Njoftimi:

Avokati i Popullit monitoroi përgjatë gjithë itinerarit protestën e opozitës të zhvilluar ditën e diel në kryeqytet.

Grupi i punës së institucionit, vizitoi spitalet dhe komisariatet për të parë dhe intervistuar protestuesit e ndaluar apo të lënduar.

Nga të dhënat paraprake, të paktën 12 persona në moshë madhore janë ndaluar, ndërsa 4 të mitur u lanë të lirë pas marrjes në pyetje.

Në Spitalin e Traumës, ekipi i Avokatit të Popullit administroi ankesën e një protestuesi që raportoi ushtrim dhune nga ana e policisë, për të cilën ka nisur hetimi përkatës.

Raporti e detajuar do të publikohet në përfundim të hetimit administrativ.

Avokati i Popullit, gjen rastin të theksojë se ndërsa inkurajon vetëm tubimet paqësore, i bën thirrje forcave të rendit për vetëpërmbajtje dhe profesionalizëm, pavarësisht dinamikës së protestës.

Gjithashtu, thekson domosdoshmërinë për transparencë mbi protokollet e përdorura nga policia për përshkallëzimin e forcës dhe përdorimin e mjeteve për shpërndarjen e turmave, si gazi lotsjellës apo uji.

The post Protesta e opozitës/ Avokati i Popullit: Ka raportime për dhunë policore, thirrje forcave të rendit për vetëpërmbajtje appeared first on Albeu.com.

Më herët, Policia ka njoftuar planin e masave për protestën. Policia thotë se në kuadër të planit të hartuar, nga ora 06:00 deri në përfundim të tubimit, do të kufizohet qarkullimi i automjeteve në rrugën “George W. Bush”.

Gjithashtu policia bën të ditur se, në varësi të zhvillimit të tubimit, mund të ketë kufizime të përkohshme edhe në akse të tjera, ndërsa trafiku do të devijohet në rrugë alternative për të lehtësuar lëvizjen e qytetarëve.

Sakaq, Policia e Tiranës kërkon mirëkuptimin e qytetarëve për kufizimin e lëvizjes me automjete, si dhe apelon që të distancohen në rast se gjenden përballë veprimeve të kundërligjshme që cenojnë rendin dhe sigurinë publike.

The post Nesër protesta e opozitës, Parlamenti blindohet me gardh metalik appeared first on Albeu.com.

Protesta do të mbahet në orën 10:00 para Parlamentit të Shqipërisë.

“12 Marsi është një ditë e madhe, është dita e përmbysjes së narko-regjimit. Në orën 10 para Parlamentit, ti japim Ramës përgjigjen e merituar”, u shpreh Berisha.

The post Protesta e opozitës më 12 mars, Berisha tregon orën kur do mblidhen protestuesit para Kuvendit appeared first on Albeu.com.

“Ndërkohë që SHBA-ja dhe Izraeli, me forcat e tyre ushtarake, godisnin objektivat e regjimit të ajatollahëve, ajatollahu i fundit në Europë, Sali Berisha, ju urdhëronte ju dhe ata që ju vijnë pas të sulmoni godina”, tha ai.

Më tej, Balla dënoi veprimet e demokratëve në protestën e 28 shkurtit, që sulmuan me molotovë e fishekzjarrë shtëpinë e diktatorit Enver Hoxha, ku tha se në atë shtëpi ka hyrë vetëm Berisha.

“Ina, nuk ke pse bërtet, sepse në atë godinë që sulmonte Saliu, nga të gjithë ne këtu, vetëm Saliu kishte qenë brenda. Asnjëri nga ne, para viteve ’90, nuk e ka pasur as në ëndërr mundësinë të hynte në atë godinë. I vetmi që mund të hynte në atë godinë, madje edhe të ngrohej pranë zjarrit bubulak të familjes së diktatorit, ishte “ajatollahu” në krye të partisë suaj”, tha ai.

The post Protesta e opozitës, Balla: Berisha, ajatollahu i fundit në Europë! Vetëm Saliu është ngrohur te zjarri bubulak i familjes së diktatorit appeared first on Albeu.com.

