Berisha ka folur në lidhje me protestën e nesërme në Tiranë teksa ka thënë se demokratët do e kenë betejën me kryeministrin Rama të cilin e cilësoi si “kryeministri mafioz i shqiptarëve”, ose ndryshe “The Prime Thief of Albania”.

Berisha shtoi më tej se Rama e ka humbur toruan pasi nuk merret me samitin por me postblloqe dhe me bllokime rrugësh e sheshesh për ditën e nesërme.
Berisha: Përshëndes zhvillimin e primareve në zgjedhjen e kandidatëve në Tiranë dhe të gjithë Shqipërinë. Ju të gjithë, në një hark kohor më pak se një vit keni vendosur, keni marrë vendime të mëdha për jetën e kësaj politike. Ne do bëjmë gjithçka që të forcojmë gjithnjë e më shumë demokracinë brenda kësaj partie. Pushtetin që u takon anëtarëve.

Mjafton të hidhni sytë në një kohë kur ne japim imazhet e qytetarëve që votojnë, imazhet e krahut tjetër janë tonelatat e kokainës, janë dëshmitë për porosi vrasjesh nga eksponentë kryesorë të partisë së Shpellës. Një botë tjetër ku ekziston krimi dhe droga por jo vullneti i anëtarëve të saj. Ne do vazhdojmë të udhëheqim me shembullin tonë në mënyrë që të bindim çdo shqiptarë që të ardhme pa votën nuk ka. Sot jemi mbledhur për eveniment tjetër jashtëzakonisht të rëndësishëm. Për protestën e nesërme në orën 12 për të cilën po bëhet një betejë e madhe mediatike sa edhe ata që mirëpresin samitin, këtë ngjarje të rëndësishme për Shqipërinë dhe shqiptarët, kanë harruar samitin dhe merren me protestën tonë. Në fakt ata kanë frikë samitin, kanë frikë Europën dhe vlerën e saj.

Të ngujuar tashmë në kodin e mafies, praktikat e mafies ata çdo lloj drite i tmerron. Po të keni vënë re ju ai që mund ta quajmë me plot gojë kryeministri mafioz i shqiptarëve. Ai që mund ta quajmë kryehajdutin e Shqipërisë. E ka humbur toruan dhe merret me postblloqe. Nesër betejën e kemi me këtë person dhe qëndrimet e tij, përpjekjen e tij për ta paraqitur Shqipërinë para Europës sikur është Kuba, një vend ku njerëzit janë të shypur dhe nuk mund të ngrihen në protestë.

The post Protesta, Berisha: Nesër betejën e kemi me kryehajdutin e Shqipërisë appeared first on Albeu.com.

Vangjeli u shpreh në studion e Abc se Samiti është çështje ndërkombëtare, ndërsa protesta “një hall” lokal, e këto të dyja sipas tij nuk duhet të trazohen. Më tej Vangjeli tha se ditën e protestës, Berisha do të ketë një sy në telefon e një vesh në derë.

“Ky është një samit ndërkombëtar, ndërsa halli ynë është lokal. Ti trazosh të dyja këto është gaf, naivitet, egoizëm dhe llogari e gabuar nga ata që duan të bëjnë protestësn. Është një hesp i vogël në një histori ndërkombëtare. Një hesap i gabuar, i ndërtuar për interesa të caktuara. Në 6 dhjetor do të faktorizohet ndërkombëtarisht se çdo llogari që bëhet me Ramën kalon edhe nëpërmjet tij. Berisha i llogarit fjalët, por ky është një veprim i dëshpëruar. Doktori po luan si lojtar bilardo. E përfytyroj doktorin me sytë te telefoni dhe veshin te dera”, tha Vangjeli në emisionin “Log”./abcnews.al

The post “Protesta e 6 dhjetorit veprim i dëshpëruar”, Vangjeli: E përfytyroj doktorin me sytë te telefoni dhe veshin te dera appeared first on Albeu.com.

