Organi i akuzës ka sekuestruar prona në emër të Muratit, ku përfshihen disa automjete, apartament, njësi kati nëntokë me objekt 6 katësh.

“Në kërkim për një sërë veprash penale nga pjesëmarrja në organizatë kriminale tek trafikim i lëndëve narkotike, Prokuroria Tiranë çon në gjyq shtetasin F.M

Prokuroria pranë Gjykatës së Shkallës së Parë të Juridiksionit të Përgjithshëm, Tiranë përfundon hetimet dhe dërgon në gjyq të pandehurin, shtetasin F.M. për veprën penale të ‘Pastrim të produkteve të veprës penale apo përfshirjes në veprimtari kriminale’ parashikuar nga neni 287/a i Kodit Penal.

Nga tërësia e provave të grumbulluara gjatë hetimit paraprak për procedimin penal nr.2600/2018, rezultoi e provuar se, ky shtetas, me anë të pasurisë (para cash) të krijuar nga veprimtaria e kundraligjshme e vjedhjes dhe trafikimit të lëndëve narkotike të zhvilluar në Itali, për periudhën 2014-2015, ka investuar në pasuri të paluajtshme dhe të luajtshme, duke i transferuar ato në emër të familjarëve të tij (nënës dhe vëllezerve) me qëllim mbulimin e origjinës së tyre dhe për të shmangur çdo pasojë juridike të mëtejshme mbi këto prona.

Konkretisht;

Njësi, kati nëntokë në objekt 6 katësh, sipërfaqe 317 m2, adresë Albanopoli, Tiranë në pronësi të nënës;

Automjet Citroen;

Automjet Mercedes Benz; dhe

Automjet Daimler.

Këto pasuri në emër të nënës dhe 3 automjetet në emër të subjektit dhe vëllezërve, nuk justifikohen me të ardhurat e ligjshme të realizuara prej tyre.

Nga hetimet paraprake rezulton e provuar se ka të dhëna të mjaftueshme që të krijojnë bindjen se i pandehuri F.M., ka konsumuar plotësisht elementët e figures së veprës penale të parashikuar nga neni 287/a i K.Penal. Në materialin referues thuhej se shtetasi F.M. në bashkëpunim me gjashtë persona të tjerë, vepronin si pjesë e një organizate kriminale, të arrestuar nga policia italiane, fillimisht me tendencë vjedhje dhe më pas e kanë zgjeruar aktivitetin e tyre kriminal, duke përfshirë edhe trafikimin e lëndëve narkotike.

Shtetasi F.M. është aktualisht i kërkuar në nivel kombëtar për evazion në vitin 2015, ‘pranimin e mallrave të vjedhura’, ‘posedim abuziv të armëve’, ‘Pjesëmarrjes në krime’ dhe për ‘Trafikim të lëndëve narkotike’”, thuhet në njoftimin e Prokurorisë së Tiranës.

The post Prokuroria e Tiranës sekuestron pronat e Fatjon Muratit appeared first on Albeu.com.

Në kuadër të hetimeve të procedimit penal nr.5061, të vitit 2024, për veprën penale të “Pastrimit të produkteve të veprës penale ose veprimtarisë kriminale”, e parashikuar nga neni 287 i K.Penal, mbi dyshimet për shtetasen I.H., prokuroria arriti në konkluzion se pasuritë e kësaj shtetase dhe familjarëve të saj janë produkte të veprës penale ose veprimtarisë kriminale.

Prokuroria e Tiranës i ka sekuestruar pasuritë një shtetaseje, pasi dyshohet se janë produkte të veprës penale ose veprimtarisë kriminale.

Sipas Prokurorisë, shtetasja Irma Hasani, brenda një periudhë një mujore ka përfituar në llogarinë e saj vlerën 180.000 euro cash ose nëpërmjet transfertave bankare, nga ish kunati, tezja apo njerëz të tjerë të afërt.

Nga fondet e kredituara ne llogari, vlera 160,000 Euro është tranferuar nga shtetesja I.H. në llogarinë e noterit me qëllim blerjen e një pasurie të llojit apartament. Ndërsa ka në pronësi edhe pesë prona të tjera të paluajtshme dhe 6 automjete.

Prokuroria provoi se shtetasja I.H., e punësuar prej vitit 2011 në ‘Drejtorinë e Shërbimeve Qeveritare’, me një pagë bruto 61.000 lekë, nuk e justifikon blerjen e pasurive të luajtshme dhe të paluajtshme.

Njoftimi:

PROKURORIA PRANË GJYKATËS SË SHKALLËS SË PARË TË JURIDIKSIONIT TË

PËRGJITHSHËM TIRANË

Transferta të dyshimta përgjatë dy viteve, Prokuroria e Tiranës sekuestron 6 prona dhe automjetet e shtetases I.H, dyshime se janë të vëllait të dënuar në Angli

Prokuroria pranë Gjykatës së Shkallës së Parë të Juridiksionit të Përgjithshëm, Tiranë, kërkoi sekuestrimin e pasurive të shtetases I.H., të dyshuara se janë produkte të veprës penale ose veprimtarisë kriminale.

