I pari që mori fjalën këtë mbrëmje ishte një figurë e njohur e PD-së sidomos në Elbasan, z. Ardian Turku, i cili iu drejtua qytetarëve me këto fjalë:

Kemi rreth 55 ditë që protestojmë këtu, ajka, e forcës politike, që quhet Parti Demokratike, e forcës opozitare, ajo pjesë që ka shpirtin që nuk e lëshon kurrë në luftën politike që po bën për mirëqënien e këtij vendi dhe këtij populli.

Kemi dëgjuar gjatë gjithë këtyre ditëve shumë etiketime si “mbështetës të Berishës”, “militantë të pamend” e të tjera si këto, po nuk ka problem fare për ne.

As ka pasur dhe as do të ketë. Le të na quajnë disa të tillë si të pamend, le të na quajnë “mbështetës të Berishës” apo “berishistë”, Po, të tillë jemi! E mbështesim Berishën dhe do ta mbështesim deri në fund!

Le të na quajnë militantë! Pse jo?! Jemi anëtarë të Partisë Demokratike, por nuk jemi të pamend, nuk jemi të papërgjegjshëm, nuk jemi të pandërgjegjshëm dhe këtë e kemi demonstruar edhe kur kemi qenë në pushtet.

Në fakt, ne patëm një protestë madhështorë në datën 20 shkurt.

Ishte rikujtimi i rënies së bustit të diktatorit, por nuk ishte vetëm kaq. Ishte për t’i kujtuar diktatorëve të ardhshëm apo atyre aktualë, me shenja të qeverisjes me natyrë diktatoriale, për t’i kujtuar se kështu do të bini dhe ju!” theksoi Ardian Turku.

The post Turku: E mbështesim Berishën dhe do ta mbështesim deri në fund! appeared first on Albeu.com.

Demokratë dhe qytetarë të tjera janë mbledhur para kryeministrisë, për të protestuar kundër qeverisë dhe kryeministrit Rama.

Kujtojmë që kjo është protesta e para e opozitës, ku nuk do të jetë i pranishëm fizikisht Sali Berisha, pasi ndodhet në arrest shtëpie që prej 30 dhjetorit 2023.

Por nga organizatorët e kësaj proteste është bërë e ditur se Sali Berisha do ti përshëndesë qytetarët me një fjalim nga shtëpia e tij.

The post Protesta e opozitës për herë të parë pa praninë e Sali Berishës appeared first on Albeu.com.

Bardhi: Pjesëmarrje masive e qytetarëve, protestë paqësore dhe me fëmijë e familjarë. Mesazhet do t’i shihni në shesh.

The post Bardhi pak para protestës së opozitës: Protestë paqësore dhe me fëmijë e familjarë appeared first on Albeu.com.

Në pamje duket se kanë nisur punimet për “izolimin” e Kryeministrisë, pikërisht aty ku do të nisë edhe protesta.

Kjo nuk është herë e para që merren këto masa, pasi edhe në protestat e mëparshme dera kryesore e Kryeministrisë është “blinduar”.

Pak ditë më parë ish-kryeministri Sali Berisha ka postuar sloganin e protestës së 20 shkurtit.

Ai i ka bërë thirrje shqiptarëve për mosbindje civile ndaj kryeministrit Edi Rama për dinjitetin e shqiptarëve.

The post Vetëm pak orë para protestës së opozitës, Rama merr masa duke “blinduar” institucionin appeared first on Albeu.com.