Berisha ka kërcënuar se nëse Rama kërkon përballje, populli opozitar është i përgatitur.

“Ne do zbatojmë Kushtetutën. Kemi shpallur protestën tonë në Bulevard, ashtu na lë kushtetuta. Edi Rama, kërkon përballje ne do përpiqemi ta shmangemi atë ditë, por mund t’ia rezervojmë kur të dojë. Nëse e kërkon, është punë e tij. Populli opozitar po përgatitet mirë për përgjigjen që ai meriton”, tha Berisha.

The post Do përdorni forcë nëse s’iu lënë të protestoni? Berisha tregon si do veprohet (VIDEO) appeared first on Albeu.com.

Ai tha se të këqijat ndodhin kur populli nuk reagon.

“Cdo qytetar pavarësisht nga bindjet e tij, duhet ta dijë se protesta është shprehje e lirisë. Njerëzit e nënshtruar ulin kokën dhe heshtin, qytetarët kanë të dretë të dëgjohen. Protesta është një nga mënyrat më të fuqishme që ata të dëgjohen. Protesta është zëri juaj, asnjë interes tjetër nuk mund t’ju heqë të drejtën. Cila është e keqja e protestës? Asgjë e keqe, vetëm të mira, presion, kërkim llogarie, demostrim se guxojmë për njerëz të lirë. Të këqijat ndodhin kur nuk ka reagim.

Më 6 dhjetor zhvillohet samiti me vendet e BE, protestat në samite përvec se në vendet diktatoriale janë normale, janë ligj ne vendet e lira. Kudo ku ka takime liderësh ka protesta, qytetarët jo rrallë kanë kaluar në këto protesta në mosbindje civile, ka ndodhur në Athinë, Gjenova, Siatlle, e në shumë vende. Pak javë më parë amerikanët protestuan, në Bruksel kur po mbahej samiti i BE me Afrikën. Askush nuk i kritikoi,nuk i akuzoi si armiq, si agjentë të Kremlin, siç bën Rama. Me vezë me miell me bojë, kur kishte protesta, u përdorën.

Shqiptarët janë kundër krimit dhe korrupsionit të qeverisë së tyre. Protesta do tregojë se ne nuk dorëzohemi.

The post Protesta e 6 dhjetorit, Berisha: Do tregojë se ne nuk dorëzohemi, e keqja ndodh kur nuk ka reagim appeared first on Albeu.com.

Ai është shprehur i vendosur se protesta do të bëhet, ndërsa sa i përket vendit atë do e vendosin organizatorët.

Po ashtu Berisha preku edhe shembjen e “Prestige Resort”, të cilin e cilësoi si një akt kriminal, hakmarrje primitive dhe antiligjore të Edi Ramës ndaj pronave të biznesmenit Irfan Hysenbelliu, që po ashtu është edhe pronar mediash.

Pjesë nga fjala e Berishës:

Unë gjithashtu dua të denoncoj me forcën më të madh, aktin kriminal, hakmarrjen primitive, të turpshme, antiligjore, antikushtetuese të Edi Rramës ndaj pronave të biznesmenit Irfan Hysenbelliu, që është njëkohësisht pronar mediesh. Ju garantoj që kjo që shihni aty, nuk ka asnjë lidhje tjetër,përveç hakmarrjen e egër dhe primitive të Edi Ramës, për qëndrimin që këto media kanë mbajtur në informacionin për qytetarët shqiptarë. Unë kam këtu shkresën ku IKMT në vitin 2017, merr përgjigje se resorti po ndërtohet mbi bazën e një vendimi të Këshillit të Ministrave. Pra, ka leje dhe çdo gjë.