Në kuadër të hetimeve të procedimit penal nr.5061, të vitit 2024, për veprën penale të “Pastrimit të produkteve të veprës penale ose veprimtarisë kriminale”, e parashikuar nga neni 287 i K.Penal, mbi dyshimet për shtetasen I.H., prokuroria arriti në konkluzion se pasuritë e kësaj shtetase dhe familjarëve të saj janë produkte të veprës penale ose veprimtarisë kriminale.

Shtetasja në fjalë, brenda një periudhë një mujore ka përfituar në llogarinë e saj vlerën 180.000 euro cash ose nëpërmjet transfertave bankare, nga ish kunati, tezja apo njerëz të tjerë të afërt. Nga fondet e kredituara ne llogari, vlera 160,000 Euro është tranferuar nga shtetesja I.H. në llogarinë e noterit me qëllim blerjen e një pasurie të llojit apartament. Ndërsa ka në pronësi edhe pesë prona të tjera tê paluajtshme dhe 6 automjete.

Prokuroria provoi se shtetasja I.H., e punësuar prej vitit 2011 në ‘Drejtorinë e Shërbimeve Qeveritare’, me një pagë bruto 61.000 lekë, nuk e justifikon blerjen e pasurive të luajtshme dhe të paluajtshme.

Ndërkohë, Departamenti i Policisë Kriminale, Drejtoria Kundër Narkotikeve dhe Trafiqeve në Drejtorinë e Përgjithshme të Policisë së Shtetit, me anë të shkresës nr.11958/1, datë 23.07.2021,informoi se: Departamenti për marrëdhëniet Ndërkombëtare ka njoftuar se Interpol Manchester kërkon informacion për verifikimin e shtetasit shqiptar O. H. pasi është arrestuar në Angli për veprën penale shkelje ligjit për narkotikët. Nga verifikimet rezultoi se ky shtetas është vëllai i shtetases I.H.

Sa më sipër, duke ju referuar kontratave noteriale të blerjeve të pasurive të paluajtshme dhe pasurive të luajtshme (automjeteve relativishit të shtrenjta) dhe huadhënieve të vlerave monetare, vërehet se këto janë nënshkruar pothuajse të gjitha në harkun kohor të viteve 2022-2024, mbas arrestimit të shtetasit O.H. për vepra penale në fushën e narkotikëve.

Nga sa më sipër dhe nga analiza në tërësi e provave dhe akteve të administruara nga hetimi i këtij procedimi penal, arrihet në konkluzionin se pasuritë e paluajtshme të shtetasve I.H., O.H. dhe familjareve të tyre janë produkte të veprës penale ose veprimtarise kriminale, në të cilat ka qenë i përfshirë shtetasi O.H.

Perfundimisht, organi i akuzës dyshon se pasuritë e krijuara nga shtetasja I. H. dhe familjarët e saj janë të krijuara nga burime të paligjshme dhe nuk i përgjigjen nivelit të të ardhurave si dhe nuk justifikohen me të ardhurat e realizuara edhe prej aktiviteteve tregtare të regjistruara ose punësimi i tyre me periudha të pjesshme.

Për këtë arsye kërkohet caktimi i masës së sigurimit pasuror “Sekuestron Preventive” për: pasuritë e paluajtshme, në emrin e shtetases I. H. dhe familjarëve të saj;

Nr.210/27, ZK1676 , Vol 23, Faqe 185;

Nr. 166/7, ZK1676 , Vol 23, Faqe 187;

Nr. 210/29, ZK 1676, Vol 23, Faqe 147;

Nr. 110/76, ZK3215, Vol 15, Faqe 106;

Nr.23/41+2-6, ZK3266, Vol 41, Faqe 69; dhe

Nr. 114/20, ZK 16776, Vol 4, Faqe 161

Sekuestrimin pranë Drejtorisë së Përgjithshme të Shërbimit të Transportit Rrugor Tiranë për automtetet:

Volksëagen golf 5;

Renault Clio;

Audi Q3;

Volvo CX60;

Mercedes Benz ML350 BLUETEC; dhe

Audi SQ7.

The post Prokuroria e Tiranës sekuestron pronat e punonjëses së Shërbimeve Qeveritare, dyshohet se ishin të vëllait të dënuar në Angli (EMRI) appeared first on Albeu.com.

Në një njoftim zyrtar, ATP bën të ditur se ka përfunduar procesin e shqyrtimit administrativ të disa aplikimeve për kompensim 100% financiar, si dhe me kërkesë të veçantë, të paraqitura nga subjektet e interesuar, të cilët disponojnë vendime përfundimtare që u kanë njohur të drejtën e kompensimit të pronës.

Sipas ATP, ka përfunduar shqyrtimi administrativ i 11 (njëmbëdhjetë) aplikimeve për kompensim, nga të cilat:

Për 6 (gjashtë) aplikime për kompensim financiar me kërkesë të veçantë, ATP ka miratuar me vendim pranimin e këtyre kërkesave/aplikimeve, pasi kanë rezultuar të jenë në përputhje të plotë me kriteret e përcaktuara në nenin 17, pika 2, të ligjit nr.133/2015 “Për trajtimin e pronës dhe përfundimin e procesit të kompensimit të pronave”, të ndryshuar, në Kreun IV të VKM nr. 223, datë 23.03.2016 “Për përcaktimin e rregullave dhe procedurave për vlerësimin dhe ekzekutimin e vendimeve përfundimtare të kompensimit të pronës dhe shpërndarjen e fondit financiar e fizik për kompensimin e pronave”, të ndryshuar.