Berisha: Të dashur qëndrestarë dhe qëndrestare, misionarë të pamposhtur të përpjekjeve të shqiptarëve për tu çliruar nga një diktaturë e dytë, diktaturë e shëmtuar, diktaturë që po shkatërron qenien shqiptare më shumë se të gjitha pushtimet që shqiptarët kanë njohur në historinë e tyre. 20 shkurti është dita e shqiptarëve, është dita e betejës kundër tiranisë. Me 20 shkurt, mbi 100 mijë shqiptarë u bashkuan formuan një fuqi që vendi kurrë nuk e kishte parë, përmbysën simbolet e tiranisë më të egër që kishin përjetuar dhe çelën rrugën e 22 marsit, votës së lirë, triumfit të demokracisë. Ky 20 shkurt fton çdo shqiptar për të cilin është i çmuar liria dhe dinjiteti njerëzor, për të cilin është i çmuar Shqipëria dhe kombi të ngrihet me guxim, të vijë në Tiranë, kudo që ndodhet për një betejë pa kthim kundër regjimit që bazohet në krimin, vjedhjen e shqiptarëve, drogën, shkatërrimin e Shqipërisë dhe shqiptarëve. Me 20 shkurt ftoj mbarë qytetarët e këtij vendi të vijnë në Tiranë, sepse demokracia, sepse liria është pasuri e të gjitha pasurive.

Koha provoi se sot shqiptarët janë më të varfër, janë shpresëvrarë, largohen masivisht nga Shqipëria, janë qytetarët më të vjedhur në Europë. Votën e tyre e numërojnë bandat dhe banditët. Opozitën e tyre e shkatërroi mafia shqiptare dhe ndërkombëtare. Sot çdo shqiptar që do ta ndjejë veten të respektuar, dinjitetin e tij të respektuar duhet të bashkohet me ju, të bashkohet në Tiranë, në një betejë jetike për të rikthyer në Shqipëri vlerat e lirisë, votën e lirë, pluralizmin. Zhvillimet e dy viteve të fundit janë zhvillime dramatike në themelet e një rendi shoqëror. Janë zhvillime dramatike për të ardhmen e një kombi dhe një vendi, janë zhvillime të cilat faktojnë për çdo njeri vendosjen e një lloj diktature tjetër, diktaturës së krimit, drogës dhe vjedhjes së shqiptarëve. Opozita u sulmua barbarisht si askund tjetër, mafia më e fuqishme e botës u kontraktua për të shkatërruar opozitën shqiptare.

Qeveria me në krye, kryehajdutin e kombit bëri gjithçka që vendi të ishte pa opozitë. Por të gjitha këto dështuan. Sot opozitë jeni ju, opozitë janë qindra e mijëra shqiptarë të cilët bashkohen me ju, me 20 shkurt për ti dhënë ndëshkimin e merituar atyre të cilët donin një shqipëria pa opozitë, atyre të cilët asgjësuan çdo hapësirë për opozitën. Atyre të cilëve me firmat e tyre vjedhin çdo ditë, çdo muaj qindra milionë euro. Trajtojnë pasuritë publike si pronë private, njëlloj si në diktaturën më të egër. Atyre të cilët shkelmojnë mbi interesat kombëtare, mbjellin ndasi dhe bëjnë gjithçka që të asgjësojnë fuqinë e një kombi, të ardhmen e tij.

The post Sali Berisha fton shqiptarët në protestën e 20 Shkurtit kundër ‘shkatërrimit të Shqipërisë’ appeared first on Albeu.com.

Berisha: Për ju, për ne, për çdo shqiptar kudo që ndodhet, në Shqipëri, emigracion dhe diasporë. 20 shkurti më shumë se çdo gjë tjetër është dita e dinjitetit tonë. Sot ne jemi njerëzit më të përçmuar të Ballkanit, të Europës dhe më gjerë. Sot ne jemi njerëzit më të nëpërkëmbur. Regjimi që sundon Shqipërinë, kontrollon vullnetin dhe votën tonë. Shkatërron çdo ëndërr, mundësi dhe alternativë ndryshimi. Si asnjë komb tjetër ne përjetojmë një mobokraci, një diktaturë bande. 20 shkurti është dita të marrim Shqipërinë në dorë, është dita ti dalim vetes tonë, është dita të vendosim në piedestal dinjitetin tonë, është dita të ndahemi përgjithmonë nga tiranë të cilët përçmojnë dhe shkelmojnë dinjitetin dhe qenien tonë.

The post Berisha: 20 shkurti është dita të marrim Shqipërinë në dorë, të ndahemi përgjithmonë nga tiranë të cilët përçmojnë dinjitetin tonë. appeared first on Albeu.com.