Ky akt i shëmtuar i një njeriu të sfazuar nga fakultetet mendore, i një njeriu që përfaqëson errësirën, arkaizmin më të thellë njerëzor në hakmarrje, është kjo që ndodh sot, në një ditë si kjo, që është një ditë e veçantë, se një burrështetas i një vendi të madh viziton vendin, ndërkohë që fadromat e një njeriu të verbër i futen një resorti ku PS ka zhvilluar dhjetëra e dhjetëra aktivitete elektorale. Një gjë ju siguroj, se do jenë taksapaguesit shqiptarë që do paguajnë urrejtjen e këtij karakteropati si në rastin e Agonit dhe në raste të tjera. Këtë herë do i paguajnë një për një, ne do bëjmë ligjin që çdo arbitrazh të dëmshpërblehet nga Edi Rama dhe Belinda Balluku.

Kjo vjen pas televizionit Ora, që ky i çoi Arapin e zi për xhandar. Ky është një njeri i çmendur nga fobia mediatike. Ky jeton i tmerruar për shkak të vjedhjeve që ka bërë. Ka firmosur jo si kryeministër, por si kryetar i një organizate kriminale. Por opozita shqiptare do bëjë gjithçka dhe do e hedhë atë ku e meriton.

Në këtë resort PS ka zhvilluar dhjetra ceremoni, këta meritojnë çdo fjalë, por njeriu nuk duhet që të prishë gojën e tij. Taksapaguesit shqiptar do të paguajnë gabimet e Edi Ramës, ndonëse ne do të bëjmë ligjin që pagesa të bëhet personalisht nga Edi Rama dhe Belinda Balluku. është një njeri i çmendur nga fobia mediatike, jeton i tmerruar për vjedhjet që ka bërë. Ka firmosur si kreu i një organizate kriminale. Protesta e 6 dhjetorit? Do jetë madhështore. Liderët europianë nuk janë si Edi Rama, e dinë se nga vota e lirë buron shteti ligjor. Ku do protestoj? është në dorën e protestuesëve dhe të organizatorëve, por ne sheshin nuk e lëshojmë./albeu.com

The post Protesta, Berisha i vendosur: Do të bëhet ku të vendosin organizatorët, Rama do paguajë nga xhepi për prishjen e “Prestige Resort” appeared first on Albeu.com.

Berisha tha protestën do ta shfrytëzojnë edhe për t’jua bëjnë të ditur liderëve të Europës se kryeministri Edi Rama është kryehajdut.

“Ky është cinik, ndjek ligjin e etërve të tij. Varfëroi që t’i shtypësh më lehtë apo ti largosh. Asnjë amendament nuk u pranua, por u pranuan fondet për ndërtim shkollash, rrugësh e shpenzime për fluturime të tjera, me shumëfishin e asaj që ndodh në Europë. U miratua me urgjencë grabitja e Portit të Durrësit. Pra, këto janë disa, por ne kemi 1001 arsye për të protestuar, për t’u thënë miqve nga e gjithë Europa se jeni të mirëseardhur, por me mikun flitet haptas. Ai burrë që  është ulur aty është kryehajdut i historisë së kombit shqiptar. Kurrë askush nuk e ka vjedhur këtë komb, siç po e vjedh Edi Rama. Kjo është detyrë është mision për t’jua thënë të gjithë të pranishme”, tha Berisha.

The post “E kemi detyrë dhe mision”, Berisha zbulon mesazhin që do t’u japë liderëve të BE në protestën e 6 dhjetorit appeared first on Albeu.com.

Dinën e sotme në një bashkëbisedim me qytetarët në Facebook, Berisha theksoi se ky është një vendim nul dhe nuk do të merret parasysh nga populli opozitar, i cili do të mbushë sheshin si kurrë më parë, sipas tij.

Berisha: Policia njoftoi se nuk njeh Kushtetutën dhe ligjet e vendit. Lidhur me këtë njoftim i rikujtoj këtyre vasalëve të Edi Ramës se Kushtetuta nuk njeh kufizime për protestat dhe liritë e qytetarëve. Krahas kësaj ka një vendim të GJK në të cilin ajo vendos se protestuesi nuk ka asnjë detyrim t’i drejtohet dhe të njoftojë policinë. Së treti, policia e Shtetit po e trajton samitin e liderëve të BE sikur këtu të mblidheshin të gjithë diktatorët e botës në një kohë kur të gjithë ata që vijnë në Tiranë, përveç Ramës, janë të zgjedhur me votën e lirë të qytetarëve të tyre.

