Në një deklaratë publike, ai vlerësoi profesionalizmin dhe vetëpërmbajtjen e efektivëve, duke theksuar se u arrit të neutralizohen menjëherë personat që përdorën molotovë gjatë protestës.

Sipas tij, individë të caktuar nga protesta tentuan të përshkallëzojnë situatën dhe të krijojnë tensione, duke rrezikuar sigurinë publike dhe jetën e punonjësve të policisë.

Reagim i ministrit të Punëve të Brendshme, Besfort Lamallari:

“Përgëzime Policisë së Shtetit për reagimin profesional, vetëpërmbajtjen dhe neutralizimin e menjëhershëm të molotovarëve të përdorur si mish për top për të djegur qytetin, për të nxirë vendin dhe për të rrezikuar jetën e efektivëve me uniformë.

Shqipëria nuk do të merret peng nga një pakicë që nuk ngurron të përdorë të miturit për të djegur dhe për të fshehur dështimin e vet.

Mes atyre që ndërtojnë të ardhmen europiane të vendit dhe atyre që kërkojnë ta djegin atë, zgjedhja është tashmë e qartë nga mbarë shqiptarët”

The post Protesta e opozitës, Ministri i Brendshëm: U neutralizuan menjëherë personat me molotov, s’do lejojmë destabilizim appeared first on Albeu.com.

Ai është shoqëruar nga qindra mbështetës, të cilët ishin mbledhur në selinë e PD-së dhe është nisur drejt bulevardit për t’iu bashkuar protestës.

The post Nis protesta e opozitës/ Berisha del nga selia e PD-së dhe i drejtohet bulevardit appeared first on Albeu.com.

Tubimi është njoftuar nga Partia Demokratike e Shqipërisë dhe do të zgjasë deri në orën 22:00, në bulevardin “Dëshmorët e Kombit”.

Policia e Tiranës ka marrë masa për mbarëvajtjen e protestës dhe ka paralajmëruar kufizime në qarkullimin e automjeteve në disa akse kryesore të qytetit.

Që prej mbrëmjes së një dite më parë është ndaluar parkimi në një pjesë të bulevardit, ndërsa gjatë pasdites së sotme do të bllokohen disa rrugë përreth zonës së protestës.

Ndër segmentet që preken janë bulevardi “Dëshmorët e Kombit”, nga zona pranë Ministrisë së Brendshme deri te sheshi “Nënë Tereza”, si dhe rrugët “Ukraina e Lirë”, “Papa Gjon Pali II” dhe “Ismail Qemali”.

Policia u ka kërkuar organizatorëve të respektojnë orarin dhe vendin e tubimit, ndërsa qytetarëve u është bërë thirrje për mirëkuptim për shkak të kufizimeve në lëvizje. Po ashtu, është kërkuar që të shmangen çdo veprim që mund të prishë rendin dhe sigurinë gjatë protestës.
Njoftimi i policisë:

Përfaqësues të subjektit politik Partia Demokratike e Shqipërisë kanë njoftuar Policinë e Tiranës për zhvillimin e një tubimi, më datë 17.04.2026, nga ora 19:00 deri në orën 22:00, në bulevardin “Dëshmorët e Kombit”, para godinës së Kryeministrisë.

Në bazë të ligjit “Për tubimet”, Policia e Tiranës ka marrë masat me qëllim garantimin e mbarëvajtjes së tubimit në vendin dhe afatin kohor të kërkuar.

Në zbatim të këtyre masave, ditën e sotme dhe të nesërme, do të kufizohet lëvizja në disa akse/segmente rrugore, konkretisht:

nga ora 23:45 e datës 16.04.2026 deri në përfundim të tubimit, do të bllokohet lëvizja dhe nuk do të lejohet parkimi i automjeteve në bulevardin “Dëshmorët e Kombit”,
nga vendi i quajtur “Ura e Dajtit” deri në rrugën “Ismail Qemali”;
nga ora 15:00 e datës 17.04.2026 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër

Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.
Policia e Tiranës apelon për organizatorët e tubimit për respektimin e afatit kohor dhe vendit ku do të zhvillohet tubimi, si dhe kërkon mirëkuptimin e qytetarëve për kufizimin e lëvizjes me automjete.

Gjithashtu, apelon që të distancohen në rast se gjenden përballë veprimeve të kundërligjshme që cenojnë rendin dhe sigurinë publike.

The post OPOZITA I RIKTHEHET SHESHIT/ Çfarë pritet të ndodhë sot pasdite para Kryeministrisë? Masat e policisë dhe rrugët që do bllokohen në Tiranë appeared first on Albeu.com.

