Qëndrimi i sotëm i Gjykatës, do të jetë përcaktues për të qartësuar se cili nga dy grupimet e Partisë Demokratike, do të përfaqësohet me siglën e kësaj force politike, në zgjedhjet vendore të 14 majit. Nëse Gjykata nuk do të shprehet sot me vendim, atëherë me gjasë, do të jetë grupimi i udhëhequr nga zoti Alibeaj, që do të përfshihet në garën elektorale, si Partia Demokratike, ndërsa zotit Berisha do t’i duhet të gjejë një alternativë tjetër, siç ndodhi në zgjedhjet e pjesshme të 6 marsit 2022, kur kandidatët e tij, garuan nën siglat e koalicionit “Shtëpia e Lirisë” e rregjistruar nga LSI dhe Partia Demokristiane. Afati për rregjistrimin e forcave politike garuese në zgjedhje skadon më 6 mars.

Zoti Berisha është shprehur se protesta e sotme nuk ka lidhje me procesin në gjykatën e Apelit, ku sipas tij nuk ka asnjë bazë ligjore për të njohur si palë zotin Alibeaj. Ai ka deklaruar se opozita ka nisur një “revolucion demokratik paqësor” pasi sipas tij “nuk ka rrugë tjetër për përmbysjen e kësaj kufome politike që quhet Edi Rama, i cili ka arritur në një stad, që përbën rrezik real për çdo shqiptar”.

The post Protesta e opozitës dhe seanca në Apel, VOA: Nëse gjykata merr sot vendim, Berisha të gjejë alternativë tjetër për të hyrë në zgjedhje appeared first on Albeu.com.

Ambasada u kërkon të kenë kujdes dhe të shmangin grumbullimet e mëdha.

“Është planifikuar të zhvillohet një protestë para godinës së Kryeministrisë. Kjo protestë ka potencialin të përhapet në rrugët përreth duke shkaktuar bllokime të trafikut, devijime dhe mbyllje të rrugëve. Protestat mund të çojnë në dhunë të mundshme.

Qytetarët amerikanë këshillohen të shmangin tubimet e mëdha. Ndërsa shumë ngjarje të mëdha zhvillohen në mënyrë paqësore, situatat mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit.

Veprimet për të ndërmarrë:

Qytetarëve të SHBA-ve u kërkohet të shmangin këtë ngjarje
Monitoroni mediat lokale
Jini të vetëdijshëm për rrethinën tuaj
Mbani një profil të ulët”, thuhet në njoftim.

The post Protesta e PD, Ambasada Amerikane del me një thirrje për qytetarët e saj appeared first on Albeu.com.

“Kjo ishte arsyeja përse u mblodhëm në shesh, nuk ishim për të shëtitur”, kanë deklaruar  në polici, dy nga tre protestuesit që u vunë nën hetim për prishje të qetësisë publike dhe shkelja e rregullave mbi lëndët plasëse. Ata hodhën tymuese e kapsolle në drejtim të godinës se kryeministrisë.

Ndërkohë, 21-vjeçari nga Durrësi, i cili u procedua për mbajtje pa të drejtë të uniformës dhe falsifikim dokumentesh ka thënë para oficerëve të komisariatit numër 2 se i pëlqente të ishte polic, prandaj kishte gjetur një uniformë të vjetër dhe e kishte veshur, por nuk ka dashur ta keqpërdorë atë, raporton gazetarja Dorjana Bezat.

Protesta e opozitës që zgjati tre orë në bulevardin “Dëshmorët e Kombit” u mbyll me flakje kapsollash, flakadanësh dhe zhurmuesish, që të gjitha të hedhura drejt selisë së qeverisë./albeu.com/.

The post Hodhën tymuese dhe kapsolle drejt kryeministrisë në protestën e PD-së, 3 persona nën hetim, dëshmia: Për këtë arsye erdhëm, jo për shëtitje appeared first on Albeu.com.

Sipas njoftimit segmentet rrugore që do të jenë të bllokuara, duke filluar prej orës 15:00, të datës 12.11.2022, deri në përfundim të tubimit, janë:

Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

Policia e Shtetit

Në kuadër të tubimit që do të zhvillohet më datë 12.11.2022, në orën 16:00, në bulevardin “Dëshmorët e Kombit”, në Tiranë, Policia e Shtetit, me qëllim garantimin e rendit dhe sigurisë, para, gjatë dhe pas përfundimit të tubimit, në zbatim të detyrave të përcaktuara në planin e masave, të hartuar për këtë qëllim, njofton qytetarët se do të ketë bllokime të disa segmenteve rrugore, si dhe bllokime të pjesshme të disa segmenteve të tjera, në varësi të lëvizjes së pjesëmarrësve në tubim.

