protesta e maturanteve Archives - Albeu.com

Maturantët protestojnë para Ministrisë: O sistem i korruptuar, ti arsimin po e vret!

admin — Sun, 13 Jun 2021 11:34:42 +0000

Ka nisur dita e dytë e protestës së maturantëve në lidhje me provimet e Maturës Shtetërore.

Qindra maturantë janë mbledhur përpara Ministrisë së Arsimit duke bllokuar kështu edhe Rrugën e Durrësit ku po devijohet lëvizja e mjeteve. Ata kërkojnë anulim të VKM-së lidhur me provimet e maturës, duke paralajmëruar se nëse nuk do të ketë ndryshim do bëhet bojkotim.

“Duam ndryshim! Anuloje VKM-në! Po s’pati ndryshim, do bëhet bojkotim! Zyrat bosh, Rozana me pushime! Nuk ka dialog, nuk ka negociata, plotësoni kërkesat se janë shumë të qarta!”, ishin disa nga thirrjet e tyre.

“O sistem i korruptuar, ti arsimin po e vret! Kërkojmë ndryshim dhe jo rivlerësim”, brohoritën në kor maturantët.

Disa nga maturantët shprehen se provimi i matematikës ishte i vështirë dhe i pabazuar në ato që ata janë përgatitur. Disa prej maturantëve kërkojnë po ashtu uljen e pragut të pikëve.

The post Maturantët protestojnë para Ministrisë: O sistem i korruptuar, ti arsimin po e vret! appeared first on Albeu.com.

Maturantët i përgjigjen Kushit dhe QSHA-së: Doni të na hidhni hi syve!

E B — Sat, 12 Jun 2021 11:29:15 +0000

Pas deklaratës së ministres së Arsimit, Evis Kushi, e cila tha se nëse niveli është kaluar, do të rishikohet vlerësimi dhe përcatimi i pikëve në testin e Matematikës, kanë ardhur reagime nga maturantët që po protestojnë. Në një prononcim për ABC një maturant është shprehur se Ministria dhe Qendra e Shërbimeve Arsimore po tentojnë t’ju hedhin hi syve.

“Duan të na hedhin hi syve por kanë për të na ndalur protestën. Do të vazhdojmë mundet edhe të bojkotojmë provimin e ardhshëm,” tha një prej tyre.

Kujtojmë se sot po zhvillohen protesta në disa qytete të Shqipërisë nga maturantët, pasi këta të fundit pas mbarimit të testit të Matematikës janë shprehur se pyetjet kanë qenë shumë të vështira./albeu.com

The post Maturantët i përgjigjen Kushit dhe QSHA-së: Doni të na hidhni hi syve! appeared first on Albeu.com.

Maturantët në protestë për testin e Matematikës, reagon ministrja e Arsimit

E B — Sat, 12 Jun 2021 10:52:57 +0000

Maturantët kanë dalë sot në protestë pasi sipas tyre testi i Matematikës ka qenë shumë i vështirë dhe pyetjet ishin për nivelin e ekselencës.

Pas nisjes së protestave në disa qytete të vendit, ka reaguar ministrja e Arsimit Evis Kushi.

Kushi, përmes një postimi në Facebook, shprehet se, po vlerësohet test inga eksperët dhe nëse rezulton se e tejkalon nivelin e parashikuar, do të rishikohet shpërndarja e pikëve në test dhe mënyrën e vlerësimit.

Reagimi i Ministres së Arsimit, Evis Kushi:

Të dashur maturantë,

Siç ju kemi premtuar, ne do të jemi gjithmonë në mbështetjen tuaj. Në këto momente, jemi duke vlerësuar edhe një herë me grupet e ekspertëve nivelin e vështirësisë së çdo pyetjeje në testin e matematikës. Dhe në rast se na rezulton që ai e tejkalon nivelin e parashikuar, të cilin e kushtëzon mënyra e zhvillimit të mësimit gjatë këtij viti shkollor, pa dyshim që ne do ta rishikojmë shpërndarjen e pikëve në test dhe mënyrën e vlerësimit.

Ju uroj shumë suksese për provimin e radhës!/albeu.com

The post Maturantët në protestë për testin e Matematikës, reagon ministrja e Arsimit appeared first on Albeu.com.