Fondi financiar, i vënë në dispozicion nga Buxheti i Shtetit, që ATP do të shpërndajë në total për subjektet përfitues të 6 (gjashtë) aplikimeve sipas kërkesave të tyre, është në vlerën 19 546 566.8 (nëntëmbëdhjetë milion e pesëqind e dyzet e gjashtë mijë e pesëqind e gjashtëdhjetë e gjashtë pike tetë) lekë, të cilat do të lëvrohen menjëherë në llogaritë bankare të subjekteve përfitues si këst i pare, ndërsa pjesa tjetër do të lëvrohet me këste çdo fillim viti buxhetor, bazuar në mënyrën e përfitimit të kompensimit, për të cilën kanë aplikuar subjektet.

Njëkohësisht bëjmë me dije se, nga përfundimi i trajtimit të këtyre 6 (gjashtë) aplikimeve për kompensim financiar me kërkesë të veçantë, Buxhetit të Shtetit i kursehet në total një fond në vlerën 184 209 615.5 (njëqind e tetëdhjetë e katër milion e dyqind e nëntë mijë e gjashtëqind e pesëmbëdhjetë pikë pesë) lekë.

Për 4 (katër) aplikime për kompensim 100% financiar, ATP ka miratuar me vendim pranimin e këtyre kërkesave/aplikimeve, pasi kanë rezultuar të jenë në përputhje të plotë me kriteret e përcaktuara në kërkesat e ligjit nr. 133/2015 “Për trajtimin e pronës dhe përfundimin e procesit të kompensimit të pronave”, të ndryshuar, dhe kriteret e përcaktuara në Kreun III, pikat 16/6 gërma “c”, 16/7 dhe 21/1 të VKM nr. 223, datë 23.03.2016 “Për përcaktimin e rregullave dhe procedurave për vlerësimin dhe ekzekutimin e vendimeve përfundimtare të kompensimit të pronës dhe shpërndarjen e fondit financiar e fizik për kompensimin e pronave”, të ndryshuar.

Fondi financiar, i vënë në dispozicion nga Buxheti i Shtetit, që ATP do të shpërndajë në total për subjektet përfitues të 4 (katër) aplikimeve sipas kërkesave të tyre, është në vlerën 2 932 166 (dy milion e nëntëqind e tridhjetë e dy mijë e njëqind e gjashtëdhjetë e gjashtë) lekë, të cilat do të lëvrohen menjëherë në llogaritë bankare të subjekteve përfitues.

Për 1 (një) aplikim ATP, ka dalë me vendim për “Përfundimin e procedimit administrativ“ referuar kërkesave të ligjit nr.133/2015 “Për trajtimin e pronës dhe përfundimin e procesit të kompensimit të pronave”, të ndryshuar dhe VKM nr. 223, datë 23.03.2016 “Për përcaktimin e rregullave dhe procedurave për vlerësimin dhe ekzekutimin e vendimeve përfundimtare të kompensimit të pronës dhe shpërndarjen e fondit financiar e fizik për kompensimin e pronave”, të ndryshuar

Procesi i shqyrtimit administrativ të këtyre kërkesave/aplikimeve, bazohet në nenin 26, pika të ligjit nr. 133/2015 “Për trajtimin e pronës dhe përfundimin e procesit të kompensimit të pronave” të ndryshuar,” si dhe në nenet 90-95 të Kreut të XI të Ligjit nr. 44/2015 “Kodi i Procedurave Administrative i Republikës së Shqipërisë”.

Agjencia e Trajtimit të Pronave (ATP) njofton subjektet e interesuara se kësti përkatës për secilin përfitues do të jetë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim.

The post Familjet që përfitojnë/ Kompensim 100 % financiar për pronat, ja vendimet e miratuara nga ATP appeared first on Albeu.com.

Dyshohet se konflikti mes fqinjëve, ka lindur për arsye të pronësisë, ndërsa për pasojë dy kushërinj besohet se kanë mbetur të plagosur.

Një efektiv policie, i identifikuar si Sahit Ahmetaj (Sela) me armën e shërbimit, pas sherrit ka qëlluar në drejtim të disa personave mes tyre edhe kushëririt të tij Adrian Sela.

Ky i fundit po ashtu, ka hapur zjarr drejt kushëririt të tij, i cili po ashtu është plagosur.

The post EMRAT/ Sherri për pronat në Thumanë, kushërinjtë plagosin njëri-tjetrin, njëri prej tyre efektiv policie appeared first on Albeu.com.

Ai e dorëzoi aso kohe formularin e vetëdeklarimit, por pak muaj më vonë u vu në pranga në Maqedoni, e për pasojë hetimet ndaj tij dhe pasurive të tij vijuan.

Bëhet fjalë për Saimir Taullaun, që bashkë me vëllezërit e tij është bërë i njohur nga ajo përballje e përgjakshme me rivalët e tyre të bandës së Lushnjes.

Madje edhe vetë Taullau, ka rënë në prita të organizuara disa herë por ka mundur t‘u shpëtojë.