Segmentet rrugore që do të jenë të bllokuara, duke filluar prej orës 15:00, të datës 12.11.2022, deri në përfundim të tubimit, janë:

Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

Policia kërkon mirëkuptimin e qytetarëve që të shmangin lëvizjen me automjete, në këto akse rrugore, dhe të përdorin rrugë alternative, me qëllim moskrijimin e konfuzionit dhe për të mos penguar lëvizjen e lirë të qytetarëve.

Policia e Shtetit garanton qytetarët se ka marrë të gjitha masat e sigurisë, në përmbushje të përgjegjësive institucionale të saj, për garantimin e rendit dhe sigurisë, para, gjatë dhe pas përfundimit të tubimit, si dhe për sigurinë rrugore, në të gjithë territorin e vendit, veçanërisht në sheshet dhe segmentet rrugore, në të cilat do të zhvillohet tubimi./albeu.com

The post Nesër protestë, cilat segmente rrugore do të bllokohen në Tiranë prej orës 15:00 appeared first on Albeu.com.

Revista prestigjioze amerikane “Forbes” ngre sot alarmin, teksa bën një paralele mes protestës në vendin tonë dhe asaj në Sri Lanka, ku qytetarët rrëzuan qeverinë, duke detyruar dorëheqjen e kryeministrit dhe presidentit të vendit. Shkak i protestës në të dyja vendet ishte pikërisht inflacioni i lartë, që ka rritur tej mase koston e jetesës së qytetarëve.

Referuar protestës së 7 korrikut, “Forbes” shkruan se mijëra shqiptarë marshuan në Tiranë javën e kaluar, duke kërkuar që qeveria të jepte dorëheqjen për shkak të korrupsionit dhe rritjes masive së çmimeve të konsumit. Media amerikane i referohet edhe rritjes së normës së interesit nga Banka e Shqipërisë në 1.25%, ndërsa inflacioni zyrtar për muaj qershor ishte 6.7%. E njëjta gjë si në Sri Lanka, ku inflacioni arriti në 54.6% për muajin qershor ndërsa Banka qendrore rriti normat e interesit në 15.5%.

Kjo do të thotë se njerëzit në Sri Lanka po humbasin kursimet, ndërkohë që shlyerjet e borxhit janë rritur, duke ngarkuar buxhetet e familjeve.

Media amerikane shkruan se qeveria ka dështuar të mbajë nën fre borxhin e jashtëm dhe FMN-ja ka kërkuar që ajo të rrisë taksat dhe të luftojë korrupsionin si kusht për marrjen e një kredie për të shpëtuar vendin nga falimentimi.

Revista ‘Forbes’ i referohet edhe protestave në Argjentinë, Kenia, Panama, Ganë, Holandë, Belgjikë, Itali dhe Kinë, ku njerëzit nuk janë në gjendje të përballojnë çmimet e larta, koston e jetesës. Ndërsa shtron pyetjen, se a do të preket edhe SHBA si Sri Lanka edhe pse mbetet e fortë me të dhënat e punësimit që tregojnë një ekonomi të fortë? Media amerikane shkruan më tej se inflacioni i lartë mund të ushtrojë presion mbi buxhetet e familjeve dhe të çojë në protesta.

The post Kriza e çmimeve, “Forbes” ngre alarmin: Pas Sri Lankës, rrezikohet edhe Shqipëria! appeared first on Albeu.com.

Mes turmave të protestuesve  janë deputetët demokratë Grida Duma, Dashnor Sula, Dhurata Çupi, si dhe kryetarja e LSI, Monika Kryemadhi, me nënkryetarin e kësaj force politike, Petrit Vasili.

Ata kanë dalë sot në shesh për të protestuar kundër qeverisë Rama.

The post Nga Duma te Çupi, kush janë deputetët kritikë të Berishës që iu bashkuan protestës appeared first on Albeu.com.

Kryemadhi ndodhet në protestë në krah të bashkëshortes së Sali Berishës, Liri Berisha.

Ndërkohë, pranë Kryemadhit është edhe nënkryetari i LSI, Petrit Vasili.