“Njerëz të lirë e kurajozë që kanë shumë për të thënë, e që do ta thonë fjalen e tyre, do t’i japin zë shqetësimeve e halleve që kanë me 20 Shkurt, para kryeministrisë!”, shkruan Salianji”.

The post Salianji: Banorët e Luzit do u japin zë shqetësimeve që kanë në protestën e 20 shkurtit appeared first on Albeu.com.

Balliu theksoi se asgjë nuk e ndal më uraganin e shpresës, për t’u përballur me qeverinë e inceneratorëve.

Postimi i plotë i Koordinatorit të Rajonit të Tiranës, Klevis Balliu:

Sot, në mbledhje tek dega 9 në Tiranë, në kuadër të organizimit të protestës kombëtare më 20 shkurt. Asgjë nuk do ta ndal uraganin e shpresës. Përballja me qeverinë e inceneratorëve, që deboi shqiptarët nga Shqipëria është detyrë kombëtare.

The post Balliu: Përballja me qeverinë e inceneratorëve është detyrë kombëtare appeared first on Albeu.com.

Bardhi ka bërë thirrje për pjesëmarrje në protestën e 20 Shkurtit, kundër keqqeverisjes së Edi Ramës.

Postimi i plotë i Gazment Bardhit:

Në mbledhjen e Kryesisë së Degës Vau i Dejës gjetëm gadishmërinë për të qenë të gjithë sëbashku në protestën e 20 Shkurtit. Sulmi i vazhdueshëm ndaj strukturave tona atje, nga segmente të pushtetit dhe krimit të organizuar, jo vetëm nuk i ka gjunjëzuar demokratët por i ka dhënë më shumë energji dhe vendosmëri për tu përballur dhe për të fituar.

Ditën e martë, datë 20 Shkurt, ora 17:30, përpara Kryeministrisë, protestojmë kundër keqqeverisjes së Edi Ramës. ??✌️

The post Bardhi thirrje për protestë nga Vau i Dejës: Demokratët me më shumë energji dhe vendosmëri për tu përballur dhe për të fituar appeared first on Albeu.com.

Shehu thekson se në rajon është deformuar e drejta e votës si dhe janë forcuar autokracitë, ndërsa nënvizon se vizita nuk mund të interpretohet si “qokë” ndaj Ramës.

Reagimi i plotë:

“Blinken, vizite shume e rëndësishme per Shqipërinë e Rajonin! E drejtuesit te diplomacise se partnerit tone kryesor gjeopolitik, “kampionit” te demokracise e vlerave, ShBA! Vecanerisht e tille kjo ne keto momente te rrezikeshme per Rajonin, plot interferenca destabilizuese nga Lindja. Te shoqeruara nga provokacionet deri tek “inisiativat a projektet” me origjine dhe kah shtyrese prej andej, diametralisht te kunderta me ato te BE. Deformimesh te thella te demokracise, te drejtes e votes se lire ne vendin tone dhe keto hapesira! Me pasoja forcimin ne Rajon te autokracive e autokrateve te modelit lindor, te cilet dhe parlamentarizmin po e shkaterrojne, opoziten kerkojne ta emerojne! Qe pa dyshim behen pengesa serioze per te ardhmen tone Europiane e Perendimore. Ndesh keto jo vetem me interesat tona egzistenciale, por dhe me ato te vete ShBA, parimet e vlerat e saj.…Dhe ne sinkron me sa shkrova, desheroj tu them disa “zedhenesve” te Qeverise, qe me propaganden e deklaratat e tyre te zvjerdhura per kete eveniment… Ne fakt ja ulin vlerat e verteta asaj e mesazheve te rendesishme, qe transmeton. Sepse nje vizite e ketij nivel as nuk duhet te tentohet te interepretohet, ne fakt as nuk mundet te kete ngjyrat e nje “qoke” a “dekorate” per Ramen e qeverisjen e tij… Sic po degjoj me habi disa “obortare” te rregjimit, te kerkojne ta transformojne ate.

The post Tritan Shehu reagon për vizitën e Blinken në Tiranë: Vjen në një moment të rrezikshëm për rajonin appeared first on Albeu.com.