Kërkoj publikisht që e drejta e qytetarëve shqiptarë për protestë të refuzoftë. Ai refuzim është nul, tregon fytyrën e vërtetë të këtij regjimi që është i tmerruar nga populli opozitar që më 6 dhjetor do mbushë Bulevardin si kurrë ë parë në historinë e tij. në orën 12:00 do të vërshojnë të gjithë ata që ëndrrën evropiane e kanë ëndrrën kryesore.

The post Policia e Shtetit i tha “JO” për protestën e 6 dhjetorit, kjo është përgjigja e Berishës appeared first on Albeu.com.

Mediu tha në “Radar Informativ” se nuk është pyetur dhe nuk i ëhstë marrë mendim për protestën, kështu që nuk do të jetë i pranishëm.

Njëkohësisht ai shprehu bindjen se data e protestës nuk është zgjedhur si një sinjal kundër BE-së, që mban samitin me vendet e rajonit në të njëjtën ditë.

“As nuk më ka pyetur njeri për datën 6 dhjetor, kështu që nuk kam pse të jem. Nuk kam pakënaqësi për asnjë proetstë që zhvillohet në Shqipëri. Opozita nuk duhet të shikojë protestën si qëllim në vetvete. Opozita duhet t’i ruhet kurtheve. Ajo që zhvillohet në 6 dhjetor nuk është kontribut i Edi Ranës, ka kontribut Sali Berisha, e djathta”, tha Mediu, duke iu referuar samiti të BE-së.

Megjithatë Mediu vuri në dukje se marrëdhënia e opozitës me faktorin europian nuk është mjaft solide, duke shtuar se në këtë kanë ndikuar edhe vendimet e viteve më parë për të braktisur institucionet dhe zgjedhjet.

“Nuk ka të bëjë me zotin Berisha. Edhe sipur ta kthejmë Lul Bashën ta organizonte Lul Basha, nuk e shmangim dot keqkuptimin”, tha Mediu.

Kreu i PR nuk mohoi një marrëveshje me Partinë Demokratike për zgjedhjet lokale të vitit të ardhshëm. Ai shprehu bindjen se opozita duhet të dalë me një kandidat të përbashkët, ndërsa për këshillat bashkiakë me lista të ndara.

“Opozita duhet të ketë një kandidat të vetëm. Nuk lejohen koalicionet e përbëra. Nëse hyjmë ashtu do futemi me lista të përbashkëta edhe për këshillat. Është e rëndësishme të kemi një kandidat të përbashkët për kryetar bashkie dhe nga ana tjetër secila parti politike të dalë me këshilltarët e vet. Këto parti duhet t’i bashkohet kandidatit për kryetar bashkie”, tha Mediu.

The post Nuk merr pjesë në protestën e Berishës, Mediu: Opozita të sqarojë partnerët mbi qëllimin e protestës, të shmangen keqkuptimet appeared first on Albeu.com.

Ai tha se protesta do të nisë në orën 12:00 ndërkohë që i bëri thirrje biznesmenëve të bëhen pjesë dhe të mos ndalojnë punonjësit e tyre të dalin në shesh kundër qeverisë së Edi Ramës.

Berisha shtoi se kjo protestë do i gjejë demokratët më të mobilizuar se kurrë për t’i treguar liderëve të Bashkimit Europian problemet me të cilat qytetarët shqiptarë përballen çdo ditë.