Në një deklaratë për shtyp, Berisha u shpreh se, me Edi Ramën nuk ka paqe, ka vetëm betejë gjer në largimin e tij nga pushteti. Kryedemokrati gjithashtu theksoi se, Partia Demokratike është partia që ka marrë përsipër misionin për përmbysjen e këtij regjimi.

“*Ardit Hoxha, EuroNews: A mund të sqaroni pak incidentin që ndodhi me ju personalisht, çfarë ju hodhën, spraj, gaz lotësjellës?*

*Sali Berisha:* Ajo që bëri Edi Rama ishte një akt i shëmtuar, por ajo vetëm sa rrit vendosmërinë e kryengritësve paqësore për ta hedhur sa më shpejt në Lanë atë dhe regjimin e tij.
Ne jemi në një betejë dhe në këtë betejë ne nuk kemi të ndaluar.
Sot ne fituam një betejë, sot ne zhvilluam betejën më të bukur në tërë ekzistencën tonë, por edhe më madhështore dhe e fuqishme do të jetë ajo vjen.

*Ardit Hoxha, EuroNews: Kur…*

*Sali Berisha:* Shumë shpejt do e njoftojmë. Nuk ka paqe me Edi Ramën. Me Edi Ramën ka vetëm betejë gjer në largimin e tij nga pushteti së bashku me hajdutët që e rrethojnë.
Ndaj dhe një mirënjohje të pakufishme ndaj jush, ndaj të gjithë atyre qytetarë që u bënë zëri i Shqipërisë, zëri i kombit shqiptar me protestën e tyre.
Le të vazhdojmë ne këtë betejë gjer në fitoren tonë të plotë.
T’i shporrim këta kusarë që nuk kanë ligj, as moral.
Edhe njëherë, mirënjohje ndaj jush, të vazhdojmë betejën.
Fitorja është e jona.
Ishte një demonstratë e shkëlqyer.
Domethënë tejkaloi çdo lloj projekti. Tjetra do jetë edhe më madhështore. Më e shkëlqyer.
Nuk ka paqe më.
Për Edi Ramën ka vetëm atë që meriton dhe shumë shpejt.
Atëherë pra, mirënjohje ndaj jush dhe ndaj të gjithë atyre që u angazhuan në këtë betejë epike.
Demokratët nuk mposhten kurrë.

*Daniela Maloku, ReportTv: A funksionon kjo lloj proteste, protesta marshim, apo mbase do të ishte më mirë që qytetarët të kishin dëgjuar dhe fjalimet tuaja.PD në broshurat që ka shpërndarë ka shkruar si arsye për të protestuar edhe rritje të çmimit të naftës. Sot nuk u dëgjua asnjë fjalim. A mos do ishte më mirë që të ktheheshim tek kjo lloj proteste.*

*Sali Berisha:* Tani, PD është partia që ka marrë përsipër misionin për përmbysjen e këtij regjimi.
Në mënyrë absolute agjenda e saj do të shkojë gjithnjë duke u pasuruar dhe duke mbrojtur interesat jetike të qytetarëve shqiptare.
Por ajo që është imperative, ajo që është jetike largimi me urgjencë i Edi Ramës dhe bandës së tij nga pushteti.
Mirupafshim së shpejti tani në betejën tjetër.”,tha Berisha.

The post Berisha: Nuk ka paqe me Edi Ramën! Beteja tjetër do jetë edhe më madhështore dhe më e fuqishme appeared first on Albeu.com.

Shkak për tubimin ishte Ligji për të huajt dhe Ligji për automjetet, të cilët hyrën në fuqi në Kosovë më 15 mars. Protestuesit thanë se këto ligje do të ndikojnë negativisht tek anëtarët e minoritetit serb në Kosovë, por edhe te sektori i shëndetësisë dhe arsimit, që në zonat e banuara me serb në Kosovë funksionojnë sipas sistemit të Serbisë.

Sipas gazetarëve në terren të Radios Evropa e Lirë, qindra persona u mblodhën pranë Presidencës së Serbisë në qendër të kryeqytetit serb, Beograd, nga ku, pas fjalimeve, nisën një marsh drejt Ambasadës së Federatës Ruse, për ta falënderuar Kremlinin, i cili nuk e njeh pavarësinë e Kosovës.

Rreth 200 të pranishëm valëvitën flamuj të Serbisë, por edhe flamuj me portretin e presidentit rus, Vladimir Putin. Nga altoparlantët u dëgjuan këngë nacionaliste, ndërsa të tubuarit brohoritën “Kosovën nuk e dorëzojmë” dhe “Tradhti”.

