Të ardhur nga Anglia dhe vende të ndryshme të Bashkimit Europian, ata kanë udhëtuar për tre ditë me radhë, duke formuar një kolonë automjetesh të mbushura me flamuj kuqezi, simbole kombëtare dhe slogane politike.

“Shqipëria e shqiptarëve” është një prej mesazheve që shoqëron automjetet e tyre gjatë rrugëtimit drejt Shqipërisë.

Pjesëmarrësit shprehen se janë nisur drejt vendit për të protestuar dhe për të përcjellë një mesazh politik, duke kërkuar ndryshim dhe largimin e qeverisë aktuale.

Shqiptarët e diasporës, thonë se pengesat më të mëdha i kanë hasur gjatë kalimit në kufirin me Malin e Zi.

“Kemi tre ditë që udhëtojmë drejt Shqipërisë dhe pengesat më të mëdha i kemi hasur në kufirin me Malin e Zi”, kanë deklaruar disa prej pjesëmarrësve.

Pavarësisht problemeve të hasura gjatë rrugës, kolona ka vijuar udhëtimin dhe tashmë ka mbërritur në pikën kufitare të Morinit, në hyrje të Shqipërisë.

The post Me flamuj dhe simbole, prej tre ditësh diaspora shqiptare udhëton nga Anglia dhe Evropa për të marrë pjesë në protestën kombëtare kundër qeverisë appeared first on Albeu.com.

Thirrja e tij vjen pavarësisht sloganeve që dëgjohen kundër tij gjatë grumbullimeve në shesh dhe marshimeve të mbrëmjes, ku përsëritet edhe kërkesa “Rama n’burg, Berisha n’burg”.

Berisha deklaroi se Partia Demokratike po vijon punën në përputhje me udhëzimet e miratuara në Kuvendin e fundit, duke u përqendruar te organizimi, dixhitalizimi dhe hartimi i vizionit.

“Ndërkohë, të dashur miq, PD po vazhdon aktivitetin e saj në përputhje me direktivat e Kuvendit të fundit, organizimit, dixhitalizimit, vizionit dhe këtu çdo ditë punohet me intensitet në këto drejtime.

Por unë dua ta mbyll këtë përshëndetje të shkurtër me thirrjen tuaj, sot është një ditë shumë e veçantë për protestën.

Sot, shqiptarë nga mbarë bota do të jenë të pranishëm në bulevardin e protestës, në uraganin e lirisë. Ndaj ftoj të gjithë demokratet e demokratët të jenë sonte pjesë e këtij uragani që ka tronditur dhe e ka bërë të pashpresë regjimin e Edi Ramës”, u shpreh Berisha.

The post “Rama n’burg, Berisha n’burg”/ Berisha thërret demokratët në protestën kombëtare: Bashkohuni me uraganin që ka tronditur regjimin appeared first on Albeu.com.

Rezistenca prej më shumë se 20 ditësh e ka shndërruar “revolucionin flamingo” në një nga lëvizjet më të medha qytetare që nga rënia e sistemit komunist në Shqipëri. Pakënaqësi të mbartura prej vitesh po artikulohen publikisht, duke refuzuar të përfaqësohen nga politika tradicionale.

Tri javë rezistencë

Rezistenca e protestës nuk mund të shpjegohet vetëm me ngjarjet e javëve të fundit. Për akademikun Artan Fuga, ajo është produkt i një pakënaqësie që është ndërtuar prej vitesh jashtë institucioneve dhe politikës tradicionale.

“Protesta lexohet si një shpërthim i papritur zemërimi vetëm për ata që kanë zgjedhur të injorojnë atë që prej vitesh artikulohej në rrjetet sociale”, – thotë ai për Deutsche Welle, duke shtuar se “në 5 – 6 vitet e fundit, pakënaqësia e shprehur në rrjetet sociale ka qenë e jashtëzakonshme”.

Sipas Fugës, kritika është forcuar vazhdimisht ndaj politikave qeveritare, kryeministrit dhe opozitës. Në thelb, argumenton ai, është konsoliduar bindja se “pozita dhe opozita janë e njëjta gjë, pjesë e një establishmenti të përbashkët” që vazhdon të dominojë jetën politike shqiptare prej dekadash.

Boll me klasën e vjetër politike

Sipas politologut Blendi Kajsiu në shesh po bashkëjetojnë kauza dhe ide që shpesh gjenden në anë të kundërta të spektrit politik. Sipas tij, ajo që i bashkon protestuesit nuk është më ideologjia, por refuzimi i modelit politik.