Tashmë, Prokuroria e Fierit ka urdhëruar policinë e Lushnjes të kyçë 5 prona, të cilat janë të regjistruara në emër të familjarëve të Taullaut.

Sipas një njoftimi të shpërndarë për media nga ana e Prokurorisë së Fierit, u bë me dije se u sekuestruan pasuritë e biznesmenit Saimir Taullau dhe të afërmve të tij që i menaxhonin këto prona fiktivisht, po që zotëroheshin në mënyrë të tërthortë nga ai.

Në Lushnje familja Taullau njihet si rivale e bandës së Aldo Bares, ndërsa Saimir Taullau. i shpëtoi një atentat mbrëmjen e 24 nëntorit të vitit 2018, pasi dy persona të maskuar qëlluan me breshëri kallashnikovi drejt lokalit, te rrethrrotullimi i Plugut.

Ndër të tjera, bëhet fjalë dhe për 2 pika karburanti një në lagjen “18 Tetori”, lagjen “Loni Dhamo’ të Lushnjës.

PROKURORIA

Prokuroria e Fierit bëri me dije zyrtarisht se mbi bazën e ligjit 10192, datë 03.12.2009 “Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë”, i ndryshuar, ka regjistruar dhe po kryen hetime për procedimin pasuror penal nr.1, viti 2024, që bën fjalë për pasuritë në zotërim të shtetasit Saimir Taullau, si dhe të afërmve të tij dhe personat fizikë, konkretisht shtetasve A.T., F. T, M.T., E.T. dhe K.T, për të cilët ka të dhëna të mjaftueshme se pasuritë e tyre zotërohen në mënyrë të tërthortë nga shtetasi Saimir Taullau. Dyshohet se këto pasuri e kanë prejardhjen nga veprimtaria kriminale e shtetasit Saimir Taullau, konkretisht nga veprat penale të parashikuar nga nenet 283 dhe 283/a të Kodit Penal.

Në zbatim të vendimit gjyqësor dhe nenit 14 e vijues të ligjit nr. 10192, datë 03.12.2009 “Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë”, i ndryshuar, është nxjerrë nga prokurori urdhri i ekzekutimit, i cili u është dërguar menjëherë për ekzekutim shërbimeve e policisë gjyqësore të Drejtorisë Vendore të Policisë Fier, Agjencisë së Administrimit të Pasurive të Sekuestruara dhe të Konfiskuara pranë Ministrisë së Financave, Tiranë, si dhe Agjencisë Shtetëror të Kadastrës, Drejtoria Rajonale Lushnjë.

Prokuroria pranë Gjykatës së Shkallës së Parë Juridiksionit të Përgjithshëm Fier, në zbatim të rekomandimeve të Kuvendit të Shqipërisë dhe rekomandimeve prioritare të Këshillit të Ministrave, ka në një vëmendje të shtuar në drejtim të veprave penale që lidhen me pastrimin e produkteve të veprës penale dhe të pasurimit të padrejtë, duke përdorur të gjitha mjetet procedurale me qëllim sekuestrimin, konfiskimin dhe kalimin e tyre në favor të shtetit.

PASURITË E SEKUESTRUARA

“Pasuria lloji “truall”, me përshkrimin “Godinë ekonomike 2 kate, karburant dhe ambiente shërbimi”, ndodhur në lagjen “18 Tetori”, Lushnjë, në bashkëpronësi të shtetasve F.T, M.T, E.T dhe K. T.

Pasuria e llojit “truall”, e ndodhur në lagjen “18 Tetori”, Lushnjë. -Objekti i ndërtuar plotësisht në të me vlerë 9.724.582 Lekë, në bashkëpronësi të shtetasve F.T, M.T., E. T. dhe K. T.

Pasuria me sipërfaqe totale ndërtimi 306 m2 me përshkrimin “Godinë ekonomike 1 kt + bodrum”, ndodhur në Plug, Lushnje, në emër të shtetases R. T.

Pasuria e llojit “truall”, me përshkrim të veçantë, shtuar “njësi shërbimi 3 kate + rikonstruksion karburanti ekzistues + pikë gazi. –Ndërtim i murit rrethues e ndodhur në lagjen “Loni Dhamo”, Lushnjë, në bashkëpronësi të shtetasve M.T, E.T dhe K.T”,- thuhet në njoftimin e prokurorisë.

The post Sekuestrohen pronat e rivalit të Aldo Bares, kush është Saimir Taullau appeared first on Albeu.com.

Masa do të zbatohet për këdo që shpallet fajtor për “diskreditim” të forcave të armatosura, thirrje për sanksione kundër Rusisë ose nxitje të aktiviteteve ekstremiste

Projektligji kaloi të parin nga tre leximet me 395 vota pro dhe tre kundër. Kështu shteti do të jetë në gjendje të konfiskojë pronat nga rusët që janë larguar nga vendi dhe janë kritikë ndaj luftës në Ukrainë, por që ende mbështeten në të ardhurat nga qiraja nga pronat e tyre, shtëpitë dhe apartamentet në Rusi.

Që nga pushtimi ushtarak i Ukrainës në shkurt 2022, Rusia ka shtrënguar masat për të shtypur çdo formë të mospajtimit politik.

