Në seancën e 298-të të mbajtur të hënën, Këshilli Prokurorial i Kosovës (KPK) zgjodhi Zejnullah Gashin si kandidatin për Kryeprokuror të Shtetit, duke ia propozuar për dekretim ushtrueses së detyrës së presidentes, Albulena Haxhiu.

Gashi siguroi shumicën e nevojshme prej pesë votash, ndërkohë që Rafet Halimi mori vetëm një votë, kurse tre kandidatët e tjerë mbetën pa asnjë votë.

Pas përfundimit të votimit, KPK-ja i përcolli emrin e Gashit organit kompetent për t’u dekretuar në krye të sistemit prokurorial.

Gara për këtë pozitë përfshiu pesë prokurorë: Atdhe Dema, Naim Abazi, Rafet Halimi, Shqipdon Fazliu dhe Zejnullah Gashi, njofton “Betimi për Drejtësi”.

Kryesuesi i KPK-së, Arian Gashi, bëri të ditur se Paneli Vlerësues, me mbështetjen e Sekretariatit, dorëzoi listën e kandidatëve dhe më pas hapi dosjet e aplikimit me gjithë dokumentacionin përkatës.

Ai sqaroi se pas shqyrtimit, Paneli konstatoi se të pesë kandidatët përmbushnin kushtet për të drejtuar Prokurorinë e Shtetit, listë kjo që u miratua nga Këshilli.

Në vijim, u publikuan dokumentet konceptuale të secilit konkurrent dhe u zhvillua procesi i intervistimit, i cili u monitorua nga partnerët ndërkombëtarë dhe organizata të shoqërisë civile, pas ftesës së hapur.

Sipas kryesuesit Gashi, intervistat i kreu Paneli në mënyrë tërësisht të pavarur, duke i renditur kandidatët me pikët përkatëse: Zejnullah Gashi 91.6 pikë, Atdhe Dema 89.3 pikë, Naim Abazi 89 pikë, Rafet Halimi 87 pikë dhe Shqipdon Fazliu 86.3 pikë.

Pas njoftimit për të drejtën e ankesës, u hartua raporti përfundimtar që rekomandoi listën me emrat: Zejnullah Gashi, Atdhe Dema, Naim Abazi, Rafet Halimi dhe Shqipdon Fazliu.

Më pas, Këshilli kaloi në votim të fshehtë, ku vetëm anëtari Milot Krasniqi abstenoi, duke përmendur qëndrimet e tij të mëparshme lidhur me këtë procedurë.

Rezultatet e intervistave u bënë publike më 1 korrik 2026, me të njëjtën renditje pikësh: Gashi 91.6, Dema 89.3, Abazi 89, Halimi 87 dhe Fazliu 86.3.

KPK-ja publikoi gjithashtu regjistrimet e intervistave të të gjithë konkurrentëve.

Ndaj vlerësimit të marrë, kandidati Atdhe Dema parashtroi ankesë, por Këshilli e rrëzoi atë në mbledhjen e datës 10 korrik 2026.

Më 19 qershor 2026, KPK-ja kishte aprovuar me 6 vota pro dhe 1 kundër kandidaturat e pesë prokurorëve që hynë në garë për postin më të lartë të prokurorisë.

Kandidatët e kualifikuar ishin: Atdhe Dema nga Departamenti për Hetimin e Terrorizmit në Prokurorinë Speciale, Naim Abazi nga Departamenti për Hetimin e Korrupsionit dhe Krimit Financiar pranë së njëjtës prokurori, Rafet Halimi po ashtu nga ai departament, Shqipdon Fazliu nga Zyra e Kryeprokurorit të Shtetit, dhe Zejnullah Gashi, Kryeprokuror i Prokurorisë Themelore në Prishtinë.

“Betimi për Drejtësi” kishte raportuar për këta pesë emra një ditë pas mbylljes së aplikimeve, më 11 qershor 2026.

Vendimi për hapjen e konkursit ishte marrë në mbledhjen e KPK-së më 18 maj 2026.

Pas shpalljes së tij, Blerim Isufaj, kryeprokurori i Prokurorisë Speciale, depozitoi një padi në Gjykatën Administrative, duke kërkuar masë të sigurisë për pezullimin e konkursit, por gjykata e refuzoi këtë kërkesë, vendim të cilin e konfirmoi edhe Gjykata e Apelit.