The post Kryemadhi mbërrin në protestë, shfaqet krah Vasilit dhe bashkëshortes së Berishës appeared first on Albeu.com.

Gazetari i ABC, Juxhin Mustafaj, raporton se është parashikuar që demokratët dhe protestuesit e tjerë të ndahen në tre grupe dhe më pas të bashkohen para kryeministrisë. Grupi i parë do të jetë tek Sheshi Skënderbej ku do të grumbullohen protestuesit që vijnë nga qytetet veriore të vendit.  Juglindja do të grumbullohet pranë fakultetit Ekonomik, ndërsa protestuesit që vijnë nga jugu do të grumbullohen tek Bulevardi Dëshmorët e Kombit.

Para kryeministrisë është vendosur edhe një podium, ku pritet të mbajnë fjalën 20 persona, përfshirë Kryemadhin, Këlliçin dhe Vokshin. Ndërkohë fjalën i fundit do ta mbajë ish kryeministri Sali Berisha, i cili edhe do të mbyllë protestën. Berisha pritet të flasë për rreth 30 minuta.

The post Detaje nga protesta e Berishës, protestuesit do të ndahen në tre grupe, kush e mban fjalën i pari appeared first on Albeu.com.

Ndërsa ora po afron, qeveria ka filluar të marrë masa. Nga pamjet e siguruara nga Albeu.com shihet se po hiqet kërpudha e famshme para Kryeministrisë.

Objekti është vendosur për herë të parë në 2015. Ajo u dëmtua gjatë protestave për vrasjen e Klodian Rashës

Aso kohe, pas vendosjes sërish në vend, Rama këshilloi qytetarët të mos e ngacmojnë më./albeu.com

The post Nesër protesta e Berishës, qeveria heq kërpudhën e famshme (VIDEO) appeared first on Albeu.com.

Pasi përfundoi dëshminë para prokurorëve të çështjes, Bardhi në një prononcim para mediave tha se ka dhënë të gjithë shpjegimet e tij për atë që ka ndodhur atë ditë.

Numri II i PD ritheksoi se ka kontaktuar shtatë herë policinë dhe ndërhyrja është bërë 40 minuta me vonesë.

“Ka vijuar bashkëpunimi jonë me prokurorinë. Sot jam përgjigjur dhe kam dhënë shpjegime. Duke nisur me momentin kur mësynë selinë. Kontaktet që kam patur me policinë dhe cfarë ka ndodhur në katine d ytrë. Kam kërkuar zbardhjen e paltë të çështjes dhe vënien para përgjegjësisë të autorëve.

Autorët fatmirësisht as nuk fshihen, as nuk skuqen. Sali berisha ka marrë autorësinë e një akti të dhunshëm, bashkë me të edhe një pjesë tjetër. Unë pres nga prokuroria të vendosë para përgjegjësisë penale autorët.

Kam njoftuar prokurorinë që policia është njoftuar në orën 12:27. Ka patur një komunikim, kam telefonuar më shumë se 7 herë dhe ndërhyrja ka qenë 40 minuta me vonesë”, tha ai.

Bardhi tha gjithashtu se ka dhënë shpjegime edhe për lëndën në selinë blu, ndërsa shtoi se prokurorët gjetën vetëm fikset e zjarrit. Sipas tij nga brenda selisë nuk ka patur sulm, por vetëmbrojtje.

“Kam dhënë shpjegime të plota mbi çdo çështje të prokurorisë, përfshirë edhe lëndën dhe kam rikonfirmuar që e vetmja lëndë kanë qenë fikset e zjarrit.Kam dhënë deklarime për çdo çështje. Nuk ka pasur asnjë sulm nga asnjë person nga brenda selisë por akte vetëmbrojtje. Për këto episod kam dhënë shpjegimet e mia. Në dijeni time nuk kanë asnjëri prej tyre  asnjë precedent. Kam dhënë shpjegime, dhe kam rikonfirmuar atë që prokurorët që çdo person që ka qenë brenda i është nënshtruar kontrollit fizik. Dhe ripohoj atë që në fakt prokuroria pohoi në seancë gjyqësore. asnjë send i ndaluar nuk është gjetur në seli”, përfundoi Bardhi./albeu.com/

The post Bardhi del nga Prokuroria: Ne u vetëmbrojtëm nga sulmi i Berishës, 7 herë e telefonova policinë appeared first on Albeu.com.