“Protesta e sotme nuk ka shumë ndryshime nga ditët e tjera, fokusi është ‘Dorëheqje, dorëheqje, dorëheqje’. Ky është fokusi kryesor”, deklaroi ai.

Aktivisti u ndal veçanërisht te situata e pensionistëve, duke theksuar se protesta e sotme i kushtohet në një masë të madhe brezit të tretë, që sipas tij po përballet me vështirësi.

Arben Kola: Protesta e sotme nuk ka shumë ndryshime nga ditët e tjera, fokusi është “DORËHEQJE, DORËHEQJE, DORËHEQJE”. Ky është fokusi kryesor. Në marshim, do ketë ndryshime të vogla, sepse disa kërkojnë më shumë, disa më pak.

Ne kemi ngelë, 10 milion shqiptarë, 6 milionë ide, 3 milionë platforma, 1 milionë që janë kandidat për të vol, diku te 500 mijë që janë kandidat për kryeministër, dhe nuk dimë se si të bëjmë.

Ju e dini që mosha e tretë, e prindërve tanë, janë të braktisur si rezultat i shpopullimit, janë të lënë pas dore me pensione qesharake, pa ilaçe pa gjë, i detyrohemi këtij brezi, i cili punoi, u përpoq për Shqipërinë, pavarësisht se u manipulua si nga sistemi i kaluar, si nga sistemi 35-vjeçar tani.

The post Protesta e 18-të për largimin e Ramës, Arben Kola: Fokusi është vetëm një, dorëheqje! Sot jemi në shesh për pensionistët appeared first on Albeu.com.

Për 17 ditë me radhë, qytetarët kanë protestuar në Tiranë, duke shprehur pakënaqësinë e tyre ndaj qeverisjes. Ashtu si në tubimet e mëparshme, edhe këtë mbrëmje pritet që pas qëndrimit për disa orë para Kryeministrisë, protestuesit të zhvillojnë një marshim nëpër rrugët kryesore të kryeqytetit, duke përcjellë mesazhet dhe kërkesat e tyre.

Gjatë marshimit, protestuesit kanë brohoritur vazhdimisht thirrjet “Dorëheqje”, “Edi Rama o tradhtar, jep dorëheqjen sa më parë”, “Edi Rama, prite popullin se po vjen”, “Rama në burg, Berisha në burg”, si dhe “Rama jep dorëheqjen”.

Gjatë ditëve të protestës, qytetarët kanë artikuluar pesë kërkesa kryesore: largimin e qeverisë, shfuqizimin e statusit dhe kuadrit ligjor për investitorët strategjikë, anulimin e Paketës së Maleve, anulimin e ndryshimeve në Ligjin për Zonat e Mbrojtura dhe anulimin e ndryshimeve në Ligjin për Trashëgiminë Kulturore.

The post “Dorëheqje pa kompromis e Edi Ramës”, mbahet sot protesta e 18-të për largimin e kryeministrit appeared first on Albeu.com.