The post Gashi nominuar nga KPK për postin e Kryeprokurorit të Shtetit appeared first on Albeu.com.

Këshilli Prokurorial i Kosovës (KPK) e ka hedhur poshtë ankesën e kandidatit për Kryeprokuror të Shtetit, Atdhe Dema, me një votë pro dhe pesë kundër.

Në ankesën e tij drejtuar KPK-së, Dema kishte pretenduar se gjatë procesit kishte pasur shkelje të dispozitave ligjore, si në aspektin procedural, ashtu edhe në atë material, si dhe kishte ngritur shqetësimin për mospërputhje mes pikëzimit dhe arsyetimit të dhënë nga Paneli vlerësues.

Ai kishte kërkuar që ankesa të pranohej si e bazuar dhe vlerësimi i tij të rikthehej për rishqyrtim nga Paneli vlerësues, me arsyetimin se vlerësimi për intervistën dhe koncept-dokumentin nuk ishte mbështetur në fakte konkrete dhe në arsyetim të mjaftueshëm.

Gjatë trajtimit të ankesës, zëvendëskryesuesi i KPK-së, Dardan Vuniqi, deklaroi se pretendimi i Demës për mungesë arsyetimi nuk qëndron. Sipas tij, kandidati nuk kishte paraqitur prova për të mbështetur pretendimet e ngritura dhe në ankesë nuk sqarohej se cili element i vlerësimit duhej ndryshuar.

Vuniqi: E drejta që Dema e ka kërkuar tashmë është realizuar

“Kam kërkuar dokumente shtesë në ankesë, por nuk kam arritur ta gjej interesin e kandidatit në fjalë, se çfarë ka kërkuar të ndryshohet, pasi të drejtën që e ka kërkuar e ka fituar. Mendoj se diskrecioni ka qenë në përputhje me rregulloren. Ankesa nga kandidati duhet të mbështetet në prova. Ankesën e kemi pranuar vetë, i kam dëgjuar intervistat, por nuk mund të shkojmë tutje nëse nuk kemi interes juridik se çfarë duhet të ndryshohet, ngase ajo për të cilën është atakuar, ajo e drejtë është e fituar. Unë qëndroj në argumentimin tim që e njëjta ankesë të refuzohet”, tha ai.

Vuniqi theksoi gjithashtu se në ankesën e Demës nuk paraqitet ndonjë shkelje procedurale apo materiale, por vetëm mospajtim me pikët e marra.

Në diskutim, anëtari i KPK-së, Milot Krasniqi, u shpreh se Këshilli duhet ta shqyrtojë ankesën vetëm duke u mbështetur në kriteret dhe shtyllat e përcaktuara në procesin e vlerësimit.

Krasniqi: S’mund të kërkohet që kandidatët të dorëzojnë dokumente që mbështesin pretendimet e tyre

“Sa i përket barrës së provës, konsideroj se është duke u bërë një interpretim i gabuar, sepse kandidati, jo vetëm ky, por edhe të tjerët, nuk kanë se si të sigurojnë prova se çfarë ta mbështesin. Konsideroj se sa i përket barrës së të provuarit nuk mund të kërkohet që kandidatët të dorëzojnë dokumente që mbështesin pretendimet e tyre. Duhet të bazohemi në tri shtylla: vlerësimin e kryer nga paneli, të cilin nuk e kemi sot para vetes, intervistën, ku mund të shohim më së miri kandidatët, dhe e treta është kundërshtimi. Mbi këto baza mund të dalim në një vlerësim më të qartë”, tha ai.

Ndërkaq, ushtruesi i detyrës së Kryeprokurorit të Shtetit, Agron Qalaj, tha se për të është e rëndësishme të kuptohet deri në çfarë mase KPK-ja ka pasur mundësi të ushtrojë kontroll efektiv ndaj vlerësimit të bërë nga Paneli vlerësues.