Sipas ligjeve të miratuara në mars, diskreditimi i forcave të armatosura ose ‘përhapja e informacionit të rremë’ për ushtrinë dënohet me burgim.

The post Rusia me ligj të ri, do të marrë pronat e rusëve që kritikojnë luftën në Ukrainë appeared first on Albeu.com.

Ndërsa ministria e mbrojtjes vendosi të kallëzonte në prokurorinë e Durrësit disa herë në pushtuesit e pronës së ushtrisë në Porto Romano.

I fundit kallëzim sipas informacione të Kronos është bërë në datën 21 nëntor 2022 , ndërsa regjsitrimi i procedimit penal është bërë në datën 7 prill 2023 me numër procedimi 621.

Prokurorisë i është dashur rreth 6 muaj verifikime për të aaritur në përfundimin se hetimi duhej regjistruar për vepren penale të shkatërrimit të pronës nga pakujdesia.

“Në përgjigje të kërkesës tuaj për informacion, ju informojmë se pas verifikimit të kryer në Zyrën e Regjistrit, Prokuroria pranë Gjykatës së Shkallës së Parë të Juridiksionit të Përgjithshëm Durrës mbi materiali 3915 datë 21.11.2022 ka regjsitruar procedimi penal me numër 621 më datë 07.04.2023, për veprën penale “Shkatërrimi i pronës nga pakujdesia” parashikuar nga neni 161 i Kodit Penal, i cili është nën hetim.”- prokuroria e Durrësit

Për prokurorinë e Durrësit e gjitha ajo cfarë ka ndodhur me ish depon e minave në porto romano është bërë nga pakudjesia Magazinat e kësaj prona të ishtrisë janë kthyer në këtë gejndje nga pakujdesia e atyre që kanë punuar në këtë pronë.

Sipas Kodit penal të republikës së shqipërisë kjo vepër penale kur ka sjellë pasoja të rënda materiale denohet me gjobë ose me burgim deri në tre vite.

Ne i kërkuam më shumë informacion prokurorisë së Durrësit se në cilë fazë ndodhen hetimet  apo vendimet që mund të ketë marrë ky institucionpër këtë çështje.

“Duke qenë se ky procedim është në hetim, për shkak të sekretit hetimor, nuk mund t’ju bëjmë me dije veprimet konkrete të kryera në kuadër të ketij procedimi. Hetmiet për cështjen penale vazhdojnë me përparësi dhe në perfundim të tyre do të behët njoftimi i palëve në proces për vendimarrjen e prokurorit, sipas përcaktimeve në Kodin e Procedurës Penale”- prokuroria e Durrësit

Institucionet në këtë rast minsitria e mbrojtjes dhe prokuroria e Durrësit janë të angazhuara për të zbardhur këtë ngjarje prej gushtit të vitit 2020, kohë kur firma koncesionare filloi zaptimin e pronës.

Por vështirësitë janë të mëdha në këtë cështje duke që se është hetuar njëhërë dhe hetimet u pushuan.

Hetimet për zënien e pronës nr. 219 të ushtrisë, ish -depon e Minave në Porto Romano kanë nisur që në gusht të vitit 2020.

Kallëzimi në prokurorinë e Durrësit u bë për veprat  penale “Ndërtim i paligjshëm” dhe “Pushtim i tokës” nga Komanda e Flotës Detare.

Në emisionin e datës 6 prill 2023 , Emisioni Kronos publikoi  vendimin e Prokurorisë së Durrësit , e cila hetoi për dy vjet këtë kallëzim.  Në fund vendosi të pushonte akuzat e ngritura ndaj kompanisë koncesionare të Porto Romanos “Porti MBM” me administrator shtetasin Ahmet Kastrati.

Më 11 gusht 2020 Reparti Ushtarak 2004 pjesë e Flotës Detare, depoziton kallzimin në Prokurori ku shpjegon se më datën 1 qershor 2020 në brendësi të pronës të ushtrisë nr.219 ishin konstatuar punime të vendosjes së disa tombinove dhe praninë e një vinçi.

Pas konstatimit të punimeve, Komanda e Flotës Detare ka urdhëruar nëntetar Azem Laçin për të njoftuar kompaninë që t’i lëvizte nga zona e ushtrisë.

Pas njoftimit të nëntetarit, në pronë ka shkuar edhe komandaniti i Kompanisë së Dytë të Mbështetjes Aleksandër Muha, i cili i ka komunikuar administratorit të portit tregtar Ahmet Kastratit, heqjen e materialeve nga prona.

Ky i fundit  ka njoftuar se materialet do të qëndronin dhe disa ditë e se kompania nuk kishte synim cënimin e pronës, por vetëm vendosjen e tombinove në kanalin e ujrave që kalon përmes territorit të saj, me qëllim përforcimin e urës që ndodhet mes kufijve të tokës së ushtrisë dhe portit privat.

“Në vendin objekt punimesh, ata kanë bërë zëvendësimin e tombionove të dëmtuara dhe nuk kanë kryer veprime të tjera. Nga ana e Komandës së Forcave Detare, sipas udhëzimit të dhënë nga Zëvendës Komandanti i Forcës Detare, i bën të ditur se në territorin e kësaj prone nuk mund të magazinojnë materiale dhe as të kryejnë punime dhe se çdo punim në pronën nr.219 do të konsiderohet si cënim i pronës ushtarake dhe ndërtim pa leje. Mbi këtë cështje me urdhër të sallës operacionale Pashaliman është njoftuar shefi i Seksionit të Policisë Ushtarake Durrës.”