“Jemi dëshmitarë të një krize të thellë të modelit demokratik shqiptar”, – argumenton Kajsiu për Deutsche Welle.

Protestuesit nuk po kundërshtojnë vetëm qeverinë, por një sistem që ka privatizuar pushtetin dhe përfaqësimin politik.

“Askush nuk është dakord me modelin e demokracisë private që ka ndërtuar Ramadhe Berisha”, – thotë ai, dhe shton se narrativa kryesore e protestës është “boll me klasën e vjetër politike”.

Akademiku Artan Fuga thotë se në shoqerine shqiptare ka ndodhur ajo qe sociologjia perendimore e ka shpjeguar prej dekadash, se “nese rrotacioni politik nuk freskon elitat politike, në një dite të caktuar ato elita ndodhen përpara revoltës dhe presionit te rrugës”.

Sipas tij, një pjesë e opinionit publik arriti në përfundimin se ndryshimi politik ishte bërë pothuajse i pamundur, me mazhorancën që mbështetet në një sistem që favorizon partinë në pushtet dhe opozitën e përfshirë në kriza të brendshme, pa një alternativë bindëse.

Zverneci, simbol i modelit politik

Pamjet kur në rërën e Zvërnecit, para kamerave të telefonave dhe në prani të policisë së shtetit, tërhiqej zvarrë nga punonjës të sigurisë private një protestues, u shpërndanë me shpejtësi në rrjetet sociale. Revolta shpërtheu.

Për akademikun Artan Fuga, ajo skenë shpjegon pse një protestë për mbrojtjen e natyrës u shndërrua në diçka shumë më të madhe.

“Ishte një element shokues, rrënqethës për opinionin publik shqiptar” , – thotë ai. “Ngjarja nxori në pah raportin e qytetarit me shtetin, të individit me të drejtat e tij dhe përplasjen mes interesit privat dhe të drejtës publike”.

Këto, sipas tij janë çështje themelore në shoqërinë shqiptare, për të cilat prej kohësh janë shfaqur pakënaqësi të mëdha.,

Politologu Blendi Kajsiu, thotë se hapësira publike nuk përfshin vetëm territorin, por edhe institucionet, shtetin dhe partitë politike.

Në këtë kontekst, gardhi i ngritur në Zvërnec “është një manifestim fizik i rrethimit të institucionit të kryeministrisë, të parlamentit dhe të partive politike nga ‘pronarët’ e tyre”, – shprehet Kajsiu.

Ai e sheh protestën si një reagim qytetar, për të zgjeruar hapësirën publike kundër ngushtimit të saj nga interesa të ngushta private.

Gen Z nuk pret “shpëtimtarë”

Fakti që protesta nuk ka një drejtues nuk është rastësi për politologun Kajsiu. Ai e lexon si pasojë të mosbesimit ndaj lidershipit politik dhe të frikës se çdo figurë e re mund të riprodhojë të njëjtat modele që protestuesit po kundërshtojnë.

“Lëvizja është shumë pluraliste nga pikëpamja ideologjike, sociale dhe politike, për pasojë është e vështirë të prodhojë një lidership përfaqësues për të gjitha fraksionet që e përbëjnë atë”, – shton ai.

Për akademikun Artan Fuga kjo protestë zhvillohet në një Shqipëri shumë ndryshe nga ajo e viteve të tranzicionit. Sipas tij, emigracioni ka sjellë një transformim të thellë kulturor dhe qytetar, veçanërisht tek brezat e rinj.

“Edhe pse nuk është më simboli ‘E duam Shqipërinë si gjithë Europa’, përmbajtja është ajo”, – argumenton Fuga. Përmes familjarëve, emigracionit dhe kontakteve të përditshme me Perëndimin, qytetarët kanë krijuar pritshmëri të reja për mënyrën se si duhet të funksionojë shteti, drejtësia dhe raporti i individit me pushtetin.

E ardhmja e protestës?

Për politologun Blendi Kajsiu, sfida e vërtetë e protestës nis aty ku mbaron revolta. “Protesta qytetare duhet të fillojë ndërtimin e strukturave demokratike dhe pjesëmarrëse që do të kanalizojnë dhe institucionalizojnë kërkesat e saj politike dhe demokratike” – shprehet Kajsiu.