Në po të njëjtën mbledhje, me gjashtë vota për, u miratua edhe autorizimi për drejtorin e Sekretariatit të KPK-së, Sami Istrefi, që ta përfaqësojë Këshillin para Gjykatës Kushtetuese, si dhe për dorëzimin e komenteve lidhur me njoftimin e Gjykatës Kushtetuese të Republikës së Kosovës.

The post KPK rrëzon ankesën e Atdhe Demës në garën për Kryeprokuror të Shtetit appeared first on Albeu.com.

Pas përmbylljes së rrugëtimit të tyre me platformën “Andale” vetëm një javë më parë, çifti ka vendosur të fokusohet plotësisht te marrëdhënia e tyre, duke hedhur hapin e rëndësishëm.

Gjatë një udhëtimi romantik në ishullin përrallor të Milosit në Greqi, Bernardi ka surprizuar Blertën me një propozim për martesë.

The post Ajo tha PO! Çifti i njohur shqiptar surprizon ndjekësit me propozimin përrallor në Milos appeared first on Albeu.com.

Me lotësh e puthjesh, Greta ka pranuar unazën, ndërsa me duartrokitje është pritur ky moment nga Selin, e cila tashmë është zyrtarisht kunatë më të.

“Unë vdes kur shikoj kështu propozimesh, sidomos kur janë dy njerëz shumë të rëndësishëm në jetën time”, u shpreh Selin.

The post Surpriza që befasoi gjithë shtëpinë, banorja e “Big Brother” merr propozim nga partneri i saj… appeared first on Albeu.com.

Me të ndarë lajmin e bukur me ndjekësit, artistja ka publikuar edhe momentin kulminant të propozimit, që u zhvillua në një ambient magjik buzë detit, gjatë perëndimit të diellit.
Granit kishte përgatitur një skenë tejet romantike, të zbukuruar me lule përgjatë një piste të ndriçuar, në fund të së cilës ndodhej një shenjë dekorative në formë zemre, ku shkruhej: “A do të martohesh me mua?”
Teksa çifti ecte drejt skenës, mini fishekzjarrët anësorë i shtonin edhe më shumë emocion dhe shkëlqim momentit. Në fund, Graniti u ul në gjunjë dhe i bëri Melindës propozimin për martesë.

Në një tjetër, Melinda e konfirmoi përgjigjen me emocion:

The post Melinda Ademi publikon momentin magjik të propozimit për martesë appeared first on Albeu.com.

Këtë herë, ajo ka publikuar një video në platformën TikTok, e cila ka lënë ndjekësit të dyshojnë se në jetën e saj po ndodh diçka e madhe.

Në videon që tashmë po bën xhiron e rrjetit, Rizarta shfaqet e buzëqeshur dhe elegante, ndërsa fokusi kryesor bie mbi një unazë të vendosur në gisht.

Ajo që e shton dyshimin edhe më shumë është përshkrimi që ka vendosur krahas videos: “Ajo tha PO”.

Pavarësisht mungesës së një deklarate të drejtpërdrejtë apo detajeve të tjera, fansat e saj kanë shpërthyer në komente urimi, duke e përgëzuar për një kapitull të ri në jetë.

Kujtojmë që Rizarta, gjatë qëndrimit të saj në shtëpinë më të famshme në Shqipëri, nuk u përfshi në ndonjë romancë publike, dhe jeta e saj private ka qenë kryesisht jashtë vëmendjes së mediave pas përfundimit të spektaklit.

Kjo e bën edhe më interesante këtë zhvillim, që mbetet për t’u konfirmuar nga vetë ajo në ditët në vijim.

The post “Ajo tha PO”, ish-banorja e Big Brother VIP Albania i jep fund beqarisë? appeared first on Albeu.com.

Falje e Detyrimeve Tatimore dhe Kamatëvonesave

Paketa përfshin një skemë lehtësuese për borxhet tatimore të së kaluarës, si:

Fshirje e plotë e borxheve tatimore më të vjetra se 10 vite, nëse janë ende të papaguara.

Për detyrimet nga 5 deri në 10 vite: Fshirje 50% e borxhit, nëse paguhet menjëherë.

Fshirje 25% e borxhit, nëse shlyhet me këste brenda 12 muajve. Për borxhet nga 1 deri në 5 vite: Fshirje e gjithë gjobave dhe kamatëvonesave, nëse paguhet detyrimi kryesor.