Delegacioni shpreh shqetësimin e saj mbi aktet e dhunës, referuar përdorimit të molotovit në disa raste në rrugët e Tiranë nga protestuesit. Nga ana tjetër, ata i bëjnë thirrje aktorëve politikë në vend të tregojnë vetëpërmbajtje.

Reagimi:

Delegacioni i Bashkimit Evropian thekson se e drejta për tubim paqësor është një shtyllë themelore e çdo shoqërie demokratike. Ajo duhet të ushtrohet me përgjegjësi, në respekt të plotë të sundimit të ligjit dhe të sigurisë së të gjithë individëve.

Në këtë kontekst, Delegacioni i BE-së shpreh shqetësim për aktet e fundit të dhunës në Tiranë, të cilat rrezikuan jetë njerëzish.

Delegacioni i BE-së u bën thirrje aktorëve politikë të tregojnë vetëpërmbajtje. Ne mbështesim angazhimin konstruktiv në funksion të reformave të rëndësishme në rrugën e Shqipërisë drejt Bashkimit Evropian.

The post Protesta e opozitës, reagon Delegacioni i BE-së: Shqetësim për aktet e dhunës, aktorët politikë të vetëpërmbahen appeared first on Albeu.com.

Nëpërmjet një postimi në rrjetet sociale, Bardhi shkruan se është koha që qytetarët duhet të jenë edhe më të vendosur për ta çliruar Shqipërinë nga korrupsioni i qeverisë dhe kryeministrit Edi Rama. Ndër të tjera ai thekson se, sot është momenti për të treguar të gjithë bashkë se largimi i Ramës, është zgjidhja e vetme që Shqipëria të marrë frymë lirisht.

Postimi i plotë:

“Kur Kryeministri shpall luftën ndaj korrupsionit si rrezik, është koha që qytetarët duhet të jenë edhe më të vendosur për ta çliruar Shqipërinë nga korrupsioni i Edi Ramës. Sot, në orën 18:00, është momenti për të treguar me vendosmëri të gjithë bashkë, se korrupsioni i Edi Ramës është rrezik dhe se largimi i tij është zgjidhja e vetme që Shqipëria të marrë frymë lirisht.

Bëhemi bashkë sot në orën 18:00 në protestën kombëtare para Kryeministrisë. Beteja kundër korrupsionit i rrezikon pushtetin e Edi Ramës, por çliron ekonomimë dhe rrit mirëqenien e qytetarëve.”, shkruan Bardhi.

The post Protesta e opozitës/ Bardhi: Sot dita për të qenë edhe më të vendosur për ta çliruar Shqipërinë nga korrupsioni appeared first on Albeu.com.

Nisur nga incidentet e ndodhura gjatë tubimit të mëparshëm, ku u evidentuan akte dhune dhe përdorim i mjeteve të rrezikshme ndaj punonjësve të Policisë, pjesëmarrja e personave të maskuar dhe përdorimi i të miturve në tubim, si dhe nga informacionet e siguruara mbi mundësinë e përsëritjes së veprimeve të tilla, Policia e Tiranës i ka kthyer përgjigje subjektit politik se nuk merr përsipër garantimin e zhvillimit të tubimit.

Pavarësisht përgjigjes së kthyer, Policia e Tiranës, në përmbushje të detyrave funksionale, ka marrë të gjitha masat për garantimin e rendit dhe sigurisë publike në qytetin e Tiranës, mbrojtjen e institucioneve shtetërore, si dhe për lëvizjen e lirë të automjeteve dhe qytetarëve, në rast se tubimi do të zhvillohet.

Policia e Tiranës, apelon për qytetarët që, nëse ndeshen me veprime të dhunshme, të distancohen dhe të denoncojnë çdo paligjshmëri që konstatojnë.

The post Sot protesta e opozitës, policia me plan masash, por refuzon të marrë përsipër garantimin e zhvillimit të tubimit appeared first on Albeu.com.

Berisha pritet të jetë folësi kryesor i protestës, ndërsa është shoqëruar nga eksponentë të tjerë demokratë dhe simpatizantë të partisë. Përmes kësaj proteste, ata kërkojnë largimin e menjëhershëm të kryeministrit Edi Rama dhe qeverisë së tij.