Për Fugën, beteja e momentit është një “lojë nervash” mes protestës që kërkon të zgjerohet dhe të ruajë vrullin e saj, dhe pushtetit që nuk jep shenja se do të tërhiqet. Sipas tij, ka një hendek të madh mes qytetarëve dhe klasës politike.

“Elektorati shqiptar urban dhe sidomos të rinjtë, janë më lart në kulturë politike dhe ndërgjegje qytetare sesa klasa aktuale politike”, – thotë Fuga, duke shtuar se sistemi politik shqiptar ka hyrë në një krizë të thellë që do të vijojë edhe përtej protestës./DW

The post Një nga lëvizjet më të mëdha qytetare që nga rënia e sistemit komunist/ Revolta për largimin e Ramës, DW: Çfarë po e mban gjallë protestën në Shqipëri? appeared first on Albeu.com.

Momenti më i veçantë ishte rrethimi simbolik i Kryeministrisë në mesnatë nga protestuesit e panumërt.

Pamjet e filmuara mbrëmjen e djeshme në Tiranë janë mahnitëse, në atë që mund të konsiderohet protesta më masive e ndodhur ndonjëherë në kryeqytet.

“Revolucioni Flamingo”, protesta që qëndron përtej partive politike dhe është revoltë e pastër qytetare për pakënaqësitë e përditshme dhe skandalet e kësaj qeverie, mbushi dje Tiranën.

Në pamjet që shihni, duket se si Kryeministria është rrethuar nga protestuesit, të cilët kërkojnë largimin e qeverisë dhe dorëheqjen e kryeministrit Edi Rama.

Thirrjet e tyre kërkonin dorëheqjen, klasë të re politike, arrestimin e Ballukut, një Shqipëri të re dhe revolucion.

Sot mbahet edhe protesta e 22-të para kryeministrisë, teksa qytetarët e gdhinë para godinës qeveritare, duke deklaruar se nuk do dorëzohen deri në fund.

The post VIDEO/ Pamje spektakolare nga revolta e mijëra qytetarëve, momenti kur Kryeministria rrethohet nga “deti” i protestuesve appeared first on Albeu.com.

Në hyrjet e kryeqytetit, janë parë kolona automjetesh të shoqëruara me flamuj kombëtarë.

Pjesëmarrja e diasporës shihet si një mbështetje e fortë për mijëra qytetarë, që prej ditësh protestojnë para Kryeministrisë.

Ndërsa kemi hyrë në ditën e 21-të të protestës, mesazhi i protestuesve mbetet i qartë: largimi i kryeministrit Rama.

The post Protesta kombëtare për largimin e Ramës, mbërrijnë në Tiranë qindra makina me emigrantë nga diaspora (FOTO) appeared first on Albeu.com.

Gjithashtu, kryedemokrati përmendi sërish akuzat ndaj policisë se në protestën e së premtes të kaluar, se ka përdorur spraj kundër arinjve ndaj protestuesve, ndërsa shtoi se; “kryengritja tjetër paqësore do të jetë më madhështore që ka njohur. vendi”

“Opozita do t’u përgjigjet në mënyrë të fuqishme, protesta tjetër do të njoftohet shumë shpejt dhe kryengritja tjetër paqësore do të jetë më madhështore që ka njohur vendi”, tha Berisha.

Duke e cilësuar kryeministrin si armikun më të egër ndaj shqiptarëve pas Enver Hoxhës, ai u bëri thirrje partive opozitare që të bashkohen dhe të krijojnë një front të gjerë së bashku për ta larguar nga pushteti.

“Kemi bërë lëshimin maksimal dhe të drejtë se ky bashkim duhet të jetë mbi bazën e kontributeve reale të secilës parti. Ky propozim i tyre është shqyrtuar nga koalicioni ynë, pranuar nga koalicioni ynë dhe urojmë që çdo forcë politike opozitare, e cila gjen aty të ndershmen dhe të drejtën bashkimin mbi bazën e kontributit real. Të bashkohemi, e të krijojmë një front të gjerë e të përbashkët kundër kësaj qeverie për të kthyer votën e lirë dhe larguar nga pushteti Edi Ramën”, shtoi Berisha.

The post Berisha thirrje partive opozitare: Të bashkohemi për të larguar qeverinë e Edi Ramës, kryengritja e radhës do të jetë më madhështore appeared first on Albeu.com.

PD thekson se kreu i qeverisë është tashmë i izoluar nga faktori ndërkombëtar dhe se është detyra e qytetarëve për t’i dhënë “goditjen” e fundit.