Për bizneset që nuk mund të paguajnë menjëherë, do të ofrohet mundësia për një marrëveshje 12-mujore dhe përfitimi i faljes deri në 25% të detyrimit.

Ministrja Ibrahimaj e cilësoi këtë si një marrëdhënie të re bashkëpunimi me biznesin, që synon të ndërtojë besim dhe stabilitet ekonomik. “Bizneset do të kenë mundësi të rregullojnë të shkuarën dhe të ecin përpara me më shumë siguri,” u shpreh ajo.

Paketa e paqes me biznesin gjithashtu propozon që mbi fitimin e dakortësuar aplikohet norma e tatim-fitimit prej 15% e cila paguhet me këste. Për çdo fitim shtesë që biznesi zgjedh të deklarojë, aplikohet një tatim prej vetëm 5%. Biznesi përjashtohet nga kontrolli tatimor për periudhën e marrëveshjes .

“Është një marrëveshje që do t’i propozohet çdo biznesi që është subjekt i tatim-fitimit, për një periudhë 3 vjeçare, me të drejtë rishikimi çdo vit. Bizneset që pranojnë të hyjnë në këtë marrëveshje me administratën tatimore do të përjashtohen nga çdo kontroll tatimor, përfshirë kontrollin e thelluar. Nëse biznesi do të vendosë që do të deklarojë një fitim më të lartë se ai i dakordësuar me administratën tatimore, për fitimin shtesë, biznesi do të tatohet me 5%”.

Një masë tjetër e propozuar në këtë paketë është edhe Rishikimi i Pasqyrave Financiare. Për herë të parë, bizneset kanë mundësinë të korrigjojnë deklarimet e së kaluarës pa u penalizuar. Aplikuesit paguajnë vetëm 5% tatim mbi ndryshimet; Asnjë gjobë apo kamatëvonesë nuk aplikohet; Vitet përkatëse nuk do të jenë objekt kontrolli./ Monitor

The post Qeveria propozon “Paqen Fiskale”: Fshirje e borxheve tatimore më të vjetra se 10 vite për biznesin appeared first on Albeu.com.

Së fundmi, ai ka vendosur t’i propozojë partneres së tij dhe me sa duket shumë shpejt do të kemi dasmë.

Një video e publikuar në instastory shihet Buci i gjunjëzuar para dashurisë së tij, e në atë moment Verona nuk përmbahet e merr unazën e vendos vetë në dorë.

The post Ish-banori i “BBV” i propozon partneres për martesë, PAMJE nga momenti i ëmbël mes tyre appeared first on Albeu.com.

Romeo edhe pse në fillim e mori me shaka, sërish nuk ngurroi të shfaqte disa shenja xhelozite.

“Heidi do martohesh me mua? Meqënëse me letra nuk je e martuar shpresa vdes e fundit”, ishe mesazhi që lexoi Heidi nga një adhurues i saj.

Heidi: “Faleminderit për vlerësimin, por tani nuk kam çfarë të them. (tregon unazën që i ka vendosur Romeo). Ka mbaruar ajo punë, por gjithsesi e vlerësoj”.

Romeo: “Çfarë vlerëson moj”?

Heidi: “Të puth shumë fort gjithsesi”.

The post Të puth shumë fort/ I propozoi për martesë, Romeo xheloz për djalin e dashuruar pas Heidit appeared first on Albeu.com.

Ishte departamenti i zjarrfikësve nga Manchester i Anglisë, që shpërndau videon në rrjetin social X të zjarrfikësit të ri të quajtur James, shkruan Daily Mail.

Gjatë paradës ai vendosi që këtë moment ta bëjë edhe më të paharrueshëm, duke i propozuar martesë partneres së tij Melissa.

Kjo ceremoni shënonte përfundimin e kursit disamujor për zjarrfikës, dhe diplomimin si pjesëtari më i ri në këtë departament.

Partnerja e tij as që ishte e vetëdijshme se çfarë e priste, kur partneri i saj iu afrua dhe u gjunjëzua para saj duke mbajtur në dorë unazën.

The post Emocionuese/Zjarrfikësi i propozon për martesë partneres ditën e diplomimit appeared first on Albeu.com.