Më tej, Berisha tha se Edi Rama e e përdori McGonigal si vrasës me pagesë kundër opozitës

“Protesta e 11 shkurtit ka ngjallur shpresat e shqiptarëve kudo që janë. Protestë e cila ka një interes të madh në mbarë botën. Afera “Rama McGonigal” është një aferë botërore. Është një aferë që ka tronditur në fushën e sigurisë, jo vetëm marrëdhëniet bilaterale, por ka tronditur këtë fushë për SHBA-në, për vendet anëtare të NATO-s dhe vendet e lira në tërësi. Aktin që ka bërë Edi Rama, mund ta ndërmerrte vetëm një fuqi armiqësore ndaj SHBA-së. Vetëm një vend armik mund të projektonte dhe t’i lejonte vetes t’i korruptojë njeriun më të çmuar të kundërzbulimit, vendit me përgjegjësi kryesore të botës. Me përmasa, kjo tejkalon çdo imagjinatë për një vend të lirë.

Secili nga ju, në rast se i shtroni pyetjen vetes, si ka mundësi që ky njeri t’i lejojë vetes një akt të tillë? Ka vetëm një përgjigje, në keqësinë e tij, Edi Rama s’njeh asnjë kufi. Nuk ka asnjë normë, asnjë virtyt. Njeriu që haptaz deklaron se është i aftë të kryejë akte që kurrë njerëz me moral normal nuk i kryejnë. I lejon vetes çdo lloj akti në funksion të pushtetit të vetë. Kjo përbën një fatkeqësi të jashtëzakonshme për një komb dhe një shoqëri. Kur një kryeministër i lejon vetes çdo akt dhe veprim për të ruajtur karrigen e tij, ai nuk e dorëzon pushtetin në asnjë mënyrë. Ai njeh vetëm gjuhën e forcës dhe frikës.

Kjo ishte për trajtimin e problemit madhor. Tragjike është se viktimat më direkte, më të dhimbshme të kësaj afere janë demokratët shqiptarë, opozitarët shqiptarë. Kjo është e vërteta. Edi Rama, e përdori McGonigal për t’i futur një thikë, e përdori si vrasës me pagesë kundër nesh. Jo një Duman, por një McGonigal që merr përsipër të hetojë lobistin me qëllimin e vetëm për të vendosur PD-në në xhep të Edi Ramës”, tha Berisha./albeu.com

The post “Protesta e 11 shkurtit ka ngjallur shpresat e shqiptarëve”, Berisha: Rama e përdori McGonigal si vrasës me pagesë kundër nesh appeared first on Albeu.com.

“Nuk ka më mazhorancë.

Mazhoranca është më 11 shkurt në Bulevardin “Dëshmorët e Kombit”. Të gjithë shqiptarët do të jenë bashkë kundër këtij Kryeministri mafioz që paratë e tyre i përdor për të shkatërruar pluralizmin dhe demokracinë.

Të gjithë kundër Kryeministrit që vjedh, poshtëron dhe dëbon shqiptarët! #NdryshimMeCdoCmim”, shkruan Meta.

Kujtojmë se pas një takimi në selinë blu, kreu i PD-së Sali Berisha dhe kreu i PL-së Ilir Meta kanë vendosur të zhvillojnë protestë më 11 shkurt për rrëzimin e qeverisë Rama.

Berisha dhe Meta, në zgjedhjet e 14 majit, kanë hyrë me kandidatë të përbashkët nën logon e PD-së, ndërsa ende Gjykata nuk ka marrë vendim se kujt i takon vula, PD-së së Berishës apo PD-së Alibeajt. Ky i fundit gjithashtu ka nxjerrë kandidatët e tij për zgjedhjet lokale si dhe ka dorëzuar në KQZ anëtarët e KZAZ njësoj siç ka vepruar PS, PD dhe PL.

The post Protesta, Meta: Mazhoranca është më 11 shkurt në Bulevardin “Dëshmorët e Kombit” appeared first on Albeu.com.

Ai gjithashtu ftoi qytetarët t’i bashkohen protestës së 11 shkurtit.

“Përgjegjësi kryesor për renditjen e Shqipërisë të parën në kontinent për korrupsionin dhe të dytën në botë për ryshfetin është Edi Rama. Sot është jetike dhe vendimtare largimi i tij, si armiku më i egër i lirive dhe të drejtave të shqiptarëve, i shtetit ligjor dhe demokracisë në vend.

Edi Rama është i provuar botërisht se me paratë e korrupsionit ka financuar trafikun e influencës dhe ka shfrytëzuar postin e tij për të mbajtur në mënyrë të paligjshme dhe mafioze pushtetin, duke korruptuar deri edhe një ish-zyrtar të lartë të FBI dhe kompromentuar rëndë marrëdhëniet me SHBA, që për të kanë qenë gjithmonë marrëdhënie aferash dhe jo vlerash.

Ndaj i ftojmë të gjithë shqiptarët të bashkohen në 11 shkurt, në ora 12:00 në një protestë kombëtare kundër këtij regjimi që sillet ndaj shqiptarëve në mënyrën më ç’njerëzore duke i vjedhur ata në mënyrë të pamëshirë dhe duke i përzënë nga vendi i tyre përmes një axhende antikombëtare shpopullimi. Opozita do të jetë në këmbë kundër këtij armiku të lirive të tyre deri në largimin përfundimtar të këtij regjimi mafioz dhe të korruptuar në çdo qelizë”, tha Meta.

The post “Rama me paratë e korrupsionit ka mbajtur pushtetin”, Meta: Më 11 shkurt shqiptarët të na bashkohen në shesh appeared first on Albeu.com.