Ndaj, thuhet në mesazh, të gjithë duhet të marrin pjesë në protestën që pritet të nisë në orën 18:00 përpara kryeministrisë të dielën.

“Të dashur demokratë: Edi Ramë është izoluar ndërkombëtarisht. Në përplasje me drejtësinë. Rezistenca jonë nuk ndalet deri në rrëzimin e tij. Deri në qeveri teknike dhe zgjedhje të lira. Detyra jonë është ta rrëzojmë. E diel, ora 18:00, në Bulevard”, thuhet në mesazhin e PD.

The post Zbardhet mesazhi i PD për strukturat para protestës kombëtare: S’duhet të ndalemi derisa ta rrëzojmë appeared first on Albeu.com.

Ndërkohë, pritet që pas pak momentesh Berisha së bashku me drejtues të tjerë të partisë dhe protestues të tjerë t’i drejtohen sheshit para Kryeministrisë.

The post Protesta kombëtare/ Berisha mbërrinë në selinë blu, pritet nga mbështetësit: O Sali o hero gjithë Shqipëria ty të do appeared first on Albeu.com.

Kryedemokrati Sali Berisha, theksoi gjatë fjalës së tij se e vetmja mënyrë për rrëzuar qeverinë e Edi Ramës, janë protestat e vazhdueshme.

Berisha theksoi gjithashtu, se do të tregoheshin “naivë” nëse do të prisnin që kryeministri do të largohet nga ndërhyrja amerikane, duke shtuat se të vetmët që mund t’i tregojnë vendin e duhur janë qytetarët shqiptarë.

Ai foli edhe për takimin e djeshëm të mbajtur me aleatë politikë dhe përfaqësues të shoqërisë civile, duke shtuar se duhet të krijojnë një front të përbashkët “si rruga më e sigurtë për të luftuar kundër kësaj të keqe.”

“Dje, po në këtë kuadër, thirrëm një takim jashtëzakonisht të rëndësishëm me shoqërinë civile dhe forcat politike. Në emër tuaj, unë u shpreh edhe njëherë mirënjohjen më të thellë të gjithë atyre personaliteteve të fushave të ndryshme, të cilat pavarësisht nga pavarësia e tyre në kuptimin politik, pa asnjë afilacion partiak, por erdhën aty se të gjithë ata janë kundër të keqes që po përjeton vendin.

Aty u bashkuam kundër një të keqe të përbashkët dhe aty erdhën të gjithë ata që besojnë se Edi Rama është e keqja më e madhe e këtij vendi. Ishte një akt i guximshëm qytetar i tyre, i përgjegjshëm i tyre. Dhe unë i siguroj se ne do bëjmë gjithçka për të vazhduar me ta dialogun, për të dëgjuar zërin e tyre, këshillat e tyre dhe për të vepruar bashkërisht kundër kësaj të keqe. Ftoj individë, organizata, forca politike të tjera që nuk ishin dje aty të bashkohen me këtë front si rruga më e sigurtë për të luftuar kundër kësaj të keqe.

Nuk ka synim ky front dominimin e një partie apo një tjetër, ka synim krijimin e një forumi, një fronti të përbashkët, një fryme të gjerë për të larguar nga pushteti një minutë e më parë këtë regjim që e meriton vetëm një cilësim: kakistokraci. Grekët e lashtë quanin të tillë më të keqin e regjimeve. Dhe ky kështu është.

Diskutime të shumta u zhvilluan, mendime të çmuara u shprehën. Ne do vazhdojmë përpjekjen për institucionalizimin e këtij forumi, kësaj aleance, ta quajmë si të biem dakord. Urojmë dhe shpresojmë që kjo të shtrihet edhe në rrethe, në qarqe, në mënyrë që një përpjekje e madhe mbarëshqiptare të bëhet kundër këtij regjimi”, tha Berisha.

The post Partia Demokratike cakton datën e protestës kombëtare appeared first on Albeu.com.

Ai thekson se kënga e numërimit mbrapsht për këtë qeveri ka filluar prej kohësh.

“Protesta Kombëtare e 12 Nëntorit, një rëndësi e jashtëzakonshme që zëri i qytetarëve dhe veçanërisht atyre të Tiranës të dëgjohet fort. Kjo është një Qeveri, për të cilën kënga e numërimit mbrapsht ka filluar prej kohësh. ✌️??”, shkruan Meta.

The post Paralajmërimi i Metës: Kënga e numërimit mbrapsht për këtë qeverinë ka filluar prej kohësh appeared first on Albeu.com.