The post Nis protesta e opozitës, Berisha del nga selia blu, i drejtohet sheshit para kryeministrisë appeared first on Albeu.com.

Siç shihet nga pamjet,  policia ka vendosur gardh metalik para Kuvendit të Shqipërisë, për të paraprirë percipitimin e protestës.

Kujtojmë se gjatë protestë së kaluar të opozitës pati tensione dhe përplasje para Kuvendit, mes protestuesve dhe policisë, por dhe para Kryeministrisë, ku u hodhën molotovë dhe fishekzjarrë.

The post Protesta e opozitës/ Policia bëhet gati, ‘blindohet’ me gardh metalik Kuvendi appeared first on Albeu.com.

Selia diplomatike ka reaguar me një njoftim në faqen e saj zyrtare ditën e sotme (18 shkurt).

Në reagimin e saj u ka bërë sërish thirrje qytetarëve amerikanë në vendin tonë, “që të kenë kujdes nga dhe të shmangin lëvizjet e panevojshme në Tiranë”. Protesta nis orën 18:00.

“Ndërkohë që protestat dhe tubimet e mëdha shpesh fillojnë në mënyrë paqësore, situatat mund të ndryshojnë shpejt. Protesta mund të zgjerohet në blloqet dhe ndërtesat qeveritare aty pranë, duke shkaktuar potencialisht ndërprerje të trafikut, devijime dhe mbyllje rrugësh. Udhëzimi ynë i përhershëm është të shmangni zonat e protestave. Nëse jeni në qytet, ju lutemi qëndroni vigjilentë dhe jepini përparësi sigurisë suaj personale. Forconi qëndrimin tuaj të sigurisë duke praktikuar zakonet e mëposhtme”, theksohet mes të tjerash.

Njoftimi i plotë i Ambasadës Amerikane në Tiranë:

“Mesazh për qytetarët amerikanë

Subjekti: Alarm Demonstrimi

Vendndodhja: Në të gjithë Tiranën; Bulevardi Deshmoret e Kombit midis Sheshit Skënderbej dhe Sheshit Nënë Tereza

Data/Ora: E premte, 20 shkurt 2026, ora 18:00

Ngjarja: Një demonstratë është planifikuar të zhvillohet të premten, më 20 shkurt 2026, në orën 18:00. Protestuesit planifikojnë të mblidhen te ndërtesa e Kryeministrit, e vendosur në Bulevardin Dëshmorët e Kombit midis Sheshit Nënë Tereza dhe Sheshit Skënderbej. Pritet prani e shtuar e policisë, mbyllje rrugësh dhe ndërprerje të trafikut në orët para dhe gjatë protestave. Policia e Shtetit Shqiptar ka njoftuar se protestuesit mund të bllokojnë kryqëzimet në pjesë të ndryshme të qendrës së qytetit. Personelit të Ambasadës Amerikane është këshilluar të shmangë demonstratën. Monitoroni median lokale dhe ndiqni udhëzimet e autoriteteve lokale të zbatimit të ligjit për informacionet më të fundit.

Ndërkohë që protestat dhe tubimet e mëdha shpesh fillojnë në mënyrë paqësore, situatat mund të ndryshojnë shpejt. Protesta mund të zgjerohet në blloqet dhe ndërtesat qeveritare aty pranë, duke shkaktuar potencialisht ndërprerje të trafikut, devijime dhe mbyllje rrugësh. Udhëzimi ynë i përhershëm është të shmangni zonat e protestave. Nëse jeni në qytet, ju lutemi qëndroni vigjilentë dhe jepini përparësi sigurisë suaj personale. Forconi qëndrimin tuaj të sigurisë duke praktikuar zakonet e mëposhtme:

Veprimet që duhen ndërmarrë:

Qytetarëve amerikanë u këshillohet të shmangin këtë ngjarje

Ji i vetëdijshëm për mjedisin përreth

Kufizoni shpërqendrimet si telefonat ose kufjet në publik

Monitoroni mediat lokale”.

The post Protesta e opozitës më 20 shkurt, Ambasada e SHBA-së këshilla qytetarëve të saj: Shmangni këto zona alarmi! appeared first on Albeu.com.