Por edhe pse deklarimet për vendosjen e materialeve në pronën ushtarake u bënë se shërbenin vetëm për të kryer punime jashtë saj dhe se do të qëndronin disa ditë, dy muaj më pas, më 11 gusht 2020 përgjegjësi i objekteve ka konstatuar kryerjen e punimeve me mjete të rënda brenda zonës ushtarake 219, ish-Depo e Minave Detare. Pas njoftimit të strukturës së ushtrisë, mjetet e rënda lëvizin nga prona.

“Kanë bërë fotografi, për të cilat ka pasur reagime nga drejtuesi i punimeve, identifikimi i të cilit nuk është bërë i ditur. Gjithashtu është fotografuar targa e njërit nga mjetet. Në vijim të hetimeve, është konstatuar se në përgjegjësi administrimi të Ministrisë së Mbrojtjes rezulton se përfshihet edhe prona me nr. 219, Depo e Minave Detare ndodhur në Porto Romano, Spitallë, Durrës. Për pronën është lëshuar edhe çertifikata e pronësisë nga ZVRPP, datë 17.05.2005, shoqëruar me planin e rilevimit dhe hartën treguese të regjistrimit.”

Pas depozitimit të kallzimit, një vit më pas, Prokurori Bledar Bejko vendos kryerjen e aktit të ekspertimit teknik për të bërë përcaktimin e kontureve të tokës ku janë kryer punimet.

Eksperti Kalo Xhuvani konstaton se në total kompania koncesionare e portit ka kryer punime për një sipërfaqe14.740 m2 të cilat përfshihen në sipërfaqen e përcaktuar nga Komanda Detare prej 52.010 m2 si tokë e saj, por vetëm 9000 m2 janë të pajisura me certefikatë pronësie nga Agjencia Shtetërore e Kadastrës. Brenda sipërfaqes janë bërë spostime dhe sistemime dherash, shtrime me çakull dhe punime betoni.

Prokurori kërkon mendimin e një eksperti inxhinier për të përcaktuar nëse këto punime i përkasin kategorisë ku kërkohet pajisja me leje ndërtimi. Ekspertja Pranvera Bërdaj thotë se hedhja e betonit, gërmimi i dhërave dhe shtrimi me çakull nuk klasifikohet si aktivitet që kërkohet pajisja me leje ndërtimi.

“Në aktin e ekspertimit të saj, është konkluduar qartë se bazuar në ligjin “Për zhvillimin e territorit” dhe akteve nënligjore të tij, punimet e kryera janë punime për të cilat nuk kërkohet pajisja me leje ndërtimi. Nga subjekti Porti MBM janë bërë punime për qëllime mirëmbajtje, punime që kanë rritur cilësinë e të gjithë truallit me qëllim sistemimin e territorit.”

Por në referencën ligjore që jep ekspertja e kontraktuar nga Prokuroria ka dy kontradikta: e para lidhet me faktin se Pranvera Bërdaj është eksperte e fushës inxhinierike dhe jo ligjore dhe e dyta lidhet me faktin se neni 6 i rregullores “Për Zhvillimin e Territorit”  aplikohet në rastet e rregullimeve të rifiniturave, fasadave apo pajisjeve të brendshme të shtëpive ose objekteve private që kanë të bëjnë me punime të vogla. (print screen) Në rastet e lëvizjeve të dheut, që është pika e vetme e nenit 6 që toleron mospajisjen me leje ndërtimi, lidhet me aktivitetet bujqësore ose blegtorale dhe jo industriale siç është veprimtaria e portit.

“Ndërhyrje që nuk kërkojnë pajisjen me leje ndërtimi janë: Lëvizjet e dheut, që lidhen, në mënyrë të posaçme, me ushtrimin e veprimtarisë bujqësore ose blegtorale, përfshirë ndërhyrjet në impiante hidraulike bujqësore.”.

Por edhe nëse rregullorja do të lejonte punimet e kryera për zhvendosjen e dherave apo betonizimin, sërish duhej marrë një konfrimim nga autoritetet vendore, procedurë e cila ndodh me të gjithë subjektet që kryejnë punime, edhe brenda shtëpisë së tyre siç janë këto raste (print screen) që ndjekin qytetarët dhe subjektet pranë bashkive dhe minibashkive.

Neni 199/a i Kodit Penal konsideron vepër penale që dënohet 3 deri në 8 vjet burg ndërtimin pa leje në tokë publike apo të tjetrit kur ka qëllime fitimi.

“Ndërtimi i kryer pa leje, në shkelje të rëndë të lejes ose në kushtet e një lejeje të shfuqizuar në tokën në pronësi të vet, dënohet me burgim deri në një vit. Po kjo vepër, e kryer në tokën publike ose shtetërore apo në tokën e tjetrit, dënohet me burgim nga një deri në pesë vjet. Po kjo vepër, kur ka sjellë pasoja të rënda apo e kryer për qëllime fitimi, dënohet me burgim nga tre deri në tetë vjet.”

