Ngjarja ndodhi në fshatin Mërqi ku në pranga u vu Pjetër Nika. Gjatë kontrollit në banesën e këtij shtetasi u gjet edhe një sasi municioni luftarak.

Arrestimi i tij u krye nga shërbimet e Komisariatit të Policisë Lezhë dhe të Forcës “Shqiponja”.

67-vjeçari akuzohet për veprat penale “Kanosja” dhe “Prodhimi dhe mbajtja pa leje e armëve luftarake dhe municionit”.

The post Kërcënoi nipin me armë për pronën/ Parandalohet përshkallëzimi i konfliktit në Lezhë, arrestohet 67-vjeçari appeared first on Albeu.com.

Bëhet fjalë për një arë në fshatin Senicë të Delvinës, ku trashëgimtarë janë Maria dhe vëllai i saj, i cili është bashkëshorti i Amalisë. Arsyeja pse të dyja janë përballë njëra-tjetrës është se aktualisht prona është në emër të 4 personave të tjerë.

Amalia akuzon Marian se ka qenë ajo që e ka bërë të kthehet nga Greqia dhe si pasojë, edhe është dhunuar. Më tej, ajo shton se pavarësisht kësaj, do të bëjë çmos që të marrë pronën dhe madje edhe do të ndahet nga bashkëshorti.

Në të vërtetë, sipas ligjit, Amalia nuk mund të marrë pronën e burrit në rast divorci, sepse atij i është lënë si trashëgimi nga prindërit dhe çfarëdo pasurie e dhuruar drejt njërit bashkëshort, nuk ndahet mes çiftit as me zgjidhjen e martesës.

Amalia e akuzon kunatën e saj, Marian se e ka rrahur për shkak të një prone. Amalia vijon më tej me akuzat ndaj kunatës duke i thënë se ajo ka ndërhyrë me falsifikime dhe ka blerë gjyqtarët. Maria nis të sqarohet dhe të tregojë anën e saj të historisë, por kunata e ndërpret vazhdimisht me akuza të tjera.

Por në fakt prona aktualisht nuk është në emër të Marias e as të vëllait të saj sepse 4 bashkëfshatarë e kanë përvetësuar.

Debatet në studio:

Amalia: Nga ti jam rrahur vajzë!

Maria: Moj po zëre atë gojë, e thashë unë, ti nuk të pret, ti je ulli pa kokrra, e shoh unë ëktë punë. Më shqetësove shumë, të lutem. Shiko, dëgjo dhe pastaj vepro. Po e kam unë gabimin do ta mbaj unë gabimin.

Amalia: Maro, ti më prure, ti e ke fajin, ti më rrahe.

Maria: S’të kam vënë dorë jo.

Amalia: U bëtë të gjitha motrat e vëllezërit, për këtë mashtrim që bëre e më solle në television.

Maria: Vetë erdhe në televizion, me pahir s’të prura.

Ardit Gjebrea: Amalia, pse thua ti më rrahe?

Maria: Po kush të rrahu moj Maro të rrahu? O po qenka fare o Ardit!

Amalia: Po t’i shohësh duart e mia dhe këmbët unë jam pikë e zezë.

Maria: Moj zonjë zbërtheje gojën kush të rrahu?

Amalia: Po mos të më binte nga Greqia të më binte në pronë. Te ara jonë janë bërë dy ndërtesa. Për ato dy ndërtesa unë rrihem nga Maro.

Eni Çobani: Janë të Maros pra, janë të Maros. Maro nga i ke fituar këto prona?

Maria: Po përse rrihesh nga mua ti moj zonjë?

Amalia: Nga ti se ti më more në telefon, më the hajde.

Maria: Po s’të bëra keq moj, të bëra me pronë.

Amalia: Tani unë pronën do të ta marr.

Maria: Pronë ti s’ke atje, e kam emrin Maro, Maro e Dhimos, ara e Dhimos, jo ti po as shteti  s’ka pronë atje.

Amalia: Moj kallogre, ç’janë këto që bën moj? Turp i Zotit! Unë pjesën e burrit tim do ta marr, do apo nuk do ti, edhe vëllain tënd do ta lë dhe pronën do ta marr.

Maria: Po të lë mo? Po kunata si nata, ta thashë! Më bën gjakun ujë!

Amalia: Po kunata si nata! Kur ke hall të ndihmon kunata.

Maria: Je e detyruar se ke vëllanë tim. Përse të kemi marrë?

Amalia: Ndaj më ke marrë, që të më shtypësh.

Eni Çobani: Po pse e ke marrë vërtet, për çfarë merret nusja? Se je nuse dhe ti, kështu iu thua atyre të familjes?

Amalia: Kështu u thotë, nuk mbush.

Maria: Po po nuk mbush unë, kaq e kam.

Amalia: Po, po kaq e ke.

