Trajneri i Olimpias, spanjolli Albert Rijera, i cili ka luajtur për “Qytetarët” në vitin 2006 si lojtar i huazuar nga Espanyol, ka lidhje të mira me njerëzit brenda Grupit të Qytetit, shkruan albeu.com.

City Football Group zotëron këto klube: Girona nga Spanja, Lommel nga Belgjika, kampionët anglezë Manchester City, Melbourne City nga Australia, Montevideo City Torquay nga Uruguai, Mumbai City nga India, New York City nga SHBA, Sichuan nga Kina dhe Yokohama. F. Marinos nga Japonia.

Olimpija nga Lubjana është lider në kampionatin slloven me 27 pikë nga 10 ndeshje.

Klubi slloven deri para një viti ishte në pronësi të biznesmenit serb Milan Mandaric.

Ndërkohë, te Olimpia luajti sulmuesi i Kombëtares, Endri Çekiçi, aty ku dhe la gjurmë duke realizuar 17 gola në kampionat në 43 ndeshje. /G.D albeu.com/

The post “Bomba” në Ballkan: Pronari i Man City blen skuadrën ku luajti sulmuesi shqiptar appeared first on Albeu.com.

Sipas Bloomberg, Sheikh Mansour bin Zayed Al Nayan po ndihmon rusët e pasur të transferojnë para në Emiratet e Bashkuara Arabe.

Sheikh Mansour, duke qenë një anëtar i familjes mbretërore në pushtet të Abu Dhabi, ishte i përfshirë më parë në zhvillimin e marrëdhënieve midis Emirateve të Bashkuara Arabe dhe Rusisë, por pas situatës në Ukrainë, ata filluan ta kontaktojnë atë më shpesh, dhe pronari i City ofroi ndihmë e madhe për ata që aplikuan.

Zyrtarë të rangut të lartë të qeverisë ruse, oligarkë dhe drejtues të kompanive të mëdha nga Rusia kontaktuan me Sheikhun për çështjen e investimeve në Emiratet e Bashkuara Arabe.

Disa prej tyre duan të blejnë penthouse në Dubai dhe makina luksoze, të tjerë kanë nevojë për ndihmë për të hapur llogari bankare dhe kompani. Kjo për faktin se Emiratet e Bashkuara Arabe nuk kanë vendosur asnjë sanksion kundër Rusisë.

Sheikh Mansour dhe Ministria e Jashtme e Emirateve të Bashkuara Arabe nuk pranuan të komentojnë. /albeu.com/

The post Pronari i Man City ndihmon oligarkët dhe zyrtarët rusë për investime në Emiratet e Bashkuara Arabe appeared first on Albeu.com.