Midis të pranishmëve ishte edhe deputeti i Parlamentit të Serbisë, Branimir Nestoroviq, nga partia opozitare parlamentare “Ne, zëri i popullit”.

Cilat ishin mesazhet e protestës?

Gjatë protestës, foli edhe Slobodan Samarxhiq, profesor në Fakultetin e Shkencave Politike në Beograd, i cili tha se autoritetet në Serbi “kanë lënë pas dore” shëndetësinë dhe arsimin, që siç tha ai, janë nën kontroll në veri të Kosovë.

“Atje [në Kosovë] dhuna është e përditshme, njerëzit vuajnë, nuk kanë paratë e tyre. Atje është larguar çdo gjë serbe që mund të hiqej. Dhe tani po përfundojmë me institucionet e arsimit dhe shëndetësisë”, pretendoi Samarxhiq.

Zbatimi i plotë i Ligjit për të huajt dhe atij për automjete nisi më 15 mars në Kosovë.

Qeveria e Kosovës ka vendosur të krijojë lehtësira, duke lëshuar leje të përkohshme qëndrimi për 12 muaj për pjesëtarët e komunitetit serb që nuk kanë dokumente të Kosovës dhe t’ua njohë letërnjoftimet që atyre u lëshohen nga organet serbe, duke lehtësuar kështu ndikimin e zbatimit të Ligjit për të huaj.

Këto lehtësira u mirëpritën nga Serbia, Bashkimi Evropian, Shtetet e Bashkuara dhe Mbretëria e Bashkuar.

Ligji për të huajt do të prekë anëtarët e komunitetit serb që nuk kanë dokumente kosovare, por jetojnë, punojnë ose studiojnë në Kosovë. Për shembull, në Universitetin e Mitrovicës së Veriut – i cili funksionon sipas sistemit të Serbinë – punojnë ose studiojnë qytetarë të Serbisë, do të duhet të kenë leje pune ose leje qëndrimi.

Në praktikë, marrja e lejes për punë ose studime mund të jetë problematike, sepse Kosova nuk i njeh institucionet e Serbisë, duke i konsideruar ato si paralele dhe të paligjshme.

Në tubimin në Beograd foli edhe Lluka Arsenijeviq, student i Fakultetit të Shkencave Politike në Beograd, i cili tha se të rinjtë e mbajnë Kosovën “në zemër, mendje dhe lutje”.

“Vazhdojmë të shohim se si do të zgjidhet problemi që kanë krijuar ata që ishin para nesh. Kur ne të marrim pushtetin, një këngë tjetër do të këndohet këtu dhe në Kosovë”, tha ai.

Në profilin zyrtar në Instagram të “Studentëve protestues” nuk është bërë thirrje për protestën e organizuar nga partitë dhe organizatat e të djathtës ekstreme.

Në tubim foli edhe udhëheqësi i grupit ultradjathtist serb, Obraz, Mlladen Obradoviq.

Obradoviq, i cili ka drejtuar organizatën e ndaluar Obraz, tha se njerëzit u mblodhën për të “shpërfaqur gënjeshtrat” e presidentit të Serbisë “se ai ka fituar [ndaj kryeministrin e Kosovës, Albin Kurti] duke detyruar serbët të marrin dokumente separatiste nga Kosova dhe Metohia”.

“Çfarë fitore është kjo, të detyrosh popullin të marrë dokumente të një shteti tjetër? Ne nuk pranojmë këtë”, tha Obradoviq.

Pas fjalimeve, protestuesit marshuan drejt Ambasadës së Federatës Ruse në Beograd, për të falënderuar, sipas Obradoviq, “vëllezërit rusë”.

Obradoviq ka udhëhequr lëvizjen Obraz, e cila nga Ministria e Punëve të Brendshme të Serbisë në vitin 2005 u klasifikua si organizatë fashiste.

Gjykata Kushtetuese e Serbisë e ndaloi funksionimin e kësaj organizate në vitin 2012. Në Serbi, kjo organizatë veproi fillimisht joformalisht me emër paska të ndryshuar, ndërsa nga viti 2019 është regjistruar zyrtarisht.

Obradoviq ka qenë një nga organizatorët e disa demonstratave kundër komunitetit LGBT, protestave kundër ekspozitave të artistëve nga Kosova, si dhe tubimeve në mbështetje të të dënuarve nga Gjykata e Hagës, Ratko Mlladiq dhe Radovan Karaxhiq./REL

The post 13 parti dhe lëvizje të së djathtës serbe protestojnë në Beograd kundër Ligjit për të huajt në Kosovë appeared first on Albeu.com.