Ardit Gjebrea: Maro, por kur thua për këtë të kemi marrë, për çfarë e ke fjalën?

Maria: Po ajo është me burrin e saj.

Ardit Gjebrea: Për çfarë e keni marrë nusen?

Amalia: Për skllave, ç’e do nusen?

Maria: Të kemi marrë yzmeqare. Ne jemi familje yzmeqarësh./tvklan.

The post “Je ulli pa kokrra”, përplasen live dy kunatat: Pronën do ta marr dhe vëllnë tënd do e lë! appeared first on Albeu.com.

Njoftimi:

Lushnjë

Kapen dhe vihen në pranga dy nga autorët e dyshuar të ngjarjes së ndodhur mëngjesin e sotëm në Garunjas të Lushnjës.

Vijojnë kontrollet intensive për kapjen e autorit tjetër të shpalluar në kërkim.

Strukturat hetimore të DVP Fier në bashkëpunim me shërbimet e Komisariatit të Policisë Lushnje në vijim të punës intensive për zbardhjen dhe dokumentimin e ngjarjes së ndodhur në fshatin Garunjas, kanë vijuar kontrollet për lokalizimin dhe kapjen e autorëve.

Si rezultat i kontrolleve të pandërprera gjatë ditës së sotme, nga shërbimet e Komisariatit të Policisë Lushnjë në bashkëpunim me shërbimet e Komisariatit të Policisë Divjakë, është bërë e mundur kapja e dy prej autorëve të dyshuar të shpallur në kërkim, shtetasit M. H., 20 vjeç dhe A. H., 42 vjeç, banues në Garunjas, Lushnjë.

Nga specialistët për Hetimin e Krimeve në Komisariatin e Policisë Lushnjë është bërë arrestimi i tyre për veprat penale “Vrasje në rrethana cilësuese” e kryer në bashkëpunim dhe “Vrasje në rrethana cilësuese” e kryer në bashkëpunim, e mbetur në tentativë.

Vijon puna nga shërbimet e Policisë për kapjen e shtetasit K. H.

The post Vranë kushëririn pas konfliktit për pronën, arrestohen dy nga autorët appeared first on Albeu.com.

Perikli Zoto nga Himara ankohet në emisionin Fiks Fare se i kanë zaptuar pronën.

Dy policë të kufirit të cilët duhet të ishin njerëzit që jo vetëm duhet të respektojnë ligjin e zbatojnë atë, por duhet t’i dalin në mbrojtje të qytetarit janë pikërisht zaptuesit e pronës të tjetrit.

Qytetari tregon për Fiksin se policët ja kanë rrethuar pronën e tij me gardh duke mos e lejuar të hyjë .Pronën këta të ashtuquajtur policë të shtetit e kanë shfrytëzuar prej dy vitesh për kapingje duke përfituar para. Qytetari u thotë gazetarëve se është ankuar në bashki për këtë problem dhe këtë vit bashkia nuk i ka lejuar policët të ngrenë kampingje në këtë pronë. Sipas qytetarit bashkia thotë që të prishen të gjitha gardhet e vendosura në këtë pronë, por është INUV që nuk vepron.

Bashkëpunëtori i Fiksit shkon me kamerë të fshehtë në pronën e zotit Perikli Zoto të zaptuar nga policët. Djali i njërit polic i thotë se në këtë pronë nuk ka b… njeri të hyjë se është para shtëpisë së tij. I ka ofruar 2 mijë euro qira plakut që është pronar, por ai nuk ka pranuar. Por në këtë pronë nuk do lërë njeri të hyjë, kushdo qoftë ai. Gazetarët shkojnë vetë në pronën e denoncuesit. Zaptuesit e kësaj prone djali i njërit prej policëve thotë para kamerave se kjo pronë nuk është e tyre, por e Perikli Zotos dhe ata e kanë shfrytëzuar për dy vite rresht për kampingje.

Këtë vit i ka ndaluar bashkia. Ndërkohë gruaja e policit tjetër thotë se gardhin e ka bërë ushtria dhe jo ata. Pyetjes së gazetarëve se nga duhet të futet z. Perikli në pronën e tij ata nuk i përgjigjen. Qytetari shkon dhe në bashki për këtë problem. Në arkiv i thonë se ke të drejtë dhe e njohin problemin prej 3 vitesh. Punonjësja dorëzohet duke i thënë se nuk ka çfarë të bëj.Ndërkohë që edhe kadastra kthehu përgjigje për emisionin Fiks Fare. Në përgjigje ky institucion argumenton se kjo pronë i përket Perikli Zotos. Por në realitet kjo pronë gëzohet nga dy policë zaptues të cilët nuk njohin shtet, ka ligj po ka dhe Maliq!

The post “Këtu nuk ka b… kush të hyjë”. Policët e shtetit zaptojnë pronën në Himarë appeared first on Albeu.com.