerash,  ai u shpreh se “Dritan Prençi, Prokurori i SPAK, i cili prej 4 vitesh ka nën hetim dosjen e inceneratorit të Tiranës, nuk e sheh ky firmën e Erion veliajt?”.

“Me çfarë i ushtron presion Erion Veliaj këtyre prokurorëve të SPAK? Mos vallë me dosjen e atij prokurorit të Vlorë që është arrestuar? Mos vallë në atë dosje kemi edhe emrat e prokurorëve të SPAK.

Flitet se janë paguar 3 mln euro që janë paguar për të shpëtuar Erion Veliajn. E kuptoni se për çfarë drejtësie flasim? Nuk kemi parë në drejtësi të tillë në asnjë vend të Botës, një drejtësi me dy standarde.

Prokurorët janë peng të Erion Veliajt. Kjo mënyrë vjedhjeje që ka instaluar Erion Veliaj në Bashkinë e Tiranës është i pashembullt në Botë, ndërsa Altin Dumani e quan krim intelektual dhe vazhdon të godasë opozitën”, tha Këlliçi.

Ai paralajmëroi vijimin e protestave të opozitës para Bashkisë së Tiranës, duke i cilësuar ato si një qëndresë e qytetarëve prej 26 javësh.

Këlliçi gjithashtu njoftoi se javën e ardhshme protesta para Bashkisë do të mbahet ditën e mërkurë, pasi besimtarët myslimanë e kanë kërkuar një gjë të tillë, për shkak se ditën e premte kryejnë ritin e faljes në xhami.

“Ne do e respektojmë këtë kërkesë të tyre”, u shpreh Këlliçi, duke bërë të ditur se javën e ardhshme protesta do të mbahet ditën e mërkurë.

The post Protesta para Bashkisë/ Këlliçi akuza SPAK: Jeni nën presionin e Erion Veliajt appeared first on Albeu.com.

POSTIMI I PLOTË:

Të dashur miq, nesër shihemi sërish në protestë, e martë, 28 Maj, ora 11:00, përpara monumentit më të madh të korrupsionit në Europë, Bashkisë Tiranë.

Pronari faktik i inceneratorit Tiranë dhe kreu i bandës 5D ose do të shkojë para drejtësisë, ose do shembet përfundimisht drejtësia në vend!

O sot, o kurrë!

Në protestën e thirrur nga opozita dhe Aleanca për Mbrojtjen e Teatrit, qytetarët kërkojnë dorëheqjen e kryebashkiakut Erion Veliaj, pas skandalit të korrupsionit me kompaninë 5D dhe arrestimit të drejtorëve dhe ish-drejtorëve të bashkisë. Në protestat e deritanishme nuk kanë munguar tensionet dhe përplasjet mes protestuesve dhe policisë. Gjithashtu nuk mungon edhe hedhja e dhjetëra koktejle molotovë në hyrje të godinës së bashkisë.

The post Nesër protestë para bashkisë/ Këlliçi: Veliaj do të shkojë para drejtësisë, ose do shembet përfundimisht drejtësia në vend appeared first on Albeu.com.

Qytetarët kanë hequr gardhin mbrojtës metalik të vendosur para bashkisë, ndërsa policia ka hedhur gaz lotsjellës për të shpërndarë protestuesit.

Ndërkohë protesta e radhës është njoftuar të martën e ardhshme para bashkisë në orën 11:00.

The post Pas tre orësh, opozita mbyll protestën para bashkisë së Tiranës, ja kur do të zhvillohet tubimi i radhës appeared first on Albeu.com.

Postimi i Këlliçit:

Dje ishte festa e Fiter Bajramit dhe kryetari i bashkisë bëri atë që ka bërë më mirë gjatë gjithë kësaj kohe. Veshi përparësen e vet të preferuar dhe u shërbeu njerëzve në nevojë çorbën e hipokrizisë së tij.

Ai tha madje se Muaji i Ramazanit për të kishte qenë një kohë reflektimi, për gabimet e vogla që ishin bërë, ndërsa kishte bërë mijëra punë të mëdha…

Po Erion Veliaj, ti duhet të reflektosh, por jo nga zyra ku ke firmosur, jo si pasojë e gabimeve, por si pasojë e planeve të paramenduara për të zhvatur qindra miliona euro nga taksat e atyre që sot i mëshiron me një garuzhde supë.

Ti duhet të reflektosh nga një vend tjetër, ku do të kesh kohë më bollëk të mendohesh dhe të lexosh Kuranin e Biblën, dhe ku do të kuptosh se çfarë i dallon njerëzit e mirë e të ndershëm nga ata që vjedhin dhe mashtrojnë.

Pak ditë më parë i dolët në mbrojtje drejtorëve të kompanisë së famshme 5D. Madje ishe krenar për punët e mira që kishin bëra ata.

Në fakt puna e mirë që ka bërë Maringlen Qato ka qenë të prishë shtëpitë e banorëve dhe ti hedhë ata në rrugë pa asnjë bonus dhe asnjë alternativë strehimi.

Në emër të veprave publike, janë shkatërruar banesa tek Myslym Keta, tek 5 Maji, në Kombinat, tek Astiri, për të krijuar troje të lira për projektet e kompanisë së drejtorëve të korruptuar dhe biznesve të oborrit të bashkisë.

Këtu përballë bashkisë është një kullë. Ka 7 kate pa leje. As Qato dhe Veliaj nuk e kanë parë.

Por nëse një fshatar në Zall Bastar apo Baldushk, ndërron tjegullat e thyera të çatisë apo do të ndreqë kasollen e lopës, Qato dhe të gjithë qatot e bandës së bashkisë, do ti ndjekin këmba këmbës derisa ti fusin në burg, ose të paguajnë haraçin tek banda.

Ndërsa qyteti, si pasojë e këtij menaxhimi prej Qatosh, po rëndohet nga muaji në muaj në një xhungël të pabanueshme. Përtej sheshit Skënderbej dhe bulevardit, Tirana është një qytet i pa jetueshëm.

Pa parqe, pa hapësira publike, pa teatër, pa cirk, pa mjedise argëtimi dhe edukimi për fëmijë. Gjithçka është në shërbim të betonit.

Ndërsa zyra e propagandës nxjerr nga arkivi foto të vjetra të qytetit dhe ua shpërndan medieve të huaja për të shoqëruar shkrimet e paguara që tregojnë se Tirana është qyteti që po shpërthen nga zhvillimi…

Kjo hipokrizi, kjo vjedhje, kjo tallje me Tiranën duhet të marrë fund një orë e më parë. Falenderoj përzemërsisht qytetarët e Tiranës që dolën sot në protestën e thërritur nga Aleanca për Mbrojtjen e Teatrit dhe Opozita.

Falenderoj Aleancën për Mbrojtjen e Teatrit për qëndresën e tyre epike 7 vjeçare dhe për faktin që banditët e strehuar në bashki, kanë nisur ti kallëzojnë në SPAK që para 3 vitesh, më janar të vitit 2021, kur kallëzuan vjedhjen përmes Tirana DC.

Javën tjetër shihemi në protestën e rradhës. Ne nuk tërhiqemi pa larguar nga zyra kryebashkiakun dhe kryehajdutin e Tiranës, pronarin faktik të inceneratorit dhe të organizatës 5D, Erion Veliajn.
O sot, o kurrë

The post “Javën tjetër shihemi në protestën e rradhës” Këlliçi: Ne nuk tërhiqemi pa larguar nga zyra kryehajdutin e Tiranës appeared first on Albeu.com.