Prokurori Bledar Bejko që ka hetuar çështjen ka pushuar edhe akuzën “Pushtim i tokës” duke argumentuar se në pronësi të ushtrisë të pajisura me certefikatë pronësie janë vetëm 9000 m2 dhe sipas ekspertit gjeodet Kalo Xhuvani, në këtë sipërfaqe nuk ka patur ndërhyrje me punime. Nga ana tjetër Flota Detare shprehet se prona e saj është cënuar dhe se pronësia vërtetohet me listën e inventarit të pronave të miratuara me Vendimin e Këshillit të Ministrave nr.515 datë 18.07.2003.

“Në këto kushte rezulton e provuar se nuk ndodhemi përpara elementëve të veprës penale të parashikuara nga neni 200 i Kodit Penal.”

Prokurori Bledar Bejko u konfirmua në detyrë gjatë përballjes me procesin e vettingut më datën 26 maj 2022 nga trupa e Komisionit të Pavarur të Kualifikimit e kryesuar nga Pamela Qirko, me relatore Brunilda Bekteshin dhe anëtar Olsi Komicin. Ai pati dy seanca dëgjimore me pyetje mbi kriteret e pasurisë dhe profesionalizmit.

4 ditë pas konfirmimit në detyrë Bejko ka pushuar akuzën e ngritur mbi kallzimin e Flotës Detare për pushtimin e tokës dhe ndërtimin pa leje në pronën e ushtrisë nga koncesionari i Porto Romanos “Kastrati Group”.

Kronos risolli dhe njëherë të publikut këtë cështje të cilën në njërin prej kallëzimeve prokuroria e Durërsit e heton për pushtim toke dhe nd rtim të paligjshëm , ndrësa dy vite më vonë akuza zbutet në shkatërrim pronë nga pakujdesia. /MCN/

The post U shkatërrua dhe zaptua Prona e ushtrisë, prokuroria e Durrësit s’po gjen dot provat e krimit appeared first on Albeu.com.

Iliri: Ngelëm rrugëve, ç’është kjo punë kështu? Është e dhjeta herë që vij, nuk ka sens, nuk ka vend të qëndrojë kjo punë. S’e marr vesh, nuk e kuptoj.Nuk mbaj dot as nervat nuk mbaj. Vetëm lekë që kam harxhuar rrugëve dhe punët që kam lënë atje nuk ia vlen për aq pronë sa është ajo. Nuk e kuptoj, ajo është një monstër! Përveç vetes, ka mbajtur edhe dy motrat e tjera, ajo i detyron ato që mos të firmosin! Ato nuk janë motra, ato janë monstra! Kjo është hera e fundit që unë vij këtu! Di unë pastaj se si do ta zgjidh këtë problem!

Kur hyn në studio, Iliri thotë se nga tetë fëmijët e familjes, ai është më i vogli. Atij i duket se ky fakt e bën atë edhe më të dënuarin.

Iliri: Për sa i përket familjes tonë, jo për t’u mburrur, siç thoshte edhe nëna ime që të mirat bëji dhe harroji, të këqijat bëji dhe kujtoji. Tani unë vij nga Firence për një motiv. Është e dhjeta herë që vij në Shqipëri për një fakt që duhej kryer shumë kohë më parë. Kam një problem për sa i përket pronave që nëna dhe babai më kanë lënë dhe për atë kam testamentin. Tani me gojë motrat ma kanë lënë testamentin, ama nuk kanë ardhur të firmosin.

Sadetja është motra e thirrur nga Iliri për t’i kërkuar asaj firmën për testamentin e prindërve. Në insertin prezantues në “E Diela Shqiptare”, Sadetja shprehet me deklarata të forta kundër vëllait.

Sadete: Ku është ai mafiozi i Italisë që më ka thirrur mua sot? Për çfarë më ka thirrur njëherë, ta di dhe unë? Ku e ka hallin ai? Kur desha unë atë që desha, ai më ktheu kurrizin mafiozi që ka katër vila edhe do hala. Do më shikojë sot mua ai kush jam!

Për këtë deklaratë të Sadetes, Iliri u përgjigj në studio se duart e tij janë “duar punëtori, jo mafiozi”. Kur moderatori Ardit Gjebrea fton Sadeten në studio, ajo refuzon të ulet dhe menjëherë shkon drejt të vëllait duke u përplasur verbalisht me të.

Sadete: Për çfarë më ke thirrur ti mua sot ore?

Ilir: Qysh për çfarë të kam thirrur?

Sadete: Për çfarë më ke thirrur?

Ilir: Ti e di shumë mirë për çfarë të kam thirrur unë.

Sadete: Pse më ke thirrur, çfarë kërkon nga unë?

Ilir: Firmën.

Sadete: Pak po vuaj me këto që kam në shtëpi?

Ilir: Nuk më intereson fare, unë kam familjen time.

Sadete: Jam pa shtëpi e pa fëmijë, jam rrugëve.

Ilir: Rrugëve? Nuk është faji im, nëna e baba të kanë dhënë burrë.

Sadete: Çfarë burri thua ti ore?

Ilir: Burrë pra, të kanë dhënë burrë. Unë do shikoj familjen time, jo tënden.

