propozimi frances Archives - Albeu.com

Propozimi francez, me flamuj e pankarta në duar, rinisin protestat në Shkup

E S — Mon, 11 Jul 2022 18:46:11 +0000

Ka filluar sërish protesta e opozitës maqedonase kundër propozimit francez. Alsat.mk shkruan se shumë persona janë mbledhur për ta kundërshtuar këtë propozim. Kjo është dita e tetë e protestes, ndërkohë që gjatë javës së kaluar protestuesit janë radikalizuar.

Gjatë protestës së sotme, qytetarët kanë ironizuar dhe ministrin e Jashtëm shqiptar në Maqedoninë e Veriut Bujar Osmanin duke shkruar në pankarta ‘Bullgar Osmani – partizanët po vijnë’.

Më 30 qershor, qeveria e Maqedonisë së Veriut pranoi një propozim të modifikuar nga presidenca franceze, pas së cilës filloi një proces konsultimi, fillimisht me qeverinë dhe partnerët e koalicionit, e më pas me presidentin, parlamentin, opozitën, si dhe me sektorin civil. Kryeministri i Maqedonisë së Veriut, Dimitar Kovaçevski, deklaroi se propozimi i modifikuar përfshin vërejtjet dhe qëndrimet e konstruktuara qartë të palës maqedonase, parasheh një pranim të qartë dhe pa mëdyshje të gjuhës maqedonase, si dhe atë që protokolli me Bullgarinë të mos jetë pjesë e kornizës negociuese.Presidenti francez, Emmanuel Macron, presidenca e të cilit hartoi propozimin, beson se me propozimin është gjetur një zgjidhje kompromisi për të dyja palët.Propozimi francez është një dokument që duhet të çojë në heqjen e vetos 2-vjeçare të Bullgarisë për integrimin e Maqedonisë së Veriut në BE./albeu.com

The post Propozimi francez, me flamuj e pankarta në duar, rinisin protestat në Shkup appeared first on Albeu.com.

Petkov: Shkupi të pranojë propozimin francez

E S — Sun, 10 Jul 2022 20:38:57 +0000

Kryeministri bullgar në largim, Kiril Petkov tha të dielën se propozimi francez për zgjidhjen e kontestit me Maqedoninë e Veriut është jashtëzakonisht i mirë për Sofjen.

Petkov në një intervistë për televizionin bullgar, BTV tha se “për Maqedoninë e Veriut për momentin është shumë e vështirë të pranohen ato pozicione”, por sipas tij “ky vend duhet ta bëjë këtë dhe të zgjedhë rrugën evropiane”.

Ai tha se “do të ishte e tmerrshme nëse Shqipëria vazhdon procesin e anëtarësimit në BE dhe Maqedonia e Veriut mbetet jashtë saj”.

“Në Maqedoninë e Veriut duhet të kuptojnë se nëse duan të zhvillohen, rruga evropiane është e vetmja rrugë për atë vend”, ka deklaruar Petkov.

Propozimi francez për fillimin e negociatave me BE-në pritet të shqyrtohet javën e ardhshme nga deputetët në Kuvendin e Maqedonisë.

Kryetari i Kuvendit, Talat Xhaferi, tha të premten, më 8 korrik, se në koordinimin e rregullt të së hënës në Kuvend, duhet të diskutohet se kur mund të mbahet seancë plenare për informimin e qeverisë për propozimin e kornizës negociuese për negociatat e anëtarësimit me BE-në.

Më 30 qershor, qeveria publikoi propozimin francez për fillimin e negociatave ndërmjet Maqedonisë së Veriut dhe BE-së, i përbërë nga tre dokumente, pas së cilës filluan protestat në Shkup ku morën pjesë mijëra qytetarë nën moton “Stop bullgarizimit të Maqedonisë”.

Protestat janë bërë nga partitë opozitare VMRO-DPMNE dhe “E Majta”, të cilat propozimin e vlerësojnë të dëmshëm për interesat shtetërore dhe kombëtare maqedonase.

Partitë në pushtet kanë thënë se ky është propozimi më i mirë që garanton gjuhën maqedonase sikur edhe identitetin dhe të kaluarën historike andej edhe duhet të pranohet që Maqedonia e Veriut të mos lëshoj mundësinë për zhbllokimin e procesit integrues.

Ambasadorja amerikane në Shkup, Kate Marie Byrnes, të premten përmes një letre të hapur drejtuar qytetarëve të Maqedonisë së Veriut, ka bërë thirrje që të pranohet propozimin e Francës për zgjidhjen e kontestit me Bullgarinë, gjë që do t’i hapte derën integrimit evropian.

Mesazh të njëjtë ka drejtuar edhe presidenti i Francës, Emmanuel Macron. Ai tha të enjten se “propozimi francez është i përsosur”, por se e fut vendin në Bashkimin Evropian. /Rel

The post Petkov: Shkupi të pranojë propozimin francez appeared first on Albeu.com.

Propozimi francez, rinis protesta në Maqedoninë e Veriut

E S — Sun, 10 Jul 2022 17:41:06 +0000

Ka filluar sërish protesta e opozitës maqedonase kundër propozimit francez, shkruan Alsat.

Shumë persona janë mbledhur për ta kundërshtuar këtë propozim.

Kjo është dita e tetë e protestes, derisa kujtojmë se gjatë javës së kaluar protestuesit janë radikalizuar.

Qytetarë me flamuj të shpalosur të Maqedonisë dhe bluza me të shkruar “JO”, si dhe “Të brohorasim për Maqedoninë”, janë pjesë e pjesëmarrësve në protestën kundër propozimit francez që filloi para Qeverisë.

Në protesta shihen edhe pankartat “Përsëri ne do të fitojmë” dhe “Stop bullgarizimit”, “Nuk negociojmë me fashistët”.

Sipas njoftimeve, është paraparë fjalim i kryetarit të OBRM-PDUKM-së, Hristijan Mickoski, menjëherë pas fillimit të marshit protestues.

Të pranishmit nga Qeveria do të drejtohen drejt Ministrisë së Drejtësisë, ku pritet të shprehin mesazhet e tyre dhe më pas do të vazhdojnë para Kuvendit./albeu.com

The post Propozimi francez, rinis protesta në Maqedoninë e Veriut appeared first on Albeu.com.