“Në burg i kishte bërtitur dy ditë më parë Mithat Hazbiut, për faktin se i kishte thënë pse vjen këtu dhe nuk shkon në Shkodër ku ka përmbytje. Humbet kontrollin dhe u thotë gardistëve në burg. Është një shembull nga më mikroskopikët nga qëndrimet e tij. Duam t’i japim rëndësi të jashtëzakonshme kësaj proteste. Zëri i popullit opozitar duhet të jetë paralele me zërin e përgjegjësit kryesor të dramës shqiptare që zhvillohet në dete dhe vende të tjera këtë periudhë.

Edi Rama de facto ka shkatërruar dhe shkatërron këtu vlerat europiane. Edi Rama është absolutisht përgjegjës penalisht për vepra të cilat shkojnë dhjetëra vjeçar, meritojnë dënime. A mund ta lërë opozita shqiptare pa paraqitur atë ditë të gjithë problematikën me vërtetësi. Të Shqipërisë dhe shqiptarëve. Kurrë nuk mund ta lërë. Unë kam bindjen se protesta jonë do të mirëpritet në mbarë opinionin publik dhe botëror dhe nga liderët e këtyre demokracive që për arsyet e tyre janë të mirësardhur në Shqipëri. Nuk ka asnjë diskutim.

Nga ana tjetër kjo përshëndetje e jona nuk ka asnjë lidhje me mikpritësin e tyre Edi Rama. Kjo përshëndetje e jona për një nderim që u bëjnë qytetarëve shqiptarë dhe mundësinë për të paraqitur problematikat më të mëdha që ka sot Shqipëria. Asnjë prej tyre në jetën e tij nuk u ka bërë thirrje policëve dilni mblidhni vota. Asnjë prej tyre nuk ka ndërtuar narkoshtet si Edi Rama. Këto janë të vërteta. Nuk i kemi shpikur ne. Janë analistë botërorë që i konstatojnë. Asnjë prej tyre nuk ka shkelmuar interesat botërore të vendit të tij. Asnjë prej tyre nuk ka vrarë shpresën e qytetarëve të tij dhe t’i kthejë në popull gomonesh. Protesta jonë është një mesazh i fuqishëm i shqiptarëve që ne nuk pajtohemi me këto. Ne qëndrojmë për vlerat europiane, për një Shqipëri të standardeve demokratike, të votës së lirë.

Ai që përfaqëson, ai që është sot kryeministër. Është një fatkeqësi kombëtare. Do të jemi në shesh. Kësaj radhe më të mobilizuar se kurrë. Sepse ditë pune është, ora 12 është. Por kur të thërret koha nuk ka asnjë apel. Kohës i përgjigjesh gjithnjë pa apel. Është forcë madhore. Këto data janë caktuar nga të tjerë. Ju bëj thirrje të gjithë qytetarëve të Tiranës, binzesnesmëve të Tiranës, të martën në 12:00 të gjithë në bulevard. Në rast se nuk vini vetë mos pengoni punonjësit tuaj”, tha Berisha.

The post Pas datës, Berisha zbulon dhe orën e protestës: Kësaj radhe do të jemi më të mobilizuar se kurrë appeared first on Albeu.com.

Në mbledhjen e kryesisë. Berisha deklaroi se këtë akt krerët e Bashkimit Europian ta marrin si një shenjë mikpritje.

Kreu i PL-së, Ilir Meta i pranishëm në Panairin e Librit ditën e sotme, u pyet nëse është dakord që protesta të zhvillohet më 6 dhjetor.

Ai tha se sot ndodhet në Panair vetëm për të folur për librat.

“Sot jemi te libri, jemi te heronjtë e shoqërisë sonë. Përshëndes të gjithë krijuesit. Punojnë shumë, sakrifikojnë shumë në një aktivitet që do e quaja kulturor. Duhet më shumë mbështetje që libri të ketë mundësi të preket nga sa më shumë lexues dhe fëmijë por përmes librit të formojmë qytetarë të denjë për vendin dhe garant të demokracisë dhe të ardhmes sonë që është vetëm europiane”, tha Meta.

The post A e mbështesni protestën e 6 dhjetorit? Ja si përgjigjet Meta appeared first on Albeu.com.