Grumbullimi i protestuesve është parashikuar të nisë në orën 19:00 në sheshin “Skënderbej”, ndërsa më pas marshimit do të vijojë drejt godinës së Kryeministrisë, ku protestuesit do të shprehin kërkesat e tyre.

Kërkesa kryesore e protestës mbetet dorëheqja e kryeministrit Edi Rama. Organizatorët kanë deklaruar se protestat do të vazhdojnë deri në përmbushjen e kësaj kërkese, duke ftuar qytetarët të marrin pjesë masivisht në atë që cilësohet si protesta e 34-t radhazi.

“Ju erdhi fundi”, është mesazhi që organizatorët kanë përcjellë në thirrjen e tyre për pjesëmarrje në protestën.

Në mënyrë të vazhdueshme organizatorët u kanë bërë thirrje qytetarëve nga i gjithë vendi, por edhe shqiptarëve të diasporës, që t’i bashkohen tubimit në Tiranë.

Kujtojmë që ditën e nesërme më 4 korrik është parashikuar një protestë kombëtare, ku pritet një pjesëmarrje e jashtëzakonshme.

The post Mbahet sot protesta e 34-t masive, qytetarët kërkojnë dorëheqjen e panegociueshme të Edi Ramës: Ju erdhi fundi appeared first on Albeu.com.