Ndërkohë, policia iu kundërpërgjigj me ujë me piper dhe gaz lotsjellës protestuesve. Një prej goditjeve të shi hedhësve me ujë me piper, ishte edhe drejt kreut të PD-së Berisha dhe grupit që e shoqëront

The post Protesta zhvendoset te parlamenti, policia hodhi ujë me piper drejt Berishës te Kryeministria appeared first on Albeu.com.

Opozita ka thirrur sot protestën kombëtare kundër Edi Ramës dhe qeverisë së tij, duk kërkuar largimin e tij nga detyra.

The post Protesta kombëtare, Berisha mbërrin në selinë e PD, pritet me entuziazëm appeared first on Albeu.com.

Mynihu, Los Anxhelosi dhe Toronto panë turmat më të mëdha, me protesta më të vogla në qytete duke përfshirë Tel Avivin, Lisbonën, Sidnein dhe Londrën. Vlerësohet se më shumë se 6,000 njerëz janë vrarë pasi iu bashkuan demonstratave kundër kostos në rritje të jetesës në Iran, të cilat u shndërruan në një lëvizje më të gjerë antiqeveritare.

Pahlavi i tha turmës, “Mesazhi im i parë është për bashkatdhetarët tanë të guximshëm dhe luftëtarë brenda vendit: dijeni se nuk jeni vetëm, dhe sot bota është me ju në këtë luftë. Në dallim nga ky regjim i korruptuar, shtypës dhe vrasës fëmijësh, ju përfaqësoni një kulturë dhe qytetërim të madh, dhe në një Iran të lirë të së nesërmes do t’i provoni botës se çfarë kombi i madh jemi.”

Në Toronto, ku rreth 350,000 njerëz u bashkuan në një demonstratë, pjesëmarrësit i thanë BBC Persian se ishin atje për të folur në emër të miqve dhe familjes brenda Iranit. Protestat në rrugë shpërthyen në Iran më 28 dhjetor, fillimisht të nxitura nga trazirat ekonomike dhe të nxitura nga pakënaqësia afatgjatë me udhëheqësit e vendit.

Agjencia e Lajmeve të Aktivistëve të të Drejtave të Njeriut (HRANA) me seli në SHBA ka konfirmuar vdekjen e 6,872 protestuesve, përfshirë më shumë se 150 fëmijë. Autoritetet iraniane kanë pranuar se të paktën 3,000 njerëz u vranë , por kanë pohuar se disa prej tyre ishin anëtarë të forcave të sigurisë së vendit. Shumë demonstrues në Iran kanë brohoritur emrin e Pahlavi-t dhe kanë bërë thirrje për rikthimin e tij në udhëheqjen politike.

I përgatitur që nga lindja për të trashëguar fronin, Pahlavi ishte 18 vjeç kur revolucioni islamik i vitit 1979 rrëzoi monarkinë e babait të tij. Pothuajse 50 vjet më vonë, Pahlavi po kërkon përsëri të formësojë të ardhmen e vendit të tij. Por kritikët vënë në pikëpyetje nëse vizioni i tij për Iranin do të çonte përfundimisht në një republikë demokratike apo do të rrezikonte rivendosjen e një monarkie, një akuzë që ai e ka mohuar vazhdimisht.

The post Nga Mynihu në Toronto! Qindra mijëra njerëz protestojnë për përmbysjen e qeverisë së Iranit appeared first on Albeu.com.

Sikurse shihet në videon e përcjellë nga gazetarja Elda Menga, e cila ndodhet në terren, protestuesit janë konfliktuar edhe me qytetarë, duke u penguar kalimin në rrugë.

Në pamje duket momenti kur një automjet tenton të kalojë, por pengohet nga protestuesit.

The post Protestuesit përplasen edhe me qytetarët, nuk i lënë të kalojnë, gjuajnë me grushte drejt makinës appeared first on Albeu.com.

Molotovi u hodh në mes të turmës ku kishte protestues, por edhe punonjës policie.

Ndërkohë policia ka ndërhyrë me gaz lotsjellës dhe autobote me ujë për të shuar flakët dhe për të shpërndarë protestuesit.

The post Flakë e tym, përkeqësohet situata para Parlamentit, hidhet molotov dhe fishekzjarrë! Policia përgjigjet me gaz lotsjellës dhe ujë appeared first on Albeu.com.