Sadete: Po mirë kështu më ndodhi mua, si t’ia bëj?

Ilir: Unë çfarë të të bëj ty? Unë i kam ndihmuar të gjithë…

Sadete: Më fëlliqe ti mua këtu, çfarë kërkon, çfarë do nga unë?

Ilir: Unë desha firmën.

Sadete: Thirri mendjes se na fëlliqe këtu, çfrë do, çfarë do nga unë?

Ilir: Desha firmën tënde dhe shko ulu atje.

Sadete: Firmë unë ty s’të jap sikur në qiell të hipësh ti e unë të zbres poshtë.

Ilir: Unë do ta marr.

Sadete: Fare! Shtëpinë njëherë nuk ke gjë ti gjallë në botë!

The post “Ku është ky mafiozi ….”, sherr në studio për pronën, motra refuzon t’i japë firmën vëllait appeared first on Albeu.com.

Banorët janë shprehur se shteti po u grabit tokat e tyre dhe nuk po i dëmshpërblen me çmimin që duhet dhe se ato po na vjedhin.​

“Pronat do ti mbrojmë me gjak”, “Shteti na ka shitur”, “Shteti palë me krimin”, “Mbrojmë pronat tona”, janë disa nga thirrjet e banorëve të Bërxhullës.

Një nga banorët paralajmëroi se pronat e tyre “do t’i marrin vetëm të vdekur”, ndërsa shtoi se ajo rrugë do të bëhet “me lapidarë para se të ndërtohet”.

“Kërkesat tona janë të panegociueshme, përmes pronave tona do të shkojnë në aeroport. Në shenjë proteste tubimi jonë është paqësor për të sensibilizuar pushtetarët sepse si e shihni dhe se ka ndodh një problem me atë agjentin e FBI dhe bllokohet parlamenti duke u marrë me atë dhe duhet ta gjejmë ne të drejtën a u lidh me rusët apo jo parlamenti jonë është për të zgjidhur hallet tona këtu jo me zgjidhë hallet e Amerikës. Edi Rama po pat bo gjë të shkojë si i pandehur se kolltukun se kanë prone të vetëm po këtu shkelet ligji ditën me diell ne po na shkelen të drejtat në mënyrë brutale dhe nuk merret askush. Halli jonë është ky dhe na duhet zgjidhe se janë 97 familjarë pushtetarët bëhen sikur nuk shohin ku ta kërkojë zgjidhjen ne. Beteja jonë mos t’ju duket çudi se vetëm të vdekur pronat tona nuk kanë shans ti marrin pa ra në marrëveshje me ne kjo rrugë do të bëhet lapidar para me me u ndërtu si në rastin e Kalasë së Shkodrës sepse janë kushte bazë nuk po kërkojnë salltanet. Nuk kanë nxjerrë akoma një vendim për vlerën e pronës se vetë i ndërtojnë pallatet ato dhe i dinë mirë çmimet dhe në mes të dimrit thonë dil përjashta ti po ku është ministria e Financave ca bëjnë këto ja kërkesat tona jemi njerëz me këmbë në tokë dhe logjikë. Të lëmë fshatin e të ikim të gjithë prandaj bëj thirrje sa më shpejt se thone projekti është madhor po për ata që do ta shfrytëzojnë”, tha banori.

The post Banorët e Bërxullës në protestë, tentojnë të bllokojnë rrugën e Rinasit: Pronën do ta mbrojmë me gjak appeared first on Albeu.com.

Nuria thotë se bashkëshorti i saj i ka shitur të gjitha pronat duke falsifikuar edhe firmën e saj dhe tashmë ajo rrezikon dita-ditës të dalë nga banesa e saj. Nga ana tjetër zotëria nuk mohon akuzën, ai thotë se zonja ka të drejtë, por ai ka qenë i detyruar t’i bëjë këto, pasi në biznesin e tij ra një zjarr. Këtë zjarr ai quan fatkeqësi të madhe, e cila më vonë e detyroi të merrte para me fajde e kështu ai humbi të gjithë pasurinë.

Ardit Gjebrea: Më falë ç’kishin bërë kishin falsifikuar firmën?

Eni Çobani: Po ne kemi përballë një njeri që i ka bërë të gjitha këto veprime dhe akoma thotë nuk po më lini të flas. Tani fol të lutem

Hysniu: Ndodhi nga zjarri nuk ndodhi nga qejfi, se kur isha unë pa zjarr dhe isha i fuqishëm dhe kisha potencial ekonomik dhe potencial shoqëror isha më i miri në fis, ndërsa tani që mua më ra zjarri dhe u dogja, jam më i keqi. Iku kjo punë. Erdhi puna ku do shkoja, mes katër rrugëve. Këtë e di vetëm zoti dhe unë. Ku do shkoja? Mora para me fajde te Fatmir Malltezi, burrë i nderuar. Se shkova unë te Fatmiri, jo Fatmiri te unë.

Nuria: Dëgjojeni dëgjojeni! I ka dhënë lekë me fajde, është i nderuar thotë ky.

The post Gruaja e akuzon se i falsifikoi firmën dhe shiti pronat, Hysniu: Nuk ndodhi nga qejfi appeared first on Albeu.com.