Protesta po zhvillohej për aferën e inceneratorëve, mirëpo ajo që mori vëmendjen ishte mungesa e Sali Berishës. Gjithashtu kishte një prezencë të pakët të përfaqësuesve të Partisë Demokratike.

Në studion e “Log.” Në ABC, analisti Agim Baçi u shpreh se kjo ishte një mënyrë e Berishës për t’i thënë se popullin e 2 marsit ia kishte dhënë PD, Ilir Metës, kur protestoi si President i Republikës.

“Mua më pëlqejnë këto protestat praktike. Shkoi në një vend për të cilën ngre akuza reale. Mendoj që tani ndoshta Berisha po shesh që kjo është një kauzën e madhe. Kur Zonja Tabaku drejtonte komisionin hetimor, ai nuk donte t’ja jepte peshën këtij grupi. Tani nuk ia merr dot LSI, se ia shiti atëherë.

Janë politikanë, kur thonë do shkoj, duhet të ishin atje. Edhe zoti Berisha vetë mund të shkonte atje.  Ishte një mënyrë që populli i 2 marsit ishte populli i PD që të erdhi mbrapa”, tha ai.

Megjithatë, kjo u kundërshtua nga nënkryetari i PL në studio, Agim Nesho i cili tha se pjesëmarrja e ulët erdhi edhe për shkak të largësisë së vendit të protestës./albeu.com/

The post Berisha mungoi në protestën e Metës, analisti: Mënyrë për t’i thënë se popullin e 2 marsit ia dha PD appeared first on Albeu.com.

Ai i ka kërkuar drejtësisë që të heqë “shaminë” që Rama i ka vendosur para syve dhe të nisë të hetojë.

“Mirëmbrëma të gjithëve dhe faleminderit për pjesëmarrjen dhe vështirësitë për të arrtitur sot këtu, në një vend të veçantë sepse është skenë krimi.

U bënë 558 ditë të denoncimit zyrtar për këtë aferë kriminale dhe drejtësia nuk vepron. Jemi këtu për të treguar me gisht këtë vend krimi, që SPAK ta heqë atë shaminë që i ka vënë Rama para syve. Të zbatojë ligjin dhe të bëjë detyrën. Të çojë hajdutët dhe rilindasit pas hekurave”, u shpreh Meta./albeu.com/

The post “Hiqeni shaminë nga sytë”, Meta thirrje SPAK: Çoni hajdutët dhe rilindasit pas hekurave! appeared first on Albeu.com.

Në momentin kur Meta po takohej me protestuesit që iu bashkuan thirrjes së tij, shtrëngoi duart edhe me Sali Lushën.

Gjithashtu ish-presidentit e pyeti edhe për të birin, reperin e njohur Stresin.

“O ku je o i madh, Stresin si e kam?”, thotë Meta teksa i jep dorën.

“Mirë!”, i përgjigjet ai duke buzëqeshur./albeu.com/

The post “O ku je o i madh, Stresin si e kam?” Ilir Meta takon Sali Lushën në protestë (VIDEO) appeared first on Albeu.com.

Meta u ka bërë thirrje qytetarëve të bashkohen në atë që e duan skenë krimi “që ndodh përmes vjedhjes së taksave të tyre dhe përmes mashtrimeve të qeverisë dhe njëkohësisht edhe përmes funksionimit të drejtësisë me regji”.

“Me këtë rast dua ti falënderoj të gjithë qytetarët që kanë shprehur sensibilizimin e tyre lidhur me këtë çështje, në mos qytetarët e kryeqytetit që janë të parët që vidhen përmes kësaj afere mafioze që çdo ditë gjeneron dhjetëra miliona euro për persona në kërkim, në mbrojtje të kokës së kësaj afere që është Edi Rama

Dua ti ftoj qytetarët të jenë sot të pranishëm në këtë skenë krimi që ndodh përmes vjedhjes së taksave të tyre dhe përmes mashtrimeve të qeverisë dhe njëkohësisht edhe përmes funksionimit të drejtësisë me regji

Për ti dhënë njëherë e përgjithmonë fund indiferencës me këtë shkatërrim që po i ndodh jo vetëm shteti ligjor, por edhe ekonomisë familjare.

Të bëhemi bashkë sot në mënyrë që mos vajtojmë vitin e ardhshëm statistikat kur të fillojë shkolla, me numrin në rënie të nxënësve dhe Shqipëria mos jetë më e shkretë dhe e braktisur nga të rinjtë dhe të rejat.

Ndaj i ftoj të gjithë të jenë atje, për të pare me sytë e tyre këtë skenë krime dhe për të vënë gishtin mbi faktet. Për fat të keq drejtësia ka kohë që nuk i shikon për arsye se partia në pushtet e ka zënë për fyt”, tha Meta./albeu.com

The post Meta flet pak orë para protestës: Ftoj qytetarët të jenë të pranishëm në skenën e krimit, te Inceneratori i Tiranës appeared first on Albeu.com.

“NDIHESH I VJEDHUR? EJA EDHE TI!

Afera e inceneratorëve është “kryevepra” e korrupsionit. Është vjedhja më e madhe që u është bërë qytetarëve shqiptarë.

Popullit i kërkojnë të kursejë ndërsa Qeveria nuk ndalet së vjedhuri në kulmin e krizës.

Të gjithë në protestë më 13 shtator, ora 18:00, tek inceneratori i Tiranës!”, shkroi Meta në Facebook.

Pritet që protestës t’i bashkohet edhe opozita.

Mbrëmjen e djeshme i pyetur në emisionin TPZ mbi hetimet e SPAK ndaj tij, Meta u shpreh se nuk ndihej aspak i shqetësuar duke shtuar se vëmendja nuk duhej kurrsesi të hiqej nga afera e inceneratorëve.

“Ta shikojmë diktaturën e tij. Ai është një legen. Ai e di shumë mirë që është një legen. Ai do qajë të vijë ashtu. Ai erdhi në politikë si çuni i Netës dhe do ikë nga politika si kurban i Ilir Metës”, tha Meta.

The post Shtatori i “nxehtë”, sot protesta e Ilir Metës: Çfarë pritet të ndodhë appeared first on Albeu.com.